兄弟工房 (Closed)

難得老友敘舊 搵間近近地既 坐得舒服既餐廳落到京端廣場宜家真係多左好多選擇上次試過呢到既lunch都唔錯今次揀返呢間黎食dinner整體係 性價比高最推介係香草燒春雞 啖啖肉好嫩滑香草好入味 連隔離啲配菜都有香草味之後小食叫左芝士薯條配黑松露沙律醬黑松露醬好加分熱辣辣脆卜卜薯條點落去加埋好好食燒大蝦配墨汁意粉食到成口黑色 真係好夠墨汁味 幾好食法式焦糖燉蛋 我諗係呢到自家製有d似中式甜品舖既傳統燉蛋 好香滑加埋上面層脆卜卜既焦糖 幾好食

唔講唔知 石門已漸漸成為沙田區新蒲點過一過條城門河就係 勁近開左好多裝修別緻的新餐廳「兄弟工房」正是其中之一一聽個名就估係好兄弟👬一齊開但格調一d都唔麻甩 反而係好warm 好舒服.- 香草燒春雞🐥切一刀已經知雞肉嫩滑咬一啖證實真係一d都唔堅韌.- 檸檬🍋楓糖🍁雞翼外皮香脆 酸酸甜甜隱約嚐到陣陣楓糖味 唔怕甜到漏.- 芝士薯條🍟配黑松露沙律醬粗薯條同芝士一齊焗 夾起每條都拉哂絲.- 白酒煮青口配多士青口唔太大隻 不過就好夠味 多士記得要浸落去個湯汁食 好香濃.- 西班牙黑毛豬配蘋果🍎焦糖汁老老實實黑毛豬可以再煮返嫩少少不過個蘋果汁就好有驚喜 清甜減低豬肉油膩感加上其他配菜grill得剛剛好 忍唔住都點埋d醬食.- 燒大蝦🍤配墨汁意粉🦑🍝墨汁好濃郁 剛剛好掛滿每一條意粉.- 凱撒沙律🥗配煙三文魚沙律菜好新鮮.- 法式焦糖燉蛋🍮燉蛋好滑 好夠蛋香

今日黎左石門搵朋友，估唔到呢度都幾多野食喎😆朋友帶左我去一間小店☺️餐廳真係唔大，但加埋啲聖誕裝飾，就顯得特別warm咁☺️呢度夜晚有set dinner同埋2人餐覺得2人餐真係幾抵，就嗌左試下🥢甘荀湯甜中帶少少好肉蕃茄嘅酸，特別開胃而且仲帶啲甘荀粒粒係入面👍🏻好足料餐廳亦無刻意加入好多cream，感覺比較健康🥢沙律特別中意個沙律汁，酸酸地咁好配合啲菜青瓜同菜亦都好爽脆好新鮮🥢烤魷魚圈配墨汁意粉首先要讚下魷魚圈，燒到岩岩好，完全唔韌👍🏻個意粉都好味，仲食到成個嘴黑哂🤣不過如果啲魷魚味可以更突出就好🥢肉眼扒講到明12oz☺️嗌左medium而都真係煎得岩岩好塊扒有肉味，亦郁有咬口👍🏻啲烤過嘅配菜亦都唔錯☺️🥢焦糖燉蛋2人餐加$38可以有甜品一份層焦糖唔會過厚，燒到好脆👍🏻燉蛋好重蛋同奶味，如果再creamy啲就無敵😆🍹lemon tea and orange tea

