滾起樓(粵點粵滋味)

Open Now

Now Closed

小弟之前去飲早茶 試完點心quality係可以接受ge 但係有某一兩款feel 到少鹹 樓面姐姐d 態度係幾好 但係收錢果位姐姐d 態度認真唔ok 兩個字講曬：倒米 um 試過一次就算

揀左美國特級安格斯果個餐。。$268 + $26.8 .... 長者小童：$168+$16.8.揀左花膠雞湯底。。.佢ge 午餐肉好好味，熱辣辣😋😁😁.肉燥飯都唔錯😀.其他菜可以起出面拎～..牛肩胛個人覺得牛肩胛好味過牛板鍵～.牛板鍵牛的"騷"味比較重。。.估唔到呢個梅子綠茶，幾好飲，同特別😋😋😀.蛋餃.羊肉🐏🐏.現場都好多款飲品😋👍🏻.最後每人可以揀仙草/雪糕，二選一～個人比較鍾意仙草，有特色d😋😋

嘢食劣質，如果真係要試，嗌最平就好了。如果要挑戰質感和味蕾，可試他們的滑，充滿了麵粉的質感。牛肉方面，充滿着冰凍的快感。飲品方面，茶類無糖非常健康，完全感受唔到糖份同茶味。

紅日假期嚟光顧，等咗足足有個半鐘！人多排隊，加上有半場做午市火鍋，真係踢哂腳。（但同時好手意應該係好食嘅～）父母平時食點心一定係揀呢到，終於有時間同佢哋一齊品嚐，我都抱住懷疑心態，試吓係咪真係所講咁好食🤨先叫咗個煎釀三寶，我仲心諗呢啲出面都有得食，應該無特別。但原來新鮮嘅係真係唔同啲，係脆口，入面熱辣辣，釀魚肉都可以咁juicy!媽咪叫咗個荔芋糯米卷，平時我一定唔會食呢啲中式糯米卷，但佢將芋頭切薄片捲着啲糯米飯，唔係好似平時啲攞貨，重油益味。好有新鮮感，入口不膩不滯，掂！其他仲叫咗燒賣、蝦餃、炸蝦春卷、鮮竹卷、腸粉。全部都係勁有水準，勁新鮮👍🏻值得一讚係：雖然午市有做火鍋、有做點心好忙，但係佢哋嘅侍應係好好態度，跟得好足，有求必應，非常好嘅體驗。呢度亦都係上水少有嘅台式火鍋，所以我哋都話下次有機會一定要黎試吓火鍋～😋

其實都食過3 4次呢間野 今日因為想食鴨血先過黎讚左先 上野速度快 熟食都ok 然後到食野嗰下嘩dllm 原來湯底同野食仲有連調味料都可以無味😂😂😂姐係我覺得無進步都算 你仲要越黎越退步真係叻叻 呀仲有 企出面個呀姐都好叻 見到我舉手扮見唔到 But 其他姐姐都係有禮貌嘅最後 我bb話成間鋪最好食嘅係營多撈面😂大家試諗下 一間放題真係會好少係食撈面食飽自己嘅😂入去前各位諗清楚啦～😂唔好好似我地咁 每人$288 再加一然後食2個營多撈😂😂

之前睇好多社交平台page有介紹過滾起樓，但上半年又因為好多時疫情無晚市，所以一直未有機會入嚟試，到今日終於可以入嚟呢間被譽為翻版牛大人嘅火鍋店喇！喺門口睇原來朝早都有得飲早茶，下次入去行下山再試吓啦！由門口到入座成個感覺都好乾淨企理，空間感都大，坐低咗都覺得啲位幾舒服，唔會太逼夾，觀乎星期六晚都未算爆，成個場都係坐一半滿左右。叫咗個牛骨湯底，再scan QR Code落單，食物種類都算足夠，一般火鍋店有嗰啲都齊全，仲有啲台式小食。飲品都有唔同種類選擇，出面雪櫃仲有啲配菜可以拎。嘢食嚟得都快，但湯底略嫌未夠味，要食到後尾先慢慢出味，牛方面so far都好食，安格斯牛板腱最正，牛柏葉就切得唔係咁好，好難咬；台灣鯛魚真係必叫之選，非常鮮味嫩滑，鯇魚片同腩都可以，估唔到啲海鮮都算高質，蝦同沙白都好鮮甜，而啲台式小食水準都可以。最尾埋單食埋個雪糕就走人。今餐整體嚟講都尚算滿意，滾起樓由一入門去到落單、碗碟、醬料、飲品、配菜、台式小食都似足牛大人，整體都有八成，但收費就差唔多，似乎無乜點平到，但只計食物同環境已經好過好多酒樓火鍋，如果入開上水都可以再encore。

