Video
5-min walk from Exit B1, HKU MTR Station
continue reading
Telephone
52935066
Opening Hours
Today
18:00 - 02:00
Mon - Sun
18:00 - 02:00
*Last Order: 01:30
Above information is for reference only. Please check details with the restaurant.
同老公食完下午茶，順遊港島一會，就係時候在附近搵嘢食。他一見到串燒就流晒口水，當然要陪佢啦！店子掛滿字牌光管燈，好吸晴！枱椅整齊，每枱都有個小火爐，用來保暖食物，真貼心！用掃碼下單，分有牛類、羊類、雞鴨類、豬肉類、海鮮類、蔬菜類、主食和飲品等。我地兩個點咗以下食品：豆皮 （$12/串）：煙煙韌韌，中間夾着蔥蒜蓉，味道鹹香。烤玉米 （$16/半條）：充滿牛油香，玉米粒粒飽滿，多汁甜美。牛肉小串（$38/1手10串）：細細串，啖啖肉，選擇小辣，惹味！招牌紅柳羊肉串 （$20/串）：半肥瘦，肉嫩入味，有少許羊羶，辣辣地，夠風味！烤韭菜（$14/串）：翠綠爽口，有韭菜香之餘，仲配咗啲香辣粉，香辣惹味！烤雞腳筋（$10/1串）：半爽脆半煙韌，整得入味，很有特色！蒜蓉生蠔 （$24/1隻）：肥美鮮味，有很多蠔汁，跟蒜蓉一起吃，很香。烤茄瓜 （$38）：面頭灑滿調味粉和蒜粒，燒至金黃。勁有蒜香，鹹香惹味，茄肉腍軟，完全唔乾身。牙帶魚（$56/4串）：燒得金黃，有不少肉，味道鹹香，香口美味！
continue reading
「串到爆」非常吸引附近的居民和大學生，今晚我都是一個HKU的朋友介紹。這裡的環境適合三五知己聚餐，朋友說平時夜晚會走落來食幾串串燒，或者叫外賣返宿舍。串燒價錢非常親民，難怪深受歡迎。➶ 1. 蒜蓉生蠔生蠔非常新鮮大粒，餐廳亦鋪上大量蒜蓉，當你一口送入嘴中，非常惹味，馬上想再來多一碟。➶ 2. 烤雞軟骨、烤肥牛串、烤紅柳羊肉串、烤黑椒牛肋條串餐廳的招牌串燒，像是烤雞軟骨、烤肥牛串、烤紅柳羊肉串、烤黑椒牛肋條串，這些串燒都非常出色，讓人一口接一口，停不下來。烤雞軟骨外焦內嫩，口感彈牙。烤肥牛串和烤黑椒牛肋條串則是鮮嫩多汁，並帶有燒烤的炭香。烤羊肉串的肉香和香料味完美融合，非常香口。➶ 3. 烤韭菜、烤茄子除了串燒，「串到爆」的烤韭菜和烤茄子亦都非常好食。韭菜經過燒烤後，口感脆嫩，叫多幾串都不怕。茄子在火烤後變得柔軟，搭配上香濃的調味醬，味道更加濃郁。實在是宵夜首選。
continue reading
