兄弟工房 (Closed)

很久沒有跟老公出街吃飯，難得今晚有時間，那就去附近吃吃飯。在這裏繞一圈，看到這間小店門口的餐牌，有一個dinner set for two，有餐湯，沙律及飲品，另外還可加配甜品，不如就去這間吧。餐廳裝修簡約，座位不太多，但仍然坐很舒服。餐湯是蘑菇湯，不太稀，亦太結，味道剛好，每一口都充滿粒粒蘑菇味道，真材實料，好飲。沙律是藜麥沙律菜，藜麥有很多纖維及維他命B，是一個非常健康的食材。沙律菜新鮮爽口，裏面還夾著絲絲洋蔥，感覺清新。味道是酸酸的，醬汁是黑醋汁，非常開胃。其中一款主菜是香煎鵝肝意大利飯，意大利米粒粒分明，飯軟硬適中，口感很好。鵝肝煎得很香，咬下去有一層薄薄的油，很肥美，好好食。另一款主菜是肉眼扒，賣相不錯。旁邊配著很多不同類型的素菜，罪惡感立即降低了不少。肉眼扒是五成熟，肉還是紅紅的，但一點也不韌，入口帶點肉汁。這個扒沒有跟什麼燒汁，只是點一點點簡單的黃芥末，就能吃到牛的原味道，非常不錯。而旁邊的各款配菜，亦沒有用很多調味料烹調，吃到是材料的真正味道。整體很好，我非常欣賞。飲品方面，天氣開始涼，老公點了熱檸茶，而我本身怕熱，於是就點了凍奶茶。一般西餐廳是用茶包作茶膽，但這裏是用

今日假期,去石門嗰邊探朋友,朋友話有間唔錯食西餐嘅小店帶我地去食,於是就去左兄弟工房嚕,我以後係lee邊返工嘅時候乜都冇,估唔到宜家京瑞商場開左咁多嘢食佢真係細細間,座位唔多,但通常小店都會有驚喜🤩入面環境休閒,有假日俾人放鬆心情嘅感覺假日都有個brunch menu提供,價錢78到112,都唔係好貴,又有湯又有嘢飲跟埋🤤嗰日個湯係粟米🌽湯,本身我平時都好鐘意飲,佢仲好多粟米粒🌽,好正😋朋友嗌左野菌松露蘑菇汁意大利飯,,又有蘆筍,又幾多蘑菇,汁又調得幾好,我偷食左啖,係唔錯😋我嗌左西冷扒🐂配薯菜,欣賞佢俾粗薯條,我自己好鐘意食,好有咬口,塊扒又唔un,熟度岩岩好👍🏻👍🏻總括嚟講,佢店舖雖細,但食物質素幾好👍🏻👍🏻

同朋友晨早去行完山，返去屋企附近開餐，做完運動食返餐好既當獎勵自己，就揀了這間兄弟工房，餐廳星期六有Brunch供應，$100有找算係咁啦。兩個人一人點了一份套餐包湯及飲品。餐湯是薯仔湯，味道較淡。我的all day breakfast十分豐富，有兩片合桃麵包，幼滑的黑松露炒蛋，牛油炒蘑菇、風干火腿、茄汁及腸仔，食完都飽到夜晚。朋友的班尼迪蛋配菠菜煙三文魚，有兩大件，滾水蛋流心，表面是芝士醬，鬆餅吸收蛋汁，非常鬆軟。食物份量都幾大份，味道不俗。

萬聖節的這一夜，沒有出外狂歡，只是一家人去食餐飯開心下，我同老公都喜歡西餐，所以番炒兄弟工房。今次去發現menu改咗，有二人餐喎！$338有齊沙律、湯、主菜和餐茶，都抵喎！所以叫左個來試吓。是日餐湯係忌廉蘑菇湯，足料好味！沙律份量都幾多，有沙律菜、車厘茄、藜麥、洋蔥等，加上沙律醋，酸酸味味好開胃。二人餐主菜揀咗「香煎鵝肝意大利飯」及「肉眼扒（ 12安士）」（識叫梗係叫呢個，本身單點要$238 㗎 ！ ）意大利飯比較濕，鵝肝Size中等，都煎得好香。肉眼扒好大塊，有好多蔬菜伴碟同埋半個焗左嘅蒜頭，我哋揀咗七成熟，肉質都唔錯，幾juicy。為咗滿足小朋友嘅慾望，我哋仲散叫咗兩個小食，包括「檸檬楓糖雞翼」（八隻/ $82 ）及「意式香草茄汁焗肉丸」（ $62 ），兩個都好好食。雞翼外脆內嫩，仲有汁滴出嚟，外表有甜甜地嘅楓糖味，好正！肉丸係用蕃茄芝士黎焗，夠哂濃味，有五粒超大粒嘅手打牛肉丸，好味呀！另外仲叫咗一隻「香草燒春雞」（$178），配以薯菜，雞皮一樣好香脆，雞髀位都算滑，雞胸就始終相對鞋一點。除咗餐茶，二人餐可以加$38有法式焦糖燉蛋，係我最喜歡的甜品之一，都做得唔錯啊！焦糖面再多啲就