上水很少有任食的火鍋店，平日放工後一家人想吃火鍋，便想起一直未試過這家店。今次一行三人選擇中階級—美國特級安格斯的120分鐘台式火鍋放題，價錢是每人$258加一，入座時職員熱情地介紹安排他們餐廳APP並登記成為會員可取得現金券，即晚可使用～部份食材是用QR Code下單的，包括肉類﹑海鮮等，整晚下來也沒有出現漏單情況，不過平日晚上亦未滿座，不確定如繁忙時段是否能保持一貫效率。飲品及醬料選擇都不少，飲品亦有自家的冷泡茶，與坊間的台式飲品店選擇相若。至於火鍋湯底方面我們選了美顏美人鍋，湯底味道正常，有少量花膠底料。主力品嚐安格斯特級牛板腱及美國安格斯CHOICE肩胛，前者牛味較重，但比較細片，不過這裡是任食，也不用擔心太細片不夠喉；後日肩胛非常大片，口感較軟淋，但牛味則略淡。兩款牛肉的脂肪分佈均勻，不會過於油膩。較熱愛吃魚的家人則專攻鱸魚片，魚肉味道及口感都不錯；但另外點的貝殼類，家人則表示不太新鮮～總括而言在上水區任食火鍋選擇不多，亦可以一試，但相比起區外的其他選擇就可有進步空間。

同朋友約下午茶，點心一般，服務態度差，（可能唔係食火鍋），三人想要二份辣醬黑口黑面，腸粉冇比豉油走咗，補落就水浸咁，咸死人😫😫火鍋湯底好似幾香，不過⋯服務態度⋯唔會再去囉

去上水要搵茶樓，上OpenRice見到呢間點心店幾多好評，就去試吓我哋一行五人，去飲早茶，但係佢大枱唔多，等咗半個鐘到，入到去發現有啲大枱拆咗做細枱，加咗塊板喺中間，所以要等大枱嘅就要有心理準備呢度啲嘢食，賣相係同一般酒樓冇咩分別㗎，但係食材唔算係好靚，例如燒賣啲豬肉比較鬆散，煎釀三寶啲魚肉有啲腥，同埋食完要狂飲水，就知道味精都有啲重手，但係唔算難食，但係就冇OpenRice上邊寫到咁好味，如果要等位的話，就未必有下次

估不到台灣菜的中式點心 🌸經典鴛鴦米網腸粉（蝦，牛）⭐️⭐️⭐️⭐️☆     賣相靚，味道很好，牛肉嫩滑，蝦仁爽口，米網包在當中有種像炸襾一樣 🌸懷舊豬肚燒賣⭐️⭐️⭐️⭐️☆     已很少地方已有，真心好味，沒有臊味 🌸鴛鴦鳳眼餃⭐️⭐️⭐️☆☆     打卡一流，賣相不錯，味道一般，容易散開 🌸蟹籽燒賣⭐️⭐️⭐️☆☆     不過不失，勝在夠大粒，豬肉夠新鮮 🌸晶瑩蝦餃⭐️⭐️⭐️☆☆     味道一般，容易散開，勝在蝦仁爽口 🌸四寶蒸雞扎⭐️⭐️⭐️⭐️☆      這個四寶跟平常酒樓不同的，四寶是雞肉、豬肚、蟹柳、魚肚，口感不錯，味道也很好 🌸百花蒸的魚肚 ⭐️⭐️⭐️⭐️☆     魚肚很入味，百花也很彈牙，賣相不錯 🌸鯪魚肉煎釀茄子虎皮椒 ⭐️⭐️⭐️☆☆     鯪魚肉也彈牙，虎皮椒有點辣 🌸瑤柱灌湯餃⭐️⭐️⭐️⭐️☆     不多地方有得食，皮的厚度一般，超足料，味道好好味，有滿足的感覺 🌸 招財麻雀十三么⭐️⭐️⭐️☆☆      打卡呃like的甜品，味道可以，椰汁味出，不過甚貴

