Bombay Bar & Restaurant

Open Now

Now Closed

很久沒有去離島逛逛, 由索罟灣行去榕樹灣大約需要一小時左右的旅程. 輕輕鬆鬆享受藍天白雲的美景. 之後,順便支持下香港美食小店.南丫島除了海鮮比較出名,其實都有好多特式西式餐廳. 我們一行四人就選擇食印度菜.路過都見到好多本地人到此餐廳食飯. 餐廳可選擇坐室內或室外.餐廳雖然得一個店員負責樓面, 但是他很熱情.他也有詢問我們的口味（可接受的辣度）及主動推介店舖菜式.小食：雜菜咖哩角~正常是三件.店員見到我們四人所以特別安排廚房煮多一件.非常細心. 印度菜式通常都好多選用豆類.今次這個雜菜就是用豆蓉混合咖哩一起炸成.非常酥脆而且不油膩.主食：🐑羊咖哩(少少辣）~羊肉🐑沒有羊騷味煮得好淋👍烤肉拼盤🍖🍗~非常豐富有魚,雞同肉碎.店員特別推介一款印度酸甜醬(芒果醬）配上烤肉酸甜度非常融合.因為太好味,店員為我們添加了兩次😅 此醬是免費的.印度烤雞🐔~超級脆口,有少少似韓式炸雞.外表黏黏脆脆.配一口啤酒🍺~爽芝士菠菜~普普通通😅(個人建議可以加埋以上芒果醬沾烤餅一起食,口味昇華另一種風味😋)印度烤餅~我們選了三款口味普通烤餅,蒜蓉烤餅及拋餅（有點像蔥油餅但是麥味比較重)整體來說我們全部人都好滿意

極少寫食評但今次不得不讚！我第二次來了！叫左雞同魚咖哩set lunch, 價格親民無加一！味道好啱我口味！ 好多咖哩魚鞋口但佢係滑的而且有汁！餅仲係即叫即整的！成個set好大份唔怕食唔飽！野飲除左一般檸茶之外仲有青檸soda, 係炎熱天氣下黎到食一餐咁舒服既真係好爽！坐到唔捨得走！老闆超nice 服務好到不得了！外面天氣好熱仲叫我地坐耐啲！一邊做生意一邊同街坊打招呼！仲有識途既狗搵老闆討飯！感受到濃厚人情味，下次去南丫島都要再去呀！希望老闆生意興隆💪🏻

兩人同行，叫左一個chicken set lunch 加一個蝦仁炒飯加芝士薄餅。每一樣都很出色！由其係蝦仁炒飯有驚喜，飯好香，用大蝦仁有好多隻！芝士薄餅亦充滿芝士餡料，食完好滿足🥰飲過最好飲嘅芒果汁🥰另外經理熱情滿滿，由入去既一刻開始已經有很好的招待🥰最後雖然出面有好多人排隊，但都叫我地慢慢坐！會有下一次！

小店離榕樹灣五分鐘路程，味道正宗，咖哩味又正又濃郁週末有set lunch，咖哩角超大一個，份量很足。老闆態度真是很好，又熱情又健談。給我們推薦食物，主動幫我們影像，還提供免費橙子🍊和糖果🍬。在快節奏的香港，此等令人如沐春風的優質服務著實impressive。誠心推薦給所有人一試。Mango Lassi: 新鮮芒果🥭搭配酸奶，味道濃郁，不甜膩，很解暑Lamb Set Lunch: 搭配咖哩角，炸雜菜，新鮮烤製的Nann，很棒

👧🏻😋👅🍽✨離島人情味🇮🇳🍛 -Bombay Bar & Restaurant 🇭🇰 南丫島榕樹灣後街6號地舖 🇭🇰-🏝南丫島感覺而家多左好多餐廳, 連印度菜都有兩間, 近碼頭有間set lunch平10蚊, 但呢度有我最愛既Samosa貴D都抵🏝Set lunch有samosa咖哩角, 炸雜菜, 烤雞串, 咖哩, rice/naan, 同汽水🏝老闆好nice, 除左同我地傾下計, keep住都有街坊入黎同佢吹水-🐑🍛 LAMB SET $98💯羊咖哩好腍, 比較欣賞佢羊同魚個汁係唔同, 羊個汁唔算好重香料味💯烤雞串係冇串得舊大肉🤣 醃到好入味既肉酸酸地都幾開胃💯Samosa我最愛! 豆蓉係入面其實唔重咖哩味, 皮好酥脆-🐠🍛 FISH SET $98✨魚個汁比羊果個酸少少, 食落清新啲✨炸雜菜好似天婦羅咁不過得一細舊都試唔真🤣-🫑🫓Masala Papadom $22💯脆餅上有酸汁醃左既洋蔥, 番茄, 青瓜, 重手芫荽🤣 開胃!-

