Boat Thai

Open Now

Now Closed

好彩而家香港好多泰國嘢食嘅啫，唔使去泰國旅行，一樣有大把正宗泰國菜選擇！泰式船湯金邊粉👉🏻呢款係正宗泰國船麵，有肉丸、牛肉之外，仲加入咗增加口感嘅芽菜，同埋增加泰式風情嘅九層塔，將金邊粉夾埋九層塔一齊食真係好鬼正！可以feel到九層塔嗰種中毒性嘅香味喺嘴裏便噴發。肉丸也很鮮甜彈牙，整體很好吃！泰北清邁雞髀咖喱湯麵 👉🏻滿滿椰香的咖喱湯，果然泰式就是椰子，甜甜辣辣的湯麵，忍不住一口碟一口！雞髀的話，其實應該算是雞鎚，然後食落都幾入味，肉質都可以嘅。炸蝦餅👉🏻熱辣辣炸蝦餅，真係勁好味！蝦味濃郁之餘仲非常鮮甜，食起嚟真係會彈吓彈吓咁㗎！泰式燒鮮魷魚🦑👉🏻都夠大隻，再點特色泰式辣醬，咀嚼間可以feel到魷魚質地非常Q彈和陣陣火香，好味！

泰式黃咖喱牛腩配雞油飯牛腩切丁，方便食用，望落去比較瘦，但食起黎又唔會好柴，黃咖哩很有香味，有椰奶，香茅加入，呢個辣度岩香港人口味，雞油飯香噴噴， 咖喱汁配雞油飯很美味。泰式船湯河牛肉片嫩滑，牛丸彈牙，湯底濃郁，河粉幼滑又夾到船湯的香味，配菜有芽菜，短粗的才是水份充足，通菜絲清爽，上層仲有香脆的炸豬皮條，增加口感。芒果糯米飯糯米仍然熱辣辣，有紫米，白糯米，夠香軟又不會太濕太黏，加上香甜幼滑的椰奶，好正，仲有香甜的芒果，真滋味。喜歡泰式奶茶唔會太多甜，而且茶味很濃，而泰式檸檬茶的茶底不會太澀，加上泰國青檸，更顯茶香。

尖沙咀泰菜餐廳小店👍🏻餐廳環境模似泰國大排檔的設計，有風味！就連餐具都是有泰式風味的鐵碗碟。泰式船湯河 $78香噴噴的湯底，濃濃的泰式風味，食材有牛肉、炸豬皮，豬肉丸，豬肉丸是泰式風味細細粒的。泰式鳳尾蝦炒金邊粉 $88橙紅色的炒金邊粉，金邊粉味道偏甜，層次很豐富，味道正宗，又夠惹味！泰式蝦膠皮蛋 $68特色泰式小食，外層是炸蝦餅，包住皮蛋，口感既有彈性，又有煙煙韌韌的感覺，滿有驚喜！泰式菠蘿刨冰 $38很多款特色飲品，都是充滿泰式風情。街頭椰子粟米雪糕 $58特別推薦椰子粟米雪糕，椰子味很香，配搭花生、粟米和椰子條，口感層次很豐富，勁好味！

黎到尖沙咀經過iSQUARE覓食😎見到呢間泰國餐廳咁多人食當然我地都要try try✨呢到都好多選擇嫁🫶🏻泰式太陽蛋香葉炒肉碎飯好耐冇食過泰式肉碎飯了🥺香爽多味嘅肉碎配埋飯一齊食味道口感夠豐富加埋脆邊嘅太陽蛋白飯沾埋香香嘅蛋汁😎👍🏻 夠哂滿足❤️泰式鳳尾蝦炒金邊粉🦐香爽嘅鳳尾蝦 配上調得夠開胃味道嘅炒金邊粉再加上金邊粉食落夠彈牙仲有埋多種香爽嘅配料成個食落豐富又香口泰式蝦膠皮蛋件件都好有份量嘅蝦膠皮蛋外皮炸得香脆 而且蝦味夠香咬落夠爽口 再加埋皮蛋嘅香味 口感夠哂豐富✨泰式街頭椰子粟米雪糕🍦小妹最掛住就係呢個粟米雪糕🍦椰子味雪糕 好香濃配料豐富 有粟米 椰子肉🥥花生椰子雪糕底下係糯米飯 非常之足料 泰式菠蘿刨冰菠蘿🍍香味係哂成杯刨冰到✨每啖都充滿香香嘅菠蘿味而且飲落夠冰涼爽快😎👍🏻泰式奶茶飲得好香滑 茶味都好夠濃

