車品品小食 (Closed)

前排睇Facebook 得知呢間小店做到年尾就唔做喇，咁就約埋街坊臨別前去探訪下。7點30分去到，門口已經排咗成10人，等了大約一個鐘頭就被安排入座。上年食過一次，佢好多野食，味道過咗咁耐都仍然令人好懷念。今次叫咗4樣野加2杯野飲。桂圓冬瓜茶老闆娘教唔好不停攪，越攪越甜，濃得制可以叫佢加茶🤤🤤三溫糖冬瓜茶初嘗 - 糖醋溏沁皮蛋 本身想食子薑，但呢個時間唔當造，冇得食🤢但糖醋都好好食，開心大發現。食過翻尋味既魯肉餃，上面啲好多蝦子🤤碗仔翅，真係好多料8喜撈，多種配料撈埋一齊，好香。麵底燒到脆底，好有咬口，好味。

放假同男友出動搵食。本來想去lunch.去到先知道當日要開5:00pm.所以搵左一間食Lunch先.5:00pm再去試下lee間聞名以久ge車品品la.5:00pm剛開門.我地排第三.入到去好有親切感的家的感覺.一坐底老闆娘就話.人手有限食物要慢慢上大家坐下先.慢慢黎ar.之後就推介食物比我地.我地叫左。足料碗仔翅海蜇皮沙律(酸酸地幾開胃)無傳聞中咁好食ge魯肉餃麵.紅燒吉品鮑(爽囗彈牙又好食)招徠大雜麺=集錦車仔麵溏心蛋（夠黏口,不過味道太梗我麻麻)試完車品品之後總結係.m...好有人情味小店。係食到食物ge心意。但係真係冇傳說中咁好食。我覺得個海蜇同個吉品都好食.但係車仔面la都係銅鑼灣x記同x記好食Dla.大家可以黎試一試.支持一下本地小店la.

因為早前睇youtube介紹呢間攞9分既碗仔翅，於是決定黎一試。平日放工時間排左10分鐘有位，都唔算等左好耐。一坐低即刻order左網上推介既車品品必食之選。 包括魚肉碗仔翅，魚肚碗仔翅，糖醋皮蛋，黑糯米豬手and麻不辣面。等左唔洗10分鐘，d食物一次過黎哂。我個胖嘟嘟男朋友都未開始食，我已急不及待拎起筷子食皮蛋。一食，媽咪，救命，個皮蛋係臭架我緩緩地吐返出黎，望一望男朋友，跟住佢唔敢食。然後，我心諗唔緊要仲有其他野食。俯身望一望個心心念念既碗仔翅，覺得佢個樣“結”到一個不可思議既地步，而後我望住岩岩食左一啖既男朋友問佢:“碗野個樣好結喎”。佢苦中帶笑答係。而後我食一啖，help!結到救命仲要係凍既...D魚肚好似浸完熱水直接放入碗碗仔翅入面錦。唉…我的天，怎麼會俾我地食到錦地獄既食物。最後，心懷0.1既希望食左豬手。憑良心講句呢個味道係正常既，d肉質都彈彈地牙，👌既。呢餐我食左2成飽，我男朋友好慘，佢食哂，因為佢知我唔鐘意浪費野食，仲要佢肚餓，所以冇怨言就食左大部分。埋左單132蚊，個老闆娘幾親切，佢話就黎唔做啦間野...(我唔知答d咩好。。。)

凍*山楂金絲蜜棗茶 ，自家煲足料。 就係呢個味道， 真材實料如屋企煲 。 15元絕對超值 。 熱* 老霜冬瓜茶 24元， 都明白做冬瓜 真係要快時間同火喉 ， 超級抵好過飲一杯 相同價錢 ，但是唔好味嘅港式奶茶 。 外賣：魯肉餃， 碗仔翅， 魚肚碗仔翅 ，始終我 經驗 建議 坐定定喺度食 唔好外賣 。

