Brilliant Cooking (Closed)

去葵芳不外乎都係食小店同埋掃街，今日就發現左一間水平幾高嘅西餐廳餐廳要想樓，所以位置唔係咁明顯，入到去都幾大間，好多卡位，唔會坐得好逼夾今次嚟食午餐，主食$95，再加$10就有餐湯同埋嘢飲今日嘅餐湯係椰菜花忌廉湯，佢唔係好奶的，反而有啲似生粉水咁有啲透明講返主菜，叫咗豬鞍扒，豬鞍扒grill得幾好，　有唔同嘅味粉醃豬扒，豬扒鬆軟唔乾，略嫌有啲味粉grill得燶左啲，但整體係好食，再配埋菠蘿解油，唔錯

好食，高質素小店。有心思。CP值超高。絕對值得再次支持。前菜繽紛世界又好睇又好食。鮮蝦虎蝦龍蝦湯意大利飯，味道非常之好，食完會油膩，蝦味香濃。黑毛豬肋骨識落好嫩口。黑松露忌廉湯好有心思有拉花，而且個湯菇味香濃好好飲。

朋友推薦依間餐廳一直都想試，環境裝修都幾有氣氛坐得舒服，嘢食上菜一道一道上唔會一次過上晒，食物絕對係高水準，以呢個價錢食到呢一個水平絕對係意料之外，係一間一定要試嘅西餐

之前已經試過這裡的午餐，今次趁3號風球的晚上，即興帶幾位同事到此共進晚餐。唔知係未因為打風的關係，成間餐廳食客祗得幾位，份外顯得清幽恬靜，而餐廳內微黃燈光處處，亦很有情調。先跟食譜點菜，其實菜式跟午餐相若，不過價錢當然貴很多😅我們因祗有3人，各自叫一份餐好些，相信情侶到訪，2人套餐會很合適，見別枱的2人套餐頭盤好正，六件食物，有乾冰托底，煙霧彌漫，仙氣十足。😀是日例湯為金筍湯，但味道偏酸有點怪，店員話是加了白酒所致喎🙄不過餐包好味，烘過微暖好鬆軟，如果有得添食就更好了。火燄紅酒羊膝，掛住睇店員倒酒點火🔥，唔記得咗影相😅，羊膝慢煮咗24小時，果然肉淋軟滑，夠曬入味，而且淡淡酒香，餐廳必叫之選炭燒牛肩扒，不負所望，原扒肉厚唔靭，簡直食肉獸之選😋豬排骨都是眾餐經濟之選，份量十足，絕不欺場，肉質嫩滑又入味。最尾來杯拉花拿鐵作結尾，雖然業餘員工手勢，但洋䓤圖案好可愛，合乎水準可收貨☕️埋單時9折另有加送coupon ,下次必定再造訪，不過午餐時段始終最化算。公諸同好，此餐廳絕對值得推介👍🏻👍🏻👍🏻

食過兩次因地方闊落唔迫又唔使等位。去葵芳行街行到攰去食都方便。之前食過lunch定tea ok…今次食夜晚，都估到佢會貴d, 但9折左都差唔多二百蚊/人⋯始終喺葵芳呢個所謂商場入面，隔離仲要係間雞煲一路食西餐但個鼻就一直聞到雞煲味，有d怪，感覺就唔多值，但味道係ok 既C2 蝦🦐龍蝦🦞湯蛋包意大利飯： 好味，飯唔算太硬，個汁夠味。都有好幾粒蝦肉，唔梅，己切左蝦頭方便用叉方挑走個殼。不過有d怪係有d蝦得個尾，有d有埋中間嗰part, 初頭見一隻蝦尾幾驚大地食淨撈埋落去C1 BB帶子魷魚圈蟹糕忌廉汁意粉：都ok 夠味唔淡，但BB帶子其實係小柱。意粉土多相對下餸比較少湯係甘筍湯味道賣相都算ok

A very beautiful and impressive dinner date in Kwai Fong😍🤩 This restaurant is easily accessible which is located in a commercial building near Kwai Chung Plaza. We have tried their limited set dinner for two ($488)😋 The set includes creamy mushroom soups with bread🥖, a colourful appetiser platter, and two main courses to choose from a selection☺️ From appetisers to main courses, all dishes were beautifully presented. Not only my stomach but also my eyes also got very satisfied☺️ 次次去葵廣行街，裡面既小食都試過曬

