Brilliant Cooking (Closed)

終於，等到可以堂食至晚上10點啦！😜梗係要約朋友…食返餐勁㗎啦！由於，佢哋早就蠢蠢欲動，好快就搵到間西餐廳，一賞廚師發辦的晚餐喎！早兩個星期，就懷著滿心期待同朋友去咗食啦！就係呢間於葵廣附近叫Brilliant Cooking 的樓上餐廳，以工業風為主的裝修，環境清雅舒服。當晚共有9個菜式，相當豐富！😋😋食物種類：法國生蠔🦪拼盤(吉拉多、白珍珠）西班牙藏紅花魚湯．煎太平洋銀雪魚．炸魚及澳洲海膽．墨西哥牛油果🥑配日本蟹籽阿拉斯加蟹肉酥盒．紅酒燴日本和牛肉酥盒香煎法國鵝肝配燒菠蘿🍍及蘋果🍎蓉日本刺身帶子．澳洲什茄．蕃茄凍清湯🥣日本北海道鮮黃帝蟹膏配香脆多士炭燒美國頂級牛板腱日本小甜薯或西班牙伊比利亞黑毛豬扒配燒菠蘿什莓果凍整晚嘅出品，我可體驗到廚師的用心及誠意！無論係用料、選材、食物嘅陳列及餐具，都頗見心思！當中，最吸到睛算係…嗰碟冒著乾冰嘅澳洲海膽配墨西哥牛油果及日本蟹籽！而那碗帶子刺身配什茄及蕃茄以凍湯上枱，也讓我覺得特別清新呢！仲有…嗰件鵝肝就最好味，入口即融，同埋燒菠蘿一齊食，一啲都覺油膩，正👍🏻咁難得可以聚頭，緊係要模住杯底飲住酒，慢慢食，慢慢傾，完全配合廚師慢工出細貨嘅節奏！咁

終於解封咗可以8人一枱了！ 約埋班同事一齊去食飯好既😋 葵芳呢間西餐可以有廚師發板，唔洗諗，對於我呢啲有選擇困難症嘅人來講，非常之非常之好嘅，唔洗自己諗🤣前菜有2隻法國白珍珠生蠔， 一隻爽甜、一個好cream ，都好好食，好新鮮。之後嚟咗個藏紅花魚湯，食落去層次豐富，與湯好鮮甜，銀雪魚都好新鮮，因為佢湯入邊有啲西芹，紅蘿蔔切到好細粒，但又唔會煮到好林，所以食落去個口感好豐富。之後就嚟咗個蟹子海膽牛油果，本身我個人唔食海膽嘅，因為驚佢會好腥同埋有時有啲海膽會苦，但係佢呢個食落去完全唔會有嗰浸腥同苦，反而係甘甜甘甜，尋晚埋牛油果係一種新嘅配搭，估唔到三樣嘢嘅味夾埋都唔錯。第4道菜有2款酥皮盒一個酥皮蟹肉 & 酥皮牛肉，佢哋話要先食完蟹肉酥皮盒，然後先食牛肉，仲要配埋紅酒一齊飲，成個感覺好match 😌 第5道法有法國鵝肝配燒菠蘿同蘋果蓉，我本身都好少食鵝肝，因為感覺會好滯，但係佢配咗菠蘿同蘋果蓉，酸酸地既感覺配上鵝肝感覺岩岩好，完全唔會好滯同油嘅感覺，配搭啱啱好👍🏻第6道菜係刺身帶子配集茄湯，可能因為上一道菜係鵝肝，所以呢一道菜就酸酸甜甜同系凍湯，可以去晒上一道菜嘅油膩感覺，變咗到開胃菜，

今次再encore, 但唔係食餐牌菜色咁簡單，一於來過Omakase😋😋😍, 由頭盤到甜品都感受到廚師在食物上配搭及裝飾都好有心思，味道不在講😋😋真係唔舒得食😍， 不過大家想試要預早訂位

