老闆火鍋冰室

Open Now

Now Closed

兩個人喺元朗突然好想打邊爐見到依間餐廳裝修有少少復古，感覺幾特別，見到又係食火鍋嘅，就走去試吓。睇佢餐牌發現其實好多選擇，價錢又唔貴，所以都叫咗好多嘢食。芫荽皮蛋鍋，用芫荽同皮蛋黎做湯底估唔到真係好正，我平時都好少會咁叫，今次嚟到試吓又覺得真係唔錯。手打四寶丸大拼盤，四種唔同嘅丸，每款三粒，總共12粒，有牛有豬有墨魚有蝦，全部都好彈牙好好味！蟹子墨魚手打滑，好大碟，想要幾大粒可以自己整，熟咗之後真係好彈牙好強嘅墨魚味！加埋啲蟹子好有咬口。美國黑豚花腩片，雖然係花腩片，我自己覺得都係肥瘦適中，唔會話太過肥完全冇肉食，係有豬味，整體唔錯。美國穀飼黑豚肉，依個黑豚肉又真係唔錯，部位同花腩片係唔一樣，所以食落都幾好味。紅薯粉油麥菜鹽香脆炸魷魚鬚，依個真係飲酒必叫！係即叫即炸仲有好多避風塘蒜蓉粒，好香脆熱辣辣！一邊飲酒一邊吹水一邊食真係好正！

食過咁多唔同火鍋，最後都係覺得港式火鍋最好食，今日嚟到老闆火鍋冰室，見佢裝修得好有八十年代嘅茶記風格，一於試吓先。好，坐低睇吓有咩好食先！重慶雞煲，一打開個蓋，就聞到好大陣麻香味，同芫茜嘅香味。有陣時出面雞煲啲雞會好老，但佢又唔會喎，雞件食落好滑，唔會老，醬汁好濃郁，有唔同香料嘅味道，爽口嘅洋蔥沾上醬汁簡直係一流！雪花肥牛，唔會切到好薄，牛味都幾濃，煮完之後都仲食到，而且份量都幾多吓。黑豚肉花腩片，食落唔會韌，腩肉嘅油脂分布平均，唔會太肥，咬落又有油，唔錯。廣島蠔，煮完之後都唔會縮水縮得好勁，咬落有汁水，微微嘅海水味，鹹鹹地，蠔味重。牛柏葉，烚完之後索晒啲湯，爽口，食得出好新鮮。油麥菜，鍾意食辣嘅朋友仔，就一定要試吓喇，油麥菜吸晒啲湯汁，好刺激！凍檸檬冬瓜茶，食完辣嘢，飲返杯嘢降吓溫都好，飲落酸酸甜甜咁，中和返。

久久未臨元朗 , 自 "721 , 唔見人"兩週年後首次入元朗辦事 , 辦完事後也接近黃昏 6PM左右 , 向來去到邊食到邊的我馬上看看附新有咩好介紹碌碌下網上看到有間附近雞煲火鍋好評如潮 , 回頭率幾高的一家火鍋店位置離西鐵站少許遠,至少10分鐘才到 , 位於青山公路段臭河旁與友人到達餐廳大約7PM左右 天色剛開始昏暗 , 餐廳裡大約可容納70-80人左右 , 大約18-20個卡位 , 每個卡位坐4人店內燈光以黃燈為主 , 並仿效最近各店家也比較HIT既復古風 , 模仿舊時難兄難弟60-70年代的舊式風格佈置 , 極具魅力如圖所見也是數十年前的產物 - 舊式老爺電視機 , 鐵甲萬能俠壁紙 , 當舖 , 舊式捲鐵閘 , 牆上格仔階磚及假窗等店員大多是風韻猶存的阿姐 , 服務態度良好 , 不會催促你下單等等 , 並會略為介紹招牌菜餐牌方法貴客填紙仔order牛肉有級數可選 , 豐儉由人除主打火鍋外 , 還有少量熟食部份以供選擇湯底方面選擇不少 , 我們選擇了 重慶辣雞煲 (半隻)重慶辣雞煲 我order了少辣 , 大約是譚仔 3小辣 - 小辣 左右程度 , 秘制醬料 惹味濃郁 , 並拌以