最近到訪 【Boat Thai】，一家專注於泰國美食的餐廳， 假日感受一下泰式風情。❤️泰式海南雞髀飯雞髀肉鮮嫩多汁，搭配香油飯，飯粒分明，吸收了雞肉的鮮味。特製的醬油和辣椒醬為整道菜增添了層次感，讓人一口接一口。🧡泰式燒鮮魷魚燒鮮魷魚保持著鮮嫩的口感，搭配的泰式酸辣醬汁非常醒神，讓魷魚的鮮味更加突出。💛芒果糯米飯作為甜品，芒果糯米飯是不可或缺的選擇。糯米的柔軟與熟透的芒果搭配得恰到好處，淋上的椰漿更是提升了整體的風味，甜而不膩，讓人回味無窮。💚菠蘿梳打與青檸梳打這兩款飲品清爽可口，非常適合搭配辛辣的泰國菜。菠蘿梳打帶有水果的清甜，而青檸梳打則讓人感到清新提神，尤其解渴。💙泰式檸檬茶檸檬香氣濃郁，茶味醇厚，酸酸甜甜的口感非常開胃，是餐後的絕佳選擇。

半隻海南雞❤ 雞肉鮮嫩多汁，就算係雞胸位都好嫩滑可口，黎到仲有D溫度，雞皮較厚，油脂香味濃，配上佢地既醬油同辣椒醬，每味道更加豐富。而且，會跟一碗蘿蔔清湯，好鮮甜。2個人食都覺得份量好滿足，如果個肚有位，跟埋碗飯食仲正!泰式海鲜菠蘿炒飯❤ 菠蘿粒香甜脆口，飯粒粒粒分明，色澤黃金，多款海鮮配料有肉鬆 腰果 蝦 青口 魷魚等炒埋一碟，夠哂豐富。同埋，最緊要係就算係商場鋪，都好有鑊氣!泰式燒鮮魷魚❤ 魷魚口感鮮嫩一D都唔干唔嚡口，配埋佢地個泰式酸辣汁，非常醒胃，越食越滋味，魷魚鮮味更加突出。泰式街頭椰子粟米雪糕❤ 椰子雪糕軟滑香甜，淡淡椰香味濃，面層有椰子肉條、香脆可口既花生碎 同 清甜粟米粒，口感豐富。

對我嚟講，泰國菜從來都唔係食貴野，而係食地道嘢。同樣係冬陰功，同樣系肉丸，離開咗泰國國境，總係覺得個味道好唔相同。香港好多泰國人聚居九龍城，所以佢哋會買翻泰國本地材料，加上佢哋嘅手藝，的確可以還原翻原來味道。但係離開咗九龍城區，估唔到喺尖沙咀都可以食到呢種似曾相識嘅味道。我經過呢間鋪頭，見到佢哋廚房裏面竟然全部都係泰國人，個心就萌生試吓呢間鋪頭味道嘅念頭。🍖我第一件事叫咗船麵。個湯底真係好得，傳統一定會用豬血或者牛血做嘅湯底，但係唔會有血腥味，而且濃郁得嚟帶鮮甜，就係呢種味道。然後就係豬肉丸，其實唔知點形容，總之嗰種咬感，同埋嗰種肉味，就係正宗。仲有一個上面嘅炸豬皮，同埋唔單單系裝飾嘅金不換，就係我要找尋嘅味道。🍖然後就喺冬陰功，辣味同椰奶味唔會互相蓋過對方，入面充滿咗新鮮嘅菇菌，同埋勁正宗嘅大頭蝦，肉質爽彈，而且個頭充滿蝦膏，飲得舒服，又啖啖肉。🍖當然唔可以漏咗前菜同埋甜品啦。皮蛋釀喺炸蝦餅入面，配合泰式甜辣醬，味道已經一流，仲要加埋子姜，可以話係四重味道層次。然後個雪糕偏向黏性，係好傳統嘅東南亞雪糕感覺，加上佢配上椰子肉，粟米同埋花生，又係另一個4重奏。仲有我飲過杯菠蘿沙冰，個冰打

