老闆火鍋冰室

Open Now

Now Closed

食過好多次，次次都好正! 湯底試過：雞煲（可以另叫海鮮雞煲，包魚雞煲）胡椒豬肚雞（好香，雞都好滑）蕃茄牛尾鍋👍（鍾意食牛尾必叫，但個煲有好多牛尾，雞腳，紅蘿蔔等，如果兩個人食，食完煲野都好飽🤣）另外每次必叫：牛頸脊（牛味濃，又唔太肥，好嫩滑）鹹皮魚皮（新鮮炸，又香又脆）老闆水果茶（大大杯，但略嫌太甜，記得叫小甜）個個月都要去下先安落。雖然唔係任食，但五個人有時叫兩個鍋/一個鍋，再叫埋其他野食，一千蚊左右就👌

老闆火鍋😋果然係老闆🤪湯底、配料都好足料😋👏🏻 食物質素高秋天又嚟，梗係去食火鍋暖下🥰朋友介紹我去元朗老闆火鍋冰室打邊爐😋小學朋友聚會😋一邊打邊爐大家都讚不絕口湯底毫無疑問地一定叫胡椒豬肚鮮雞😋湯底好濃郁😋豬肚同雞仲好新鮮👍🏻有大量腐竹+豆卜！飲埋啲湯真係好暖胃❤️我哋叫左頗多配料😍有啲叫半份因為每樣都想食少少😋手打丸真係好正👍🏻 手打流心咸蛋豬肉丸👍🏻第一次食咬落去會bit咸蛋汁，好特別又幾好食🤣🥳手打蝦丸👍🏻 彈牙爽滑😋手打牛根丸😍肉味濃😋爽口呢個係全晚之最：極品安格斯牛頸脊（大）$298 🥩😍新鮮牛，入口即溶化，口感佳😍必食！叫大碟有好多塊😋3-4個人岩岩夠！🐷豬就叫左個美國殼飼黑豚肉！好嫩呀😋唔似其他豬肉咁肥又靭👍🏻👍🏻仲有：響玲+蟹柳+🐟魚皮餃+韭菜餃+金針菇+萵筍+西洋菜🥬+烏冬+牛栢葉+ 雞子+水魷魚🦑👍🏻食到津津有味😋😋😋朋友飲水果茶，超大杯同埋好多唔同種類嘅水果，好新鮮，茶底同水果好夾唔會太甜👍🏻我就飲左手邊呢杯百香果🥰😛其實我係百香果迷🥰百香果真係好正😋人均大概$200至$300，視乎你叫咩配料👍🏻好食過好多火鍋店👍🏻下次經過元朗都會嚟食🥳🥰好滿足

話說天氣轉涼想打邊爐，一搵openrice碌下排名前幾間就求其揀左呢間食首先要揀咩湯底先，我地嗌左胡椒鮮雞煲味道正常，可能當時太餓，我覺得胡椒湯飲落去幾暖胃，朋友就話有D似屋企味道，總體都ok不過火鍋料出曬事😥我地叫左雪花肥牛、炸魷魚鬚、生蠔、白膳片、萵筍、烏冬、手打鮮蝦丸如果比次機會重新黎過，我地只會叫鮮蝦丸😭雪花肥牛食落似超市牛厚身版，冇咩牛味，味如嚼蠟，一碟有10零塊，平時係肉肉愛好者嘅我地食極都食唔完...炸魷魚鬚賣相佳，有期待感，入口似白烚完之後裹一層炸粉去炸，骨肉分離，魷魚冇味生蠔🦪呢個唔好提了，難食，新鮮程度同蠔豉有得揮😃白膳片火鍋店少見，一於試下，正常啦，不過不失。手打鮮蝦丸🦐呢個真係好食，彈牙又有鮮味，推介我安慰朋友話咁烏冬同窩筍都ok㗎😭佢話呢兩樣都好難伏喎最尾二人埋單550$，同放題價差不多，食物質素值唔值就自己諗啦，畢竟個人口味都係主觀感受，戴返頭盔先。ps.staff 態度係好好嘅，不停問洗唔洗加湯，又好留意你動向。一位真實食客上