同朋友喺元朗返完工，佢話想食雞煲打開openrice，好快就搵到老闆火鍋冰室所以同朋友來到試一試。重慶雞煲半隻128，雞件夠多，唔似出邊嗰啲斬頭斬尾，啖啖肉，兩個男人食都覺得夠，味道足，唔會太咸。店員仲會幫手幫你炒雞，10分體貼。雪花肥牛 大 158，咁大碟咁靚都只係158，黎到同朋友望見到呆咗，品質唔使多講睇圖就知道有幾靚，好重牛味，唔會鞋烚烚。芝士牛丸，芝士墨魚丸，鹹蛋豬肉丸，鮮蝦雲呑，芝士做料既丸都勁重芝士味，鹹蛋豬肉丸就好似食緊鹹蛋肉餅咁，勁得意，鮮蝦雲吞爽口彈牙，皮薄餡靚。粒粒丸都好足料，睇吓啲色水幾靚，食材夠晒新鮮。老闆水果茶，凍檸檬冬瓜茶，大大杯嘢飲，打邊爐必叫！水果茶果味濃郁，冬瓜茶消暑解渴！食咁多嘢都冇人$300唔使，抵食！

元朗多野食就緊嫁拉，不過今次黎元朗揀左食雞煲，因為渣車過黎，而餐廳對出有個標位停車場，所以諗都唔諗揀左呢間入去食。首先我真係要讚下啲姐姐，因為我去食個日咁岩落雨，佢地見我地都有淋濕，一黎就安排我地坐無咁凍既位，之後仲比紙巾我地抹，呢啲舉動真係好窩心🥰入直題拉首先超級強烈推介佢調味架入面既XO醬🌟🌟🌟🌟🌟超足料，唔會好辣，好香口，姐姐話係自家製嫁，不過好可惜無得買，我真係好中意🥲野飲我就嗌左杯水果茶，呀😧唔應該叫杯，應該叫一渣，我將水果茶倒左2杯出嚟，你睇仲有幾多淨，真係超抵飲👍🤣小食方面我地嗌左墨魚脆炸油炸鬼🌟🌟🌟🌟佢舖係油炸鬼上面既蟹籽如果多啲就更加好，真係超脆，勁夾😋好味雞煲拉🌟🌟🌟🌟🌟個味道好正，超野味，但又唔會話好辣，而啲雞亦都好滑😍而配菜我地嗌左個肥牛，魷魚，豬腸，魚皮餃同娃娃菜整體都係高水準，唔會話因為個價錢平而將貨就價😋😋😋特別係個牛，有牛味之餘仲超有牛油香，高質😋😋🌟🌟🌟🌟🌟我影低左個餐牌可以比你地參考下，價錢唔貴又抵食👍👍

之前嚟呢到食個午餐同下午茶，食物質素唔錯。今次試埋佢個晚餐火鍋，果然無令我失望。一嚟到已經好肚餓所以就要咗個鹽香脆炸魷魚鬚（＄46）先，不得不讚佢呢個價錢真係非常實惠而且啲魷魚係新鮮即叫即炸，薄薄炸粉非常香脆滋味，價錢仲要係小食檔價錢但份量仲要多啲經店員介紹，點咗嗰個湯底係有好多配料嘅沙爆魚肚豬骨湯底，佢話呢個湯底好清甜，唔會咁濃味，配牛肉同海鮮都好啱所以我哋就決定要呢個。牛魔王嘅我地要咗個牛頸脊，海鮮就揀咗個珊瑚蚌牛頸脊可以揀細份大份 但細份2個人食都非常多 油脂分佈均勻夠吸引 簡單淥一淥已經食得 牛味非常濃郁 肉質非常嫩滑 珊瑚蚌份量超多， 又係輕輕淥下 爽口彈牙 帶少少甜味仲叫左兩杯清爽飲品，水果茶同百香果茶，夠晒清新冰涼，打邊爐除左汽水啤酒，仲有呢個好選擇。

