泡泡 (Closed)

中環石板街附近都有美食經過一條舊街 到處都係橫行同超窄路一間韓國餐廳的招牌超吸睛入到去都幾多款可以簡點咗個小食同湯雞翼係用秘製醬 食落有啲似陳皮魚蛋味食落幾惹味 幾驚喜！好食湯最多人推薦叫五花肉豆腐但今次叫咗牛肉大醬湯 配烏冬食落微微辣 又帶點甜嘅湯 配肥牛最驚喜係出面的甜品櫃嚟過幾次 有時會有自家製奶凍同半熟芝士蛋糕賣 味道濃 而且性價比高！！一件cheesecake 35蚊大大件不過要睇運氣 間中先補貨

話說今日紅日都仲要返工，真係好痛苦，最痛苦嘅係附近有好多餐廳都唔開，都唔知食啲咩好，喺外賣平台見到呢間餐廳彈出嚟，又好似未試過佢，決定一試，叫咗個海鮮豆腐湯同炸魚餅串，湯嘅料好豐富，我直接將個飯車埋落去，超級送飯👍魚餅串就不過不失啦

唔係講笑，我呢個人一見到明太子就反抗唔到，喺中環行到悶悶地想搵啲嘢嚟食吓下午茶，就同女朋友入咗去尼一間小店，一見到明太子即刻唔使諗，就佢哋兩樣啦🤩🤩🤩，其實仲有個明太子意粉，不過下午茶就真係食唔到咁飽，所以冇叫到😮‍💨😮‍💨兩個嚟計個飯卷明太子味相對冇咁出，但都仲食到啲鹹香味，反而個蛋卷個味就好濃郁，配合埋紫菜食，佢仲要有少少流心🥰題外話，咁樣包嘅飯卷可以好似宋慧喬咁樣食🤣🤣🤣幾得 意

破晒戒 但真係口痕 好想食炸薯條 既然橫掂都係破戒就要食黑松露芝士炸薯條 🍟 絕對重手落芝士 熱辣辣即炸薯條配溶晒嘅芝士 每條拎起都有芝士拉絲😫🌝 仲可以點黑松露醬🫣 唔理啦 聽日開始先食沙律啦😫

落左成個星期雨，今日見無乜雨就落街搵下有咩食，早前公司收到傳單，話士丹利街有間韓國菜可以試吓，咁就同同事去試。落到去鋪頭好細，無乜位坐，我同同事都等左大概十分鐘先入到去，入到去見個個都一人一鍋，問店員佢地就堆介左我試呢個牛肉大醬湯(主要係因為我唔食得辣🤭)佢有飯同烏冬，咁我就叫左跟烏冬。食物好快就到，店長都尚算好服務，食物到左，熱辣辣，賣相幾吸引，入面好多料，牛肉數量好多，難怪咁多人叫，烏冬係手打烏冬，好彈牙。絕對有下次。不過希望佢有多啲位啦，地方太細，食飯時間容納太少人。總括然而，呢間可以mark低佢，因為真心唔錯，值得一試

話說，今日去再買飯卷食，店主話唔賣住要轉包裝先，天氣又咁熱，唔係好想食湯類，咁就試左佢哋個泡菜五花肉炒飯，今次我堂食，等左大概五分鐘左右就黎到，速度尚算OK，但有進步空間。好的入正題，個炒飯比我想像中好味，見佢哋都係即叫即炒，飯身唔乾唔濕，五花肉佢哋剪碎左，感覺有油香得黎唔肥膩，睇得出有誠意既，鍾意甜辣既人不妨一試。

依家啲天氣越嚟越熱，又要開始keep fit啦，平時都間唔時嗌開尼間餐廳外賣🤤🤤咁岩佢又出左沙律咼，所以就嗌左外賣嘅雞扒沙律 五顏六色 幾好睇😹 醬可以自己落 岩晒我營養師要求 只可以落半匙醬又有蛋白質同一大碗菜😍

第一次購買，買左2盒，1盒雞肉，1盒辣豬肉，食到一半的時候發現有一條白色勁似飯粒的蟲！真係太可怕！仲要識得郁！都唔知有冇食到其他落肚！有拍埋片！永遠都不會再去食！

lunch time行過見到，打算試下，叫左海鮮大醬湯配飯。佢無配菜嘅要另外叫，我叫左kimchi，30蚊好大份lol 不過味道似supermarket果d。海鮮大醬湯味道濃郁，有鮮味，青口同calm 無沙，個湯嘅辣椒醬和醬油的調味讓整碗湯的味道更加豐富。每種海鮮都煮得剛剛好，不會過熟也不會生。湯的配料也很豐富，包括洋蔥、豆腐、菜等，份量好大差d食唔曬。中環如果想食韓式湯飯應該得hungry korean。以前都會去但佢難食左好多，所以呢間bubble係一個唔錯嘅選擇。

近排係中環見到有人派傳單就發現左呢間韓國野🍙 佢細細間大概有十五個位左右 但係選擇都幾多 齋睇佢d 紫菜包飯選擇都已經唔少🤓 價錢都相當之合理 $50-60一個啦 視乎款式～我叫左豬肉紫菜包飯 佢材料好足夠🫶🏻 豬肉少少辣 但好香😛 而我朋友叫左個明太子紫菜包飯 我個人覺得明太子味唔係太出 豬肉比較好食d🤤 記住如果係堂食既話可以叫店員幫你翻熱個紫菜包飯🧡