平時食嘢唔打食評，今次要寫下，長文慎入。自問喜愛飲食，又會煮返兩手。深深覺得係香港揾好嘢食仍然種類繁多，而且日日新款。但大多有如蔡生金句‘一剎那光輝唔代表永恆’一樣，只係一時噱頭，花巧十足，心機欠奉。香港社會步伐迅速，求快，揾快錢，合情合理，反正萬事都好快被人遺忘。但做好食物，又或做好一件事，‘比心機’係最重要。而‘比心機’我覺得係用時間同耐性，係一件事上面磨練同追求至極致。攞食物做例子，就係小至一對筷子，一滴麻油，一塊陳皮，一條雲呢拿條，都唔怕麻煩，唔hea咁，不停尋找同嘗試，直至揾到最好，最互相配合，最完美咁比食客有最佳體驗。係香港，係好難揾到呢種心機啦，萬幸，係呢到揾到。不過心機係香港呢種迫死人嘅社會係生存唔到嘅，最後我拋下書包：「室雅何須大，有麝自然香；夕陽無限好，只是近黃昏。」#魯肉餃麵#花膠吉品伊麵#手打魚腐碗仔翅#55年陳皮紅豆沙#大溪地雲哩拿雪糕#山楂茶#薑茶

師傳百無聊賴，忽然醒起呢間食店就嚟關門大吉，趁著有時間決定嚟食番一餐。由始至終於師傅對呢間食店嘅碗仔翅念念不忘，就算唔食其他野，淨係一碗碗仔翅都足夠令師傅回味無窮，所以預啱時間襯佢未開門就去到大角咀呢一區啦。去到目的地望一望手錶，發現時間都早尚未開門，但人龍已經排到非常之長，師傅心諗今次死硬啦，有排等啦，不過見咁早就咁原照排。點知老闆娘忽然出嚟數人數，仲問下有邊一位係一位，於是師父就舉下隻手啦，由於喺師傅前面嘅全部都兩位或以上，咁師傅就由包尾嗰個位排到上頭嗰幾名嘅位置，簡單啲嚟講係有人幫師傅排埋隊去食嘢，單身狗福利還是首次，感恩!入到去坐低，當然要睇下有咩好食啦，碗仔翅必食就唔少得㗎啦，其他嘅嘢食又睇下有乜吸引師傅呢，最後師傳揀咗糖醋皮蛋同 碗仔翅一碗。落咗單好快就有得食，搶閘登場嘅係糖醋皮蛋，坦白講十七蚊一隻皮蛋絕望唔係平，不過隻皮蛋真係溏心，配上糖同醋撈埋一齊食，直頭將皮蛋提升咗去另一個層次，好好味呀! 之後落嚟就係食碗仔翅，碗仔翅維持一向嘅高水準，冇味精湯底清，料又足，原冬菇，木耳，瘦肉全部分配得好平均配上菜脯，醋，胡椒粉加芝麻油，嘩!簡直係一個完美嘅組合，冇得輸好好味呀!食到一

一早已久聞車品品大名，這間位於大角咀的小店以平民價的美食為名，標榜食材新鮮，烹調講究。難得放假便與朋友一戰，當日我們八點到達，已經有七八人在等候，等了半小時終於到我們。幸好此店不用搭枱，即使等久了也坐得舒服。Order紙有手寫的筆觸，有親民的感覺。魚翅撈飯其實是碗仔翅撈飯，碗仔翅十分足料，有粉絲、竹笙、木耳、肉絲、冬菇，全部切絲上，爽脆有咬口，最特別是加了魚肚，是一般碗仔翅沒有的，魚肚爽滑，湯底又不會只加大量生粉，配飯一流。魯肉餃蝦籽皇吃面我喜歡先飲湯，湯底雖淡但清甜，證明沒有加入味精。魯肉餃面上灑了大量的蝦子，一口咬下，經醃製後的魯肉很香，甜甜的但不肥膩，配合著蝦子的咸香，加上湯汁，是舌尖上的享受。蝦籽面沒有鹼水味，面質彈牙。咖哩黑栢葉我們選擇了秘制的咖喱汁，真的十分辣，有少許麻辣的感覺。黑栢葉爽口，可惜份量較少。最後我們把蝦籽面的生菜夾著黑栢葉吃，中和了咖喱的辣。冷葷紅燒吉品飽一上碟已經令人驚嘆，淋上醬汁的鮑魚富有光澤。醬汁以茅台加花膠汁底製成。鮑魚厚身夠腍有嚼勁，十分入味。以$52食到如此高質食物，性價比高。

