Bugis@叻沙・海南雞飯

Open Now

Now Closed

新加坡的喇沙及肉骨茶都是我喜愛的餐點，今天相約朋友到訪位於 K11 Art Mall 的新加坡餐廳「Bugis@叻沙・海南雞飯」，裝潢走簡約馬來渡假風；午市提供套餐優惠-🔹星洲海鮮叻沙摻摻 $90配飲品，點選玄米茶；+$6 轉讚岐烏冬，+$50 配馬拉盞炒通菜海鮮有帆立貝、大蝦及八爪魚；叻沙加入半蛋、豆卜及芽菜海鮮爽口略帶鮮味；雞蛋軟嫩但欠缺蛋香，豆卜掛湯能力低，烏冬細滑卻沒有讚岐烏冬應有的煙韌及彈牙口感，湯底帶淡淡椰香惟整體味道不濃郁馬拉盞通菜翠綠鮮嫩，馬拉盞鹹香適中夠惹味，惟油膩感稍重-🔹自選小菜套餐 $248 / 兩款餸每款小菜奉送白飯、老火湯及熱羅漢果水；老火湯為紅蘿蔔湯，味道清淡▶️南洋藥膳肉骨茶肉骨茶加入原隻雞蛋、豆卜及杞子肉排份量不多也全非一字排，肉質緊緻但肉香不足；原隻雞蛋同樣細嫩，惜吃不到蛋香；肉骨茶只飲到非常單薄的藥膳味道，有點失望▶️慢煮新加坡無骨海南雞 (半隻)配上三色醬汁海南雞皮爽滑帶薄薄的啫喱層，雞肉嫩滑但未算緊緻，吃到淡淡的肉香，蘸上三色醬料添味道層次-餐廳收取加一服務費整體食物質素未符預期，選材及味道皆極其普通；加上朋友發現裝米飯的器皿有破口，感覺餐廳未有

我收工諗住搵野食，果陣8:4xpm，見到門口寫營業到10:00pm ， 9:00pm last order ，接待我嘅瘦姐姐問我9:30pm清場，O唔OK，我話OK, 咁佢指左我入埋邊坐低叫野啦跟住一位肥既姐姐喺度比說話我聽，同佢啲同事講「岩岩入左好大台呀」「一個人坐張大檯，梗係大台啦」之類既野 總之就係怨我阻住佢收工啦我真係想問下佢，唔想人入點解唔落閘呀🥲食餐飯都比人串 真係食唔落呀我都係做服務行業，明白真係想早啲收工返屋企，不過我又唔係過左你last order時間先入去我真係唔明解你怨我做乜呀～～～～

這餐廳來自新加坡，裝修帶現代感，而座位也不太狹窄。午餐有十六款，主打星馬菜式，價格由$78至$102， 包飲品。慢煮新加坡無骨海南雞叻沙摻摻$102這無骨海南雞是招牌，雞肉十分嫩滑，雞皮也十分滑溜，啖啖肉，幾有雞味，配上黑醬油、薑茸和辣醬，味道不錯。叻沙摻摻的湯有少少辣，帶少少椰香，－半油麵一半米粉，加上芽菜、迷你魚旦和豆卜，口感豐富。咖啡是即磨的，口感香滑又有咖啡香，不下糖也幾ok.

我真係好中意食雞 中意到可以日日食👅（珍姐個坺道雞正到自己一個都走去食）今次呢間係專做叻沙同海南雞嘅連鎖店～ 坐低直接就叫咗海南雞叻沙試曬佢！估唔到質素都幾好🐔🐔🐔• 冬陰公叻沙讚岐烏冬配慢煮新加坡無骨海南雞 $102 🍜 4.4/5海南雞分量超足 滑捋捋～ 雞皮爽爽地 有雞味 肉質冇花冇假係慢煮嘅感覺 連雞胸位都唔會嚡 冬陰公叻沙香濃 冬陰功酸酸地好開胃 讚岐烏冬就正路地煙煙韌韌 有八粒開對半嘅魚蛋 魚腐都幾特別 有啲似無老鍋嗰個雪糕魚腐質地 值得一提係佢個蛋真係超正！又流心又入味🥚❤️ 如果可以我想就咁單嗌多隻蛋 ><