等咗幾個月，終於開始返晚市堂食，一於約埋朋友一齊食豪D。上網搵到呢間西餐廳原來有類似日式Omekase的廚師發板，西式Omekase就真係未試過啦😂於是我哋提前咗幾日打電話去預約，因為餐廳需要提前準備食材。因為我哋book左平日嘅6:30pm，餐廳唔算多人，可以靜靜地俾我同朋友們Chill~😌慢慢食完一道菜式，waiter先換下一道菜。店員都親切地同我哋介紹每一道菜式。總體味道唔錯～頭盤係生蠔拼盤，我本來麻麻哋生蠔的，不過呢個生蠔落埋檸檬汁，都算鮮甜。鱈魚湯同刺身帶子番茄凍湯，都幾清甜，番茄凍湯好開胃。入面咁多道菜入面，我最鍾意澳洲海膽牛油果蟹籽，端出黎嘅時候，餐盤一直噴出霧氣，仙氣十足，擺係面前，伶出來先知係咩嘢菜式。印象分已經有10分，廚師係呢樣嘢都有心思。味道亦滿意，海膽鮮甜，幾新鮮，唔會腥，啖啖海膽同牛油果。海膽牛油果入面有一片薄荷葉，同時用來吊味和解膩。三樣嘢加埋，味道都幾夾。法國香煎鵝肝配菠蘿都唔錯，鵝肝唔會油膩，煎得幾香，配埋菠蘿，又係可以解膩。蟹肉酥同和牛酥係廚師自己親手焗嘅，都幾鬆脆。炭燒頂級牛板腱叫左5成熟，牛肉都算嫩，而且幾大塊。美中不足，其中一個可以進步嘅地方係

若果鐘意食西餐嘅你哋就一定要去呢一間度試吓，Br位於葵涌興芳路208號葵芳匯2樓201號各舖, 餐廳除咗食物質素唔錯，環境都舒適寬敞，坐得舒服廚師特別準備的晚餐，令人回味

葵芳有個落成無耐嘅商場，全部都喺食嘅，見有消費券又想試新嘢咪試吓囉，睇過幾間嘅餐牌，揾咗呢間兼望過openrice食評，見食物幾精緻，從來未試過5星級酒店餐廳，只食過6佰幾自助餐，食過後無後悔，見識一番，下次生日再嚟，呢次揾人請，哈哈。

星期日在葵芳要食午餐到處都很多人要等位所以就揀咗呢間樓上西餐廳 ,工業風的設計加上舒適闊大的卡位, 可以慢慢享受我哋嘅午餐, 午餐我哋揀咗香煎美國薄切頂級牛肩板腱肉及紅酒燴牛肉配白飯及太陽蛋，牛肩板肉熟度剛好大約七成熟， 牛香十足而且沒有鬆肉粉味， 而紅酒燴牛肉十分惹味，個汁酸酸甜甜可以撈曬成碟飯呀!加咗個小食蒜香炸雞翼，炸到外脆內嫩，加上甜酸醬 ，非常美味，18蚊有3隻好抵食啊！

今日在葵芳找到一間高質扒房，中午光顧也不覺多人，大概因為疫情嚴峻吧，也因為這裏空間好大。我點了一份炭燒美國頂級牛肩板腱肉，加10元轉套餐有餐包、餐湯和餐飲。是日餐湯是椰菜花湯，調味適宜，而且點餐包好好味；鮮奶咖啡奶味突出。雖然牛扒午市只售$168，不過10安士大大塊，牛扒上的網紋清晰可見。牛扒肉汁好豐富，我點餐時希望牛扒三成熟，不過有部分位置最後偏向五成。跟餐的意粉也很大碗，而且加入了海鮮汁。炭燒美國頂級牛肩板腱肉配雜菜沙律&香濃牛肉汁 $168鮮奶咖啡

一間專食大份扒類的西餐廳🍴呢幾日搵相俾我搵到倉底貨👀原來之前去過葵芳仲食過一間幾隱蔽既西餐廳，環境都算不錯，夜晚唔係太多人，不過依家禁左晚市，冇得坐喺餐廳入面悠閒Talk😖*+$20 升級套餐（餐包，餐湯同餐飲）🐷 炭燒美國肯瓊香料巨大厚切豬肉眼扒配菠蘿，雜菜沙律同燒汁 $145 (6/10)首先上左餐湯同餐包，餐廳就推薦我地將餐包點餐湯（南瓜湯），因為兩者係特別製作，餐湯幾用心畫左pattern，點落去都的確好味，因為就咁包有少少太乾身，不過包都幾特別，感覺用左穀物類製作，而兩者又可以中和下，對於我呢個唔太鍾意南瓜既人黎講，呢個湯都合我口味的🙈跟住就到主菜～上到黎，豬扒又真係名不虛傳地大大塊🙊菠蘿都冇比少我地㗎，不過我就覺得豬扒唔算太好味，有d鞋🥴要撒左燒汁先有d味，勉強可接受。我見咁貴就勉強食左大部分。不過薯條又炸得幾好幾香，熱辣辣，沙律都幾fresh，配菜好味過呢個正餐🤗🐄 炭燒美國頂級牛肩板鍵肉 10oz 配雜菜沙律同香濃牛肉汁 $218 (7/10)我朋友就叫左呢個，可能都因為我鍾意食牛多過食豬，所以佢呢個我覺得係好味d，牛味都幾juicy。🤗總結，雖然佢大大塊，服務都不錯