今次係第二次去同上次一樣老闆會出嚟介紹嘢食呢度最好係坐得闊落唔洗搭枱不過要喺門口排陣先入得喺嘢食方面我覺得碗仔翅好多料又大碗味道就重左dd滷肉餃好特別，甜甜地又帶香味

同朋友食飯想吃d地道d既港式野，又想有d特色，又要有質素既保証，非位於大角咀既車品品莫屬😎 位置係比較吊腳唔方便，不過真係撘的士黎食都要🤩店內位置唔多，唔比撘枱，多人時要齊人先比入。車品品並非一般車仔麵舖，除左招牌車仔麵外仲有好多特色撈麵，而且全部都係用高級食材例如花膠、鵝肝做汁底或配料👍🏻👍🏻招徠大雜麵 大大碗咩都有😍😍 兩個人share可以試曬d餸☺️豬大腸用瑞士汁炆到好入味好林👍🏻蘿蔔甜到一個點真係好甜🤤 仲要完全無渣🥕牛柏葉好爽口感很好仲有豬紅豆卜紅腸芝士魚蛋墨魚等等等等麵底加左$24要蝦子麵，好香好好咬口💯湯底係腩汁偏甜跟左碗咖哩汁比你自己倒落去，咖哩汁都幾辣，同腩汁好match👍🏻品品八喜撈 望落平平無奇又無餸好似好dry 實質唔嗌你走寶用火爐烘住上枱老闆娘即時幫你撈同燒加入左大量魚鬆、葱、黑白芝麻完全無雞粉味精好夠味好香加上麵既質感好好食到底個層d麵燶燶地脆身簡直係一流🤤黑柏葉 (麻味) 好爽脆口感好好份量偏少調味一般羅漢果桂圓茶 $24足料足料足料🙌🏻原個羅漢果擺落個杯到真係第一次見😳飲到尾好濃羅漢果味諗住拎起佢老闆娘叫住我叫我咪拎起話加水可以繼續飲多幾杯😂 仲話要比隻外

之前朋友同我講車品品嘅碗仔翅好好味,鐘意食碗仔翅嘅我今日放工決定去試下....餐廳嘅人手唔多,所以會等得耐少少,老闆娘好好人&熱情,會介紹下啲食物&同食客閒話家常上湯碗仔翅好大碗又足料,有粉絲,肉絲,木耳絲&冬菇,每一啖都好多料,濃稠度又啱啱好,唔會好似有啲碗仔翅咁會有一粒粒麵粉糊....如果鐘意食辣嘅可以自行加少少辣菜莆.車仔麵就order左牛栢葉,本港墨魚鬚&米粉.墨魚鬚好彈牙,牛栢葉又夠爽口湯底個腩汁我就覺得淡左少少...