路過K11，見到有間星馬餐廳，膽粗粗就走入去試下好唔好食。環境乾淨衛生，光明亮麗。睇黎睇去，揀左冬蔭公叻沙摻摻配慢煮新加坡無骨海南雞海南雞賣相唔錯，份量不少，食落去幾軟滑，同平時食開個啲雞唔錯，我估呢個就係慢煮嘅分別。配上三款醬汁，最後都係覺得薑蓉最夾。冬蔭公叻沙摻摻湯底好濃郁又足料，啲料同麵都啲汁，幾好味😋

星期日晚睇完戲已經接近8點嘅時間，因為明天要返工嘅關係，就去左近西鐵站嘅K11搵食。兩個人唔係太肚餓，就每人叫左一個主食，無叫到包小食同飲品嘅套餐。海鮮叻沙標準的叻沙味道，沒有太大驚喜。有蝦、魚蛋、雞蛋、魷魚、豆卜。無骨海南雞飯雞的份量覺得太少，因為個飯好大碗，都唔夠下飯。雞肉不夠嫩，但肉唔會霉。最有驚喜的是雞油飯。不單吃得岀好香嘅雞油味，仲有爆香左嘅乾葱頭。相比肉黃薑粉調色嘅雞油飯，個人更喜歡這種。飯粒粒分明有咬口，唔洗餸都可以食晒成碗

因為要攞報告，所以晏咗食飯。咁啱行過尖沙咀K11，記呢度有間想試嘅星加坡餐廳，喺門口睇到冇咩人，於是乎就入去食返個午餐。坐落侍應俾咗個午餐餐牌，有樣嘢叫做月光河，因為從來未聽過，於是乎就嗌咗佢。午餐仲包埋一杯飲品，我要咗杯凍桔仔特飲。話係晏晝，其實已經到咗下午茶時間。雖然餐廳入面人唔多，但係我就要等咗成15分鐘碟河粉至上到。講真嘅，碟河粉份量頗多，除咗有隻蛋（所以叫月光河），仲有豆腐，魚蛋，魷魚，蝦等海鮮，成百蚊一碟粉，都叫俾足料，只係食落去味道一般，冇鑊氣，連中規中矩都講唔上。至於杯飲品，啲桔子又細又少，飲落似飲清水多過係桔子水，如果唔係跟餐尼杯嘢要28蚊，真係會覺得中伏。總的嚟講，今餐食得並唔滿意，希望以後有機會再嚟食第啲嘢嘅時候會賺返多啲分數啦！

Hello 大家好👋🏻！今日我嚟到位於尖沙咀K11嘅「Bugis@ 叻沙 · 海南雞飯」。 一間有空間感嘅新加坡餐廳😍。今次同大家分享一下佢哋嘅1人自選餐，佢哋嘅餐點款式都算多，有飯、有麵、有河粉、有摻摻… 一共有14款，小食都有10款， 總有一樣啱食嘅😎。美食攻略：我開頭都以為自己會試海南雞飯，話晒都係佢地主打菜式，到我細心一睇個Manu，我俾「惹味酸菜魚湯米線」吸引咗🤤。 實不相瞞，小弟之前都有寫過其他餐廳嘅酸菜魚食評，原因係… 小弟真心鍾意食酸菜魚😍。 酸菜魚湯嘅酸辣程度配合得剛剛好，魚肉嫩滑，米線滑溜， 成件事非常匹配🥰。 小食方面，我選擇咗「新加坡香煎魚餅」，魚餅彈牙可口，隨餐附送唐生菜一碗， 食濃味嘢配搭清清地嘅生菜，感覺非常良好😌。另外，我仲試咗佢地個肉骨茶，香濃嘅藥材味及胡椒味配合肉香互相交錯，味覺享受😚。美食指數：5🌝最高味道：🌝🌝🌝🌝🌚環境：🌝🌝🌝🌝🌚服務：🌝🌝🌝🌚🌚賣相：🌝🌝🌜🌚🌚

非常抵食好咪嘅新加坡菜，環境乾淨，侍應服務好，今次太掛住肉骨茶嘅味道，所以簡左呢間去回味一下。下次再經過又想食新加坡菜都會再嚟多次。藥膳肉骨茶非常好食，藥味夠易入口，而且仲有豆卜入晒肉骨茶味道 推薦豬牛雞串燒串燒大件又好食，再加埋啲沙爹醬汁真係食到舔舔脷海南雞 + 海鮮沙叻摻摻海南雞啖啖肉，唔會全部都係骨沙叻啲湯底好飲，唔會太勁花生味，亦都唔會飲食完覺得好濟，餸都係一般豆卜，魚旦同蛋，反而佢嘅摻摻麵好好食仲有個薄餅