次次去葵芳都係去葵廣掃街🍢最近先知葵廣格離有幢葵芳匯，裡面有間新派西餐🧐仲好似話啲菜式好創新，又即睇下佢有幾新派先可另加$20轉套餐(餐包🥖+餐湯+飲品☕)🔥🐑火炎慢煮24小時羊膝紅酒汁意粉 $198重點嚟嘞，靚就靚喇，究竟燒膝的過去係點嘅呢！？無錯！就係慢煮過24小時呀🤩主角羊膝夠冧有羊味，唔會乾柴，意粉食前記得撈撈佢，有淡淡紅酒味，唔錯🤙🏻愛打卡朋友注意📸羊膝上菜時侍應會淋酒同點火，成件事好有儀式感😂🌗太極鴛鴦意大利飯 $178日式鮑魚鮮椰汁意大利飯、墨魚汁刺身帶子意大利飯呢2款口味既意大利飯我地都未食過，呢個配搭好創新，🦑海鮮方面鮑魚同帶子都好新鮮同埋品質亦唔錯👍🏻椰汁意大利飯真係食到d椰絲🍴中意試新野既朋友可以叫，不過呢度好似出名食扒，睇大家口味😛🍓士多啤梨奶昔/🍋藍蝶花檸檬梳打(各另加$10)加$10嚟講，都幾大杯吓，奶昔士多啤梨味幾自然，唔會有化學味同唔太甜，口感亦幾綿滑👌🏻梳打酸酸地就幾fresh，夏天飲👍🏻兩個都無伏可試試啊🤣Overall食物都幾打卡able，除左個羊膝有點火環節🔥另外見到隔離枱食類似小食拼盤(酥盒、巴馬火腿哈密瓜等)，有乾冰效果😲好誇張噴哂煙咁😂有興

試左溫泉蛋卡邦尼意粉🍝擺盤好靚🥰意粉偏硬身 配料超足料有雞肉 煙肉 菇 而且量多👍🏻👍🏻👍🏻仲有温泉蛋🥰好味🤤Lunch加10蚊可以轉餐（配是日餐湯同餐飲）額外加10蚊升級即磨咖啡或其他特飲拉花咖啡平時出面叫杯都40幾蚊呢度幾抵飲Location同入口有少少難揾平時唔覺眼樓上有間西餐廳不過勝在環境乾淨同舒服 卡位好闊落2點幾靜靜地加上播埋lofi music下午飲杯咖啡食個lunch同朋友傾吓計或者自己一個chill下都係一個唔錯嘅選擇～🥰

同朋友慶祝生日，叫左一個二人餐，濃郁牛肝菌餐湯，得意嘅煙霧彌漫好味小食，直到尾食埋牛扒，都好味高質！服務員態度非常好，謙卑有禮👍🏻👍🏻卡位坐得舒服，夠晒闊落真係值得一讚！估唔到求其搵嘅一間餐廳咁好食一個二人餐$488食牛扒加$50埋單$5xx高質價錢實惠嘅西餐！牛肝菌湯一開始會倒d水去乾冰度，一陣陣煙霧散發出黎，好睇又好味嘅小食墨魚意粉，真心正！！！！！我frd話係炭燒，我地order 5成熟，啱啱好，入口香氣四溢，肉質鮮美！

同事話Openrice搵到間餐廳好評幾多下, 唔知係唔係新開wo, 一於中午去checkcheck佢。餐廳位置其實幾難搵, 如果唔係事前上網見到, 完全唔會覺得個頭有幾間餐廳...入到去, 環境都OK wo, 目測大部分都係卡位, 坐得幾舒服既。而家好多餐廳已經有用app落單, 呢間餐廳都唔例外。由於天氣熱冇咩胃口, 就點左個雞扒魚湯飯，易d入口。其他人就點左個豬肉眼扒連燒菠蘿。是日餐湯，應該係甘筍 南瓜之類，味道係正常嘅，但係凍左。​另外有d可惜既係，個魚湯飯冇咩魚味，而且亦都冇魚肉，淡左少少。好彩就係呢間店嘅肉類都處理得幾好嘅，雞扒同埋豬扒都好好味 ， 好難得咁厚嘅豬扒唔靭 同幾juicy，份量都幾大份。

