Brunch Club & Supper

Open Now

Now Closed

酒吧未開，中環未去得，揀間旺中帶静，有酒飲又有得食,記起這裡cocktail及酒多款選擇！這裏有家感覺， Happy hour, 買一送一，南非紅酒$64，白酒 mojito，Jack Daniels Black Label$70, 無雪碧，加梳打水，小小香, 喜歡johnnie walker black label多些，但好抵, 滿足。本揀牛油果沙律，上枱發現是希臘沙律$86 ,青蛙認自己點錯， 羅馬生菜，洋葱3圈，希臘乳酪，芝士方粒，車厘茄，像casa salad，顏色單調平淡,，缺香草，少橄欖，加乳酪，加點分。海鮮意大利飯$128， 魷魚好鲜香，青口靱，蝦爽，意大利飯醬汁唔厚，輕身，芝士不濃，飯香滑富海鮮甜，不生，有嚼口。班尼蛋，今次揀baby 菠菜$88，感覺單調，下次試牛油果。蘋果批，其實似蛋糕多，鬆起軟綿，多些肉桂更佳，美味。朱古力蛋糕，朱古力味淡，有少少薄荷，質較實。李白兄飲勝，今晚酒水滿意嗎？東坡兄今晚晚宴，如何？jack daniel，你的whisky要改進！

I’ve been there for many times.It’s new dish lobster raclette is surprisingly good and the price is more than reasonable! Staff are sincere and nice. They can help decorate the plate of your dessert.I’m more than happy to recommend this restaurant without receiving any benefit from it lol

今晚唔知晚餐食咩，聽朋友推介試吓呢間餐廳，佢位置唔起眼同埋要上一層樓梯，佢係一啲西式懷舊嘅佈置，幾特別是另一種特色當晚點左一個set dinner🍽 加一個Carbonara🍝，set dinner我揀咗一個crab 🦀cake前菜，mains揀左海膽忌廉汁闊條麵配帶子，甜品係紐約芝士蛋糕首先crab cake我覺得味道口感都唔錯😋，因為雖然係炸，但係好鬆脆，唔係炸到硬晒果啲，個餡都食到蟹味道，而且味道配合很好，去到mains海膽汁闊條麵，佢個海膽汁係真係有鮮甜濃郁海膽味🥰，寬條麵應該係自家製，有口感，Carbonara👍🏻汁好滑夠濃厚又唔會太杰，撈埋隻蛋食好香，最後紐約芝士蛋糕🍰唔會好實，味道適中唔過甜，其實佢其他蛋糕都好吸引，朋友試過其他蛋糕話好味，下次一定會再來食佢嘅主打菜式流心🥚brunch同其他款式蛋糕🧁🥧

點解人會喜歡流心，心太軟，奶黃包，親手切開流心有莫名歡愉，甚至有點興，喜歡破，從完整光滑，一下子破壞，咇咗，流咗，跟住出煙！好似玩爆炸糖班尼蛋煙三文魚$98，蛋黄醬不稀不稠，剛剛好蓋隻蛋，不會過界，用刀慢慢破開，keep住心情，讓蛋汁流出與蛋黃醬交融，再夾煙三文魚，要加麥粉先美味！美國牛肉漢堡包$98，勁多料，細片牛肉，熟兼嫩，切開流汁滿瀉，好juicy,包表皮脆內軟， 配熱辣辣粗薯條，好吃carbonara$98，有又月見，揀扁身意粉，有質感，煙肉碎，一半帶走，翌日翻熱，原來好油。Bunch Club salad$128，重型，多人推薦，取羊 cheese俾大陽食，想嘔，勁羶，我食得都覺得勁，2塊燒雞肉鞋無味，沙樂美腸，煙肉大大塊，再加煙三文魚，配酸青瓜解膩，如白汁沙律醬轉沙律醋會更好！還叫買一送一draft beer carlsberg$70, 飽凸，還有坐一邊枱，其他客有2米之外。之後，食濟咗，發春瘟！

通常都係食Egg Benedict，今次試左lunch set，好抵！個salad 好新鮮，送個包都好好味！至於，個 beef ribs 又正又入味，mocha 正常吖，加個甜品$8 真係好抵！Usually I’m there for egg benedict, but the weekday lunch set is scrumptious. The salad is fresh and even the bread is awesome. The beef ribs I ordered is well marinated and cooked. Mocha is always good, but I have to recommend the dessert. Paying extra $8 is totally worth it!

