串到爆

Open Now

Now Closed

同老公食完下午茶，順遊港島一會，就係時候在附近搵嘢食。他一見到串燒就流晒口水，當然要陪佢啦！店子掛滿字牌光管燈，好吸晴！枱椅整齊，每枱都有個小火爐，用來保暖食物，真貼心！用掃碼下單，分有牛類、羊類、雞鴨類、豬肉類、海鮮類、蔬菜類、主食和飲品等。我地兩個點咗以下食品：豆皮 （$12/串）：煙煙韌韌，中間夾着蔥蒜蓉，味道鹹香。烤玉米 （$16/半條）：充滿牛油香，玉米粒粒飽滿，多汁甜美。牛肉小串（$38/1手10串）：細細串，啖啖肉，選擇小辣，惹味！招牌紅柳羊肉串 （$20/串）：半肥瘦，肉嫩入味，有少許羊羶，辣辣地，夠風味！烤韭菜（$14/串）：翠綠爽口，有韭菜香之餘，仲配咗啲香辣粉，香辣惹味！烤雞腳筋（$10/1串）：半爽脆半煙韌，整得入味，很有特色！蒜蓉生蠔 （$24/1隻）：肥美鮮味，有很多蠔汁，跟蒜蓉一起吃，很香。烤茄瓜 （$38）：面頭灑滿調味粉和蒜粒，燒至金黃。勁有蒜香，鹹香惹味，茄肉腍軟，完全唔乾身。牙帶魚（$56/4串）：燒得金黃，有不少肉，味道鹹香，香口美味！

「串到爆」非常吸引附近的居民和大學生，今晚我都是一個HKU的朋友介紹。這裡的環境適合三五知己聚餐，朋友說平時夜晚會走落來食幾串串燒，或者叫外賣返宿舍。串燒價錢非常親民，難怪深受歡迎。➶ 1. 蒜蓉生蠔生蠔非常新鮮大粒，餐廳亦鋪上大量蒜蓉，當你一口送入嘴中，非常惹味，馬上想再來多一碟。➶ 2. 烤雞軟骨、烤肥牛串、烤紅柳羊肉串、烤黑椒牛肋條串餐廳的招牌串燒，像是烤雞軟骨、烤肥牛串、烤紅柳羊肉串、烤黑椒牛肋條串，這些串燒都非常出色，讓人一口接一口，停不下來。烤雞軟骨外焦內嫩，口感彈牙。烤肥牛串和烤黑椒牛肋條串則是鮮嫩多汁，並帶有燒烤的炭香。烤羊肉串的肉香和香料味完美融合，非常香口。➶ 3. 烤韭菜、烤茄子除了串燒，「串到爆」的烤韭菜和烤茄子亦都非常好食。韭菜經過燒烤後，口感脆嫩，叫多幾串都不怕。茄子在火烤後變得柔軟，搭配上香濃的調味醬，味道更加濃郁。實在是宵夜首選。

放工近近地同同事食個飯，搵到呢間新既串燒店，睇下野食係咪同個店名一樣串到爆先。😆鋪頭係橫街入面，屬於小店經營。佢每張枱上都有個熱盤，會有蠟燭座熱啲食物！鋪頭牆身都掛左唔同特色字句。佢全部係電話落單既，想食多幾次都唔怕要人幫你落單！😌佢野食款式唔算突別多，但係基本既豬牛雞佢都有；我地都叫左好多野款，有苕皮，其實呢個唔知咩黎，不過食落幾好食，我地都好鍾意啲煙煙UN UN既野，佢呢個苕皮就係呢個感覺👍🏻👍🏻，而佢入面有啲餡料，感覺就好似食緊粉果咁！仲有叫左雞腎，雞皮，釀冬菇，尤魚，牛肋條，雞翼，燒五花腩，脆肉瓜，當然都唔少得茄子啦，仲有一口牛，丫，仲有生蠔，大腸，雞軟骨，我地仲Ｅｎｃｏｒｅ左燒五花腩ＴＩＭ。佢既肉醃得幾好味既，唔會太鹹，但係我地唔覺佢既辣度有咩分別，不過佢枱面有調味料可以自己加既！個冬菇既好食既，佢釀左啲肉碎，變左個冬菇唔會好乾，好JＵＩＣＹ！而一口尤魚就好好味，有時啲尤魚會燒得好乾，會變得好UＮ，但係呢個唔會，好容易咬開！我地覺得個燒五花好好味，因為好入味得黎，燒得好脆，我地所以再每人叫多一串！堂食唔算多人，但係我見到佢好多外賣單！第時放工可以又可以同同事黎聚一聚！整體味道

