二兄車麵館

Open Now

Now Closed

今午，大圍，到一間車仔麵店吃午餐。沙爹汁大碗車仔麵湯底有沙爹香味,豬紅,紅腸,雞翼,雞翼尖,魚蛋,蘿蔔和菜,車仔麵即大合奏,好味.籠仔龍躉飯炒飯底,不太濕,幾片龍躉,配上葱花金針雲耳炸蒜頭,炒飯既蛋香,襯托出海魚既魚鮮味.炸蠔餅炸得金黃色,乾身,不太油腻,蠔仔很鮮,點魚露,食落真的不错.員工服務態度不錯。在忙碌工作中，待客非常友善。

📍 二兄車麵 （大圍）馳名車仔麵，果然名不虛傳👍放工同大佬去大圍行街，突想食車仔麵🍜大佬遷就我，就話好啦，試下😊🔸 招牌自選車仔麵今次選了油麵，配料揀咗、秘製金錢肚，炸魚皮，豆卜，沙嗲汁。啲面煮得好爽口彈牙，好好食，湯底唔會有好死咸嘅味精味，帶有少許沙茶口感，好出色。豆卜脹卜卜，豆卜索晒啲湯汁，好食😋炸魚皮香脆爽口，金錢肚咬落好有口感👏🏻🔸咖喱蘿蔔魚蛋蘿蔔有六大嚿，淋得嚟好清甜，蘿蔔同樣出色，完全冇查，又係入晒味，吸晒湯底嘅精華，仲有蘿蔔嘅清甜。🔸港式西多士蛋香十足，外面金黃香脆而內裡鬆軟，夾埋層粗粒花生醬，真係極邪惡😚🔸銅盆蒸雞飯雞肉特別嫩滑，餐廳用真材實料嘅走地雞，配料既草菇入哂雞油味，好正😊

我嘅其中一大嗜好係去不同的食肆試試不同的店舖，今日就到大圍試呢間車仔麵😄正確來講，我唔係只係食車仔麵，係食籠仔蒸飯—籠仔荷葉蒸蝦球飯，另外還點了炸蠔餅，大滿足😀～荷葉飯的香氣混合著鮮嫩多汁的蝦球，蝦球的鮮甜與米飯的香糯完美結合，令人難以忘懷。此外，蝦球的肉夠爽脆，是一個令人難以抗拒的美味選擇！～炸蠔餅這個炸蠔餅也做得出色，外皮金黃酥脆，內裡也有頗多的蠔肉，外酥內嫩口感佳，是一道令人垂涎欲滴的美味小吃！～三餸車仔麵這碗車仔麵帶來了濃郁的湯頭和彈牙的米線，搭配上豐富的配料（我們點了牛腩、牛筋及雞翼），最欣賞係夠淋夠入味的牛筋，不容錯過👍任何三款餸加粉麪都係$55 ，加$10還轉埋紅豆冰，正😄這兒雖然是小店，但地方乾淨企理夠光猛，價錢實惠，加上職員招呼非常好，我哋食得好開心❤️

昨晚路過這店，見有坐位，便兩個人去試一下，分別叫了是一個自選三樣及一個63元的什錦麵，端上來，第一是湯不夠熱，其餘的豬皮豬紅一點都沒有味，蘿蔔也是，咖哩魚蛋就是劣質沒彈性沒咬口，咖哩湯汁完全不顯味，還有兩隻雞中翼是鹵水色，但是兩隻雞翼尖又明顯是白色的，我猜應該是剛剛放進鹵水裡未浸透，六十多元一個車仔麵也不便宜啦，賺錢無可厚非，但亦應該做些好吃的東西給客人吧，我覺得這個是我幾十年來吃過最難食的車仔麵，以後都不會再來了。兩人買單合共123元，吃剩一半已放棄了。

去完圍方朝聖，便順道試試這間車仔麵店。我們一行二人點了一個3餸車仔麵(瑞士雞中翼、金菇，菜心及蠔油花菇清湯米線)，一份籠仔蝦球飯及一份炸餅。車仔麵中的花菇及雞翼非常入味，炸餅香脆足料，仔飽滿肥美。籠仔飯面鋪滿了虫草花，蝦球數量亦多，飯粒分明，吃得出是金鳳出品。飲品方面，籠仔飯送一杯熱飲，而車仔麵加$10亦可升級叫特飲。我們分別叫了一杯紅豆冰及熱駌鴦。紅豆冰紅豆份量十足，不會太甜，是夏天消暑佳品。