今日同朋友到石門食晚餐, 知道有間西餐廳質素好好。先叫了個小食，白酒煮藍青口配蒜蓉包，份量都大份, 而且難得的大隻, 因好多時青口肉會好細粒, 湯汁清甜, 夠鮮味, 有陣陣的牛油香味, 同香脆蒜蓉包一齊食, 好夾。主食叫了西班牙黑毛豬配蘋果焦糖汁, 熱燙燙上枱, 還見到肉面不斷標出肉汁, 急不及待要即刻食, 雖然厚肉, 但入面是剛剛熟，內裡有少少紅, 保留了肉汁, 好Juicy, 是道巧功夫的菜色, 配上蘋果焦糖汁中和油膩感, 好好食。另一主菜叫了德國豬手, 好大隻, 外皮超脆, 肉質又唔會好乾, 旁邊還有大量沙律菜和酸蘿蔔絲。 隨餐我們加了$18要杯冰茶，有西柚同橙味，好Fresh。

平時間唔中都會經過京瑞廣場，今次同朋友嚟食Lunch，畀我哋發現到呢間新開冇耐嘅西餐小店，就一於試下啦!入到裡面環境舒適，裝修簡約，幾啱三五知己嚟食下嘢傾下計，我哋四隻人叫咗四款lunch set，試多啲唔同嘢食呢度主打嘅都係扒類，所以我哋分別叫咗香烤80OZ紐西蘭西冷扒($82)，香煎厚切豬扒($73)，同香烤雞扒($70)再叫咗個黃薑忌廉汁煙鴨胸意大利飯($60) ，我就加$10試埋佢個餐湯同橙冰茶😋首先試咗西冷扒，塊扒外面烤得脆脆地但入面仲係好Juicy，保留到肉汁，口感豐富，份量都啱啱好，80OZ男人食都夠飽，值得一試👍再試埋個豬扒，果然係厚切，差不多有我兩隻手掌加埋咁厚，同樣都係烤得出色，唔鞋口，非常出色!至於雞扒相比以上兩款就略為遜色，味道不錯但份量，價錢差不多之下相比沒有以上兩款吸引。最後試埋黄薑意大利飯，非常有驚喜，Creamy嘅忌廉汁配上黃薑嘅香，意大利飯嘅煙韌，煙鴨胸肉嘅香口，配搭出豐富嘅口感😋總括來講整體都在水準以上，西冷扒和黃薑飯意大利由其出色，值得一試！

今日揸車經過石門，想搵個位方便停車，太耐冇黎發覺原來呢度已經開咗兩個大商場，喺路邊有一間西餐廳，見入邊坐滿人，位置又方便可以睇車，就入去試吓啦。我哋一行四人，叫咗唔同嘅嘢食。小食有雞翼，薯條。雞翼炸得香脆可口，芝士薯條就係焗得好香，而且份量非常之足夠。喺食主菜之前，我哋仲叫咗西湯同埋佢哋嘅特色水果茶。特別想提嘅就係佢哋嘅水果茶，係用咗唔同嘅水果Max埋一齊，好特別，唔會過甜亦都好香。之後我哋就開始食海鮮大餐呀，我哋叫咗青口，蟹肉意大利飯，大蝦墨汁意粉，同埋佢哋最出名嘅海鮮包。 青口非常之新鮮，汁嘅味道完全深入晒青口入面，睇相你地都見到，隻大蝦非常之大隻，賠償好香墨魚味嘅墨汁麵，雖然食完個嘴黑晒，但係真係好好味。蟹肉意大利飯煮得非常之好，食意大利飯最怕煮得唔夠軟，最重要嘅就係海鮮包，佢哋嘅特別之處就係用錫紙包住啲海鮮再整熟佢，將海鮮嘅鮮味同埋水份完全鎖返係食物身上，真係好好味。最後，我哋都叫咗一個肉眼扒，我哋叫咗10成熟，但係出乎意料一啲都唔鞋，玉米好香，肉質好鮮嫩。最後另外想提一提就係夥計啲服務態度非常之好，不停提你加水，而且不停問你有什麼需要，我如果各位想慶祝生日，又想搵個方便泊車嘅