同另一位的食評感受一樣。工作人員男的女的都是黑口黑面，等朋友15分鐘佢話半個鐘，要叫野食，張單有mark入座時間，其實真係15分鐘，費事同佢拗。食物一碟碟隊埋張枱。唔駛叫埋單。8:50分就突然隊張单同部收卡機係你面前，唔講一句，企係到等你俾錢，我本來同朋友傾到一半。當然多謝都無句。繼續黑口黑面。未見過咁嘅服務，咁多好評難以相信，所以不要怪港人不留港消費。

要快靚正，又唔想食太貴，有間尖沙咀泰國美食推介！炸蝦餅(3件) $58大大塊的香脆蝦餅，拼配我最愛的泰式辣醬酸甜好味！泰式鳳尾蝦炒金邊粉 $88其實食泰國菜必吃的，炒得乾身，惹味好味~泰式海鮮菠蘿炒飯 $88滿滿的肉鬆，雖然不是整個菠蘿上桌，但都有一排新鮮菠蘿有誠意~有蝦、有蠟肉、提子乾，炒得金黃都不錯~特別推介：芒果糯米飯 $68濃濃的椰醬點著紫米吃，份量雖不大，但很飽肚，新鮮芒果，極推介！泰式椰子刨冰 $38 / 泰式奶茶 $25都得正價點飲品，椰子味都很濃，泰式奶茶有點失望~

入座時姐姐有啲黑口黑面，指住張檯話用餐時間1個鐘。坐低後，問佢關於餐牌內容，亦都好冷酷咁回答。態度好好咁問多句都唔係好想招呼，感覺侍應唔係好熱情友善。見到依間食評都多，亦話高質抵食，所以諗住試一試。見到好多相賣相都okay。實物都ok的，尤其杯椰子冰。船河啲湯睇落都好濃，賣相亦接近食評。牛肉份量okay多，4粒牛丸。但船河味道就真係好正常，食到差不多見底先發覺，船河並沒有俾到餐牌相內含有的炸豬皮，應該是畀漏咗，同埋啱啱先見到menu牛丸應該5粒，但當時我地都費事同姐姐講，唔想佢地畀面色（雖然都有相機食先為證）。份海南雞飯，雞都算嫩，某些肉多嘅部位就有啲太實。個油飯就真係麻麻，冇雞油味只有顏色，飯好乾，因為黐住一舊舊好似冇撈勻啲白飯，所以會略見兩隻色嘅米mix埋，口感亦都怪怪地。份量偏細可能男士唔係好夠。整體感覺唔係真係食評寫的咁高質咁抵食，同埋味道真係很普通。主要係service一般，收銀時都係黑住口面，臨走時同姐姐好nice咁講咗句唔該，都係黑住口面當無聽到。

作為一位熱愛美食的 foodie，最近終於有機會到訪位於尖沙咀 iSQUARE 的 **Boat Thai** 餐廳，這間主打泰國菜的餐廳果然名不虛傳！以下是我的用餐體驗分享：### **必試菜式**- **海南雞飯** 海南雞飯的雞肉滑嫩多汁，配上香氣撲鼻的雞油飯，每口都充滿濃郁的泰式風味。特別是醬料調味得宜，酸甜適中，讓整道菜更加出色。- **炸春卷** 炸春卷絕對是驚喜之選！外皮酥脆不油膩，內餡豐富且香氣十足。搭配店家特製的酸辣醬，口感層次分明，非常涮嘴。### **飲品推薦**- **泰式檸檬茶** 檸檬茶清新解渴，茶香濃郁而不過甜，酸甜比例拿捏得恰到好處。這杯飲品成為我當天最喜歡的一部分，簡直是一流！### **環境與服務**餐廳以深木色裝潢營造濃厚的東南亞風情，雖然位置稍嫌擠迫，但整體氛圍溫馨愜意。服務員態度友善且細心，即使在繁忙時段仍能保持高效率。### **總結**Boat Thai 不僅提供地道的泰國美食，還以親民價錢和優質服務吸引眾多食客。無論是主菜還是飲品都令人滿意，是尖沙咀用餐的理想選擇。我一定會再訪！

