中意仿

Open Now

Now Closed

果日公司即興出左去食飯, 老闆娘提議食中意仿話果度D 小菜好食, 仲話飯後有驚喜!一行十人look 去食, 原來老闆娘講ger 驚喜係佢地的甜品!!!!佢地的甜品超級精緻~簡直唔捨得食~~((當然我唔會唔食)最正係個侍應介紹D甜品的時候, 用超PRO的TONE! 果然係一級SALES!!!!!我最後叫左果焦糖燉蛋~(可惜唔記得影相, 上面第三行右一)個兜超可愛!!!! D燉蛋又滑!!!! 讚啊!!!!

It's always fabulous to come here for dining. Nice service with creative food Today we came here for lunch, to celebrate two colleagues' birthdays...as usual, we ordered something ordinary. But this time, we picked two dishes which I hadn't tried before, so I had captured pics of them to share here. Last but not least, dessert time was surprisingly good, with nice presentation of the desserts! (Thumb up)

大約兩個月前黎過呢度食飯... 印象都幾深刻...1. 佢的餸冇味精，其實現在都市人都幾重視呢度野，話晒都成日出街食，想健康D2. D餸的調味適中，個人覺得唔會太咸太重味...3. 餸係幾家常，但係佢都會有些係難度較高，自己唔會煮到4. 甜品係最深刻的，佢個甜品係有好多選擇，但唔係普通的紅豆沙、綠豆，佢係有分子料理的感覺，例如係蛋型的甜品，但唔係蛋，有個整到啤李型但唔係啤李... 個賣相吸引...5. 服務都好親切，會問下你食後意見...但係餸的分量細左D.... 要食得飽，兩個人要叫三至四個餸... 計落都算貴...

是晚係一個突然o既飯局，同好耐無見的林生及更耐無見的derek食飯~~~唔過海都唔黎搵我~~~哼!!本來話去銅記的，臨時轉左場，揀左去鯉景灣。以為食西餐，點知最後食中菜，哈。是晚餐單：::蓮藕煲乜乜肉湯 – 住家風味，正！::宮保雞丁 – 連埋腰果同炒，醬汁微辣，好惹味呀！::金菇(好似係)蒸水蛋配魚子醬 – 魚子醬都係用黎裝飾多；蒸蛋真係滑一滑，配上蒸魚豉油，讚！::乜乜豆腐 – 個獻汁好好味呀!!!!!很好下飯的一個小菜~~::豆豉炒油墨菜 – 我地三個都問，點解可以咁好食o既？連唔食菜的我都包底，就知哩碟菜有幾好味！::甜品 - 我地揀左相片中的三款，最得意係個隻「雞蛋」，蛋白係椰汁，蛋黃係芒果慕斯，味道就算不上好好，不過就好有心思！服務很好，侍應很仔細介紹餐單，張桌子”up up”下，又主動搵野攝落去，等張桌子唔洗郁黎郁去；介紹甜品時又好投入~~~~埋單每人$115，我地都十分滿意呢！不過如果可以晏少少收舖就更好(收10pm)~*是晚可以同朋友食食飯、吹吹水，真係人生一大樂事，雖然時間不長，但都好開心

好耐未試過食完一餐係會滿足地笑住離開。我地兩個叫左一個二人餐，有：> 西洋菜煲瘦肉 (有D媽媽在家煲既味道)> WASABIA麻醬炒豬頸肉 (好新奇既食法，不過如果豬頸肉切薄少少會好D)> 蒜蓉少西蘭花 (呢個正常啦，無咩特別)> 韓式豉油炒牛仔骨 (有埋D菇片一齊炒，食落有驚喜，絕對值得推介﹗)去到最後，佢有12款精緻既甜品任你揀，親切既侍應哥哥仲不慊其煩逐一同我地介紹。我地最終揀左「芒果椰汁壽司」(用西米取代壽司飯) 同「芒果包袱」(用酥皮包全芒果奶油)，下次一定要留肚，試多幾款甜品﹗特別要再讚一讚佢地既服務態度，令人又親切又舒服。

第二次光顧，超班的customer service，menu及甜品有詳盡的介紹。一個套餐有一湯一飯一餸一甜品是日例湯：西洋湯煲南北杏 (非例湯而極品主家湯也！)菜式：咕嚕排骨 - 甜酸適中，排骨香脆粟米斑塊 - 盡在不言中甜品 - OK, 賣相精美, 亦可一試~~適合喜愛「主家菜」及吃得健康的朋友

