中意仿

Open Now

Now Closed

朋友話呢度一定要訂台，如果唔系有排等。未來之前，還以為系間坐得舒舒服，裝修唔錯的餐廳。一來到，emmmmmm 原來系間頗簡陋的餐廳仔，serve住家菜。服務員態度熱情，熱情到有點過火。我們都點了是日重點推介，服務員用很多很多的形容詞來包裝0的dishes。但上台后，發覺原來只是不外如事。什麼日本空運南瓜炒什麼什麼菰，我們還以為是原個南瓜熟，但原來只是有個很濃洌的南瓜汁，還有幾片少得可憐兼溶溶地的南瓜碎。一條什麼什麼主法的凍魚配什麼什麼法式salad，服務員講到很特別的樣子，我們就被她說服了點了這條魚。原來什麼什麼法式salad只是伴碟的菜，加上一點醋而已。甜品：有些很特別，很值得試（例如，梨的那個和包住的那個很特別）。其他的則很普通。總結：set dinner系平平地的住家菜，屋企唔煮飯而又想食番0的普普通通的dishes，可以來呢度開飯。但如果情侶約會，我還是建議其他的餐廳吧。Smart tips: 介紹當中服務員加了很多很多的形容詞去beautify 0的dishes，所以選擇菜式時要自動刪去那些形容詞。服務員過份熱情，所以要堅持0羊你系想點，0羊其實系唔想點的。

已有一段日子無嚟中意仿食lunch，和往日一樣，菜式交由店員決定。整體來說，各款食物質素都OK，尤其是那個茄汁焗芝士肉丸及魚塊，個汁好香好好食。甜品依舊選擇繁多，賣相質素令人滿意。雖食物味道依舊，但份量確是少了。另外，此店的員工也像和以前不同，連昔日的老闆娘亦不見其芳綜。

端午節前夕...相約三五知己飯聚...朋友介紹o黎【中意仿】…小妹鄉下出來的(哈哈!), 第一次踏足鯉景灣!!!...嘩!!!...果晚街上好似掛風球咁吹到人都傻!!!訂座8點…行經一帶, 觀乎似係哩間坐無虛席…講食…人未齊…叫兩客燒雞中翼小食(3隻一客)…鹽燒ok…朋友話醉雞翼冇酒味!!五個人叫左兩個二人餐…包湯、冷盤、幾味小菜、甜品…菜乾湯ok, 響螺湯淡而無味!!...小小碗裝冷盤有魚子醬n肉鬆豆腐(吾滑), 雞絲粉皮之類, 味道無啥特出!小菜有兩串串燒牛肉粒…umm冇牛味!!…肉末粉絲ok…4條燒醬肉骨(冇食,不過朋友食左都冇乜可表示!!)…4隻炸蝦炸得油!!...最搞笑係有味銀鱈魚…個個食左仲以為只係豉汁煎釀豆腐...仲追問個服務生話碟魚未到…點知位哥仔自己都話,你地可能誤會左,因為魚得四粒倒…二人餐+10%要幾近3百蚊…菜式份量”的骰”D,接受!...因為佢走中吾中西吾西格局,吾會一般中菜炒大碟!!!...菜式平凡亦可以好味美, 但佢地味道就冇一款令人深刻…傳說中最受歡迎o既甜品拼盤…亦所謂佢o既”賣點”…由位”疑似老板娘”短髮帶眼鏡女士壓軸出場…手持塑膠玩具咁o既一盤甜品

此間食店應是鯉景灣最旺場的一家假期真係唔book唔方有table架甜品真係好正, 餐有包, 另加都係10蚊一款, 好精緻.d送就都幾住家feel, 不過幾細碟.我最like係佢既咸牛利, 真係整得好好.d湯就有時都幾咸, 唔知係唔係太多料價錢方面都唔算平, 人均消費dinner都100以上.不過最衰就係d店員既態度真係唔多好架問多2句唔太like, 睇落都只係老闆娘最好.不過佢都係睇你食得多唔多野同係唔係常客既.叫平野佢都唔多so你.

We booked the table a few days before and still had to wait for quite a while before we got the table.We ordered some very common thing like Ribs, Fish, Vegetable and it did not taste good.The waiter's manner is pretentious and became impatient when we asked them questions.I would say both the taste of food and service do not worth the money spent there.Would never go there again.