今日老朋友約咗我嚟呢度食火鍋 開頭一聽到佢話食火鍋以為又要去大排檔嗰度熱 點知佢揀咗呢間冰室非常闊落 裝修又靚仔夠曬懷舊feel我哋叫咗以下呢幾樣食物等唔切火鍋先要個墨魚脆炸油炸鬼跟住個火鍋湯底我哋就揀咗沙爆魚肚豬骨湯 另外要咗個鯇魚腩，芝士手打牛丸同埋後加蟹籽墨魚手打滑估唔到個墨魚脆炸鬼係咁多嘅 一客有六件 油炸鬼炸得夠脆 上面嘅墨魚非常彈牙唔會係霉霉嘅 上面仲好有好多蟹籽又彈牙又爽口又夠脆 口感十足 超好食湯底冇耐就嚟啦 足料到嚇親人呀 魚肚，豬骨多到我哋有少少擔心仲打唔打到邊爐，仲有紅蘿蔔，粟米，鮮冬菇同雞腳， 魚肚夠晒淋，吸晒湯汁好味道 ，成個湯底都好正佢呢度配料可揀半份或一份，要左半份院魚腩，夠晒爽，食落有少少彈牙夠晒新鮮，同個湯底好夾芝士手打牛丸係咪真係手打就唔知但絕對唔係粉溝出嚟嘅丸，略嫌細粒，不過好味道至於個墨魚滑，因為覺得個前菜墨魚油炸鬼太正，所以追加個墨魚滑，又係勁多蟹籽，大愛，非常彈牙，有墨魚味，正餐廳店員都好好服務，讚，絕對要再幫襯

夏天雖然熱辣辣，但總會有想食雞煲打邊爐嘅日子，買料返屋企整又整到身水身汗，都係出街食算😛今日同屋企人去咗元朗永年行入去果條巷仔食，餐廳行懷舊泳室主題裝修，好似返咗去80年代咁（當然環境乾淨同冷氣都係2021年嘅水準haha)第一步就緊係叫個鍋底先，叫咗個重慶鮮辣雞煲（半隻雞，少少辣），加多入臭豆腐水食先上枱個煲唔似出邊係不銹鋼，係厚實得嚟夠深，唔怕等陣打邊爐太淺冇位淥嘢食，店員會幫忙睇火同翻拌，等佢唔好燶底，一開蓋超香，食落雞件嫩滑夠入味，呢間鋪嘅雞煲醬濃味得嚟帶甜味，少少辣啱哂唔食辣嘅屋企人，超惹味，係得暫時食過最滿意嘅雞煲醬臭豆腐外脆內軟，臭味聞落去都有，食落就唔算太濃，但送啤酒一流😋食完雞煲就打邊爐，叫咗超多唔同嘅嘢食，推薦嘅有安格斯牛頸脊、墨魚水上飄同花膠仔牛頸脊肉味濃，𤆥一𤆥就食得，太熟反而浪費咗啲靚牛墨魚水上飄就舊舊都拳頭咁大，將大量墨魚滑釀咗係魚肚入邊，咬落去爽口彈牙，食完一舊都超飽🤣🤣花膠仔就大大塊，又厚肉，配合雞煲醬汁味係超好味，又養顏😋另外叫魚皮嘅時候冇睇清楚，以為係平時果啲，點知係金莎炸魚皮，仲要即叫即炸，真係送啤吹水至佳拍檔😍😍題外話，呢度啲店員都好細心，例如加

Happy Thursday，又係覓食好日子。開始食厭屯門，所以同同事去元朗搵好西。離遠就見到老闆冰室火鍋嘅招牌。夏日熱辣辣最適合打邊爐，以熱治熱！好彩其實呢到冷氣十足。火鍋有唔同湯底，連雞煲都有幾款，除咗有常見嘅重慶酸辣之外，仲有高配嘅蟹同埋鮑魚雞煲。叫咗個常見啲嘅酸辣豬肚鮮雞煲、最愛嘅牛— 美國雪花肥牛、脆肉鯇片、手打四寶丸小拼盆同埋蟹籽鮮蝦手打滑。仲特登嗌左一款小食，墨魚脆炸油炸鬼。火鍋當然唔少得飲品，呢度以港式火鍋為主，點知原來有水果茶。酸辣豬肚鮮雞煲好足料！辣度選擇咗少辣，唔太食辣嘅同事都食到。原本以為得豬肚同雞，仲有豬紅、紅薯粉。早知唔刻意叫芋絲，紅薯粉吸曬個湯味，好惹味。湯底有少少麻，酸同辣味唔會太刺激。半隻鮮雞都好大份，皮薄肉厚。手打四寶丸小拼盆有豬肉丸、蝦丸、墨魚丸、牛丸，各兩粒。粒粒都好彈牙。牛丸好濃牛味，juicy。墨魚丸有墨魚粒，口感最佳。脆肉鯇片有5大厚片，肉質新鮮。有陣時忘記咗淥得太耐，都唔會嚡，口感仍然爽。火鍋料當然唔少得肥牛片，必食美國雪花肥牛。細碟都已經好多。雪花分佈平均，唔會太肥。片片都厚切，啖啖肉。好重嘅牛肉味加埋湯底嘅少辣，唔需要點醬料都夠曬味。