💩💩💩只有正評的餐廳是伏第一次食評就寫呢間餐廳環境幾好 少人 可以慢慢坐，有時間應該坐到關門都可以喇😎😎😎食物就不過不失 沒有驚喜 所以連相都無影重點講服務態度服務態度一般，今晚遇到的男人由帶位，落單、上菜都態度敷衍，最後連水吧都做埋！戴住口罩都感受到佢唔想做嘢😅😅😅（係咪無客人就最好😂😂😂）總結：唔好帶住期待黎，應該可以用茶記水準睇呢間餐廳，應該可以男待應，唔通係老闆？態度好啲，應該可以葵涌就不推薦呢間，有更好選擇！葵涌就不推薦呢間，有更好選擇！葵涌就不推薦呢間，有更好選擇！

葵芳除咗葵廣同新都會其實都仲有好多地方仲有好嘢食😎而呢間西餐廳用咗齒輪做主題，座位全部都係卡位設計DINNER SET👇🏾*周打蜆肉忌廉湯+餐包 (套餐+$20)🥘🍞湯都有拉花，打得夠滑夠濃手拉餐包分別係芝麻、蜂蜜，口感勁鬆軟回彈力十足，比得上O記黑糖麵包😍*炭燒美國香料巨大厚切豬肉眼扒配燒菠蘿🐷🍍 $145聞落好香炭燒味，網狀花紋烤唔會好乾身，肉質軟腍*鮮蝦大虎蝦龍蝦汁意大利馬鈴薯丸🥔 $150呢款歐美菜式唔多地方有得食，薯仔加入麵粉、蛋搓成一粒粒，煙韌煙韌撈埋龍蝦汁🦞食得多有啲膩😝*Hazelnut Latte☕️ (+$10)好抵飲，平時一杯拉花咖啡都幾十蚊，而且咖啡豆好香果味

之前跟同事出外午餐，特選址此店。其實自己娘家葵芳邨，已知此棟大廈翻新重建，估唔到地下會變成商場，多了幾間次檔較高級的餐廳，若不是地頭蟲，真係好難發掘此好店👍🏻大大個街招係地下，早已諗定食什麼了，因午飯時間緊迫。四人叫了四個午餐，我的是8oz 牛脊扒，有湯有餐包，又有餐茶，午餐份量很足夠了。四碗餐湯各自劃花，店員都好有心機，濃郁creamy，好香的紅蘿白味👍🏻牛扒7成燒得好靚，有一陣炭燒味，不過下次叫5成熟好些，因塊扒好似overcook 咗，咬下有些趙口，唔夠嫩滑。沙律菜份量頗多，啱曬生酮飲食的我。此店可encore ，因想試吓餐茶拉花㗎啡，他們有部很大的專業㗎啡機及很多七彩繽紛的㗎啡杯碟，而且價位又不是太高，絕對可以成為上班午餐用膳的好地方。👍🏻

呢一間喺葵芳嘅西餐廳🍴午市套餐真係相當抵食 $90都唔使就有一大塊扒🤩上次就試咗炭燒美國豬肉肉眼扒燒菠蘿🍍塊肉眼扒真係好大份 肉質嫩滑又Juicy🐷另外仲可以配飯/沙律或者薯條 真係好豐富!!

Brilliant Cooking (葵涌)📇地址：葵涌興芳路208號葵芳匯2樓201號鋪💸人均消費：～$300/人👏🏻抵讚位：餐廳經理同職員都好友善，服務態度好好。屋企人年紀大行路唔太穩陣，洗手間喺餐廳外面，經理仲好好心咁叫我陪埋屋企人一齊去，抵讚👍🏻。食物擺盤同質素都出乎意料咁好，麵包食得出係餐廳自己整，蘑菇湯有好濃郁嘅蘑菇味，湯面仲要有拉花🥰 主食叫左帶子白汁意大利飯同埋牛扒，意大利飯軟硬啱啱好，白汁煮得好入味。牛扒叫咗七成熟，上到枱無過熟，肉質夠哂淋😋😋 另外叫多咗個炸蝦小食，每條蝦都好大條，$55有六條好抵食😚😼私心回應區：呢間西餐係屋企附近開咗一段時間，一直都想試，喺聖誕期間二人套餐都冇加價，真係良心小店黎。二人套餐價錢好吸引，$400有找，仲要無加一！🙌🏻🙌🏻