不倒翁中日火鍋料理 (Closed)

以前係不倒翁常客，有一段時間無去，今晚突然醒起，所以決定9:30後黎食，9:30後全單8折，折左都係貴，但覺得佢d料幾好幾新鮮，叫左手切牛，水餃王，蝦丸同象拔蚌刺身。叫左一整條象拔蚌，黎到覺得怪怪地，因為成日都食象拔蚌所以好清楚佢個構造，老公一句話:點解好似少左d野，係喎，就係少左我地最中意最鮮甜個部分！深色少少嘅部位竟然成part唔見左！即刻問侍應，佢地幾個立即好心虛咁款幾個圍哂埋黎話幫我地問下廚房，過左1分鐘都無，立即同我地講話個師傅新黎咖，漏左，宜家比返你！又過左1分鐘，漏左個part即時出現返！大佬好假囉！好明顯平日都係咁樣對d客，懷疑叫一條唔係比足一條，夾起一部分留來做例牌！真係好唔老實！個價已經係set得好貴，比出面貴好多， 仲夠膽咁樣呃客，真係食到一肚氣！無下次！

好耐冇寫食評, 但真的不吐不快。三人訂了 8pm，其中一人7pm到達，"本人" 7:15pm 到達, 眼見其他等位的自由行已陸續入座，但訂了枱早到卻要等，這都不緊要。7:30pm 人齊卻比安排與其他人同枱，"本人"找服務員查詢, 服務員聲稱等卡位最快要8:30pm，最奇怪是有一張卡位是空的，"本人"再找找服務員查詢，她們說那個卡位雖然沒有留座，但若果客人需要指定座位，需付最低消費 "HKD $4000"。我真的嚇呆了，有這麼荒謬嗎? 是覺得我們消費力不及自由行而留給他們嗎?很不甘心地和別人同枱，"本人"及朋友座了一會，我們都感覺受騙了便決定轉食南燒北鍋。

Book 枱時問過若要坐windows seats 會有$2000 minimum charge.  想下只得3個女仔，點會食到咁多，結果book 普通枱。去到可能不是fully booked (8:30pm Friday) , 所以最終都坐窗口，對住維港景拾下拾下，埋單多謝$1500. 其實我們也不大愛海鮮，但都被待應氹左叫了6隻大蝦，最貴的一碟！好彩其他食材都fresh and reasonably priced, 不過驚喜欠奉。最欣賞炸響鈴，好食都冇朋友。招牌水餃又大又足料！黑豚肉就非常失望！那個tomato and lobster 湯底，我們最後當湯飲，好sweet and full flavored. 

有朋自遠方來，當然要吃餐好！由於下雨關係，為方便帶子朋友媽媽，我們選在尖沙咀跟地鐵相連的iSquare不倒翁吃火鍋。一早訂了枱，去到即可入座。翻開餐牌，多款湯底選擇，普通的醉雞﹑蟹鍋﹑龍蝦湯﹑芫茜皮蛋等等都有，價錢由$108起，火鍋配料選擇也不少，手切牛脊肉﹑羊肉﹑海鮮如象拔蚌﹑龍蝦﹑手打丸﹑野菜籃﹑炸腐竹(即我們的響鈴)﹑鮮餃等等，全部都好新鮮好味，雖然我們只是點普通的鴛鴦湯底(沙爹/芫西皮蛋)，但其湯底都好足料，並非調味料溝水那麼馬虎，亦因為料鮮，所以不沾醬都很美味。食物質素好﹑服務OK﹑又有少少景(火鍋店位於23樓，看到維港及對面海風景)，可能我們沒點海鮮，所以埋單每人都是千多元(我們共6人)，而且當晚沒有限時還枱，大家可以慢慢吃，聚聚舊，下次飯聚值得再來。