首先個位置唔係好正確佢唔係起正太康街, 佢係太康街中段既橫街入面對住網球場果個位(可能果度無街名,見圖)我差d 搵唔到幫襯左第二間, webmaster可否幫佢改正?果日去完西灣河文娛中心做完文化人就去soho east high 下!格局叫做ok, 高級茶餐廳feel入到去有個短髮既應該係老板娘好熱情招呼佢講解佢餐牌既時候好搞笑, 好pro,好似電視推銷廣告既語氣咁我就試左佢地d較創新既菜色叫左二人餐有湯有菜+2個餸有2個甜品花生雞腳湯: 無味精, 足料頭豉油麥菜: 油左少少,但頭鼓帶出菜既清甜,都ok粉紅汁燕麥球: 正, 芝士蕃茄汁+用燕麥同豬肉+其他料搓出既meatball, 肉質彈牙有肉味, 同個汁好配煙肉炒豆角大豆牙: 蔬菜炒得爽脆,功夫一流,夠香口,搭煙肉有意想不到既味道,即好似西式金華火腿/咸肉咁...d野食都無乜味精, 好好食食下聽到老板娘向隔離枱又用電視推銷既語氣解說緊d 甜品"佢加左新鮮既芒果用,而上面既唔係忌廉,而係用左健康既乳酪....."真係剩聽佢介紹都值回票價估唔到最後甜品先係精隨二人餐包左2款, 加10蚊多一款如此"茶餐廳"竟然croaching tige

之前男友suma係西灣河番工我就成日入去陪佢食飯食過咁多間最鍾意都係呢間!!其實西灣河真係一個拍拖好地方!!!個view又令、地方又夠靜、係一個浪漫的soho view~雖然遠左d．不過得閒入lai拍拖都唔錯!!講番呢間啦．d service真係好到無人有!!我一入去就主動俾水你、問你駛唔駛要位擺野等等。。。態度超好!!! 我食左幾次lunch都係叫set．50元有湯有菜有飯仲包甜品!!個甜品真係一流!老闆首先會拎一個擺滿甜品既模型出來，入面有好多各色各樣既小甜品．再遂一介紹然後問你要邊樣之後就拎一個實物既甜品出lai俾你食雖然份量少d．但係真係有心意! (好後悔冇影相呀....不過大家可以睇其他人既相)希望hk有多d呢d店．唔係下下貴既野食先吸引到人平既就俾d好差既你有心思有質素既食店先係hk最需要家!

11月5日, 菲菲農曆生日暨我們的86週月快樂!由於想食餐中國野黎慶祝吓農曆生日, 但係為食的呀菲我又希望可以西式的甜品作結... 千揀萬揀終於揀咗黎soho東呢間一次過滿足晒我2個願望既中意仿! 其實起初入到黎見到佢既格局係有d odd, 因為冇諗過佢係一間café溝茶餐廳格局, 枱凳又比較窄... 同想像中係有d出入. 不過唔緊要~ 照叫~ 佢有d二人餐, 又有d一人餐, 大部份都係家常小菜, 結果我地要左個2人’仿佛在童年’餐~ 乜野黎? 都係名黎架啫~::: 仿佛在童年2人餐 ::: $188::: 咖哩薯仔牛俐 :::咖哩薯仔牛俐用砵仔裝, 風味足但味道一般~ 咖哩辣但冇咖哩味, 牛俐切成幼條狀, 完全食唔到牛俐爽滑既質感, 仲有d韌添! 薯仔夠粉, 但係只得2舊... 砵仔本身好淺, 所以咖哩份量唔多~ 而其他材料都略嫌孤寒咗d囉~::: 京蔥爆牛肉 :::好鹹! 全部野都過鹹! 牛肉韌! d蔥有d生! 仲要超多油! 非常之no good呀!::: 蒜茸西蘭花 :::呢個跟餐送既~ 竟然係最好味! 大大棵西蘭花新鮮翠綠夠爽甜~ 蒜茸落得足, 食落又香又惹味~ 正!:::

中意仿是一間頗有特色的食肆，格局菜色都是中西合壁，尤其她供應的甜品款式及質素，更不是一般餐廳可比。一如以往，是日餐單交由老闆娘決定。蓮藕豬肉湯：味濃足料，ok粉絲娃娃菜：一般菜式，無乜特別洋葱牛仔骨：牛仔骨較韌，味道ok招牌海鹽雞：無食到，no comment臘腸蒸肉餅：臘腸不夠肥美；肉餅則較實；ok沙拉骨：豬肉件夠淋及入味，沙拉醬調控得宜，好食 蒸水蛋：蛋雖滑，但不夠蛋味，應該是蛋本身的問題石斑炒雜菌：普普通通芝士焗火腿茄子：芝士汁非常香，用來撈飯吃一流 雞粒炒蝦球：味道ok咖哩牛脷薯仔煎蛋餅：咖哩汁好食，同樣適合用來撈飯吃甜品：有太多選擇，中式西式加埋有超過二十款。普通的有各式慕士、SKII(杏仁露)等等。較特別的則是「A貨蛋」，雞蛋殼裡內藏蛋白(椰汁布甸)及蛋黃(芒果布甸)，像真度十足，味道也不錯。是日最終選了木糠布甸，賣相像小盤栽，木糠布甸為「花泥」，面上栽種了一棵「太陽花」(水蜜桃布甸為花&朱古力條為莖)。如「花盤」也是用朱古力造會更好！