👩🏻非一般車仔麵館，除咗車仔外…還有茶記菜式及籠仔蒸飯小食🥢炸蝦卷肉$39炸得黃金般，蝦膠夾雜着蔬菜點配埋泰式辣汁口感鮮味彈牙🥢招牌大碗麵$65多樣料有豬紅、豬皮，蘿蔔、魚蛋、雞翼、雞翼尖、紅腸、菜等…配油麵，湯底腩汁仲好正多料到不得了啲餸好淋，食出懷舊風味🥢籠仔蒸龍躉片荷葉飯$88/$158（一人或二人同）一人分量已夠足夠，原味龍躉片精華吸收飯心內，黃金蛋飯底用仲有金針木耳蒸淡香蒜味，魚質鮮美好健康凍飲+$3，仲免+1 ‼️

⭐️ 今日響大圍開工，順便響嗰頭搵食，入咗去「二兄」本身打算食碗車仔麵，點知餐牌竟有1人份量籠仔飯，馬上落單。======= ======= ======= =======🍚籠仔荷葉蒸龍等飯$88（1人餐）龍躉一向有魚王之稱，好味有營養又養顏，上檯睇到啖啖肉嘅龍躉即時食欲大增，龍躉飯份量十足，粒粒飯都鹹香彈牙，面頭有蒜蓉、金針菜、蒜頭等等同蒸，混合魚嘅鮮味，令味道層次更加豐富。整體招呼都唔錯，離開前見到隔籬枱食緊車仔麵，賣相都好吸引，下次一定再嚟。

很久沒有到過大圍了，路經二兄車麵館，見海報上的籠仔飯和車仔麵圖片非常吸引，便入內試試。甫坐下，店員便親切地介紹出名的招牌大碗麵和籠仔飯。我們二人點了一個招牌大碗麵，一個一人份量的籠仔荷葉蒸蝦球飯。還加了一碟炸蠔餅。招牌大碗麵內有豬紅、豬皮、蘿蔔魚蛋雞翼，雞翼尖，紅腸和菜。蘿蔔和雞翼非常入味，豬紅和豬皮爽口彈牙。之後是炸蠔餅，雖然我們叫的是「小」蠔餅，但分量十足！蠔餅炸得非常鬆脆，蠔的size也很大，十分美味！令人吃過不停。最後是籠仔荷葉蒸蝦球飯。同樣是分量十足，一人份量可供兩個人吃。炒得金黃香口的炒飯配上蟲草花和蔥薑蒜等材料，籠仔的底部鋪上荷葉，再放入籠仔上蒸。熱騰騰的端上來，打開籠仔後，一陣淡淡的荷葉味滲出。飯炒得甘香，蝦非常大隻爽口。總括而言，這餐十分美味，份量十足，絕對值得一試。

工作關係午餐時路過，見冇乜人入去，見到有車仔麵紙，每款餸由十元起，我點了淨餸，三個十元的餸，分別是菜心、豬紅、豆卜，再加一款十三元的滷水蛋，我以為是四十三大元。阿姐話包普通熱飲一杯……先講下D餸，三小條菜心，4小粒豆腐卜，五塊比五毫子小的豬紅，一隻蛋，份量少得可憐。埋單收我$68.....阿姐話$55 是套餐，包3個餸，唔要麵也是$55, 我加一隻蛋，所以加$13!!!!我愕然，問她點餐紙上冇寫是套餐呀！佢話不好意思，印漏左。我話咁就收我$68?!!!阿姐話自己只是打工，冇法子。我冇抝，照付了$68, 阿姐叫我下次再去試其他野哦。下次？傻的嗎？

🔸龍仔荷葉蒸龍躉片飯第一次食龍躉荷葉飯，飯有攞到醬汁焗，好入味，龍躉片有幾大塊，口感唔錯，唔會有腥味😗🔸自選車仔麵揀咗自家牛丸、秘製金錢肚、牛筋腩、豬紅，送嘅份量比得唔少，每款都有幾舊，食完絕對夠飽🤤 牛丸食得出同出面唔同，咬落去比較Juicy，金錢肚超大片，牛筋好淋，可以一試🙈🔸南乳豬手有四大舊，好肥美，底下d菜都入曬味，幾正😛店員好nice 上菜好快🙌🏻環境唔錯 坐得舒服 下次會再黎食😆