放工約左朋友去石門晚飯，呢間餐廳朋友係常客，今晚就帶我去開餐😋餐廳唔算好大，大大細細餐枱連bar枱大約有30個坐位，門口有一張小圓桌，相信係方便吸煙嘅顧客可以係室外抽抽煙🤨今晚order左二人套餐，有餐湯、沙律、主菜、餐飲，都只係$338，加$38仲有飯後甜品😋餐湯🥣 ～ 甘筍湯，將甘筍打成蓉，暖笠笠入口，濃濃嘅甘筍味道，好creamy。沙律🥗 ～ 有新鮮嘅沙律菜、車厘茄、洋蔥、青瓜片，加埋沙律醋，酸酸味味，好醒胃😋燒墨魚圈配墨汁意粉🍝 ～ 擺碟好靚，墨魚切成一圈圈，外層微微燒過，有小小脆邊，內邊煙靱有咬口；墨汁意粉軟硬度剛剛好，有墨魚嘅鮮味。12安士肉眼扒🥩🍴 ～ order左5成熟，切開好粉嫩，入口好juicy，側面貼住小小肥嘅位置，更加有咬口，肉味更突出，伴碟有磨菇、薯角、沙律菜、車厘茄、仲有青瓜片同矮瓜片，配搭豐富，真心推介👍🏻餐飲 🍹 ～ 香橙🍊冰茶，橙味好突出，唔太甜，好清新。最後加埋甜品 ～ 焦糖燉蛋，面層焦糖脆卜卜，連埋又香濃又軟綿綿嘅燉蛋一齊放入口，簡直大滿足😋。今晚雖然係星期一，但全晚其實都好多客人出出入入，全場爆滿，仲有客要係外面等位，所以話雖然係小鋪，但只要用心

今日喺石門上堂前同朋友搵左間餐廳食Brunch 舖面整潔 店內座位唔多 午市差唔多坐滿 我地order 左兩個套餐大家share食 跟餐包括是日餐湯同飲品 假日黎講價錢算幾經濟 是日餐湯甘荀湯味道唔錯！調味足夠 食到湯入面有啖啖甘荀蓉 口感creamy豐富 班尼迪蛋配菠菜煙三文魚($108)我同朋友都好中意食egg Benedict尼度既egg Benedict除左賣相吸引 配搭既sauce都好好食 有香濃牛油同蛋味 流心蛋令到muffin更加鬆軟濕潤 加上少許黑醋沙律 令整體更fresh同中和左肥膩感 香烤8oz紐西蘭西冷扒配薯菜 ($118)西冷扒既size偏大 有少少筋 但牛味濃郁 而且算juicy 配菜有翠玉瓜同車厘茄 燒得岩岩好 有烤既味道 幾惹味 有埋餐飲呢個brunch份量真係夠哂飽 由上完堂到夜晚晚飯時都未覺得肚餓 尼個價錢值得再試！

放工遲左無時間煮飯石門商場有唔少小店見到呢間都幾多人食，價錢合理等左一陣好有位la我地叫左二人餐餐湯係甘荀雞肉，湯夠熱，仲食到洋蔥粒沙律有驚喜，沙律菜配以健康食物藜麥份量也不小餐飲水果冰茶，有鮮橙塊，茶濃主菜係西班牙黑毛豬，蘋果焦糖汁估唔到主菜會再有沙律菜，仲有炸薯仔燒青瓜茄子，豬扒好厚切，表面鹹鹹地外脆內較，蘋果醬甜甜地好開胃香煎鵝肝意大利飯香濃既磨菇芝士汁，滿滿包住飯粒最後加左個檸檬撻甜品檸檬酸酸地，味道清新解膩，曲奇牛油餅底既凍餅，2個人share剛剛好

E幾日Black Friday加感恩節🤭🛍, 去博殺之前當然去醫一醫個肚仔先🤭 今次去左e間係沙田圍站出面嘅兄弟工房, 餐廳唔算好大, 但環境幾舒服, 可能咁岩有自然光照入嚟🌞, 所以感覺好休閒慵懶🤠, 背景音樂播住90後同一d新歌🎵🎶, 好relax~薯仔湯🥔🥣餐湯嘅薯仔味好濃郁, 而且味道唔單一, 口感唔錯, 幾好味!😋香烤80Z紐西蘭西冷扒西冷扒一上枱已經極之香, 🔪開塊扒, 入面嘅肉汁瀉哂出嚟, 牛肉味濃, 肉質軟腍, 味道唔錯!班尼迪蛋配菠菜煙三文魚一🔪開蛋汁就爆哂出嚟, 煙三文魚幾大塊而且味道濃郁, 菠菜幼嫩, 加埋蛋汁, 極之邪惡😈檸檬水🍋🥛（左）凍橙茶🍊🍹（右）特別推介iced orange tea😆, 幾有驚喜! 一嚟到已經聞到好香橙味😯, 飲落去好清新有別於平時嘅檸茶🤔, 香甜嘅橙味🍊加埋濃郁嘅紅茶味☕又幾夾喎, 好特別嘅配搭, 個人覺得好好飲!😋總結: 食物質素幾好而且唔貴, cp值高! 餐廳環境舒服, 值得一試!😊