今日放工，入去馬鞍山搵朋友食飯，知道石門開咗好多唔同嘅餐廳，上網搵一搵，見到呢一間叫做兄弟工房嘅餐廳，咁特別嘅名令到我好想去試吓。入到去間餐廳，發覺裝修唔錯。坐低後叫咗四隻雞翼，雞翼炸得非常之香口，好脆，好入味。食得雞翼，點會唔叫芝士薯條呢，芝士薯條份量好多，芝士味非常之濃郁。食得西餐，當然要帶青口啦，青口非常之新鮮，好入味。今餐簡直係海鮮餐，除咗青口之外，我哋仲叫咗蟹肉意大利飯，大蝦墨汁麵，仲有一個海鮮包。意大利飯軟硬程度剛剛好，蟹肉份量好足夠。大蝦墨汁麵的麵好香，另外值得一提就係佢個海鮮包，佢用錫紙包住海鮮，將所有海鮮嘅香味同埋鮮味鎖住，呢個簡直得一試。最後，我哋叫咗一份肉眼扒，肉眼扒好大塊，就算我哋叫全熟，肉質都好鮮嫩，令到我哋非常之驚喜。當然，我哋都有叫到餐包同埋西湯啦，配埋佢哋嘅水果茶，成餐飯好完美啊。如果你哋去開石門，又想試吓唔同嘅西餐，建議你哋去一去依家兄弟工房。

石門現時已變成一個小商業區，有寫字樓及商場，而且又開了很多的食肆，今日過了去朋友間公司順便一起食個午餐。餐廳主要是西式為主，午市有午餐供應，全部七八十元起。餐湯似薯仔洋葱湯，比較濃稠，味道不錯。明太子忌廉汁炸蝦意粉明太子忌廉汁十分creamy，每條意粉都沾滿了醬汁，明太子的咸香味道突出，還有些蘆筍等配料，炸蝦香脆不油膩。香煎厚切豬扒配意粉意粉份量較少，豬扒有成寸厚，肉質較硬，比較有咬口，另外旁邊還有些翠玉瓜伴碟。

星期六過嚟嘆個悠閒午餐～先嚟一人一碗真材實料嘅南瓜蓉湯，綿滑香甜香蕉厚切豬扒配薯菜$112呢個豬扒飯唔係咁普通，除左厚切豬扒之外，仲有烤翠肉瓜、車厘茄，烤過嘅蔬菜係特別香架～大大塊薯塊，夠飽肚又滿足香烤紐西蘭8安士西冷扒配意粉$118朋友係牛魔王，紐西蘭牛扒牛味重，肉汁豐富，牛魔王唔好錯過～意粉軟硬適中，配埋牛扒汁食特別滋味。一樣有烤翠肉瓜同車厘茄飲品要左凍咖啡同熱檸水，咖啡係用咖啡機沖，咖啡味夠晒香～

朋友係沙田返工，約我係石門既京瑞廣場到食，好彩我都有巴士係附近落車，最後選擇左一間西餐廳到食，餐廳入面比較小，但勝在夠溫馨，我見到有一套咖啡機，但我明天要上班，就冇叫到咖啡飲我地叫左二人餐$338有是日餐湯係甘荀湯，飲到甜甜的甘荀味，而且味道濃郁香滑，可以食到些甘荀粒在裏面，口感豐富沙律沙律加左亞麻籽係裏面，十分特別，而且健康燒魷魚圈配墨魚汁意粉墨魚汁意粉炒到每條都充滿墨汁，是好講究厨師功夫的，而且入口煙韌有質感，再下少許番茄肉，味道層次更提升起來，意粉吸收墨魚汁的鮮味再加上燒魷魚鮮味的配搭，味道天衣無縫肉眼扒(12安士)肉眼牛扒肉質十分柔軟，多汁，入口脂肪分佈平均意式香草茄汁焗肉丸$62肉丸加了酸酸甜甜番茄醬十分開胃飲品同檸檬茶一樣但用左香橙代替，味道清新