服務態度勁差，啲嘢又難食。啲菜又唔新鮮。真係唔知道點解咁多好評。絕對唔會嚟食第二次，dllm跟店員說你們的菜不新鮮，店員理都不理你，只有在數錢的時候才快。態度很差很差，肉眼可見的菜品不新鮮。仲夾到一塊好臭嘅豬紅，肉有腐爛臭味，牛柏葉有沙，最後最後餐具都唔乾淨

晚市解封後約朋友試食新餐廳，一向都喜歡台式邊爐，帶著期待的心試食。四個人另加了$50選兩個湯底（1）鳳梨雞鍋（2）補身養生鍋老實講兩個湯底都無大分別，很淡，沒有menu提及的材料味道。湯底是火鍋的靈魂，感到小失望。其他蔬菜、丸類，不過不失。推介餃子類，味道不錯。蝦膠、墨魚膠等，覺得味道及口感都很一般。冷泡茶都味道偏淡，桂花烏龍最正常。作為主打台式火鍋，建議可以改善一下湯底及小食的質素。看見小食鹽酥雞，真的「打左個突」😂

滾起樓係上水開了一段時間🙊因為係商場樓上 所以一般都吾多人吾需要等位🤙🏽🤙🏽🤙🏽當晚$258一個人雖然肉吾算係好頂級任食嚟講算係咁ps 食幾多點幾多店員真係會上晒咁多碟肉滑叫咗三款蝦滑普普通通墨魚滑爭啲 冇咩墨魚味整體上都還好

呢個星期不停咁飲茶飲茶，呢間屋企附近既打邊爐餐廳午市都有茶飲，因為價錢ok坐得好舒適，所以lunchtime都好爆場，今日同屋企人等左20分鐘先有位。.坐低用手機落單，簡單又睇到價錢，落晒單之後食物既上碟時間都算幾快。.鮑魚珍珠雞(頂)雪山叉燒餐包(大)上湯鮮蝦水餃(特)昌瑩蝦餃皇(頂)蟹籽燒賣皇(特)牛油鮮蝦雪茄(特)百花蒸魚肚($34.8)蛋絲蜜汁叉燒腸(大).點心🥧質素幾唔錯，尤其係蟹籽燒賣皇、百花蒸魚肚、雪山叉燒餐包、牛油鮮蝦雪茄；燒賣有大大隻蝦，爽口彈牙，蒸魚肚上面既百花即係蝦滑，好香又好滑身 ，雪山叉燒餐包夠晒脆卜卜但唔過甜，牛油鮮蝦雪茄賣相唔太靚，但咬落好爽脆同啖啖蝦夠惹味。.下午茶好似仲有啲特價點心可以叫，所以走既時候下午茶時間人仲多🤣

喺上水匯開咗一間新嘅火鍋店 ，喺門面已經睇得到好靚同埋好有特色👍 原來除咗夜晚有火鍋之外，中午時段有點心食😍 仲可以一邊打邊爐一邊叫點心真係趣緻👍👍我同朋友兩個人叫咗8碟嘢食碟碟都好好食😅呢個經典鴛鴦腸有鮮蝦同牛肉$38，一定要order， 中間有層 炸兩 腸粉皮夠薄 真係超級好味呢碟係甜品 好有創意 發發發 $36，係椰汁糕唔會太甜order咗兩盅瑤柱灌湯餃$32.8🤗睇下材料十足呀啖啖乾瑤柱鮑魚天鵝酥$38， 相機食先打卡幾靚🤣🤣 餡料入面有隻鮑魚仲有啲肉碎非常惹味除咗乾淨，裝修特色，呢度嘅侍應仲非常之好又有禮貌同埋嘢食送餐速度食係非常之快 所以就算 lunch time趕時間都可以嚟嘆番杯茶😍