元朗出名多好野食 所以耐不耐都會攞假同老公入元朗搵食今日黎試下老闆火鍋冰室😜湯底選擇都幾多 我地揀左支竹咸菜魚頭窩魚頭好有營養又補腦 湯底好足料 用左整個魚頭熬製仲有豬肚同咸菜 肉類方面叫左至尊牛三寶(B)-安格斯牛柳粒-雪花肥牛-安格斯牛頸脊擺盤見到已經流哂口水😆每片肉厚薄同油脂分佈都好平均牛肉味濃 肉質好嫩 個人最鐘意係安格斯牛頸脊另外叫左美國黑豚肉薄薄一片好易熟 口感好好唔會韌白鱔片(大)亦係其中一款推薦大家點分量都唔少 而且片片都好厚肉😍魚片煙煙韌韌 肉質都鮮甜魚骨都起得幾乾淨 啖啖肉怕骨既人都食得墨魚水上飄見個名好得意 叫黎試下用左魚肚包住墨魚滑 都幾特別整體黎講 性價比都好高食物份量足 用料高質 特別係牛肉係市區呢個價錢食唔到咁滿足

今日放假就走去元朗覓食，襯而家岩岩入秋涼涼地打邊爐岩哂！就揀左呢間老闆火鍋冰室餐廳設計好有舊香港既感覺，好地道，位置都好闊落，坐得好舒適！我地兩個人揀左支竹咸菜魚頭窩做湯底，魚頭既魚雲滑滑地好入味，湯底有胡椒辣辣地都唔錯。至尊牛三拼安格斯牛頸脊賣相一流，油花都好均勻，肉質鮮嫩，必食雪花肥牛，牛柳粒雪花肥牛感覺比安格斯牛頸脊瘦一點，而牛柳粒牛味比較濃郁，都不錯！芝士手打牛肉丸對於愛吃芝心丸既朋友不能錯過，手打牛丸肉質比普通牛丸好吃，配上芝心一流白鱔片好耐冇食過甘高質既白鱔片，佢唔係切太薄，但竟然係好滑，入口一d都唔嚡，食材質量唔錯！日本廣島蠔如果怕猩既朋友可以放心叫，沒有猩味，只有鮮味！餐廳整體質素唔錯，一定會約朋友再返黎食過！

咁快又到6:30pm 又係晚餐嘅時間想去打邊爐又唔知去邊間好上網搵一搵見到好多人都推介位於元朗呢間嘅火鍋館，即管試一試門口見到裝修已經有80年代嘅茶記風味，門口望入去地方都算寬闊，坐得舒服門口嘅佈置同poster都非常吸引時間尚早，所以人流並不多，吾駛等位就有得食，當我食完大約8:00門口已經要等位地方寬敞冷氣有足夠怕凍嘅朋友一定要帶件外套墨魚炸油炸鬼$58，呢個小食非常好味將油炸鬼切開一半然後將啲墨魚滑再讓入去再拎去炸上面仲要鋪滿好多蟹子咬落去口感一流外脆內軟，咬落仲聽到鬆脆嘅聲音我喺出邊都食過類似呢款小食但係呢間係最好食嘅剛剛炸起，熱辣辣花雕醉雞鍋$218 （一隻雞），材料非常充足，見到紅棗杞子淮山嘅份量都好多，煲下煲下味道出晒嚟，令湯底非常香濃再加埋醉雞入邊嘅酒，令到湯底香味濃郁湯一滾全部到晒入去，雞嘅size亦都非常大隻半份大魚卜$30 ，非常新鮮一啲腥味都冇爽口彈牙雞腰子$35，未必個個都會鍾意食雞子，而我就覺得係以形補形其實雞子係滋陰潤燥，好有益的未必個個都會鍾意食雞子我最鍾意呢個口感一咬就爆出嚟爆漿嘅感覺好特別， 口感軟滑有少少似蠔全份珊瑚蚌$98，珊瑚蚌嘅口感係好爽，食