不倒翁有幾間分店，唯獨鍾意呢間，有海景之余又坐得舒服，消夜時段打佐折都係貴，本小姐已吾係第一次去呢間，發覺服務質素大不如前，收得甘嘅價，員工叫極都無反應，個個都好似好吾開心甘，好在食物質素好，除佐食物方面好如果員工嘅質素都有改善嘅話更好川芎白芪魚頭鍋，清香，魚頭份量大隻手切牛頸脊，必點之物，紋理分布平均，油分甘香刺身新鮮黄沙猪潤，厚身有口感，少有甘好食，一個字，，脆鵝腸新鮮聖子皇爽甜正

服務差到暈，侍應選擇性失聰甘，野食野飲貴唔緊要，因為香港人對食有要求，但質素完全唔得，叫左兩個火鍋，一個花甲海鮮鍋，一個咩蟹鍋，湯底完全唔甜，無鮮味，牛肉嘗算唔錯，但都唔值，兩斤二兩象拔蚌要$16xx,crazy ,但都叫好新鮮好鮮甜，三文魚腩刺身四片$118，筒蠔$150超大隻超肥美有四隻，滿心歡喜但一些味都無又係唔甜，西瓜汁，竹遮矛根水，50一渣都算，唔該比反些水準我，西瓜汁杰達達，竹遮希到無味，有無九兩菜？七個女仔打邊爐埋單$4800!自問一向識飲識食，食餐飯四五干蚊係享受無問題，但今次完全覺得係揾笨！一次就夠！

之前一向光顧佐敦分店,服務同食物質素都好好,知道尖沙咀有分店,為了慶祝朋友生日,專程BOOK了ISQUARE分店我們晚上十時入坐,坐低後,有一名女侍應招呼我們,因朋友未到齊,我地先order一個湯底和部份食物,不知道是否因為我們ORDER太少,女侍應的語氣好差,已經比面色我地睇,"哦,一鍋",再詢問有冇茶,侍應背住我地用極不耐煩聲音回答"有,你要咩茶?"再之後我地再問有冇蔥,前後叫了三次先有侍應拿來那時全場入座率只有二成,唔知點解可以甘慢,而且拿來的時候就甘放低就轉身走.....原本抱住期待既心情同朋友來試下,但竟然遭受咁樣既服務,好似俾人睇唔起,作為一間都算出名的食店,會令客人重臨的原因除了食物質素要好之後,員工的服務質素都十分重要,經過這次不愉快的經歷,相信我們不會再有下一次....

曾經來過打邊爐, 覺得環境唔錯。睇左食評，見佢點心都好似ok,便帶家人嚟一試。原來茶市同晚市一樣，有好多捧場客。估佢唔到，壺香片好過很多酒樓。鮮蝦鳳眼餃—材料新鮮，皮薄餡靚·骨湯鲜竹卷—骨湯有濃濃的油炸味，不合格椒鹽白飯魚—幾大碟，好脆口上湯小籠包—好普通,可以不試蠔皇叉燒包—好味，傳統包皮做得幾靚，餡料都唔錯五香咸肉棕—上枱時好似俾人咬左一啖甘，一般貨色鮑汁鳳爪—用左新鮮鳳爪，幾好食。其實個汁OK,略嫌太似滷水汁金菰牛肉腸粉—普通牛肉腸，食唔出有金箛高湯蘿蔔牛坑腩—正，好嫩，香濃牛肉味魚湯龍躉片米線—都有5-6片厚魚肉，仲唔腥同好彈牙依度點心唔算貴，食物質素不錯，又有海景，會再光顧。