雖然位於熱鬧的尖沙咀地段，但因為是下午茶時段去，人流很少。餐廳名稱有海南雞飯，所以心想這是必點了🤣餐單上的菜式都不怎麼吸引，就點了個肉骨茶，看到藥膳感覺不會太油膩，應該好健康🫢迷你海南雞飯拼叄峇肉燥湯烏冬配蝦頭抽銀芽 $68平常吃海南雞飯，最著重就是看他的油飯，有好多食店為了簡便都沒做。而這家的海南雞飯就是香賓賓的油飯了🥹而且這個餐是增量版，下午茶時段還很便宜，除了油飯，還有惹味辣肉碎烏冬，食量大也絕夠飽了🤭迷你南洋藥膳肉骨茶飯 $60湯的味道不錯，喜歡藥膳的朋友可以試一試，但個人覺得份量有點偏少。排骨肉夠嫩滑，一點也不覺油膩，雞蛋就不過不失，不算好入味，整體還好。

Bugis@叻沙・海南雞飯.Stopped by for a quick easy lunch and was impressed by their food quality and generous portion size! Their location is also very convenient, as they are on the MTR floor of K11 Art Mall, so they are extremely close to exit D/N of the Tsim Sha Tsui station. .The Laksa soup was delicious, spicy and yet coconut-y at the same time. Their vermicelli (part of the Tsaam Tsaam noodles) also tasted better than most places and managed to retain a sort of bouncy/chewy texture🥰. .The Hainane

5點幾放學想食埋晚飯先返屋企，費事搭車同人迫車原來K11 有呢間叻沙，上次喺荷里活廣場食過都覺得幾好食，晚飯都有一人餐都唔錯叫咗一個一人餐，有小食、主菜、飲品，另外再加咗個炒菜，同咖哩雞主菜係我最鍾意食嘅香茅豬扒小魚椰漿飯，講真呢個椰漿飯真係幾好食，飯有好香嘅椰汁味，小魚同花生都好脆好好食，豬扒又厚咖哩雞份量好多，但偏辣，我食一兩件已投降了🥵咖哩味同雞都係好食其餘嘅小食、菜、飲品都唔錯，下次去K 11可以再食 

中午喺K11搵食，見到呢間裝修舒服又光猛，所以入去試。中午有set lunch，我們叫了海南雞飯及海鮮喇沙。海南雞肉質鮮嫩有雞味，配菜亦好好味。喇沙湯底濃度辣度啱啱好。唯一美中不足就係啲嘢唔係好熱！

本身係想吃月光河，點知話冇河粉。。。。有冇搞錯。廚房點解可以冇河粉。。。下次係咪蓮米粉，或者飯都冇？極度失望！本身過去係為左吃炒河粉！下次唔過去河粉係好基本的乜

行過K11, 晚上七點幾，周圍都係人，見到有間新開餐廳，雖然要坐bar table ,都唔緊要啦，試下好唔好食。一個人食飯就最好，唔洗就其他人，想食咩就食咩。一個人都有set ,分兩個價位，$138/$128 ， 小食加主菜配一杯免費飲品，但我怕食唔哂，所以就散叫。咁嚟得呢度就梗係要試下慢煮海南雞飯啦，可惜冇哂油飯，白飯都照殺。另加$28要左一杯咸檸七。首先講番每張枱都有一個熱水瓶，入面有熱茶，都係細心位；其餘餐具都放係盒入面，衛生乾淨。不消一會兒海南雞飯就到了。首先講下賣相，雞件份量不錯，旁邊仲配有咸酸菜，好開胃；另外主角海南雞，可能因為佢係慢煮關係，特別軟滑，咬一啖已經好快係喉嚨吞左落去，只係覺得淡左少少🤏；經典跟埋既三款醬汁，本人比較欣賞薑溶，一絲絲薑配滑do do 既雞一齊食，一個字「夾」。 至於個湯，就不過不失。食完飽飽