大家都知道元朗好多美食，尤其是係雞煲周圍都有，但好食嘅雞煲就真係唔係好多，呢一間老闆火鍋冰室第一次試，但係已經好吸引我。一入到去，係一間好懷舊冰室做主題嘅餐廳，裏面嘅裝飾同埋佈置都好有舊香港時代嘅影子，所以零舍有心情試吓佢嘅雞煲。嘢食方面，佢除咗雞煲有唔同嘅味道之外，食完雞煲之後仲可以叫其他餸嚟打邊爐，而且打邊爐嘅料好充足，好多款，包你一定有想試嘅嘢。今次就叫咗佢嗰個特色招牌菜，重慶辣雞煲，但因為有朋友唔係好食得辣所以叫咗個超小辣嚟試吓。個雞煲味道好夠，啲雞好入味，雖然今次叫得唔係好辣，但係個雞煲味好濃郁，雞煲將有啲甜甜地嘅味道，我哋都覺得原來唔辣嘅雞煲都可以整得好好食，呢一間就真係整得好好，10分推薦。咁啱藍妹啤酒做緊優惠買二送一，所以有三支啤酒，食雞煲送啤酒係一流㗎。舖頭都有好多醬料可以選擇，自己調教自己鍾意嘅仗，有辣椒，蔥，蒜蓉同埋XO醬，鍾意幾多自己加。我見呢一個安格斯牛肉好多人叫，一於就試吓佢，份量都幾大份，啲肉真係幾好食嘅安格斯嚟，牛味好濃，肉質好嫩，唔怪得知咁多人叫來食啦。呢個係佢嗰個招牌菜，墨魚水上飄，一於叫嚟試吓，出面係好好食嘅墨魚滑，裏面包着一舊花膠，大大嚿，用嚟打

元朗老闆火鍋店對我嚟講不算陌生，因為有時都會在這裏食早餐及下午茶，貪佢款式多、材料足味道好。今晚同家人來試下呢度嘅火鍋，因見到在食譜上面嘅食材、窩底的相片，已覺得好吸引。這裏嘅鍋底有十幾個款式，個個都好吸引，搞到選擇困難再犯。近排天氣熱，又捱了幾晚夜，人燥熱疲困，況且家人唔食辣。所以就揀咗個極上雜錦海鮮鍋作底，這裏不只窩底款式多連配菜種類也很多，更抵讚的是有些窩底料可追加包你食到足，食材更大多有半份供選擇，真的貼心，以客為本，包可滿足廣大食客的需求。除窩底我多點了半份新鮮雞件及一碟菜，心想食住看情況再追加。醃料架送上時，心又再讚老闆的大方，連Xo醬都有，心情大好，食慾高漲。什錦海鮮上檯，齋是睇都已色、香俱全，湯色奶白奶白的，有大把大把的芫茜、一整隻蟹、一個魚頭、(鮑魚、蠔、蝦、蛤、青口各四隻)、冬瓜、粟米，更有稔軟的雞腳及豬筒骨。隨住湯煲滾嘅時候，滿滿嘅鮮香味傳來簡直係享受。海鮮樣樣都鮮味，以鮮蟹、鮮鮑及鮮蠔味道最好。鮮甜肉嫩，食到心滿意足。豬筒骨足足有四大舊，係一大碟，骨髓仲可以用飲筒嚟享用，骨連着很多筋肉，食到滿滿的骨膠原，真係真材實料。一個火鍋底足可供四人，而半碟鮮鷄件，鷄味濃、