以前都嚟過呢間食晚飯，今次係同朋友慶祝生日，佢為咗緬懷以前敘舊的日子，特登選咗呢一間，訂位之前已經同左餐廳講，要佢喺我哋嘅甜品碟上面，寫上生日快樂，但係完全冇做到，我覺得個服務真係麻麻，咁重要嘅嘢都冇做到。講返食物，老實說，真係好普通，就係早餐煎薯餅、香腸、蘑菇、麵包、雞蛋，其實食物非常簡單，自己屋企都可以做，所以我覺得係收貴左，當晚佢嘅椰子雞尾酒買一送一，我朋友想飲，所以就叫咗兩杯，但係實在太甜啦，唔好飲，都叫咗個朱古力蛋糕做甜品，但係個蛋糕太乾身，似乎擺咗好耐。呢個地方勝在喺銅鑼灣來講，叫做旺中帶靜，環境係比較闊落同埋舒服，枱與枱之間有啲距離，所以傾下心事，都係一個舒服嘅聚腳點。

早幾日喺附近醒起呢間 就上左去食早餐原來早餐時段9-11am同Tea time 3-5:30pm會平啲😼Egg Benedict with Smoked Salmon ($58)🍳仲會有一杯regular tea或者咖啡☕️開頭仲諗咁平 份量可能會少好多 點知唔係!!😧😧Poached eggs🥚 煮得岩岩好 一切開啲蛋黃漿就會不斷流出黎 望住成個畫面好治癒haha😛🙊Hollandaise sauce調得好正 配埋三文魚既咸香好夾 🥰最底既English muffin好鬆軟 唔會乾爭爭或者太淋 仲帶點牛油香🧈😌另外仲有少少沙律菜同一塊超脆香口既薯餅因為我就唔太飲咖啡既就叫左杯regular tea 平時飲親都覺得好淡 呢個反而幾有奶香成個餐都好有水準😋😋呢個大概係我食過最平又好食既egg benedict🤩😍💸 $63

有睇我食評都知道我好非常之喜歡呢間餐廳因為覺得依間餐廳要上一層先入到去而且窗口陽光非常舒服有時候去餐廳我特別鍾意坐窗口位如果窗口位特別多陽光我會覺得食得特別開心同精神飲住一杯咖啡完全係一種享受而今日我就約咗女朋友去銅鑼灣有事要做由於佢仲未到所以我就到咗依間餐廳食住下午茶先特別想講呢間餐廳下午茶非常抵平時主餐牌食一個嘢食加嘢飲呢大概都要$100左右但係下午茶呢大概係40至60左右呢就有一個食物仲送一杯咖啡咁當然佢送嘅咖啡係最Basic嘅咖啡而呢一個薄餅呢係甜薄餅黎有香蕉玉桂粉同埋蘋果咁我係非常鍾意食佢個皮係非常之有口感所以我都在度同大家推介呢間餐廳絕對值得一試

今日攞咗日假期比自己休息，一個人走咗去銅鑼灣行街，行行下見到呢間店舖，可能因為下午茶時間，人流唔算多，我比較喜歡呢間店舖既設計，餐廳面積都幾大，用咗紅磚及水泥牆，仲有壁畫添，不同類型，大大小小既木枱及椅，復古的擺設，好似回到以前既感覺，問店員可否選擇坐窗邊，窗邊光猛啲，感覺寫意，又舒服。食物有水準好，一個人靜靜的食野，都好舒服，感覺一流。係銅鑼灣換到個咁舒適既地方黎食野，價格都合理，環境舒服又幾好坐，下次帶埋班朋友黎先。

