Brother 5 Bar and Restaurant (Closed)

過去兩年生日或紀念日慶祝都在Chef's Stage Kitchen，今年生日我想試下新餐廳，選了一間近期食評唔錯的西餐廳Brother 5 Bar，之前去過一次，食物同服務質素都非常高，想再回味一次。這裏的主菜由幾十至二百多元不等，加$68多一份頭盤及湯，這裏嘅廚師非常注重每一個細節，連免費贈送嘅餐飽都有三種，配上濃郁的芝士醬。餐湯、頭盤、主菜全部都美味，無論係海鮮、牛扒、豬扒烹調時間都控制非常好，保留原汁原味。另外值得一讚嘅係，服務員都非常有禮貌，而且對食材非常熟悉，令人留下印象深刻的小店。兩人埋單六百幾，價錢唔算平，不過環境、美食都令我十分享受。跟餐配的頭盤燒薄片吞拿魚配橘子沙律，用橘子代替醋，味道非常清新，吞拿魚非常新鮮，完全沒有根。跟餐配的頭盤忌廉炒青口，青口大隻鮮甜無沙，烹調時間剛好，不會煮過頭。餐湯也絕非一般茶餐廳嘅罐頭湯，忌廉蘑菇湯是用多種新鮮菇及黑松露煮成，牛尾湯有很濃的牛肉同蕃茄味。叫了主菜之中最貴的一道碳燒美國頂級牛腔柳配松露燒汁，價錢$298，對它當然有點期望，好彩果然冇令我失望，牛腔柳不但牛味濃郁，而且肉質相當鮮嫩，很少可以食到冇落梳不得不讚廚師嘅烹飪技術，我

食物可以 環境衛生 舒服的星期日中午去 1200左右冇咩人又要強迫人坐廁所門口 ，但是到1300後先至叫多人一到餐廳 我表明飲杯啤 ，之後就馬上收起晒所有水杯及餐具，其實我也想飲杯水先，可必要這樣呢？

細細地既餐廳 有落地大玻璃 閒時可以同朋友過黎飲兩杯野食方面 每一道菜都充滿誠意頭盤叫左個芒果汁帶子沙律 好好味粒大帶大粒到已經值回票價!加埋個甜甜地既芒果汁再撈落啲沙律菜到好開胃又唔會太飽再黎個黑松露磨菇湯 好creamy.好香既黑松露味 飲得出落足料煮 份量都唔少 飲完lamlam脷到主菜兩個人叫左個比目魚同牛肉.大件夾抵食 連伴菜既薯仔粒都好用心 炸完落左蜜糖汁好食到停唔到口😍飽到個肚腩都突左出黎 埋單都唔洗五百蚊👍🏻超級推介去幫襯！不過位就唔多可能要等位等耐少少不過係值既

元朗新開咗間細細地既西餐廳，有1664生啤飲（啱我地女仔飲啦！生啤特別好飲同新鮮啲既！），價錢合理，而且款式幾特別，唔洗黎黎去去食白汁意粉或者鋸牛扒，再加上兩個女仔都唔食得多野，叫一個餐加錢要埋頭盤同餐湯，加個小食同生啤，吹水吹咗三個鐘😍聽老闆說，餐牌內容會定時轉變，會留意下客人既需求而改善。中午還有做午市、下午茶（好勤力啊！）我應該沒辦法試到了！（上班呢！）遲點會晚一點才關門，門口變半開放式，舖外面可放一兩張細枱，減低咗壓迫感，到時候一定更有氣氛！

話說提早食父親節飯，成日都係食酒樓，老婆吖哥提議食西餐，我當然讚成！上‘’開飯‘’睇下大西北有咩西餐好食，話時話搬左入大西北差唔多一年，都冇乜食過似樣少少嘅西餐。記得早兩個星期經過呢間鋪仲裝修緊，估唔到咁快開張，就試一試！門口有餐牌，價錢唔貴，仲可以加$56蚊𨍭set, 會多一個頭盤同湯。湯就有磨菇湯同洋蔥湯揀，估唔到頭盤都有五，六樣款式可以揀！美中不足嘅係酒嘅選擇比較少，draft都係得1664白啤同嘉士伯，如果有多啲選擇會好好多！

點了幾道菜，慢煮牛肋、澳洲和牛、吞拿魚、比目魚、青口、腸仔、芝士醬麵包（西餐菜名太長，只說重點吧😂），每道菜都好有心思，由配菜到主菜味道都很講究，好味！獲得隱藏美食「煙薰芝士」，超香! 未影相已被吃光光🤷🏻‍♀️ 價錢方面，比起同區同類型餐廳便宜，是晚澳洲和牛大大件$268，絕對抵食！新店開張，暫未有人龍，店面不大，但坐得舒適，又有戶外位，加上熱情招呼，及可以嘆下手工啤酒，同三五知己飯聚一流，絕對有下次！👍

舊鐘聲小學附近都不時有人龍店，今次見有新餐廳就相約元朗友一齊去😆選擇都算多，前菜、主菜等都有十多款選擇。幸好三人行可以試多一點菜式！先來餐包，附送餐包有三款，作為麵包控對麵包是要求🙊全部包都係熱呼呼！當中黑芝麻包最有驚喜❤️外脆內軟又有芝麻味！頭盤選了吞拿魚沙律、炸魷魚圈、白汁煮青口。吞拿魚沙律外貌真係100分！性價比超高！炸魷魚就有心思咁一半用墨汁去炸，而炸物鬆脆又不油膩，配上蕃茄醬更加美味！所有配菜沙律好像先拌好芥末沙律醬才上碟，而不是一般普通放上沙律菜然後淋上醬汁，加分！而青口就正常味，都幾大隻。主菜有羊架、老虎蝦炒意粉、帶子黑松露意大利飯。半架有4件，分量頗大，配菜有椰菜、薯角、焗蒜頭。羊架叫7成熟都不會過熟，仍然好林，好似慢煮過咁hahha.....配菜係值得讚揚的地方❤️小小的配菜都落足心機，椰菜炒過又入味，焗蒜頭超林超甜，薯角都係外脆內軟。。。老虎蝦炒意粉，意粉可以再硬啲😆我自己本身喜好。。。不過食落辣辣地又有咬口，原來入面有啲蝦米，除左面頭有一隻大蝦，入面都仲有啲蝦粒。。。正！而呢度嘅黑松露意大利飯好似係無落忌廉，但就充滿黑松露味！個人就落忌廉會creamy d。。。(係就

自從唔喺元朗住之後都好少喺元朗搵食。原來元朗開左唔少餐廳今晚就黎試下呢間新開brother 5新裝修環境簡潔開揚~聽講試業中，暫時做緊晚市呢度有手工啤酒，生啤同蘋果酒揀一個 main course加58蚊就有一個頭盤同湯，我同老公都各揀一個main course加錢有頭盤同湯~ 好多野食呀！先黎左麵包~ 熱辣辣架另外配左D芝士醬~ 好味~不過唔記得影湯同餐包頭盤：吞拿魚沙律，個汁酸酸地好開胃！頭盤：西西里意大利腸，少少辣，好惹味~ 送啤酒一流！主菜：最愛的羊架！好林呀！薯格仲係新鮮炸起主菜：黑松露帶子意大利飯，好香黑松露味！帶子煎得岩岩好！呢度D野食全部即叫即整~ 熱辣辣~ 岩哂我老公！因為佢最喜歡新鮮熱辣咁食！最後黎個甜品 tiramisu做個結尾~ 好香濃既咖啡酒~ 留意右邊D cream係手打架，感覺一份誠意