事實上已分別跟各方好友來過此店舖數次, 每次都是生日慶祝才來吃, 因為真是覺得有點貴! 嘻嘻! 而且這裡的窗邊位是看見海景的, 所以每次來打邊爐有著這景色陪伴也著實享受!今次湯底叫了個花彫醉雞鍋, 有好重藥材味, 花雕雞的酒味不是很濃郁, 湯底一般!還有每次都會order既雜錦野菜籃, 不同種類的菜也有一些, 唔錯!朋友想食聖子, 就叫幾隻試試, 賣相精美, 肉質鮮甜爽口, 一絕!脆肉鯇味道一般!當然也有叫最重要的牛頸脊品嚐, 這款牛肉毎次都不會令客人失望, 今次亦不例外, 肉味濃郁, 口感軟腍, 這一環是絕對不能錯過的! 另外, 此店的招牌餃子, 也是一個用料十足的火鍋料, 餃子裡面夾著爽口彈牙既大隻蝦肉, 絕對值得一試!接著是四寶丸亦是相當爽口味足的。 至於豬天梯就較失色, 唔試也沒有損失的!也試著叫了一個吱吱魚麵, 都幾有魚鮮味, 但不會腥, 可以一試! 此頓晚餐, 大家都食得很高興, 又沒有趕交枱, 真的非常滿足呢!

這天因工作關係到了這裡吃午飯！第一道菜色是「特色刺食拼盤」，有三文魚腩、甜蝦、劍魚腩及油甘魚。別人常常說，有新鮮的食材就已經是美食成功的一半，這刺身拼盤是真的嬴在起跑線上，四款刺都十分新鮮甜美，尤其是三文魚腩，油脂甘香豐腴。第二道菜「西班牙黑毛豬風腿配甜瓜」，此黑毛豬有別於巴瑪火腿，它是吃橡果大。風腿屬三十六個月貨色，鹹香度不俗，油脂比例均勻，而且全屬手切，配上香甜多汁的哈蜜瓜吃，是一度既高雅又輕怡的餐前小吃。第三道「燒烤拼盤」有串燒安格斯牛粒、燒多春魚及燒雞泡魚干，三者都是很好下酒的香口食物，尤其是串燒安格斯牛粒，大廚先用大火將牛柳粒燒至表面焦香，鎖住肉汁，所以就算牛柳粒是全熟，口感亦不會覺得太乾，這就是烹調技巧的心得。

與好友下午茶聚，相聚「不倒翁」。「不倒翁」一向主打火鍋及海鮮，估不到中午的點心也弄得也甚不錯。我會推薦「奶黄流沙包」，真正做到又流又起沙，好吃！另外「蝦干蒸腸粉」及「菜苗餃」也好做得好，勝在新鮮熱辣即點即製。

如果就此店的食物質素及用餐環境, 對比起食物收費, 談不上物有所值, 但也不過不失。但論到服務態度,  不知是否跟隨帳單銀碼, 決定給予何種服務。首先, 此店是沒有用餐時限的, 本人和朋友七時半吃到十時半左右, 中途多次(大概每30分鐘)被侍應詢問要否清走食物。其實如果檯面還有生料, 火鍋中亦有食物, 經過多次詢問之後, 我也會懷疑是否霸著貴店的座位, 但實情卻是附近還有很多空位。當日的入座率只有六成左右。第二, 因為朋友生日的關係, 在訂檯前已經詢問可否帶蛋糕, 餐廳回覆可以。用餐後要求上蛋糕, 請侍應給我們幾支叉方便吃 (總不能用快子吃吧?!) , 最後得到的動作是, 侍應把叉一拋, 直接"丟"到檯面 (還要有檯面跟叉的撞擊聲!)。我和朋友立刻呆掉了, 那位侍應拋完叉後也已經立刻離開。第三, 此店會在飯後奉上生果及布旬作為甜品。但我們在用餐途中, 幾碟甜品已經放在生料架上。第一次知道水果原來跟紅酒一樣, 要先放一會才可以吃。就此次的用餐經驗, 如果是希望得到合理的服務態度。此店不能滿足你。(怒火另談!)如果是希望吃到好吃的東西, 此價錢可有更多其他更好的選擇。