同朋友黎到香港大學站傾完野未夠飽上網搵到間串燒食， 我地叫左好多串燒食， 有肉有菜有海鮮， 菜嘅話烤茄瓜1串 (小辣) $38.00好juicy , 哩啲食材搭配得不錯，小辣的口味既能感受到辣味的刺激，又不會過於刺激腸胃。烤雞胗2串（小辣）$22口感緊實有嚼勁，烤制後外皮微焦，小辣的口味能讓辣味恰到好處地滲透進雞胗中！ 烤雞軟骨2串（小辣）$22 雞軟骨軟糯又不失彈性，烤制過程中油脂和香氣充分釋放！ 秘制雞中翼1串（2只）（小辣）$18 雞中翼肉質鮮嫩多汁！ 我地仲叫左椰樹椰奶$12 還能解膩，搭配燒烤很合適。

串到爆！由湖北人主理嘅串燒店想喺北方食串燒做宵夜？西環有間唔錯嘅選擇！價錢實惠又美味，唔使北上浪費車費同時間，仲可以堂食或者外賣，一樣方便！環境店內環境非常有趣，除了打卡嘅霓虹燈，仲有搞笑嘅指示牌！每張枱上都有個小爐，燒好嘅串串放上去，完全唔怕冷！外賣盒包裝亦都好精美，啱啱好適合串燒嘅長度，真係見到店家好用心！宵夜推薦招牌紅柳羊肉串串烤苔皮-濕辣牛肉（1份6串）牛油小串（1份10串）蒜蓉生蠔招牌紅柳羊肉串呢個羊肉串真係好有地方特色，羊味濃但唔膻，口感一流，咬落去唔會難咬，超級好食！濕辣牛肉每份有六串，雖然每串唔算多，但配上辣醬汁，真係食到過癮，辣得夠味，絕對唔會後悔！蒜蓉生蠔超肥美嘅烤生蠔，點少得蒜蓉嘅完美搭配？串燒價格親民，難怪咁受歡迎！牛油小串呢個小串油脂香濃，串數唔少，真係非常划算，適合同朋友一齊分享！烤苕皮一定要試！燒到微脆又有煙韌，裡面包住辣豆角等，口感豐富，食落去真係令人垂涎！這間串燒店不單止好食，仲適合宵夜外賣！

今日黎到西環搵食😍 西環不嬲出名多好西 同cafe🤩 今日黎到呢間隱世串燒鋪 真係唔係朋友介紹都唔識黎😮🔸秘製雞中翼真係燒得超好食🤤 味道似譚仔嘅土匪雞翼加香草味嘅混合 幾特別。而且個皮燒到好脆 但係入面既肉仲係好嫩🥳🥳🔸五花肉串好香孜然味，而且豬肥肉同瘦豬肉嘅比例好好 一口咬落去真係食得好滿足🤩🔸黑椒牛肋條鍾意食牛臊味嘅人應該會好鍾意呢個牛肋條串🙈 我個人都唔抗拒牛臊味 而且外層嘅調味非常惹味 牛嘅油脂好香🤤🤤🔸濕辣牛肉一份有成六串咁多 雖然每串都唔算好多肉 但係點上辣醬汁真係好惹味 而且辣得夠晒過癮🤪🔸招牌紅柳羊肉羊臊味唔算重 而且孜然味亦都唔會蓋過羊肉本身嘅鮮味 所以呢個招牌羊肉都非常欣賞👍🔸壓力鍋生蠔呢個壓軸嘅壓力鍋生蠔真係非常出色😱 $128 有成六隻蠔咁多 仲要隻隻個殼都有手掌咁大隻而且蠔肉非常肥美 食落好滑嫩 😍 而且點埋Wasabi豉油真係冇得頂😝