第一次黎呢度幫襯，整體感覺唔錯呀！Home made vegetable soup 好有誠意自家製嘅餐湯，用大量蔬菜調製而成，口感好豐富。唔係出邊求其搵雜菜湯Hea你。啲湯係天然味冇味精。飲完碗湯好回味😋👍BBQ Pork Ribs Ribs的醬可以話係整道菜的靈魂，如果個汁唔好道菜就只係得返個軀殼🙊。呢道的BBQ醬就恰到好處，係會愈食愈開胃個隻😍配埋好鬆軟的ribs同埋熱辣辣的炸粗薯條，真係絕配👍美國頂級12OZ 安格斯肉眼牛扒rder 左個七成熟眼扒，質感啱啱好，唔會太鞋，亦都唔會好生！第一啖原汁原味咁食肉眼扒，味道不錯，好重牛味。之後開始加少少芥末醬，就味道更加升級。Iced orange tea:呢杯嘢飲係嗰日餐廳嘅當日之選，同其他餐廳最不同是，個橙完全沒有酸味，好清甜再加紅茶味，正！

今日去馬鞍山探朋友，佢話石門有一間餐廳幾好食，叫做兄弟工房，我哋叫咗幾樣嘢食，分別係：1️⃣I餐 豬肋骨配薯條 🍟 份量十足，好大件，啖啖肉，有時食開嘅豬肋骨會太濃味，但呢度嘅調味控制得幾好，配bbq醬食更滋味😜兩個人分享啱曬2️⃣J餐 安格斯肉眼扒 賣相好吸引❤️餐牌都寫到明佢係美國頂級嘅安格斯肉眼扒，質素果然有返咁上下，唔會好韌好難，幾嫩腍🥰仲有原個蒜頭，鍾意蒜味嘅你一定like爆😋再加18元湯同野飲🍹湯幾creamy，而涷嘅香橙🍊茶酸酸甜甜，開胃又解膩😝我覺得呢度個環境都幾好，坐得都幾舒服，服務唔錯，我會推薦朋友嚟食！

以前要去食西餐要鋸扒通常都要出到尖沙咀香港島先至食到一間似樣嘅。近期成日聽到人話石門多咗好多好嘢食，開頭我都一路唔係好相信，因為以往沙田通常都好似冇乜好嘢😂，於是今日同老婆膽粗粗去 行下睇下有冇啲新嘢發現😎。圍住個京瑞廣場行咗一個圈見到一間叫做兄弟工坊，(唔通係忠誠勇毅的好朋友😂)再仔細啲望一望，見到係一間唔算大但係好企理嘅西餐廳。同老婆以話不說行入去試下，我哋一個叫咗西冷牛扒一個叫咗份厚切豬扒。牛扒同埋豬扒過咗一陣都上到檯面，睇落去賣相相當唔錯，誇張啲講算係有酒店嘅級數。牛扒嘅生熟程度拿捏得恰到好處，以厚切豬扒通常都會有一個弊病，就係會好鞋同埋好老，但係睇到佢哋煎得好有層次，所以完全冇呢一個問題😎重點係佢哋連啲薯菜即係配角都做得非常之好，點好法？你可以睇到連嗰啲薯角都炸到脹卜卜👍只係有心去做嘅餐廳都值得支持👍所以呢一間餐廳絕對值得人哋一時再試👍

今日約左悦悦去波波池玩呀去之前我地食d野先行過見到lunch set好吸引就入去試下裝修舒服仲係梳化椅添我地仲同uncle k一齊去嗌左3個lunch set▪️香蒜白酒野菌意粉蒜味好香 蒜蓉意粉不嬲無得輸意粉煮得岩岩好唔會太淋◼️8orz紐西蘭西冷扒好大塊呀 唔會太生肉質都不錯呢個價錢 抵食呀◼️蜜糖芥末忌廉龍脷柳龍脷柳2塊大既個汁個creamy甜甜地好開胃薯角都好脆石門真係愈來愈多好野食呀兄弟工房 (沙田)沙田石門安群街3號京瑞廣場一期地下G43號舖