慶幸喺禁晚市堂食前嚟到呢間開業數月嘅Brilliant Cooking👀餐廳嘅食物質素如其名 — 由餐湯到主菜都相當高質有誠意😍最近更推出限時午市優惠👍🏻非常吸引呢🎉🔸Set Dinner For 2 ($398)🥣意大利牛肝菌忌廉湯及餐包牛肝菌忌廉湯香滑濃稠☺️更有拉花效果🌸可見製作相當認真🎊餐包有原味同芝麻味各一🥐沾落湯中😺味道別有一番風味🙌🏻🥗一口什錦拼盤 (+$50)➿挪威煙三文魚芒果球、大蝦青木瓜米紙卷、➿香煎刺身帶子配蟹籽、巴馬火腿忌廉芝士法式西多士拼盤以乾冰製造視覺效果🧊煙三文魚以芒果作伴🥭配搭新穎有創意💡米紙卷酸爽帶辣🫔清新開胃💫帶子煎後帶有微微焦香🔥配搭蟹籽令口感更為豐富💋西多士鹹香得宜🤩含濃郁芝士味🧀值得一試✌🏻🦀阿拉斯加蟹肉、BB帶子、蟹籽➿配鮮蟹膏忌廉汁意大利飯意大利飯以坊間較為少見嘅鮮蟹膏忌廉汁烹調😇令質感保持濕潤😽嚟自阿拉斯加嘅蟹肉富有鮮味🦀加入鮮甜帶子同鹹香蟹籽🙆🏻‍♀️不論味道或口感都令人眼前一亮🎀🥩炭燒美國肯瓊香料“巨大厚切”豬肉眼扒➿配燒菠蘿、雜菜沙律、燒汁豬肉眼扒軟腍厚實🐖嫩滑多汁🤠入口更有炭燒嘅香氣✨以燒菠蘿🍍車厘茄🍅沙律菜等作配菜🥗中和咗扒嘅油膩感

葵涌廣場對面大廈近年翻新重建成新的住宅連三層的食肆，因此多了不少餐廳，其中二樓的這間西餐廳，在網上圖片看到環境不錯，便和太太前去一試位置（8/10）：由港鐵葵芳站D出口經葵涌廣場步行約10分鐘，旁邊是興芳路，有多條來往新界及九龍的巴士及小巴線，而連接葵涌廣場及新都會廣場，交通購物同樣方便環境（9/10）：餐廳闊落，用上西餐扒房設計風格，配合有情調的燈光，播放著柔和音樂，座位多以卡位及梳化椅為主，增加溫度適中的空調，整體環境很舒適服務（8/10）：經理及侍應會主動幫忙下單，上菜速度正常，亦不時幫忙加水及收拾，餐廳門口設消毒潔手液，亦有洗手間，服務不錯食物（8/10）：主打各種西式餐點，部分菜式有創意，擺碟精美，連餐湯都有拉花，食物整體質素可以，味道亦算不錯Set dinner for 2 (晚市二人套餐) - $398 門前有大餐牌，展示相當實惠的晚市二人套餐，在不熟悉的情況下，決定一試並選擇了以下的食物：意大利牛肝菌忌廉湯伴餐包 x 2份（單點套餐+$20跟餐湯、餐包及餐飲，再+$10轉意大利牛肝菌忌廉湯）第一眼就被湯的拉花所吸引，很久沒看見咖啡以外的拉花了。湯帶有強烈的牛肝菌醬香味，

♨️Brilliant Cooking 葵涌興芳路208號葵芳匯2樓201號舖❤️二訪此餐廳，因為地方就腳，食物OK，性價比高，座位好坐🥰📍炭燒美國豬肉眼巨扒配意粉豬扒夠哂大件夠厚亦淋，但今次有少少乾，要點汁先能夠帶出juicy感📍吉列魚柳巨無霸配紫菜粉薯條又係大份到嚇死你，材料豐富成尺厚，薯條夠香脆📍餐包及餐湯薯仔湯拉吓花好有心思，個包都唔hea你好好味📍一口什錦併盤三文魚芒果球。大蝦青木瓜紙米卷。香煎帶子配蟹籽。法式西多士喺你面前倒啲水落去乾冰度做出仙氣feel, 就係短短幾分鐘令你滿足度飆升🥰，呢碟食物質素樣樣正常，性價比好高📍Latte x 2夠晒大杯，好飲食物：8/10抵食：8.5/10環境：8/10