餐廳不大, 枱與枱之間距離甚近, 頗有壓迫感。1) 泰式青木瓜沙律 $782) 泰式炸蝦餅 (3件) $583) 泰式乾炒豬肉片河粉 $784) 泰式椰子刨冰 $385) all + 10%泰式青木瓜沙律清新爽口, 微辣微酸很開胃。泰式炸蝦餅有3件, 以1開2形式奉上, 蝦餅香脆彈牙, 由於本身味濃, 不用沾醬已很美味。泰式乾炒豬肉片河粉炒得乾身, 不油不膩, 唯豬肉片有點韌, 是很多餐廳都會出現的狀況。泰式椰子刨冰是推介的飲品, 椰子味道滿滿, 一口接一口, 不知不覺便喝完。 

尖沙咀是飲食集中地, 中西國際美食俱備, 嚟到 iSQUARE國際廣場食吓泰國菜, 食物餐飲幾地道, 主菜和小食有好多選擇。海南雞飯 雞皮滑潤油香, 雞肉鲜嫩多汁, 去咗骨啖啖肉, 醬料增添咸鲜的口感, 米飯香軟滑糯, 番茄和青瓜作為配菜, 口感清爽。泰式乾炒豬肉片河粉 河粉嫩滑, 炒得香口有鑊氣, 豬肉片吸收調味料的香氣, 肉質嫩滑入味, 口感豐富不油膩。泰式船湯河 湯底濃郁鮮美, 炸豬皮夠曬香脆鬆化, 牛肉丸彈牙爽口, 牛肉片嫩滑, 加上惹味香料, 河粉好幼滑, 滋味可口。泰式炸蝦餅外層炸得金黃酥脆, 蝦肉厚彈爽口。泰式春卷 外皮炸得好香脆, 饀料調味清爽脆口。

happy Friday同好友慶生飯聚，尖沙咀都食到性價比高好味泰菜，廚師係真泰國人，地點又夠曬方便，邊個話吃泰國嘢一定要去九龍城泰式青木瓜沙律 $78好清爽開胃嘅一道signature泰菜，木瓜絲切得好幼細，味道酸酸甜甜唔會有苦澀味泰式肉碎生菜包 $88吃得泰國嘢又係必點嘅，呢個生菜包份量都幾多，肉碎肥瘦均勻，味道辣得黎夠曬惹味泰式黃咖喱牛腩 $88十分推介！咖喱汁香濃順滑好好送飯，牛腩好腍入味細細舊易入口唔會韌炸蝦餅（3件）$58香茅炸雞翼（4隻）$48春卷（3件）$48叫咗不同小食味道都好好份量唔算多，店家好細心一分為二上碟，好適合同朋友們開心share，最鍾意係個炸蝦餅，口感彈牙啖啖肉泰式椰子刨冰/泰式菠蘿刨冰 $38好似綿綿冰，好fresh既天然水果味唔會死甜，吃完辣嘢重口味飲番杯夠曬正

雖然 iSQUARE 商場嘅人流唔算多，但呢度其實係一個餐廳集中地，有唔少選擇可以試！今次同朋友去咗商場 6 樓食泰國菜，真係性價比超高，一份主食竟然一百蚊有找，喺尖沙咀呢個地段嚟講，真係好抵食。而且食物質素唔單止穩定，仲有驚喜！😋❀——❀——❀—  𝓦𝓮 𝓸𝓻𝓭𝓮𝓻𝓮𝓭  —❀——❀——❀🦐泰式鮮蝦碌柚沙律柚子鮮甜多汁，配埋爽口嘅鮮蝦，仲有炸蒜片、花生碎提味，酸酸甜甜，非常開胃！🦑泰式燒鮮魷魚魷魚內裡爽口軟嫩，仲配埋一個泰式酸辣醬，味道濃郁又夠惹味，食落好滿足。🍚泰式海南雞飯海南雞飯跟埋碗湯，另外我地將油飯改為白飯同埋加左$10轉埋雞胸肉。雞胸肉依然嫩滑，配搭醬汁，每啖都好滋味。呢個價錢可以食到呢個質素嘅海南雞飯，認真唔錯🍗香茅炸雞翼雞翼炸得香脆，外皮金黃，內裡依然juicy❀——❀——❀——❀——❀——❀——❀——❀——❀特別推薦 碌柚沙律 同 海南雞飯，味道一流，CP值爆棚！下次一定會再嚟試其他菜式～❤️