星期六和女友二人到了鯉景灣食晏 , 之前在OPEN RICE搜尋資料 , 找了三數間目標餐廳 , 到達現場後挑選了這裡 , 安排坐在窗邊位置 , 陽光感充足 , 望公園景 , 很悠閒的午飯氣氛 .點了燒牛肋骨和西芹魚片 , 跟青紅蘿蔔湯和粉絲配青菜 , 燒牛肋骨很入味 , 雖然未至於入口即溶 , 但肉質很軟 , 醬汁配白飯一流 !! 西芹魚片亦有水準 , 魚片不會有冷藏味道 , 蠻新鮮的 . 湯和配菜都合格 . 最精彩的是甜品部份 , 有專人拿著一大碟甜品到我們面前 , 逐款詳細介紹 , 有西式亦有中式 , 另外亦有兩款糖水供應 . 我們先選了榛子木糠布丁和合桃露 , 兩款甜品都很好味 , 不會給其他甜品專門店比下去 , 接著我們意猶未盡加十元點了一個外型有趣的甜品 , 外表是一個烚蛋 , 但弄掉蛋殼後 , 裡面是用椰汁布丁做的蛋白 , 芒果布丁做的蛋黃 , 味道和玩味性都超正 !!侍應全程招呼親切 , 埋單 150.00 , 不貴 , 一定會再來 !!

約兩月前同朋友在西灣河傾計，晚飯時間肚餓搵位食飯，間間要等位，見呢間有位就試下啦，價錢不平，份量少，味道一般，鹽水雞普通，粟米魚柳太甜，附近有ｄ快餐店水準會重好，，主要唔係講食物，係想講服務態度，食完我埋單，四百幾，有四十幾蚊回贈，男侍應話可以下次黎當錢駛，我於是對我友人講，你住呢頭俾你用啦，得閒黎食下甜品，(甜品好似每杯仔十蚊)，侍應立即講，淨食甜品要九點半後先得，我話我講下口者，佢邊會黎丫，年青侍應反應好快：「咁我都係講下口者！」好無癮！人客食野求開心，駛唔駛每一句頂到行！好似等你知我幾叻，人客唔係你仇人，客氣d解釋下都得卦！出d回贈都係想d客再黎，咁好既反應，我唔夠膽再來領教！老板，你夥記又幫你慳番四十幾！

第三次黎食第一次黎係兩年前，同事farewell，介紹去呢度食飯印象最難忘不是它的fusion菜，而係服務態度，同埋甜品服務&甜品，有酒店級水準想食甜品buffet可以去呢度la，唔洗去酒店唯一美中不足既地方，就係無樣甜品係蛋榚之類既野，全部都係jelly or 慕絲

搬了來一年也沒有試過呢間餐廳。每次看佢個餐牌都怪怪咁，一直都未有幫襯的衝動。好的，今次就試下，點知又有點驚喜wow！我們點了個粟米班塊和焗豬扒飯，粟米班塊做得唔錯。個豬扒飯賣相已夠吸引，炒飯底很多蛋，但嫌豬扒唔夠鬆化。每款set約$50，仲有湯和甜品無揀一款。佢既甜品幾特別，幾用心做。

成日散步經過, 但未試過~今日特登黎試下~!d 服務好好好好好!!!! 超級nice~ 好好笑容!~ =]野食都好好味~叫左金菇日本南瓜, 糖醋排骨, 唔知咩腸魚塊~仲有兩個甜品(跟餐的~)一個係天山雪蓮蘋果糖水~ 另一個係超級好味既黑白芝麻布甸!!!真係好好味呀~有好多款甜品任揀~ 下次要試多幾款~

甲乙與兩位美女友人晚飯，律師朋友推薦東ＳＯＨＯ呢間寫意餐廳。早左少少到，非常肚餓，先點左個鹽燒茄子同海底椰柚子蜜。燒茄子有４厚片，但燒得唔夠香，亦都唔係好多汁，只可以做到暫時飽肚作用。柚子蜜唔太濃味，清清地，還可以。其間等朋友時服務員都幾親切會主動同你傾兩句。餐廳細細開晒門，半開放式，吹住微風異常寫意。眼見客人出出入入比其他食肆旺，有一半都應該係熟客，會同服務員有講有笑。朋友黎到，叫左個二人餐加多一個燒牛舌：燒牛舌：普通口味，唔太特別魚子醬豆腐：應該係幾好o既配搭，豆腐好滑但冇咩豆味，唔夠好鴨絲粉皮：普普通通紅燒肉：十分入味十分稔！個汁都幾香蒜香蝦：好脆口同幾香，好食！甜品六式：的的式式三個女仔分，由淡到香樣樣食少少，水準ＯＫ環境唔錯但係女仔最怕坐竹椅，成隻腳有晒印‥小食普通，小菜就幾有水準，甜品先係主菜。相信會再去的！