今晚和家人一起食晚飯，突然想打邊爐就在附近找了這間冰室餐廳內的裝修很有七，八十年代的風格，令人十分懷緬打邊爐當然少不了主角牛肉，沒有牛肉等於沒有靈魂細看餐牌都有很多選擇我點了一個花雕醉雞鍋，看他的湯底有多種藥材，真材實料，水一滾藥材的香味芬香撲鼻水一滾就將醉雞放落窩，連帶花雕汁一齊落，空氣中傳來陣陣的花雕味，越看越肚餓，先試他的雞，雞肉嫩滑，食落有雞味，還帶有微微的藥材香和花雕香味，好食又對身體健康還點了一份安格斯牛頸脊（大），一看他的牛肉脂肪紋里分布均勻，顏色鮮紅，已經急不及待放落鍋，食一口牛肉肉質嫩滑，甘香的油脂在口腔內揮發，加上濃濃的牛肉味，正，非常好味雞子也是我的最愛，打邊爐一定有他點了這個芝士牛丸，其他火鍋店很少見到，因為是人手做的，所以一定要試食一口牛丸表面爽口，內裏的芝士就流了出來，濃濃的芝士味，真的不要錯過，點了這份廣島蠔，蠔味很重，食完已經很滿足值得一讚，他的廣島蠔並不縮水，而且食材新鮮，很有質素，會再回頭

因為疫情好耐都冇出去打邊爐，行到去元朗廣場附近，睇吓有乜好食，而家仲係6:00時間尚早，點知比我遇到呢間餐廳裝修有少少復古感覺有幾特別餐牌又有好多選擇價錢又唔貴所以就入去試吓門口色彩鮮艷咁岩做緊晩市優惠藍妹啤酒買二送一鍾意飲啤酒嘅朋友就最適合不過了安格斯牛肩脊，因為我哋四個人，所以叫咗碟大$298，份量非常充足一放低我哋都呆咗冇諗過大size有咁多份量，牛味非常重，又唔會鞋口，牛肉嘅肥瘦均勻入口甘香回味點少少辣椒豉油一流大魚卜$58，魚卜即是魚鰾，含有非常豐富嘅膠原蛋白，魚卜完全冇腥味，吸收埋湯底嘅精華再加埋魚卜嘅爽口，口感一流十分美味半份芝士牛丸$28，手打嘅牛丸入面包住左芝士咬落去爽口彈牙入面仲有拉c嘅芝士食嘅時候小心，因為牛丸入面好熱，芝士會突然爆出珊瑚蚌$98，珊瑚蚌嘅size好大嚿，份量又多，又爽口，好鮮甜證明解凍嘅步驟做得好好依然保存到食物嘅鮮味輕輕淥下就已經食得食到尾聲先留意到原來用咗好多紅棗杞子去滾這個湯底非常補身職員都非常細心叫我們用湯羹清左上面啲油才進食因為我哋叫咗個醉雞窩，所以比較多油花雕酒醉窩，連湯底，湯底一滾就將隻雞同埋啲花雕酒一齊倒入，令雞更入味湯底更濃郁雞

星期二晚同朋友嚟咗元朗呢間老闆火鍋冰室打邊爐，個名好霸氣，一入到去環境都幾特別、懷舊，侍應態度幾熱情。嗰日想食清清地，所以就冇揀重慶雞煲，而係揀咗藥膳雞煲，湯底一上到就聞到好香嘅酒味，令人非常期待。我哋叫咗半隻雞、手打蝦丸、松露醬墨魚釀鮮冬菇。因為佢啲小食好吸引，所以難得地打邊爐只係叫咗好少放入去嘅餸，反而小食叫得好多。小食方面，我哋叫咗墨魚脆炸油炸鬼、流口水臭豆腐、櫻花蝦蒜味四季豆、麻辣手拍青瓜。飲品方面，我哋就叫咗大嘅水果茶，超大一渣，兩個人完全夠飲。嘢食方面，樣樣都好有質素。要揀今日頭三VIP，我就會揀1.墨魚脆炸油炸鬼、2.松露醬墨魚釀鮮冬菇同埋3.水果茶。墨魚脆炸油炸鬼物如其名，真係香脆彈牙，絕對值得為呢個小食再嚟呢間火鍋店！