早兩日去銅鑼灣做運動做完運動就行咗去食brunch 一直以來都好鍾意依間餐廳因為佢採光度唔錯坐響窗邊可以感覺到好舒服嘅陽光而且嘢食都唔錯到咗個窗邊位坐叫左Mix grill 蛋方面可以叫佢煮不同嘅蛋咁我就叫咗佢整半熟蛋出黎既效果好好基本上我都成日去依間餐廳所以推薦俾大家

如果想係銅鑼灣食brunch依間係一個吾錯既選擇,食物種類好多而且好高質,好有去左外國既感覺☺️Avocado egg benedict($96)薯餅同egg benedict依個配搭好完美❤️一切開滿滿既蛋黃醬流哂落個英式鬆餅到,配埋新鮮既牛油果食好正啊🥑薯餅好香脆,我自己鍾意點茄汁食好夾🥰French toast($88)多士外脆內軟,味道帶有玉桂味,而且入面仲有d士多啤梨味既cream cheese,上層既雲尼拿雪糕同暖烘烘既多士一齊食口感好特別☺️

【Eggs Benedict】 HKD88依間係個人幾鍾意嘅Brunch Club，比較常嗌嘅係Eggs Benedict同Carbonara🍝Eggs Benedict底下雖然用上好乾身嘅包，但係全靠流心蛋嘅搭救，食落一啲都冇依個感覺👍🏻仲可以抵消埋煙肉🥓嘅油膩感。成個感覺都好match，加埋少少黑椒食會更好。📍Brunch Club & Supper銅鑼灣禮頓道13號1樓🚇港鐵銅鑼灣站A出口 步行約6分鐘🕑星期一至六 09:00-23:00；星期日 09:00-21:30

Variety of brunch menus are availalble including the classics ones like eggs benedict, omelette, salad, pasta, and steak etc. l Lunch set menu was also available from 12pm.Food was nice, drinks were satisfactory, clean and lovely atmosphere (there’s a terrace at the back,) open from early morning, and friendly staff. I went to eat before catching the flight back home and I personally enjoyed it a lot. The restaurant is small and cozy. With a small covered back patio ( behind tower blocks). The d

今日係悠閒星期日，朋友帶咗我去呢一間餐廳食個brunch 。其實我經過樓下好多次 ，但係每次見佢門面好似甩甩漏漏 ，又要上一條大樓梯 ，黑黑暗暗咁， 所以就錯過咗好嘢啦 。今次朋友帶上去，原來門面裝修好特別 ，牆身專登整到爛曬咁 。入到去就已經畀佢部琴吸引住 好有smoke and jazz bar 嘅感覺, 跟住坐到窗口位, 出面好多植物有大玻璃睇到街景, 仲有佢掛喺牆上嘅油畫，同你喺樓下經過想像嘅嘢完全係兩件事我叫咗個 egg benedict 朋友叫咗個芝士炸薯仔, 好邪惡好好食朋友嗰個炸薯仔脆卜卜 面頭好多芝士 好香好香 我嘅個蛋整得好好食, 個醬一流, 仲有佢個炸薯餅 無敵 嗰度食嘢嘅人都好斯文，有一家大細，有情侶 ，坐嘅空間非常之夠 ，輕鬆傾下計過一個朝頭早下午 下次會再去食，可以帶本書去睇下添喎！

Brunch club is always my all day favourite brunch place no doubt! What I love the most is their eggs benedict! 1. The eggs are always perfectly cooked! When you cut the eggs, you can see the yolk juices comes out and that, really really helps me released some stress 😂 2. The Hollandaise sauce was just right! Eggs benedict at other places are somehow too salty or too buttery. But the one here is just perfect! 3. The sides are so freshly made! Crispy hash brown, fresh salad! I liked to order their