食物又好味南ㄚ島居民老闆又好親切咖喱角是廚師親手包,必試！🫶🏻外脆內軟,又香又鬆化~香蔥薄餅, 又香又軟😊全部野食都即刻整熱辣辣🔥咖哩羊, 好羊香又唔乾😋串燒雞肉,好香👌🏻

⛴離島週末一日遊，今次嚟到南丫島(榕樹灣)，即興出發，同朋友們沒有特登做research，所以都係打算一路行一路尋食。落左船，沿著大街一路行，又轉了幾條小街。👀於榕樹灣轉了兩個圈，這家印度菜，所有落地趟門大開，光線充足。裏面有幾枱食客，桌上的食物看似都是實而不華，食物的顏色、分量、材料，看似會幾唔錯，店內的兩位印度店員都幾nice，所以我們決定於這家午膳。📋我哋一行5個女仔，叫左一個二人餐，再加多幾個餸。整體來說，食物都不太辣，不能說辣的朋友都吃到！有小小關於印度菜的冷知識🧊於頁尾，有時間可以慢慢讀到最後哦☺️🥢🥢🥢🥢🥢🥢🥢🥢🥢<印度套餐(2人餐) $248><𝙄𝙣𝙙𝙞𝙖𝙣 𝘾𝙤𝙢𝙗𝙤 (2𝙋) $248>▪️sᴀᴍᴏsᴀ 咖哩角 套餐小食，每款兩件，正常炸出來，太餓了，唔記得影相。▪️ᴘᴀᴋᴏʀᴀ 炸雜菜 套餐小食，炸薯仔兩舊，正常炸出來，太餓了，唔記得影相。▪️ᴄʜɪᴄᴋᴇɴ ᴛɪᴋᴋᴀ 串燒雞 套餐小食，兩件，無骨的燒雞肉，聽聞用奶酪和香料來醃肉，所以醃得幾夠濃味。雖然不是juicy，但並不是柴皮。▪️ᴄʜɪᴄᴋᴇɴ ᴍᴀsᴀʟᴀ 馬沙拉雞 這汁的基礎是蕃茄

又向南丫島出發🌞今次去程索罟灣 回程榕樹灣成功避開ʟᴜɴᴄʜ人潮✌🏻 中間食咗🍙 凍🍍+豆腐花補充完體力剛好到返小區芸芸餐廳入面 揀咗食印度菜好耐無食過印度咖哩🫣 · ┈┈┈┈┈┈ · ꕥ · ┈┈┈┈┈┈ · ✨𝐋𝐚𝐦𝐛 𝐕𝐢𝐧𝐝𝐚𝐥𝐨𝐨 勁辣羊肉 $𝟕𝟔：羊塊好大舊 啖啖肉 咖哩無落🥔 有青椒🫑🧅 所以肉嘅比例好多🤩雖然係勁辣 但係舊雞辣過佢😂 ✨𝐍𝐚𝐚𝐧 𝐁𝐫𝐞𝐚𝐝 原味印度烤餅 $𝟏𝟖：一份有4塊手掌🖐️sɪᴢᴇ的份量 🫓食印度咖哩必點😌 ✨𝐂𝐡𝐢𝐜𝐤𝐞𝐧 𝐌𝐚𝐬𝐚𝐥𝐚 馬沙拉雞 $𝟕𝟐：都係印度醬料煮成的鐵板烤雞 味道比較惹味好多香料 大件好食 ✨𝐌𝐚𝐧𝐠𝐨 𝐋𝐚𝐬𝐬𝐢 芒果拉西 $𝟑𝟓：印度酸乳酪 比較濃稠的ʏᴏɢᴜʀᴛ ᴅʀɪɴᴋ帶點香料味 每次到印度餐廳都會點👍🏻 ✨𝐃𝐫𝐚𝐟𝐭- 𝐊𝐫𝐨𝐧𝐞𝐧𝐛𝐨𝐮𝐫𝐠 🍺 $𝟒𝟓 · ┈┈┈┈┈┈ · ꕥ · ┈┈┈┈┈┈ · 餐廳環境唔夠旁邊望海景的吸引_不過食物質素不錯唔想同人迫ᴄᴀғᴇ 可以一試另外 佢有ᴅ sᴇᴛ ᴍᴇɴᴜ 但係就唔多岩食 所以都係單點

係度住左2個月，呢間印度菜係weekend都有lunch set，又抵又好食之前食左羊，今次食雞，加20叫左杯mango lassi好大杯lassi，飲左兩啖，老闆出黎倒埋剩係blender的比我呢個餐堅抵食，有燒雞，samosa，炸南瓜，4大片naan我無食samosa，太飽了，老闆問係咪唔好食，我話食唔哂，佢就幫我打包，so good! 燒雞好juicy，一啲都唔乾咖哩帶啲椰香味，雞肉好嫩，加埋naan食，一流！羊咖哩的洋蔥味強啲旁邊的open area可以比帶狗仔的客人坐餐廳整齊通風，仲有wifi推介比黎南丫島的人老闆好好傾，想要租房可以問佢😆