其實今日點咗好幾樣，我自己就食呢個辣炒年糕配紫菜飯。個飯嘅份量好足，唔係係咁而俾少少飯👍 配紫菜係幾OK嘅。問題就係辣炒年糕；份量一啲都唔細，味道都合格，但係超級硬 😅 究竟有冇煮過？ 連我咁有牙力都食唔到，食咗四五個都係夾硬食，之後要放棄了 😢 用假牙者不宜，因為你d假牙係咁𡁻實痴住年羔 😂 有啲失望囉⋯⋯

星期六放假約左朋友去中環食lunch行街，行到咁上下順便買外賣夜晚返屋企食，揀左呢間新開業既Bubble韓國菜，中環區黎講佢地既價錢尚算親民，今晚一於試多幾款啦🌟清酒海鮮湯 ($78)熱辣辣既清酒海鮮湯聞落好香，入面有青口同蜆而且份量唔少，湯底好清甜帶有微微清酒香，仲有翠玉瓜同娃娃菜等配料，跟白飯可以做埋海鮮湯泡飯，超正😋🌟燒汁雞肉便當 ($78)呢個燒汁雞肉便當好豐富，有埋泡菜、關東煮、菠菜冷盤同玉子燒，雞肉又好juicy，送飯一流🌟明太子蟹籽飯捲 ($50)食韓國菜點少得韓式飯捲呢，我就揀左明太子蟹籽飯捲，上面鋪左好多蟹籽同明太子醬，鮮味十足🥳🌟秘製烤雞翼 ($38/5隻)小食方面我就揀左個秘製烤雞翼，一打開蓋就聞到好香，食落又夠惹味😋😋😋

《Bubble - 中環》近排因做野既關係，成日遊走中環上環呢啲位置，喺得呢邊食飯，預左一定唔會平得去邊啦🥹呢邊office 既同事喺放飯前突然問我食唔食韓國野，話有間好抵食既韓式便當餐廳喺正樓下，而佢又想搵人一齊去買飯，所以抱住咩都試下既心態，lunch time喺同事既帶領下去左呢間餐廳探路啦🤭餐廳有得堂食，menu 其實都好豐富下，我同同事各自都叫左自己想食既便當，另外再加小食share 💁🏻‍♀️烤比目魚便當配柚子蜜 $94我叫左呢個比目魚便當做午餐，魚扒一共有兩件，而且本身已有調味，個外皮脆脆的，入面既魚肉魚油爆曬燈😍送飯一流😏而個便當仲跟有不少配菜架，有泡菜、蛋卷同關東煮，一個人絕對食到飽飽呢💁🏻‍♀️紫菜肉鬆芝士蛋卷 $52同事叫左兩個小食當午餐，另外見佢仲加左錢要支自家製咖啡添😏偷食左一啖，紫菜同肉鬆呢個配搭永遠都合拍的，仲要加埋芝士😍點會唔好食🤭份量方面，我覺得佢一個人一定食唔曬💁🏻‍♀️泡菜吞拿魚飯卷 $50朋友第二個小食揀左個kimbap，入面既食材塞到滿滿的，有醃黃瓜、紅蘿蔔、青瓜、呑拿魚醬、泡菜同蛋，口感好豐富而且感覺好清新😋一份當正餐有菜有肉咁都幾好💁🏻‍♀️秘製烤

中環士丹利街新開左間韓國料理小店「Bubble泡泡」，主打韓式前菜、小食、紫菜飯卷、部隊鍋、便當盒、湯鍋、炒飯及炒麵等等無骨炸雞已經去骨嘅無骨炸雞，外脆內軟，啖啖肉，邪惡滋味秘製烤雞翼餐廳自家秘製烤雞翼，一客有五隻，醃得入味又肥美，烤香後別有一番風味！配上蜜糖芥末醬食更加正烤牛肉飯卷 & 燒汁雞肉飯卷多款口味韓國紫菜飯卷可選，餡料好充足，合共有10件，紫菜飯卷內有基本配料如蘿蔔絲、青瓜、雞蛋及醃蘿蔔。烤牛肉味道濃郁；雞肉軟嫩多汁，兩款飯卷口感都多層次，好滋味哦泡菜五花豆腐湯所有韓國熱湯可以選配白飯或烏冬。白飯粒粒分明，軟熟有米香～泡菜五花豆腐湯熱辣辣，泡菜香辣惹味，配上肥美五花豚肉及嫩滑豆腐，正呀

中環新開韓國菜Bubble果種親切感同菜色都好有韓國Feel 啊～而且價位都好親民～'有各款便當，炒飯，粉絲，小食，又有泡菜湯飯，想快想方便雪櫃亦都有各式外帶飯卷同前菜，-仲有我地最愛的港式奶茶/ 咖啡，簡單黎個Mix and Match 都可以啊～-便當盒 有肉有魚 可以選擇選了營養滿滿的 烤比目魚便當包括 泡菜前菜 以及獅子狗卷鳴門卷 當然還有烤得香香的比目魚，米飯都 煙韌有口感，加埋蛋卷，簡單好食。-泡菜五花肉炒飯係泡菜的加持電，炒飯好香口，五花肉有油香亦有肉味仲有隻燶邊煎蛋，蛋黃撈飯超好味。-除咗主食呢度嘅小食亦都唔可以錯過秘製 烤雞翼烤得香口juicy, 秘製醬汁亦都好惹味，-明太蟹子蛋捲蛋卷好厚！！！蛋味亦都香濃上面仲鋪滿好多 晶瑩通透的明太子及鹹香的紫菜，簡單但係好食呢～