今日得閒帶婆婆黎元朗搵食，聽朋友講呢間打邊爐好正，於是黎試下門面個牌好易見😂我地大概6點半黎到，時間尚早但入面已經坐左幾枱客入面係懷舊feel既裝修我地決定先食雞煲！好推介呢個重慶鮮辣雞煲，佢唔似出面啲雞煲得味精既鹹味，真係有花椒八角，我地嗌左小辣，覺得岩岩好，辣得黎唔搶香味👍🏻好耐冇食既臭豆腐，炸得好透，加埋啲XO醬味道好夾呢個雪花肥牛望落已經覺得靚，建議大家唔駛點任何醬油，因為佢索左個湯底味已經好濃味，牛味都尚可，兩個人嗌左細size已經好夠食佢地既手打墨魚同蝦丸好彈牙，墨魚同蝦味都十分出，手打同機造既真係差天共地足料既鮮蝦雲吞手打鹹蛋豬肉丸！從來未食過，咬落去有粒鹹蛋黃，鹹香味濃墨魚水上飄開頭唔明點解叫水上飄，一放入去個鍋度就知道😂一片魚肚包住墨魚滑，熟左好大舊😂都幾好食但一人食兩舊就太多了，四個人一人一舊就岩岩好仲有個素盛，大大份，最後都唔係幾食得哂🙈 （佢其實有兩舊冬菇，淥左舊落去先想影下相😂）嗌左渣老闆押水果茶用lipton👍🏻好多水果，蘋果好甜兩個人又係唔係好飲得哂幾推薦呢間火鍋，平時出親去打邊爐都一定比啲味精搞到係咁想飲水，食呢間完全唔覺得口渴，下次會黎試小菜！補充：想

打風唔成又落雨，天氣涼凉地，就想去打邊爐🤣途經啲餐廳見到有間老闆火鍋冰室，於是就入去試下☺️呢度啲裝修有啲懷舊feel，似六七十年代，整體來講幾舒適企理！我哋叫咗一個清湯鍋，入邊有豆腐，菇，大白菜，相對比較清甜！雪花肥牛（小）牛肉肥瘦均勻，入口甘香回味，點少少蒜蓉辣椒豉油，味道一流芝士牛丸手打嘅牛丸入邊包住芝士，咬落去爽口彈牙魚皮餃正正常常，不過不失🤣黑豚肉博切嘅黑豚肉，望上去好似有少少肥，但係滾熟之後， 十分有嚼口，而且一啲都唔肥膩，味道不錯👍🏻脆肉鯇片爽口彈牙皇帝菜&油麥菜啲菜配埋清湯好鮮甜脆炸魚皮正確來講佢係鹹蛋黃脆炸魚皮，一上枱鹹蛋黃嘅香氣已經撲鼻而來，咬落去脆卜卜，非常野味老闆水果茶超大嘅一杯！完全可以兩個人飲！味道好fresh，淡淡茶香配搭住多款生果，好啱打邊爐叫黎飲整體來講，不過不失，有機會都會再去試吓佢其他嘅嘢食。

火鍋一年四季都啱食 今日作為火鍋控就去咗元朗呢一間充滿懷舊感覺嘅火鍋店試試佢魚肚豬骨湯底 真係估唔到一個200幾蚊嘅湯底竟然有咁多材料 豬骨都有成四大嚿 仲有其他魚肚冬菇雞腳 真係食個湯底都已經飽 個湯底超級甜 因為有太多肉類嘅關係所以都煲成奶白色 而家都好少火鍋館有珊瑚蚌 仲要好大嚿 又爽口 雖然係急凍貨色 但係解凍得好好冇雪味脆魭骨腩好新鮮 真係好爽口彈牙 腩位冇乜骨 啖啖肉黑豚肉腩片 肥瘦適中 入口有油香又甘甘地我哋仲叫咗椒鹽魷魚 🦑 超大碟 香口都唔油膩 炸到熱辣辣上枱好正蔬菜方面有冬瓜同油麥菜 夏天嘅油麥菜真係好甜 同樣都洗得好乾淨

元朗出咗名多好嘢食 雖然天氣好熱但係今晚都想打邊爐 就去咗呢間有懷舊裝修嘅火鍋店😍咁熱梗係啤啤佢 🍻🍺依家藍妹仲做緊買二送一 真係超級抵呀我哋叫咗個沙爆魚肚湯底 超多魚肚唔再講 啲魚肚全部索晒湯底嘅味道 🤪超級入味 每一舊入口都好似棉花咁軟綿綿 天氣咁熱都唔想食咁多肉 於是我哋今晚就叫咗好多海鮮 其中特別推介一定有桶蠔 有成六隻咁多 仲要每一隻都有手掌咁大 鮮味十足🦪🦪仲有花膠仔 🥘順帶一提呢度叫海鮮材料可以半份 啱晒兩個人 花膠仔發得好好 而且唔係一般貨色 有厚度㗎！仲有新鮮魚卜 一啲腥味都冇 店員好細心咁提我地要用牙籤吉村個魚卜先放入去鍋裏面仲有手打墨魚丸 真係好彈牙！仲要一讚店員服務態度真係好好👍一定會返嚟再幫襯