今日和弟弟往石門京瑞廣場兄弟工房食晚餐, 我們點了檸檬楓糖雞翼, 忌廉湯、脆皮德國鹹朱手、西班牙黑毛朱配蘋果焦糖汁、凍奶茶和熱奶茶。檸檬楓糖雞翼共4隻, 雞翼食落香脆, 肉質鮮嫩, 食落有檸檬楓糖的香味, 佐酒一流；我們點了的晚餐配了忌廉湯, 忌廉湯熱度適中, 飲落味道香濃；脆皮德國鹹朱手食落香脆, 食落啖啖肉有油花；西班牙黑毛朱配蘋果焦糖汁賣相吸引, 黑毛朱食落啖啖肉, 肉質軟腍, 口感十足, 蘋果焦糖汁食落開胃, 能提升黑毛朱口感, 配菜有沙律菜, 黃瓜和甘筍, 食落新鮮爽口, 薯仔食落香脆爽口, 整份西班牙黑毛朱配蘋果焦糖汁材料豐富, 口感十足；最後我們加了$18除了有忌廉湯外, 還有餐飲, 我選擇了凍奶茶, 凍奶茶茶味香濃, 奶味香滑。餐廳座位舒適, 食物美味, 口感十足, 我和弟弟食了一頓好味西餐。

係石門附近發現一間唔錯評分既西餐廳就嚟到叫咗個二人餐試是日餐湯—西蘭花西湯薯仔味濃 唔鐘意食椰菜花既我都好鐘意飲 椰菜花打得好細 但仲有啲咬口既質感健康沙律😻😻好多藜麥呀 望落就超健康 黑醋味道 有埋藜麥superfood好好食Ice tea 😸是日冰茶是橙做Base的肉眼扒😽😽😽😼好大一塊扒 配mustard醬 有烤蒜 一望到個烤蒜就心心眼 而配菜都好多樣 沙律菜、蘑菇、車厘茄、瓜 整個配搭好有心思 扒上面有啲菜苗仔係上面 扒油脂分佈好高 脂肪層好厚好正 扒本身已經有調味鵝肝飯😸😸😸鵝肝唔腥 牛肝菌既味道 意大利飯煮得啱啱好 係我鐘意食既口感最尾梗係叫多個甜品啦😂😂😂焦糖燉蛋蛋好滑好滑好滑 淡淡既雲尼拿味

現在的石門好多食市，選擇好多，而且價錢比沙田較大眾化，今次去食西餐，試下兄弟工房，另加 $18 有餐湯及水果冰茶是日香橙茶，感覺清新，而且不太甜，味道不錯。椰菜花忌廉湯好香椰菜花味，質感幼滑香濃。燒大啡菇忌廉汁意粉 $98嘩！全部都是菇、蔬菜，好適合素食者大啡菇相當有咬口、雜菇、新鮮露筍、菠菜等，而忌廉汁香濃而不膩，好美味。西班牙黑毛豬配蘋果焦糖汁 $208賣相令人有「嘩」一聲的感覺，而且相當吸引。西班牙黑毛豬厚切到不得了切開好多肉汁流出，而且肉質嫩滑鬆化，極美味！蘋果焦糖汁似蘋果蓉打成，酸中帶甜，可中和太多肉的膩感，令到味道更有層次。

去石門食晚飯，見到有間型格的西餐店~兄弟工房，見餐牌都岩食，有個二人餐，入去試下。叫咗個set dinner$338，已包沙律、餐茶同餐湯。餐湯係甘筍忌廉湯，好清甜。沙律好大碟，有車厘茄同火箭菜。主食有鵝肝意大利飯，鵝肝充滿油香，滲透了意大利飯，內裡外皮少少脆邊。主角係烤12oz肉眼扒，旁邊有原粒蘑菇、蔬菜同沙律菜，份量好大份，我們叫了五成熟，好多肉汁，肉質好淋。見到餐廳有部大型咖啡機，叫了杯即磨咖啡，夠曬香濃。$338 真的很超值。