近屯馬線朗屏站，住元朗或者黎元朗玩嘅朋友可以一試。餐廳係仿舊式冰室裝修，大部分都係卡位，坐得幾舒服。檯面好整潔，完全冇油笠笠嘅感覺。雖然係夏天嘅平日晚上，入黎坐左一陣已經滿座，似乎口碑唔錯，要等到10點左右先至打到卡。樓面姐姐都幾熱情，間中過來講下笑，又會主動加湯同換碟。鍋底同雞煲嘅選擇好多，大部分配料都可以選半份或一份，即使2個人撐檯腳都可以嗌好多唔同嘅食物。鍋底選左野紅茄極品牛尾鍋，成鍋都係鮮番茄同大大件牛尾，仲有紅蘿蔔、粟米、鮮菇、雞腳等配料，淨係呢d都可以食飽。極品安格斯牛頸脊， 牛肉份量好多，可鋪滿一碟，厚度適中，上碟已經解凍，唔會有牛騷味同雪味。配料點左黑椒牛筋丸、蟹子包心丸、魔芋絲同山根。黑椒牛筋丸，牛筋同牛肉分佈平均，保留左好多肉汁，非常有嚼頭。包心丸入面有滿滿的蟹子，外層彈牙。流口水臭豆腐好少火鍋店有埋臭豆腐，簡直眼前一亮。薄薄的豆腐配上香辣油、脆蒜、花生同蔥花，易入口又惹味。鹽香脆炸魷魚鬚魷魚外面酥脆內裡嫩滑，加上炸蒜蓉好香口。呢個鍋底有濃郁嘅番茄味，平時打邊爐絕對唔食麵嘅我，都加左個出前一丁，自製番茄濃湯公仔麵為呢餐劃上完美句號。

即興想去打邊爐🍲🍻，好彩Walk in 都啱啱有位，仲要係卡位🛋🤗。 火鍋🔥店都有幾個打卡位，裝修同裝飾都以懷舊為主☎️，幾得意😎清清哋點我最愛芫荽皮蛋鍋，湯底好濃味🥣，打邊邊之前，飲一碗湯是常識吧🥣😊極品安格斯牛頸脊🐮🥩，賣相ok，肉質不錯，一淥即食既口感一流👍🏻每款食物都好好味，比想像中好食，特別係手打鮮蝦丸🦐，好爽口👍🏻🐮美國雪花肥牛手打四寶丸小拼盤🧀手打芝士牛丸魚皮餃響鈴墨魚脆炸油炸鬼：油炸鬼炸得好脆，墨魚🦑爽滑，舖上蟹子作點綴，呢款小食值得推介👍🏻🐷爽滑豬潤：一般般，好難淥到啱啱好，有啲硬同乾身，淥得唔夠熟又有血水🤦🏼‍♀️是次火鍋🍲好飽好滿足，服務員💁🏻態度都好好，下次再去食過😋

🤎老闆火鍋冰室🤎作為香港人，一年四季都係咁鐘意打邊爐，就算係夏天，一樣都可以打邊爐。今次同肉食男友去左位於朗屏站嘅老闆火鍋冰室打邊爐🤣只要揀岩個湯底，遇上唔肥嘅肉，再加超多菜，呢個都係幾好嘅cheat meal。老闆火鍋冰室嘅材料份量相當多！我地都覺得叫多左🙈🙊🤍胡椒豬肚鮮雞窩 半隻 $138其實男朋友係gaginang，以前有一段時間上佢屋企，都會有得飲胡椒豬肚湯。而呢到嘅湯底份量好足，有成10-15件雞肉。而湯底都好重胡椒味，越滾越濃。不過有啲可惜嘅係，當加水嘅時候只係加普通雞湯，所以到後尾都唔係好飲到胡椒豬肚湯味。🤍美國雪花肥牛 (大) $158呢個雪花肥牛真係今次成餐嘅MVP，份量超多。重點係，油花分佈得好平均，肉質超有彈性，超有牛味。我同男朋友都覺得叫細份都夠曬數。而且，啲牛已經溶曬雪，唔會有一陣雪味🤍素盛 $58男朋友呢排開始鐘意食菜，所以黎到打邊爐就叫個素盛，有6-7種類，特別欣賞佢揀左唔同菇，好夾個湯底。🤍脆肉鯇片 $68同樣地，份量都係超多，建議叫一半過下口癮就可以了。🤍全份四寶丸 $76呢到嘅手打丸有一定水準，十分彈牙！📍老闆火鍋冰室元朗昌盛徑18號元通樓地下9-1