和嫲嫲兩人吃了set lunch, 年輕帥氣侍應服務態度好好。嗌左芝士菠菜同魚set lunch . Set lunch 有咖喱，配菜，烤雞，飲品，Naan. $78/ set. 味道幾好(特別推介烤雞)家人第二次吃印度菜，對於老人家來說這家的味道很好，不會太辣。另外位置坐得舒服☺️可以慢慢Enjoy.可能因於平日的下午來， 中午客人只有幾個。希望此店能多人欣賞和推介，下次有機會會再來吃。Delicious and reasonable priced Indian food Recommended to try

印度人餐廳晚飯揀左個2人餐$248先嚟嘢飲，再等左10分鐘左右，先嚟個咖哩角炸雜菜同燒雞串一次過上俾你，有D失望，因為等咁耐嚟到係唔熱嘅，3樣嘢都唔熱。咖哩角略嫌乾，皮太厚，咖哩味唔重，炸雜菜係類似炸茄子，無咩味，燒雞串係兩舊印式燒雞肉，略嫌乾。之後又等左一輪先嚟埋個馬莎拉咖哩雞同雜菜咖哩，一兜飯同一兜印度薄餅，薄餅我哋轉左蒜蓉薄餅，但唔知佢唔記得轉定真係無味，食到第三塊先醒起無蒜蓉味😅好彩兩兜咖哩係熱嘅，馬莎拉咖哩好好味，雖然都係唔夠辣，雜菜咖哩有薯仔但太多青豆，汁無咁好食，印度飯偏乾同硬，我覺得一般般。令我諗起相對佐敦果間會好食D😋

The restaurant serves set lunch (around $70-$80). The set is nice as you could try difference type of food. We have ordered 2 set lunch. If you prefer less spicy, you may try chicken. I like lamb curry. It’s very soft and good taste!!! The set meal has 3 nana which is good enough for an adult. Service is good and environment is nice. A good place to rest before or after hiking.

一場老遠去到南丫島工作，梗係要蛇一蛇享受一下平日的小島風情啦，本來想食另一間Openrice排名高D的All Day Breakfast餐廳，可惜去到發現是日休息，無計，結果就去咗呢一間印度餐廳。點解話佢服務態度好好？因為我叫咗杯青島生啤，諗住都安全，點知一入口就中伏，酸嘅，真係估唔到咁大路嘅青島都賴野，心中爭扎了一陣，究竟同唔同間餐廳講叫佢換過一杯呢……因為好多時D餐廳酒吧都好衰好串，又話你唔識野，又黑口黑面，而且換一杯又唔知會唔會加料，但係呢一間餐廳就好好，一同佢講佢就立即講唔好意思，佢話因為係最後一兩杯，所以有機會有變壞嘅情況，結果就換咗杯1664比我，我飲兩啖之後仲問我有無問題添，真係好好人。至於食物，點了芝士菠菜點Naan Bread，都好味、正正常常，不過仍有進步空間。

今日去了南丫島行下，係索罟灣開始行過去榕樹灣， 喺榕樹灣諗住搵午餐食，原來呢邊係冇海鮮食架，係索罟灣嗰邊先有，呢邊就比較多細細間嘅餐廳，行行下見到有一間食印度菜的，喺門口仕應話.啲咖哩唔辣㗎，見到有午餐，跟住我哋就入咗去食。小小似Bar Feel。仲有outside午餐包一罐汽水，飲檸檬雪碧。咖哩雞，跟薄餅，有三塊薄餅，咖哩雞，燒雞，咖哩角，蕃薯天婦羅，真的唔辣喎，咖哩用來配薄餅好夾好好味。燒雞少少辣不過好香，咖哩角入面係蔬菜，好正。咖哩羊，跟飯，印度米好長身又散身的，不是太慣。羊不酥的，Good。黃咖哩魚，茄子天婦羅，咖哩角，燒雞，印度飯等餐時間比較長。

通常啲人行山必食是豆腐花，但行完榕樹灣索罟灣的必食是印度菜。有啲行開山嘅如果覺得行榕樹灣去索罟灣的路程太短，可以學我們咁，搭船去榕樹灣行去索罟灣再由索罟灣行返榕樹灣食中午，我們在榕樹灣大概8:30出發。間印度菜好authentic ，如果是在西貢或者佐敦食這些印度菜，價錢一定貴好多。所以如果想試吓印度菜，這間南丫島的餐廳很抵食。叫過薄脆前菜，小小辣多多脆雞好入味，唔辣。啲雞夾極都仲有，我們三個人share。一碟飯都多，叫多個咖喱，可以點下啲Naan bread。啲咖喱除咗可以配包之外，放入去撈飯都好正。食完好有滿足感，又可以補充體力。