店舖環境寬敞，每張檯都有一個爐🔥當order左食物，店員就會將爐下既蠟燭點起🕯️當串燒燒好就會放在爐上，用蠟燭嘅微火能夠將食物既溫度保持，而且仲會有三種不同嘅調味粉提供，分別係孜然粉、辣椒粉及香辣粉，每種調味粉都各有千秋，雜合左麻香辣於一身。 🐮 牛肉小串 ($38/手)一手有成十串，每串一塊牛肉燒到甘香有肉味而且仲辣辣地唔錯。😚🌭 熱狗 ($18)烤腸不嬲都係好多人既至愛，熱狗烤得外焦內軟嫩，香味四溢，果然冇令人失望。🥰招牌紅柳羊肉串 ($20/串)唔知點解好耐以前已經覺得用紅柳烤既羊肉串就特別好食，羊肉加左孜然粉及五香粉燒成，我咬落腍滑而且羊肉脂肪油脂香味濃，小編自己一個都叫左三串食，真係推介羊肉愛好既粉絲們一定要order試啦。 🦪 壓力鍋生蠔 ($124/半打)壓力鍋蒸生蠔本身比較少見，上枱時每隻生蠔都放在竹盤當中，新鮮熱辣。店員仲會附上開蠔刀仔一把，小編用蠔刀將每一個蠔殼拆開，大大粒蠔肉呈現眼前，一啖放入口，可能用壓力鍋蒸既關係，除左蠔肉creamy之外，所有鮮味濃縮係蠔肉中，原汁原味之外真係好好食。極之推介大家order試試喎。👍🏻👍🏻🦪蒜蓉生蠔 ($24/隻)食完原汁原味既生蠔，當然要再試試燒生蠔啦。自家蒜蓉配生蠔呢個絕對係Perfect Match，香噴噴既蒜蓉生蠔一啖放入口，蠔肉鮮嫩配合細滑既蒜香簡直惹味到不得了。😋🥒 翠玉瓜 ($14/串)一串有三件，只係落左小小孜然粉作調味，咬落依然爆汁juicy，都係幾啖就食完一串lu。😉 🍆 烤茄瓜 $38/條)茄子口感軟綿綿，茄肉表面鋪滿蒜蓉醬、蔥花及辣椒，一絲絲既茄瓜包住蒜蓉一齊食，口感軟綿綿又有濃郁蒜味，一個字「正」。😗🔥 串爆撚炒米粉($88)米粉加左芽菜及蛋絲炒成，師傅炒得乾爽而且條條分明，食落又夠彈牙的確唔錯。👍🏻🍋 招牌鴨屎香手打檸檬茶 ($58/渣)唔講唔覺原來每order一渣檸檬茶，店員就會開始沖茶底，之後再將茶底加入手打香水檸檬入面，飲落個味道就好似北上左一樣咁阿，冰凍檸檬茶酸中帶甜仲有少少清香，一路食串燒一路飲檸檬茶真係冰涼透心爽阿。❄️❄️
continue reading
今天發現原來香港大學附近有一間這麼好吃的燒烤， 由於舖頭是在巷子內所以之前沒有發覺。羊肉串非常之有樣味燒出嚟配上孜然粉一絕，跟在深圳吃的味道一模一樣。牛肉小串一共有十串，很適合邊飲啤酒邊傾計慢慢食，雞軟骨很脆和豬大腸很香口亦是配酒首選。燒韭菜非常之好吃因為好入味，整條韭菜滿滿佈滿調味料。燒秋刀魚亦不會太乾，成條魚夠味多汁。最後配上一個炒米粉作為煮食，加上1扎鴨屎香檸檬茶,完美的一餐。總體來說燒烤非常有深圳的風味，不用回到深圳就可以吃到這麼正宗的燒烤很不錯。也可以邊喝啤酒邊食燒烤邊傾計。
continue reading
公司附近見到有間食串燒，見到啲裝修幾特別，最緊要價錢唔貴，一於去試吓。我點左10串魷魚鬚，一串一啖食晒，但係條條都咁彈牙，小小辣成個感覺好開胃。另外雞翼$18有兩隻，都幾大隻，同埋雞翼入邊都有味，外皮燒得香脆，食完兩隻都唔夠要再encore。另外好少地方有田雞食，原隻燒雖然賣相有少少恐怖，不過味道好好，肉質好嫩滑。最後炒米粉，估唔到份量咁多，米粉好有咬口，配埋椰菜絲同埋蘿蔔絲等配料一齊食，飽肚之餘亦好有口感。因為唔係好肚餓，所以唔係點咗好多嘢食，但我覺得價錢可以接受，下次可以試埋其他嘢。
continue reading