今天晚上，朋友仔無飯食，我就當然陪佢！找了這個地方，我們到了都很滿意鯉景灣的環境，這裡也不難找。我和我的朋友仔坐在角落的二人檯，環境不錯，侍應都幾迅速的服務。侍應立刻問：唔知兩位認唔認識我地個餐牌呢？隨即佢就充滿熱情地介紹，我們都覺得這樣的服務態度很值得稱讚～我們叫了個彷彿在童年的二人餐。餐牌的選擇都很多，但其實，要吃到心較好的菜式，大概也要望多幾眼要加十蚊的菜式。1. 木瓜煲雪耳湯真的無味精，熱辣辣，好味！好有返屋企飲湯的感覺，給我和朋友仔好像一起回了家的感覺。一人一盅，有渣又有湯。滿足。=)2. 蒜蓉炒西蘭花這是套餐奉送的，難得會送西蘭花，我們倆都喜歡食，太好了!西蘭花不大舊，炒得好香，蒜蓉都好夠！讚！3. 蔥爆牛肉不算大碟，不過不要緊，我們兩人食就好夠～炒得幾香口，幾有味。也不會牛肉太少，滿意！4. 意大利XX芝士焗魚柳呢個要加十蚊。不過這是最好食的。真的焗到熱辣辣，同埋芝士味濃但不膩。魚柳不算太新鮮，但配上芝士，仍是很香很好味，送飯一流。讚。但唯一是很多青豆，如果不喜歡的朋友就會挑得辛苦…食完坐一陣，侍應便周到地問我們：看了甜品未呢？隨即就為我們拿了甜品盤來了。十幾廿種得得意意

the restaurant is small, but seating is comfy. the staff is very friendly & can chat with you like old friend (if you speak cantonese). there are 3 groups of food: today's specials on the blackboard (hkd$80-160), set menu for 2-6 people (hkd$90/pp), & regular entrees (avg hkd$60-80). only the last page of menu shows some fusion dishes, but then not exactly sounds like chinese-italian fusion to me. if you bring a bottle of wine, no corkage fee. for 2nd bottle, $100 corkage. we ordered the set men

星期五，又是一大班人一齊食飯嘅日子。地點係鯉景灣嘅「中意坊」。之前與太座都幫襯過一次，其五光十色嘅甜品選擇令人難忘．在談論食物質素之前，先談其服務，有幾樣令筆者不吐不快。大夥兒訂了七點半嘅座位，眾人皆準時到達。一行七個人，需要合併一張四人枱及一張兩人枱。現場所見，只有一、兩枱客，但偏偏被安排在一張四人枱，隔離嘅兩人枱還有客人食緊甜品。大家係唔介意等一等的，豈料服務員對我地講坐住先，隔離嘅客人知道七點半要還枱。唔知道隔離枱嘅客人聽到之後有什麼感覺，但一定不好受。友人中有新生女兒，大約一嵗大。小朋友，坐唔定係經常都會發生的。小朋友對餐牌十分好奇，拿來把玩一番。怎料有一位相信係老闆娘嘅人前來勸告，叫友人唔好讓其女兒把玩餐牌，以免整皺了。因為餐牌十分珍貴，冇得替換。餐牌是用普通顏色紙用電腦打印後過了膠的，大人要弄皺它都要費一番功夫，何況是小朋友？其次係就算真的被弄皺了，可以再印一次，所費亦無幾吧！部份服務員嘅態度過份熱情，變得有點矯枉造作。為了強調食品嘅獨特性，用了不少形容詞。如一碟鹽焗雞，聲稱用了法國嘅海鹽、龍崗嘅走地雞，還有不知什麼地方嘅油諸如此類。食材來源地實是無從考究，但好似誇張咗一點

同男朋友貪方便泊車去左西灣河海旁行下, 之後去食lunch, 我見無什麼人又見間okay就入去, 坐左勁耐無人理, 之後有人來比水來問食什麼, 我地話諗下, 咁佢行左去門口了, 叫佢又唔理, 掛住同朋友傾計, 嬲到我地火都來, 點知唔小心倒瀉水都唔理, 真係想講句"好野" ar ! 咁我情況......食都唔食就要走 law, 係香港有咁的餐廳, 真係影衰飲食業! 好想係 openrice 講比人知, 佢地真係要改下個服務態度! 間野多人食大晒咩? 定係睇人唔起就唔核 services 我先?