近來葵芳區嘅食肆選擇多咗， 除咗新都會、葵涌廣場之外、仲有新落成嘅葵芳滙都多好多嘢食， 今日就試咗葵芳嘅Brilliant Cooking， 喺葵涌廣場天橋過去只係兩三分鐘路程，非常方便。 餐廳裝修同環境都幾好，見到好多有心思嘅地方，卡位坐得舒服，試咗佢哋嘅二人餐先 意大利牛肝菌忌廉湯賣相好靚，牛肝菌香味撲鼻而且都好濃稠，好好味。 一口雜錦拼盤上碟好靚， 侍應仲會加水喺乾冰，出煙感覺都幾夢幻。 拼盤總共有四款口味， 第一件係巴馬火腿忌廉芝士西多士，鹹香十足，呢個配搭我返屋企都想試下整；第二件嘅挪威三文魚芒果球，口感清新； 第三件嘅大蝦青木瓜米之卷， 個皮做得好薄，配合爽脆嘅餡料，前菜首選； 最後一件係香煎帶子刺身配蟹子， 帶子好大隻，厚度有2.5cm以上，好爽。 阿拉斯加蟹肉，BB帶子＆ 蟹籽配鮮蟹膏忌廉汁意大利飯個意大利飯煮得好好， 有口感之餘仲好夠熱， 個蟹膏忌廉汁好特別， 配意大利飯好襯 ， 蟹肉同帶子份量十足， 感覺好滿足。 炭燒美國頂級牛肩板腱肉 100z 配雜菜沙律＆香濃牛肉汁一上碟嗰陣炭香味真係好勁， 個牛肉五成熟煮得好好加埋炭香味，我覺得滿分👍 另外佢個牛肉汁都好好味，

今次試試晚餐二人套餐，先來餐湯餐包，牛肝菌湯香濃夠熱，餐包外脆內軟，之後到燒法國鵪鶉腿配彼得包，鵪鶉肉質嫩滑，還有兩隻可愛的煎鵪鶉蛋，真是個特別的頭盤啊！再來就是蟹肉蟹膏意大利飯，飯的軟硬度是適合香港人口味，冇生米的感覺，配上蟹肉，帶子，蟹籽和蟹膏忌廉飯，口感非常豐富，最後是炭燒美國牛肩板腱肉，炭香味十足，牛味濃肉汁多，總括整個套餐，每個菜味道都很不錯，水準之作。

Brilliant Cooking (葵涌). ▪️Set Dinner For 2 $398▪️.•意大利牛肝菌忌廉湯•.先來上一個餐包以及餐湯，後者拉花拉得好靚。湯真係非常之重菇菌味，配上兩個餐包一齊進食。其中一個係黑芝麻包非常濃郁芝麻味！.▪️一口什錦併盤 ▪️.好精緻嘅拼盤，迷霧嘅乾冰，內有挪威芒果煙三文魚球，夠清新，大蝦青木瓜米紙卷非常好食，酸甜清新又爽口。香煎軟身帶子配蟹籽好似對我而言熟左少少，如果再生啲會更好(⁎⁍̴̛ᴗ⁍̴̛⁎)巴馬火腿忌廉芝士法式西多士少膩，有少少似我地食開嘅飛碟迷你version🤣. ▪️ 阿拉斯加蟹肉BB帶子蟹籽配鮮蟹膏忌廉汁意大利飯▪️.呢個真係幾唔錯，蟹肉碎海量再加上大量蟹籽攪拌，食落香嘅忌廉蟹肉味之外仲會食到脆卜卜蟹子，入面仲要有好多小帶子粒！. ▪️ 炭燒美國頂級牛肩板腱肉 100z 配雜菜沙律＆香濃牛肉汁▪️.呢個令我有少少失望，因為個牛韌左少少同埋炭燒下有微苦味。牛肩板有配上沙律仔同埋獨有自家製嘅牛肉汁.📌 Brilliant Cooking (葵涌)葵涌興芳路208號葵芳匯2樓201號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️