不苦

Open Now

Now Closed

成間Cafe木系為主調，仲有鐵閘裝飾點綴，好適合各位文青嚟打卡，chill下同fd吹下水🤣今次嗌咗兩個主食兩杯嘢飲，整體上味道都ok好食😚煙鴨胸南瓜扁意粉（$108），鴨胸煙燻味好夠，意粉嘅南瓜汁都好濃郁👍🏼，不過意粉就煮得有啲少少淋～虎蝦蜆肉冬陰功貓意耳粉（$115），泰式同西式嘅fusion菜～冬陰功醬勁好味，好開胃！虎蝦大大隻好彈牙～☺️熱嘅焙茶latte（$52），拉花好靚，味道同你想像中一樣🤣蘋果蜂蜜梳打（$45），好清新嘅感覺～

落單時明明係想要dirty, 講嘢勁細聲。落完單無主動覆單，比完錢亦無主動比單，係見客人係度等先問係咪要單。最後dirty變左完全唔關事既薑黃檸檬薑茶，客人問返，就話比左單你當覆左單。 係自己衰收到張單無再望多眼。但係呢個服務態度加食物質素，完全唔會再黎，不推。

餐廳坐位夠多選擇種類雖然不算多不過有日式西式選擇選擇了不苦定食柚子唐揚雞定食份量好大呀柚子雞不會太油膩香煎虎蝦蜆肉冬蔭貓耳朵顏色好鮮艷好足料份量又多味道偏咸抹茶好多粉味道夠濃食物好適合打卡好靚呀！

不苦深水埗楓樹街5A號地舖食完米線後搵間café 來到大南街 見到有hojicha latte就即叫 顏色夠濃夠深 但係飲落係好淡味既hojicha 而且係尷尬既溫度 一上台已經唔夠熱 可能叫番latte會好少少?

經過同朋友一齊入去坐低吹水環境闊落坐得幾舒服而且唔會太多人（可能因為我地太早）叫左杯cappunico價錢正正常常味道都正正常常唔會差 亦唔係太驚艷都點左薯條講真薯條就麻麻地一來份量好少二來炸得唔好有啲似氣炸鍋炸出來唔夠油嗰啲有啲太硬調味都唔係太好整體而言如果叫杯咖啡傾下計都算唔錯

早兩日day off去咗深水埗，喺OpenRice見到呢間Cafe好似唔錯咁，就走咗入嚟食。點咗一份all day breakfast同一杯 flat white，價格係深水埗嚟講偏貴，但諗住好食就得啦，點知極失望！首先，等咗超過 30 分鐘先上到餐，明明淨係得一台客人。熱嘅咖啡飲到凍晒都未有嘢食。終於等到嘢食都上嚟，雖然份量唔錯，但味道真係平平無奇，冇咩特別，完全唔值呢個價，令我覺得性價比極低，算係我近期食過最普通嘅all day breakfast…總括來講，今次嘅用餐經歷真係令人失望，無論係等餐時間、食物質量定價錢，都令我覺得唔值，應該唔會再有下次了。🙂‍↔️🙂‍↔️

早就bookmark 咗呢間Cafe🥰就係見到個蝦吐司就心心眼了😍Cafe嘅環境唔算坐得好舒服但陽光好正🙌🏻🔺香煎帶子+明太子汁扁意粉 $128原本以為會偏膩點知完全唔會🤭唔係creamy忌廉意反而係明太子掛滿每條意粉👅每一啖都好豐富!!帶子一共有3粒都煎得頗香的🙌🏻🔺香煎虎蝦蜆肉冬陰公耳形粉 $115鐘意辣同惹味呢個一定岩你😆冬陰公味好濃加上青檸汁帶有一點酸令意粉更開胃🔥但要留意都頗辣的唔食得辣要留意一下😝虎蝦煎得幾香的同時🔺脆烘蝦吐司🍞$88最期待的吐司但反而就有少少失望了🫢一黎度芝士真係好香!!但吐司配料就普通啲~多士上係蝦膠再加芝士🧀層次上就真相對簡單只係芝士鹹香真係不錯🤭🔺Hot mocha +$26平日3點前叫主食飲品可以減$20,咖啡質素都不錯的💦🔺涷桂花鮮奶咖啡 +$36🤤好味度 : 8/10🔙回頭率 : 8/10

我哋bookmark咗深水埗好多間Cafe✍🏻其中一間就係不苦buff位於南楓樓人類已經嚟過一次今次帶埋Luffy嚟食lunch星期六下晝4:00到9成full好彩咁啱有個位俾我坐低食lunch 😋當日叫咗個帶子明太子意粉🍝同埋叫咗花茶🫖明太子意粉好好食花茶係連埋個壺一齊上非常好可以飲好多杯大約5:00買單比較少人仲可以周圍俾我哋影吓相📸好想試佢個甜品，下次再嚟試吓甜品Menu同埋咖啡☕️