果日放工之後，本來打算跑步後回家吃飯~ 點知公司有野要做要開OT><結果，我決定不回家吃，放棄keep fit同老公仔就去左蘇豪東食野=P本來打算食下western dish~ 因為恆生卡有50% OFF~點知... 睇過晒半價左都過$500=.=" 食一餐普通飯會唔會太貴呢?所以，最後我地重臨中意坊~*上次食lunch都好耐之前lu... 今次試試dinner^0^到達時差5多8點~ 估唔到唔洗等位 lucky!被安排座係窗邊位~ 雖然被外面gei路人行過見到... 不過我食野唔理佢地就ok啦=P個女侍應(我估可能係老闆娘)叫我地坐低之後就介紹menu及一些特別優惠好nice好詳細^^ 之後比時間我地慢慢揀!睇完全份menu~最後我地決定order一份二人住家套餐($188) 每份套餐有兩個老火湯，兩個白飯，一碟時菜 (時菜可選當日的款式~~ 大約5款)及兩款迷你甜點當然仲有最重要可選的主菜啦~*是次我地就選擇左糖醋排骨及蕃茄紅酒燴牛尾~1.老火湯 (該天的是西洋菜豬骨湯)很清甜完全沒有味精的媽咪湯~ 我超級喜歡>3<材料十足，有好多西洋菜，又有豬骨又

朋友話呢度一定要訂台，如果唔系有排等。未來之前，還以為系間坐得舒舒服，裝修唔錯的餐廳。一來到，emmmmmm 原來系間頗簡陋的餐廳仔，serve住家菜。服務員態度熱情，熱情到有點過火。我們都點了是日重點推介，服務員用很多很多的形容詞來包裝0的dishes。但上台后，發覺原來只是不外如事。什麼日本空運南瓜炒什麼什麼菰，我們還以為是原個南瓜熟，但原來只是有個很濃洌的南瓜汁，還有幾片少得可憐兼溶溶地的南瓜碎。一條什麼什麼主法的凍魚配什麼什麼法式salad，服務員講到很特別的樣子，我們就被她說服了點了這條魚。原來什麼什麼法式salad只是伴碟的菜，加上一點醋而已。甜品：有些很特別，很值得試（例如，梨的那個和包住的那個很特別）。其他的則很普通。總結：set dinner系平平地的住家菜，屋企唔煮飯而又想食番0的普普通通的dishes，可以來呢度開飯。但如果情侶約會，我還是建議其他的餐廳吧。Smart tips: 介紹當中服務員加了很多很多的形容詞去beautify 0的dishes，所以選擇菜式時要自動刪去那些形容詞。服務員過份熱情，所以要堅持0羊你系想點，0羊其實系唔想點的。

已有一段日子無嚟中意仿食lunch，和往日一樣，菜式交由店員決定。整體來說，各款食物質素都OK，尤其是那個茄汁焗芝士肉丸及魚塊，個汁好香好好食。甜品依舊選擇繁多，賣相質素令人滿意。雖食物味道依舊，但份量確是少了。另外，此店的員工也像和以前不同，連昔日的老闆娘亦不見其芳綜。

端午節前夕...相約三五知己飯聚...朋友介紹o黎【中意仿】…小妹鄉下出來的(哈哈!), 第一次踏足鯉景灣!!!...嘩!!!...果晚街上好似掛風球咁吹到人都傻!!!訂座8點…行經一帶, 觀乎似係哩間坐無虛席…講食…人未齊…叫兩客燒雞中翼小食(3隻一客)…鹽燒ok…朋友話醉雞翼冇酒味!!五個人叫左兩個二人餐…包湯、冷盤、幾味小菜、甜品…菜乾湯ok, 響螺湯淡而無味!!...小小碗裝冷盤有魚子醬n肉鬆豆腐(吾滑), 雞絲粉皮之類, 味道無啥特出!小菜有兩串串燒牛肉粒…umm冇牛味!!…肉末粉絲ok…4條燒醬肉骨(冇食,不過朋友食左都冇乜可表示!!)…4隻炸蝦炸得油!!...最搞笑係有味銀鱈魚…個個食左仲以為只係豉汁煎釀豆腐...仲追問個服務生話碟魚未到…點知位哥仔自己都話,你地可能誤會左,因為魚得四粒倒…二人餐+10%要幾近3百蚊…菜式份量”的骰”D,接受!...因為佢走中吾中西吾西格局,吾會一般中菜炒大碟!!!...菜式平凡亦可以好味美, 但佢地味道就冇一款令人深刻…傳說中最受歡迎o既甜品拼盤…亦所謂佢o既”賣點”…由位”疑似老板娘”短髮帶眼鏡女士壓軸出場…手持塑膠玩具咁o既一盤甜品

此間食店應是鯉景灣最旺場的一家假期真係唔book唔方有table架甜品真係好正, 餐有包, 另加都係10蚊一款, 好精緻.d送就都幾住家feel, 不過幾細碟.我最like係佢既咸牛利, 真係整得好好.d湯就有時都幾咸, 唔知係唔係太多料價錢方面都唔算平, 人均消費dinner都100以上.不過最衰就係d店員既態度真係唔多好架問多2句唔太like, 睇落都只係老闆娘最好.不過佢都係睇你食得多唔多野同係唔係常客既.叫平野佢都唔多so你.