大圍茶餐廳多元化✨✨位於熱鬧街頭盡頭，有一間以車仔麵、籠仔荷葉飯等香港特色菜式為賣點的茶餐廳，水準也不錯喔！🤗首先，介紹那以竹製籠仔荷葉包住的飯類，的確風味十足！這飯類也有幾款選擇！賣相有特色，是傳統的感覺，有著懷舊的味道！而且可選一人份量或二人份量呢！《籠仔荷葉蒸龍躉片飯》$88/一人份量即叫即蒸的籠仔荷葉飯，一打開竹蓋，便能聞到香噴噴的荷葉香味，舖在表面的龍躉片也份量足夠，而且切得都比較厚身，蒸得肉質鮮嫩，好吃喔！《車仔麵》$55最少選擇三款餸菜，這此點了獨家配方墨丸、鮑汁鳳爪和蘿蔔，選了米粉和清湯。此外，獨家配方金牛丸、特製蟹籽丸、柱侯牛筋腩、瑞士雞中翼和秘製金錢肚也是很吸引的餸菜呢！另外也有加配小食。《柱侯牛筋腩》$39柱候醬的味道非常香濃！鮮甜美味的汁，配上軟腍的牛筋腩，很惹味開胃！👍🏻推介必叫！✨

我妹喺大圍住，今晚過去搵佢食飯，佢帶左我來呢間⍟二兄車麵館⍟佢之前食過覺得好味😋店內好乾淨整齊，以啡木色設計令人感覺好舒服，一入門口放左對好得意嘅招財貓❤️我地兩個都order左車仔麵，我妹叫左牛筋腩瑞士雞翼金錢肚墨丸油麵清湯，呢到啲清湯一定要讚👍🏻清得來好夠味，呢點唔係間間車仔麵都做到，好多時都唔夠味，牛筋腩同金錢肚入晒味夠淋👍🏻我叫左南乳豬手滷水大腸蠔油花菇菜心滷水蛋米線清湯，南乳滷水豬手推介必叫👍🏻豬手炆得夠淋身味道岩岩好，豬大腸都好乾淨👍🏻跟餐熱飲唔使加錢。我地另外加$49試左個細嘅炸蠔餅，即叫即炸👍🏻熱辣辣卜卜脆，啲蠔份量都算多。

知道二兄車麵館係大圍都開左一段時間，但每次都係經過無乜機會去食，早兩日望到佢地嘅晚餐有籠仔蒸飯食，點都要入去食一次。我地一人點左一款車仔麵和籠仔蒸飯作晚餐。籠仔荷葉蒸龍躉片飯（$78），熱辣辣地上枱，飯粒軟硬適中，粒粒分明，龍躉片細滑無骨。豬小姐車仔麵 （＄65），麻辣湯底（中辣），有豬紅，豬皮，豬手，豬大腸，扎肉及貢丸，配料相當十足。另外點左炸蠔餅（細）和蠔油菜心，炸蠔餅入口勁酥脆。大熱天點都要飲返杯凍檸茶，解解渴。

四月尾放完復活節回歸平淡，上街隨便吃吃車仔麵魚蛋麵也相當飽足實在。大圍道二兄車麵館，平民價錢平民車仔麵，即使唔食車仔麵, 都有各款炒粉麵及飯同籠仔飯可以揀,無論係一家大細, 定係一兩個人, 都可以舒舒服服坐得好好地, 輕輕鬆鬆食得自在,唔洗同人逼, 唔洗同人搭檯,簡單食餐飯, 大家開心。-懶人可以揀各款已preset 好的車仔麵，豬小姐有齊豬紅豬皮豬手豬大腸扎肉貢丸貢丸大大粒好實在,豬皮好大塊唔會有毛,-豬手用南乳煮, 都幾好食。而且大大碗, 份量都幾多。---下午茶有炒粉麵,大大碟即叫即炒的乾炒牛河都係賣四十幾蚊,炒得夠鑊氣有水準, 牛肉都幾好食,河粉而且唔會太咸,四十幾蚊有呢種質素無要求啊~超滿足又大份。-另外仲叫左瑞士雞翼,瑞士汁香甜，雞翼醃得夠入味，雞肉食落都軟滑可口簡單吃有簡單吃的開心。

衞生環境差全程勁多蚊同烏蠅 係附近飛嚟飛去。至於餐具係冇洗乾淨 我過水洗都仲要浮油，全部都係漬。叫個普通茶餐廳嘅黑椒牛扒飯，完全唔熱，食落冇黑椒味。嗌杯檸茶 個茶底仲要壞。完全惡夢級體驗！！