這間Cafe bookmarked咗好耐，終於有時間去試一試。環境非常舒適，木系無印風，加上充足的自然光，讓人感覺放鬆。香煎三文魚．檸檬叼草奶油醬扁意粉Menu 會不定期更換，今日試咗新推出的三文魚意粉。整體味道清新，帶有適中的creamy口感。檸檬的酸度與叼草的草本香味相得益彰，為整道菜帶來豐富的層次，吃到最後也不會感覺膩，麵條軟硬適中，恰到好處。三文魚煎得非常好，外脆內嫩，魚肉滑溜不乾，加分👍🏻。如果硬要挑剔的話，就是三文魚的份量稍少，如果大塊一點會更理想😅。Lime Espresso Tonic青檸味非常清新，咖啡亦帶果味，非常配合，值得一試。總結很少有Cafe的意粉能做到這麼高水準，絕對值得推薦！

食物方面就試咗一個安格斯布里歐漢堡配薯條🍔🍟 ($115)塊牛比想像中細🥲 同埋塊牛比較乾身😢 有少少失望🥲另外就叫咗煙三文魚水煮蛋吐司🍞 ($95)賣相係幾ok❤️ 不過都係吐司嘅份量細😢但係煙三文魚嘅數量都ok🔥但個人唔太鍾意上面嘅蛋黃醬😢而且個蛋冇咩seasoning，偏淡😢反而咖啡就好有驚喜❤️叫咗flat white同cappuccino☕️ ($42 each)個咖啡豆偏fruity，個aftertaste好香😍環境係ok嘅，但我prefer飲品多過熟食🙈

甜品咖啡高質 值得再訪假日3pm 嚟到，唔洗10分鐘有枱。點了兩杯咖啡及兩款甜品開心果巴斯克蛋糕蛋糕質地非常順滑，半流心，不會太甜。口感細膩滑順、輕盈，開心果味道濃郁但不過重，整體感覺很好。如果喜歡開心果，一定不會讓你失望。小山園抹茶紅豆窩夫窩夫外脆內軟，抹茶味很香，配上紅豆蓉特別合適。紅豆蓉不會太甜，剛剛好，還能吃出紅豆的香味，整體口感很平衡，不會覺得膩。都值得推薦橙啡 橙香與咖啡味道很配合，好解渴，話咁快飲晒店內環境舒服，整體不錯，值得再訪

位置方面 由太子站by walk大概行7-8成鐘,唔算近;我同朋友2人 點左2杯熱既long black , 帶子明太子忌廉意粉，冬陰功蝦貓耳粉，5隻冬陰功雞翼，開心果巴斯克蛋糕 咖啡幾好👍冬陰功貓耳粉味道過酸、過辣 食了一半都無就食唔落去La到個胃有啲唔舒服開心果巴斯克ok 味道淡左啲 淡淡的開心果味唔夠濃朋友個帶子明太子意粉 帶子好細粒 、味道都普普通通。叫了冬陰功雞翼 無乜冬陰功味，同埋以為係煎既 原來係普通炸雞翼咁

人生食過最奇怪嘅意粉😮‍💨店員一放上枱食都未食已經好唔開胃🤢成碟意粉個底有浸水🙂‍↕️好似未收水咁就上枱…💦💦pesto醬個味好奇怪…👹同個意粉又完全唔夾🥲意粉一啲都唔掛汁🥹入口感覺似醬還醬，意粉還意粉🫠然後叫左一杯mocha🥱想都影唔到…張枱搖搖板咁🎢隻手細細力撞一撞，杯咖啡又少咁啲🫗🫗味道同我嘅人生一樣🗿苦到冇朋友😮‍💨🙏🏼真係有啲失望🙍🏻‍♀️😵😪

無意中响Open Rice見到呢間咖啡館咁啱又約咗朋友咪嚟試吓有意外驚喜店內環境舒服自在店員可愛親切咖啡處理得好好我對咖啡不是太認識，只覺得飲落順喉可口已經心滿意足這裡正合我口味，不太濃厚但令人記住心頭點了多士及意粉食物味道不錯食得到煮的人有心，食的人開心🥰店內環境清潔企理，坐得舒服自在店員有禮貌、有笑容其實這裡交通好方便，附近有巴士、地鐵行5-10分鐘便可到達如果，不太喜歡繁華熱鬧這咖啡的確係好地方這裡，靜靜感受著生活一點也不苦

深水埗嗰間不苦餐廳，佢哋嘅all day breakfast真係出色。入面有Chicken Breast、Grilled Tomato、Portobello Sausage、Scrambled eggs、Salad同Sourdough，每樣都有佢獨特嘅風味同質感，令人回味無窮。另外我哋嗌左炸薯角，外脆內軟，每一口都帶嚟滿滿嘅幸福感。而佢哋嘅Latte同Americano，香氣撲鼻，滑順而濃郁，為早餐增添一份愉悅。不苦嘅用餐環境清幽舒適，讓人可以放鬆心情，享受美食帶來嘅悠閒時光。入面既哥哥姐姐服務態度親切細心，增添溫暖感受。