藍鳥廚房 (Closed)

Wegomall就係屋企附近，所以有時都會去食下，呢間就第一次食，其實間間都有人係門口係咁叫你入去食，其他餐廳都冇乜人，呢間都有十枱都算好好，就試下。西冷牛扒 特價$68有湯有熱飲見係特價既餐之一就試下，塊扒都比想像中大舊，有舊薯蓉，另外加10蚊可以加飯/意粉，今次加左意粉，都唔錯。塊牛扒都有得比你揀幾多成熟，呢舊7成，好彩都唔算太熟，唔硬，有少少筋可以接受。澳門脆爆豬手 特價$76有湯有熱飲又係見特價餐之一所以叫尼試下，脆就唔係好脆，同埋有少少硬，冇乜味溫泉蛋卡邦尼意粉正價餐牌，所以沒有湯只有熱飲好似普通西餐廳咁超大既碟，不過D意粉都唔係話好少既，一個人都可以食得飽，意粉唔錯幾濃味豬頸肉比想像中差，燒得唔夠，好似冇乜點燒過咁，食落勁大浸味，有D腥，另外淋上豬頸肉既汁酸酸地似係醋，有D奇怪薯條 $25薯條唔錯，普通質素，炸得幾脆加兩蚊可轉凍飲主打西餐既餐廳，餐湯竟然係中湯最後每人送一碗糖水，今次係紫薯西米露以為會係一碗西米露放幾舊紫薯，估唔到純粹係碗西米露變晒紫色，有D稀

這間平時經過見較多人幫襯，主打食西餐，其中据扒係佔大部份！ 我都係因為門口姐姐好主動落力介紹菜式，見到價錢又幾親民！ 就即管食左先再講餐廳員工非常有禮，她會介紹甚麼位置比較適合咩客人，讓我們坐到最入的兩人檯，無咁開揚，浪漫一點！ 不久會走過來主動問係咪可以落單，讚我們六點半到達，所以人不多，走的時候都有7,8成檯滿了！有推介，就試下個中式飯先！餐單內的選擇都好多！首先來個黑松露白菌忌廉湯餐湯是我最喜歡的！黑松露味好濃郁！叫左個黑醋咕嚕肉黑豚飯，個人鐘意多D菠蘿的味道！蜜椒火腩飯，腩肉好多，男人食的份量！下次再來一定會試下西餐！

因工作關係，需要黎到依頭，當然要熟習依頭環境去邊食其實黎左依間餐廳好幾次，由開頭剛剛開鋪無咩人到現家去親都好多人，所以lunch時間要早少少黎，如果唔係可能就要等位佢地每日都有set lunch 包餐湯包野飲👍最值得推介係佢地個忌廉香草蜆肉意粉（$65）差不多每次黎都食，份量中等，食完都會飽肚，面餐湯就同出面唔同，並唔係西餐既湯而係中式湯每日都唔同仲要到埋單時，店員仲會主動問你覺得好唔好食，需唔需要改善所以好值得推介依間餐廳

下午茶時間 呢個商場比較清靜 坐得易比較舒服。 喺藍料廚房點咗個 店員推介嘅黯然銷魂叉燒飯， 個飯有跟耶菜同隻蛋， 但最好味係啲叉燒 真係肥瘦適中好好口感! 佢個配搭唔係純粹中式配搭， 完全冇嗰種傳統燒味舖嘅感覺。 而且地方乾淨企理同埋舒適， 我好鍾意佢啲座位係可以坐得舒服 慢慢傾偈， 店員又唔會趕客，個商場本身亦都整整齊齊（ 地方整潔十分重要） 商場又有免費wi-fi， 如果去開馬鞍山海典居或者天與海 呢附近搵朋友不妨嚟呢度聚腳。 另一個燒肉飯就比較普通。 真係嚟呢度食嘅強烈建議食呢個叉燒飯。 五十幾蚊一個餐 你話好平又唔會係 不過咁嘅質素 算係ok㗎啦。

晚餐幾抵，員工雖然比較新手但有禮貌👍，食品味道不錯，不會死鹹過多味精，已經不是第一次光顧這店，如保持水準會再去可惜感覺上商場管理公司不懂推廣這商圈人流🤔，浪費了有誠意的餐廳。

行過We GoMall ，見到呢依間餐廳新開張，門口又有個牌，寫住晚市做特價，結果入去試一試。呢間餐廳嘅格調，介乎茶餐廳同西餐廳之間，而最令人深刻嘅，係門口阿姐同埋裡邊阿姐嘅服務態度，個個都好親切叫咗一個今晚特價嘅香草蜆肉意粉， $65連埋餐湯嘢飲，另外在叫咗一個咖喱雞配烤酥餅，有嘢飲但冇餐湯都係$65。餐湯係羅宋湯，呢隻係稀嗰種羅宋湯，正常嘅金寶湯味道。跟住主菜嚟啦，香草蜆肉意粉蜆肉夠多，上邊加咗少少野菜同埋芝士粉，但略嫌掩蓋唔到佢汁淡嘅味道，意粉唔係好煙靭嗰種，係煮到淋淋地嗰隻，各有所好啦。再試吓嗰個咖喱雞配酥餅，份量不大，個咖喱都算幾難，雖然細兜，但有雞有薯仔有車厘茄，酥餅有三個，冇咩牛油味。

星期日同老公去屋企附近商場食下午茶。見有新餐廳梗係要試下啦。假期下午茶時間都唔多人，所以好闊落。員工有禮貌，做野快手。值得一讚係員工用車仔上菜，可以減少受傷機會。落咗單5分鐘都唔駛就上菜，因為。。。飯餐真係好流。兩碟飯麵都係用膠碟，好似飯堂。咖哩豬扒飯($44)。飯堂質素，平平無奇。係港式咖哩，豬扒有醃過，仲有幾粒翠玉瓜。拿破崙意粉($42)。即係茄汁火腿意粉。茄汁稀到好似茄汁豆罐頭啲汁。比起上嚟個咖哩豬扒飯好食好多。老公餐飲要咗熱奶茶，佢話都算香滑。我要咗熱柚子蜜，甜道適中。不過佢用膠飲管做攪攪棒就唔係好環保。總結係，飯餐好一般，遲啲會試埋佢其他嘢。

星期五HAPPY FRIDAY ...一於去試下屋企附近新商場開既餐廳....見佢平時都有人幫襯...應該都唔會差好彩去到有位....唔洗等....打開MENU 睇D 價錢好低食...叫左個Burger 同意粉食.....又估唔到都幾出色喎 👍仲跟埋野飲.....個杯有埋佢地既LOGO ......幾特別!!!!!!不過有機會還是想再encore ....可以食埋其他野食*** 男朋友掛住食,無左意粉張相!!!!!!