唔知點解一年四季都好鍾意烚下烚下，加上有冷氣基本上都唔會受天氣影響，今日同朋友們嚟到元朗呢間火鍋冰室，有啲枱都係冰室嘅卡位格局咁。打邊爐最先就要揀湯底，呢度都好多湯底揀，但由於我唔識得辣，經過一番選擇後我哋揀咗蕃茄牛尾窩，個湯底超足料，好多牛尾，好濃！！個湯好味，牛尾好淋！真心值得試～👍🏻👍🏻另外我哋見到menu個墨魚脆炸油炸鬼幾得意就叫咗，佢係將墨魚滑釀入油炸鬼拎去炸，切件後再加蟹子喺上面，口感脆炸，幾得意！火鍋配料就揀幾樣特別嘢開心Share下！墨魚水上飄：將墨魚滑釀落魚肚，一件都幾大件㗎，如果細食嘅朋友（即係女仔XD）可以4個人叫半份Share食，熟咗嗰陣真係會飄上面㗎，睇得開心，食得都開心！至尊牛三拼(B)：有安格斯牛柳粒、雪花肥、安格斯牛頸脊，牛柳粒可以淥耐啲，好正㗎！另外最下層牛頸脊好好食！！！！唔叫呢個三拼都鼓勵大家叫一碟牛頸脊！廣島蠔：其實我無食，唔太好。不過朋友們都話好好食！！鍾意海鮮嘅推介俾大家！老闆水果茶：叫咗杯大嘅Share，點知真係好大😂😂一Jar咁嚟！斟到3，4杯，都只係$48！好抵飲！！本身唔鍾意太甜，叫少甜又覺得還好～結論：可以再嚟！！試下其他特別湯底😋

呢間舖頭主打懷舊冰室感覺，午市有一般冰室嘅食物，焗飯炒麵之類，而晚市就有火鍋、小菜。今次我哋一行四人就黎試下佢個火鍋～火鍋湯底有好多選擇，又有雞煲，因為朋友唔食辣，我哋湯底揀左個特別啲既野紅茄牛尾鍋～🔸 野紅茄牛尾鍋 $198嘩！呢個鍋真係不得了！好有驚喜！我本來以為會係普通蕃茄湯底加小小牛尾，但原來超級多料！勁多牛尾同埋蕃茄，要食咁啲牛尾先有位打邊爐，啲牛尾炆到勁林！！好入味！個底好濃蕃茄味！好正！🔸墨魚炸油炸鬼 $58呢個小食好特別，係將油炸鬼切開一半，然後將墨魚滑釀入去，再拎去炸！上面再舖滿蟹籽，真係好好食！外脆內軟！咬落去鬆脆嘅聲音可以拍一段ASMR，好治癒！呢個一定要試！🔸牛三拼(B) $418有三款牛肉，安格斯牛柳粒、雪花肥牛、安格斯頸脊，全部都好有牛味！牛柳粒有口感，雪花肥牛油脂均勻，牛頸脊入口即化！$418 望落好似有啲貴，但其實份量都幾多，同埋啲牛肉都好高質，所以都ok!! 🔸墨魚水上鰾 $78呢個見佢個名咁得意所以叫你試吓，喺魚肚入邊釀咗墨魚滑，口感幾特別，外層嘅魚肚吸晒啲湯，而入邊嘅墨魚滑好彈牙！推介！🔸廣島蠔 $40一碟四粒，我哋四個人啱啱好一人一粒唔使爭～啲蠔

工作辛苦閒日就約左朋友兩人刷餐勁嘅唔食辣嘅我一聽到嗰晚要食麻辣鍋已經淆晒底 但係又唔想搞到朋友掃興 就豁出去餐廳環境乾淨 裝修佈置亦充滿香港文化氣息 叫咗個酸辣豬肚先雞煲 （小辣） 湯底唔算辣 譚仔酸辣都辣過佢 不過反而食唔到酸菜味 鍋裏面包埋粉絲芽菜豬肚絲 另外加碟鮮雞 份量充足鮮雞肉質嫩滑 配埋湯底相當嘢味叫咗個墨魚油炸鬼 非常適合下酒口感鬆脆味道鹹香 蟹籽亦好多 叫咗碟細嘅安格斯牛頸脊 但係其實兩個人食都已經好多 牛肉味重 油花紋理超吸引 蟹子手打鮮蝦滑有我成個面咁大 擺入湯底烚吓烚吓吸晒湯汁 食落冇筋口感彈牙四色丸 （豬/牛/蝦/墨丸）款款咬落都爆汁 超曬班超大枝水果茶 性價比高 有蘋果粒同幾片橙叫黎同朋友share 啱啱好 解濟一流