鄰近HKU MTR小巷內的串燒小店，串燒Menu選擇很多，豬、牛、羊、海鮮、素食都應有盡有，定價親民，無論是宵夜小吃，還是要正餐飽肚，都可以大飽口福。秘製雞中翼 $18 | 烤雞胗 $11牛肉小串 $38 | 烤玉米 $16魷魚小串 $38 | 蒜蓉生蠔 $24秋刀魚 $38 | 蒜蓉金菇娃娃菜 $36一入座，店員就準備鐵板熱爐，以保持串燒的熱度。倆口子邊聊邊吃，也Order了不少款式的串燒，整體質素不錯！特別喜歡秘製雞中翼，一咬開就有肉汁流出，熱辣辣又Juicy。蒜蓉生蠔比預期中大隻，惹味蒜蓉加上飽滿蠔肉，美味！牛肉小串和魷魚小串一手10串，很有風味。原條秋刀魚調味剛好，魚皮和幼骨已燒到脆口，可以無負照吃無礙。

呢間串燒店喺HKU附近 所以都幾多學生幫襯裝修幾有玩味 除左打卡霓虹燈仲有搞笑指示牌價錢貼地又好味 人均百幾蚊都食到好多款串燒如果住附近真係可以慳番北上嘅車錢同時間魷魚小串同牛肉小串都推介 一口一串好過癮魷魚鬚夠柔軟唔會燒到乾晒烤苕皮一定要試 燒到少少脆口好煙韌入面卷住辣豆角菜圃等等口感豐富又惹味原隻大牛蛙可以話係膽量測試 朋友見到個樣唔敢食 益左我自己食晒佢肉質比大陸食到嘅結實啲 髀位好嫩滑五花肉串燒得啱啱好充滿肉汁雞翼燒得皮脆肉嫩 烤豬蹄外面好脆 入面充滿膠質仲有串燒店必食嘅燒茄子同金針菇娃娃菜蒜蓉醬好出色 煮完啲蔬菜好香口又唔會太咸

呢間舖頭真係「串到爆」，成間舖頭充滿中國特色，仲貼住塊「禁止毆打客人」嘅牌，好搞笑之餘又帶啲輕鬆氣氛，感覺好親切。牛肉小串10串$38，價錢相當吸引，牛肉燒得香口，份量剛好，簡單易入口。蒜蓉生蠔一隻$24，蠔夠鮮甜，蒜蓉味道清香，但如果蒜味再濃少少會更突出。原隻大牛蛙$48係幾特別嘅選擇，牛蛙肉質嫩滑，調味啱啱好，辣味適中。烤苕皮$18有少少煙韌，燒得香香地，配上調味鹽係幾特別嘅口感。烤韭菜$14同烤青椒$14屬於簡單又易接受嘅蔬菜選擇，特別適合想食返啲清新少少嘅人。烤茄瓜$38，茄瓜內裡夠淋，帶有少少焦香味，味道幾正。豬大腸$18係值得一試嘅選擇，外皮燒得脆卜卜，內裡有啲脂香，口感豐富。黑椒牛肋條$20黑椒味幾出，肉質唔錯，味道幾香濃。烤雞翼$18燒得金黃，雞翼外皮香脆，肉質適中。烤雞腎兩串$22，燒得啱啱好，味道唔錯。

我西環香港大學附近第三街嘅串燒小店依家嘢真係冇講錯名串到爆🤣竟然由18:00開到02:00 瞓唔着，肚餓都即刻可以出去食仲吾串到爛👍🏻烤雞🐔腎串鮮嫩多汁，搭配香料的味道恰到好處。烤牛肉🐮串則選用優質肉類，肉質軟嫩，令人一試成主顧。烤五花肉串肥而不膩，帶有香氣。此外，烤雞皮串脆口可口，烤雞腳筋串彈牙十足。素菜方面，燒茄子和烤韭菜的蒜蓉香味濃郁，完美平衡了肉類的油膩感。整體而言，值得再次光臨！重點平時去燒烤店食完都會成身一陣味，但呢度油煙唔算多，所以食完都唔會太大浸味返屋企👍🏻

今天發現原來香港大學附近有一間這麼好吃的燒烤， 由於舖頭是在巷子內所以之前沒有發覺。羊肉串非常之有樣味燒出嚟配上孜然粉一絕，跟在深圳吃的味道一模一樣。牛肉小串一共有十串，很適合邊飲啤酒邊傾計慢慢食，雞軟骨很脆和豬大腸很香口亦是配酒首選。燒韭菜非常之好吃因為好入味，整條韭菜滿滿佈滿調味料。燒秋刀魚亦不會太乾，成條魚夠味多汁。最後配上一個炒米粉作為煮食，加上1扎鴨屎香檸檬茶,完美的一餐。總體來說燒烤非常有深圳的風味，不用回到深圳就可以吃到這麼正宗的燒烤很不錯。也可以邊喝啤酒邊食燒烤邊傾計。