兄弟工房喺馬鐵的石門站旁，店內只有約二十個座位，但經常滿座，是一間頗受歡迎的小店！店內裝修簡約，整體也算是整潔明亮！兄弟工房有自家品牌的手工啤，分別有檸檬、蘋果和士多啤梨口味，可惜今次揸車黎，下次一定要黎試下！Order了超抵食的二人Set，有齊湯、沙律、Pasta、Main、同埋飲品，仲可以加錢叫甜品添！是日餐湯甘筍湯超香甜！Blend得恰到好處，舌頭仲可以輕輕感愛到甘筍粒和洋蔥粒，正！沙律是藜麥沙律，配酸汁，菜葉新鮮爽脆，健康又開胃！餐飲是日果茶係香橙味，非常清新好喝的！香煎鵝肝意大利飯菌香十足的意大利飯，上面的鵝肝非常肥美！鵝肝油份滿分，一切就標晒啲油出黎，入口甘香可口，Perfect！鵝肝的肥油落咗去啲意大利飯度，味道變得更為濃郁惹味，正！肉眼扒超巨型的肉眼扒，烙上了漂亮的格仔紋！七成熟的肉眼扒肉質軟腍，牛味濃香，很多肉汁！配菜也是相當出色，Good！法式焦糖燉蛋 套餐 ＋$38賣相精美的甜品，香甜可口，值得一試！

事源初初訂了四人枱，結果只有3人來，本想在入餐廳前同當值的員工說明，可惜只拋下一句”訂左枱係外面等”然後就順手關門，hey 個hi 都可以慳返。無book 位的入左3枱，我地book 左位就反而要係外面等左20分鐘先叫我地入去，好聲好氣同個waitress 講，竟然”年初四”甘口面應我”你人少左唔一早講!”？！全程黑口黑面態度惡劣催都唔郁當你透明不在話下。未食已經一肚氣！最後叫了三個dinner set，味道真係好一般，然後啲餐具又唔太乾淨！老遠入黎見食評唔差結果食到背脊骨落！嘢食味道一般分量小價錢偏貴環境麻麻衛生欠佳服務差劣真心，永無下次！

石門越來越多餐廳，好多喺附近嘅打工仔都好鍾意黎呢一間餐廳。-香烤80Z紐西蘭西冷扒 $82西冷扒烤得有少少焦脆，我點咗七成熟，果然無過熟，啱啱好。保留到肉汁，好Juicy，整體唔會好乾身！牛味都幾重，以前係做肉類銷售的同事都話呢間的牛唔錯。薯角炸得香脆可口👍🏻份量都多。-咖啡+餐湯(+$10)咖啡係即磨咖啡機沖出黎，味道香濃，所以加$10有呢兩樣都幾抵，平時其他餐廳單點即磨咖啡都要$40以上。忌廉餐湯都唔錯，口感幼滑。-呢間餐廳lunch time 都好full，真係幾多人食。之前黎咗兩次都太full所以放棄，今次終於食到，連同事都讚好食！

沙田石門而家開左好多餐廳，所以我尋日又去動去石門揾食🤪見到呢間餐廳，雖然舖頭細細間，但裝修簡約又温馨，所以同屋企人決定入去食返個lunch先😙是日餐湯係西蘭花湯，當中有洋蔥🧅西蘭花🥦好似仲有薯仔蓉，口感好creamy但味道又好清新，一啲都唔膩👍🏻班尼迪蛋配菠菜煙三文魚﹕賣相一流﹗望見已經好吸引🤤🤤面頭嘅荷蘭醬配埋班尼迪蛋真係好夾﹗荷蘭醬酸酸甜甜，濃稠滑溜，令雞蛋變得好特別，好似起左化學作用咁，好神奇﹗煙三文魚本身都好香，菠菜本身亦已調味。拆開食本身都已經好唔錯，夾埋一食更加不得了。其實越係用材料簡單，要做得出色反而更加唔易﹗香烤8oz西蘭西冷扒 ﹕唔知係咪因為牛扒係香烤，佢好似比一般煎牛扒多左重香氣🤗而且扒既牛肉味好香濃😋脆肉瓜好清甜、爽口，而且大大件。薯角好香脆，而且味道鹹香，好好味。不得不提餐廳嘅橙茶🤩因為佢除左有好香嘅紅茶味，仲有好濃嘅橙味😚成杯有好多橙肉，每飲一啖都飲到橙肉粒㗎😍正﹗