一早已知的名店，但一直沒有機會試試，今日終於組團，很多人一起試不同菜式，而我地好多人的關係，都有點麻煩老闆，因為店舖唔大，而且店員不多，所以佢地係超忙，無停過，但又會關心每一位需要，又會傾談下咁，而食物都需時，所以長期門外都有人排隊車品品的碗仔翅，出名的就是會滿溢出來，太多料了，加埋麻油一起食一流魯肉餃，未食就已經嗅到超香的蝦子味，好像是用豬腩肉做餡，另外有份甜味，好似是鹵水的甜而大食的一定食大雜麵，乜都有齊哂，好鍾意豬大腸和蘿蔔，實在太甜啦，吸哂d鹵水汗，還有Q寛麵都係等一次食，真係Q彈，幾特別，而豬手我無食到，俾人搶哂，所以唔知咩味糖心皮蛋，兩種口味都有叫，子薑和糖醋，我的結論是，兩種一齊食，係最好食，甜甜地又有子薑隔一隔皮蛋的壓味好有趣的麻不辣，真係只有麻但不辣，但有份好重的鹹味，當你吞左之後，個份麻同鹹，就會慢慢滲出嚟，幾有趣本身係想食自制廣島蠔油撈，不過無哂，所以轉左另一隻xo醬蠔醬，因為我個口仲麻更食，意外地兩種又幾夾最後無花果雪糕，其他甜品都無哂啦，最後得番無花果，都是很有意思的味道，要形容的話是生果感覺的茶味，係好食，聽老闆娘講，全程手打，由其要幾無花果磨粒，無雪糕機的

普通肚餓，在大角嘴，想吃點小食當晚餐。點了以上食品，全部超乎預期，好味。交單有規距，要小心。超麻不辣米線，麻的程度剛剛好。份量是小食而已。女子也不會飽。魚肚碗仔翅。在香港，第一次食到咁足料，又唔會頸渴的！腩汁生菜。普普通通，勝在夠大碟！最出色的，是芝麻糊。完全是生磨，有那層天然油香。兼且很raw, 感覺好健康。價格較貴，環境一般，兼老闆娘說話較大聲。但食物好好，值得去，但只是30分鐘內用餐的格局，不會久坐嘆食物。

$48喺車品品食車仔麵可以揀嘅餸唔算多 但係其實好多都幾有特色 💁🏻‍♀️我就揀咗啲普通野嘅 不過豬紅同蘿蔔都比想像中更正 呢度嘅豬紅無任何調味 所以會食得出豬紅最原始嘅味 而蘿蔔除咗無渣之外 一咬仲有好多清甜嘅汁流出嚟 米線又彈牙腩汁湯底又唔錯 仲叫咗好多好正嘅小食 🤤 $15車品品除咗車仔麵之外 仲有勁多得意嘅小食 💁🏻‍♀️今次嚟到叫咗好多 而溏心皮蛋就係其中一樣 好鍾意呢度嘅皮蛋 流心效果真係好正 子薑同糖醋味都試咗 個人嚟講覺得糖醋味係無咁濟膩嘅 仲有好多小食都好好食 如果去到記得要試多幾樣 🤤

上星期行過大角咀，見到勁多人在這小店門口排隊。於是今天折返返來試。試左黑糯米花雕酒豬手、花膠吉品伊麵、鵝肝麵、吉品鮑、超麻不辣米線仔、魚翅撈飯，最後仲食左個無花果雪糕。抵食加勁好食推介是豬手，入味腍滑，啲汁凝固左之後都唔會有白色一點點的油，全碟都係豬手膠，感覺滋補。馳名的吉品及鵝肝麵都係好野！鵝肝麵用鵝油炒，細細碟甘香得來唔會滯，吉品伊麵將吉品切絲炒就少左啲口感，但調味很對我的胃口。好食！最後點晴的無花果雪糕用乾貨製成。奶油雪糕老闆娘堅稱乃全人手打，並非機製。吃下去咬到粒粒脆脆的無花果籽，淡淡清香，為一頓豐盛的晚餐帶來清新。

成日都排長龍，今次夜晚10點零先黎終於唔洗等位，叫左皮蛋、碗仔翅，車仔麵同兩杯熱飲。碗仔翅加自家魚腐真心有驚喜，好足料，唔似街邊個d咁稀，好味👍🏻第一次食流心皮蛋，唔太咸，都ok。杯「督督」（即是羅漢果桂圓茶）好正，成個羅漢果係個杯度，老闆娘仲提我地可以加熱水飲多杯，清熱潤肺❤️另外杯冬瓜茶原來真係有冬瓜，飲得出老闆娘既用心，又係可以加熱水添飲（如果唔加熱水會太甜），試完以後都唔想飲貢茶既冬瓜茶了😂