公司附近見到有間食串燒，見到啲裝修幾特別，最緊要價錢唔貴，一於去試吓。我點左10串魷魚鬚，一串一啖食晒，但係條條都咁彈牙，小小辣成個感覺好開胃。另外雞翼$18有兩隻，都幾大隻，同埋雞翼入邊都有味，外皮燒得香脆，食完兩隻都唔夠要再encore。另外好少地方有田雞食，原隻燒雖然賣相有少少恐怖，不過味道好好，肉質好嫩滑。最後炒米粉，估唔到份量咁多，米粉好有咬口，配埋椰菜絲同埋蘿蔔絲等配料一齊食，飽肚之餘亦好有口感。因為唔係好肚餓，所以唔係點咗好多嘢食，但我覺得價錢可以接受，下次可以試埋其他嘢。

這間餐廳位於HKU附近，主打親民價錢的中式串燒室內很光猛、座位間隔舒適空氣流通，不會有油煙味🥰串燒款式種類不少，而且是學生也輕鬆負擔得起價錢喔～比較特別的串燒有多春魚、燒牛筋等價錢方便都是$10起就有1串😍‣ 烤雞軟骨 ($11)雞軟骨吃得好爽一顆一顆的吃，脆脆的很好吃‣ 秘制雞中翼($18)雞中翼的調味不錯，辣度適中‣ 五花肉串 ($18)燒出來很香，很好吃每一口都是肉的香味‣ 肥牛串 ($18)肥牛串味道不錯‣ 牛筋串 ($18)牛筋串很有特色未試過在其他地方見過有牛筋串‣ 多春魚 ($56)現在很少有多春魚的串燒難得這裡有，很好吃‣ 烤茄瓜 ($38)茄子調味不錯，很香蒜蓉味‣ 鴨屎香檸檬茶 ($58)💰Total: $300 ($150pax 無10%服務費)📍串到爆西環石塘咀第三街182-190號豐裕大廈地下6號舖⊂ 喜歡我的分享就收藏、點讚、關注吧❤️⊃

呢間串燒小店喺香港大學附近，營業至深夜🌃，係附近學生哥們嘅宵夜好選擇！餐廳環境光猛企理夠闊落，串燒款式幾特別，全部都係即叫即燒，燒完會放上鐵板，keep返食物嘅溫度🔥～幾鍾意佢店內唔會有好濃烈嘅燒烤油煙，食完個人都唔會話好大浸味，平時夜晚同朋友過嚟，慢慢嘆返幾串都唔錯！-——————————————呢間串燒小店款式幾特別，款式口味都比較貼近內地食開嘅嗰種串燒，味道正宗，仲可以根據個人口味加返啲辣椒粉🌶️同孜然粉～因為放咗喺鐵板保溫嘅緣故，食落仲暖笠笠，肉串整體都唔錯😋，第一次試豬鞭🫣，咬落脆卜卜幾特別；牛筋整得好軟腍黏口；重慶三件套有烤苕皮、年糕同豆皮，香辣惹味，推薦👍！💰下面有價錢可以參考返～💕雞腳筋 $20💕雞腎 $22💕招牌紅柳羊肉串 $40💕豬鞭 $26💕重慶三件套 $48💕牛筋串 $18💕翠玉瓜 $14💕秘製雞中翼 $18🥤Zero $8🌟Encore指數：8.8/10

西營盤小巷中一間串燒店,  舊同學約去聚聚. 地方好乾淨! 每張檯都有一個爐, 熱住D 串燒. 食串燒最緊要熱辣辣.    蒜蓉生蠔 - 鮮甜, 我地仲ENCORE 左 !   烤茄瓜   - 大大隻, 燒得好惹味. 多蔥多蒜正 !  1手魷魚小串  -  有成十小串,惹味焦香,帶脆身好香口 煙韌口感秘制雞中翼 / 烤雞軟骨  /  烤雞皮 - 雞類  勁香脆肉嫩, 多汁香口惹味. 雞軟骨有咬口. 五花肉串 / 牛肋條串/ 羊肉串/ 牛肉小串 - 都好高質. 火喉剛好. 肉質嫩重慶三件套 就係 烤年糕,  豆乾及苕皮  - 未試過苕皮,  口感煙韌幾特別. 入面包了酸酸辣辣的醃蘿蔔及豆角做餡料好惹味. 串到爆 西環石塘咀第三街182-190號豐裕大廈地下6號舖