朋友介紹她的男朋友給我認識,也有興趣聽一聽投資的東西,所以決定簡一間霸氣的火鍋店同佢地談談我就選擇ISQUARE既不倒翁我UPLOAD左2張MENU,一張係火鍋湯底,另一張係刺身,比大家參考如是者朋友簡了吟嚷花蟹的湯底.蟹大約有1隻,湯底酒味和蟹味也不足,可能係用料比較少(失望喔).花蟹當然係無肉嫁啦,係咁兒咬下當食過蟹都OK(以湯底來講又唔貴)之後叫左水餃皇,魚生拼盤(5款),菜(送既),田雞,生蠔3隻,牛肉一碟水餃皇真係做得出色,蝦夠爽,餃皮夠薄,大大隻.抵佢叫水餃皇另外魚生感覺有點呃錢.佢其中一款係醋鯖魚,另一款係熟北寄貝灰左.白肉豚油脂味重,口感爽滑,三文魚魚味重,肉質滑,另外油甘魚一般,無咩味.3人份量來講少左一點,但總算是新鮮生蠔忘記品種,食落去係稔滑的STYLE,蠔味不重,但也感到是新鮮貨.本人喜愛脆身的最後要推介是田雞,真係仲識郁(阿彌陀佛).肉質嫩,有彈性,份量也多!必叫牛肉就一般,又係無咩味.其實這裡如果係叫一些刺身食相信有保證,例如龍蝦,花竹蝦之類,因為感覺到來貨係十分新鮮.有機會下次來叫隻龍蝦爽一下希望今次既意見幫到他們啦

因有外國朋友黎香港探我，話要同我食火煱宵夜。之前聽朋友話呢間好味，所以今次揀左呢間。我地去到已經10:30pm，所以唔洗等位，我要求window seats，個景wonderful非常靚1.火煱湯底：清湯＋沙嗲,  沙嗲非常香，唔係李xx牌個d加水，真係好香、好濃郁！2.豚肉：好鮮，唔算特別多，份量ok3.四宝丸：有墨魚,鯪魚,蝦同牛肉，因為我唔牛肉，只係食左頭三樣，好新鮮、係手打，唔係街邊好多粉個d，必食4.菜籃：有菇、菜，d皇帝菜好甜。5.花竹蝦：>$90兩，1蝦2味，蝦身係刺生，超鮮甜，超彈牙，無得彈！！！蝦頭同蝦尾就拎去炸。我地要左5隻蝦，盛為$17006.象拔蚌，全餐最好味，全餐精華，刺身好甜,好鮮。熟食好爽！簡直係味蕾的興奮劑!!!!!!!$13007.豆腐：好滑，好香豆味，烚長時間都唔會老全餐盛為$4000，但有8折，所以$3000

賀母親節除了早上去山頂食個風景Lunch之外，晚餐亦一早準備好定好位啦！嫂嫂食過呢間不倒翁，推介好食，又有夜！下，不作他選！立即定位！哈哈！晚餐就無window side 坐啦！因為佢地一邊係四人卡位，而另一邊係十人大枱，但問題都不大因為都能看到的，只是沒有那麼近吧！反正店員亦已經盡量安排了！當然最緊要講下食咗咩啦！火鍋方面，湯底係花膠雞湯，肥牛就係一碟要邊位，一碟要脊位，生蠔一碟，四寶丸，墨魚滑，生菜，而另外叫咗個五色剌身！1. 首先上嘅除了個湯底同隻雞之外就係牛肉！ 個湯上咗之後有位部長很有禮地指示，要等個湯滾返才好放隻雞落湯度，仲話只 需淥七分鐘就食得！雞又的確係幾滑！湯底的料亦足！係可以夾到花膠嘅！2. 牛肉，邊位同脊位一樣價錢，所以我們就兩樣都試，首先試食脊位，很軟熟，很香濃的牛肉味，而邊位比較有勁，要咀嚼耐啲，同樣肉味香濃！3. 生蠔很大隻，份量亦很合理，而且都幾新鮮，不會淥完之後嚴重縮水！4. 四寶丸，墨魚滑亦是水準之作！5. 魚生剌身亦算鮮味，只係沒有好好安排上菜時間！要一路食生，一路食熟！論食物質素，淨係講打邊爐的話我可能會選擇銅鑼灣謙記！但係論服務論