武吉士 (九龍貿易中心)

Open Now

Now Closed

今次光顧的餐廳名字有點特別，聽來想起一個沒有勇氣或以日本武士為主題的餐廳。你們想認真錯了，它是一間雲集星馬、泰國、印度地道菜餚為主。門口的設計十分吸引，它以多把巨型雨傘為裝飾，恍如多件懸掛空中的藝術品，甚具立體感。進去每邊的牆壁上更有多幅圖畫，一邊集中一種特色。如繪畫得跟攝影作品般真實的畫作，另一邊則是以彩色摺紙及剪紙圖案為主，把空間變成一間迷你藝術館栩栩如生。除了上述的菜式，當中也有少量中式及美式系列的選擇。本人點選了一道烤飯，烤玉米牛舌飯，它的主要材料是多片切成薄片的牛舌及玉米，醬汁則是以香濃的蘑菇白汁炮製而成的。剛新鮮烤好的牛舌韌度十足，嚼下去跟一片牛排般肉汁爆發出來，感覺吃下了一片黑松露鵝肝。飯底配合白汁一起跟一道炒飯差不多，更能品嚐當中蛋白及芝士的精華，絕對營養的首選。

今日同朋友第一次黎食午餐12:45 pm 去到, 好多人係門口等外賣等左 5 分鐘先有 2 人枱 , 都坐得幾逼 有外賣自取餐牌 , $42 比堂食平 !餐牌 : 地道海南雞飯 ($68)湯 : 係粉葛湯, 幾好飲, 飲完唔口渴菜 : 正常味道雞 : 份量正常 , 一上菜望落去已經覺得好乾 , 食落都真係乾 😕雞肉冇味 , 除左脾位雞肉肉質較嫩 , 其他部位好鞋 ... 醬汁 : 醬油偏咸, 薑蓉同酸辣汁正正常常花生 : 漏風 , 已經腍左雞油飯 : 雞油唔係太重 , 唔會覺得好 heavy 跟餐可以揀美祿 😍 不過味道可以再濃 d 泰式滷豬蹄膀 ($62)豬蹄膀唔夠味 , 有少少鞋 , 不過份量都幾多 !總括黎講 , 食物質素一般般 , 不過食得飽見附近好多食客叫焗飯 , 炒粉麵 , 賣相幾吸引 , 可能呢類食物會好食 d

難得可以同係附近做野嘅朋友食個lunch，揀咗一間大家都就腳嘅地方。有時食lunch都會經過呢間餐廳，但未有機會試下。既然朋友又唔知附近有咩食，加上呢間價錢好似幾平，我就提議試下呢間。香茅豬頸肉米線呢碗米線都算清清地，湯底無咩特別，好淡味。豬頸肉其實都好普通，香茅味欠奉，完全無香味。呢碗嘅味道算係同價錢成正比，因為平，食之無味，棄之可惜。美祿恐龍聽聞多數係飲阿華田恐龍，不過我自己係未飲過嘅。見食評唔少人都點咗美祿恐龍，而自己又好鍾意飲美祿，所以叫咗杯試試，點知朋友都一齊叫咗hahaha。呢杯飲品面層有一堆忌廉同美祿粉，老實講唔太飲到美祿個種香醇，飲完都唔會太有驚喜。

前兩天到了Life@KCC踩點，今天就到了另一邊的Joy@KCC用膳。Joy@KCC開幕時間比Life@KCC早，筆者年多前曾試過這邊的幾間餐廳；這次就試地下的「武吉士」。入座後不小心聽到鄰桌食客交談，從而得知原址是一間西式餐廳。但經「武吉士」接手後，已搖手一變成為東南亞菜的食點。湯粉麵另可選上湯或星州喇沙，配菜和粉麵也可自由選擇，當然價錢也會有所不同。筆者點了單拼配菜：豬扒。豬扒煎香後放在湯粉裡，外層被浸腍了，味道和平時茶餐廳吃的煎豬扒沒什麼分別。（筆者本期待可以吃到香茅豬扒的。）但份量絕對是很有良心，足有3塊之多 。冬蔭功湯入口有甜甜的奶味，但多喝幾口就會感受到後勁的辣味。檬粉份量頗多，煮得剛好，不會太碎。午巿套餐可以加8元配以特飲。筆者見識不多，以往喝過的美祿恐龍都是沒有忌廉的，尤幸同事解釋美祿恐龍是有不同版本。但筆者本身不愛忌廉，所以這個版本的美祿恐龍有點吃不消。撇開忌廉的問題，美祿甜度是剛好的，但份量有點少，兩三口便已喝掉大半杯。如果是以正價購買的話，感覺有點不太划算。

好鐘意食焗意粉，熱辣辣食落會好滿足。嚟呢到食係因為咁啱有冷氣，而又唔想食連鎖餐廳，就揀咗呢間。坐低之後望下其他人食咩，見到隔離個女仔叫焗意，望落又幾好食，就跟住叫咗。點知試就愛上咗唔係誇張。呢間嘅意粉勝在多汁，如果你平時食薯條會叫多幾包茄汁，食咩都要多汁時候，呢個焗意可以考慮。另外佢個雞柳都好大件。啱啱送到我枱面仲有煙同啲汁仲係到滾緊，已經流晒口水，所以黎開呢頭都會嚟呢間食佢。其實佢仲有其他焗飯焗意嘅選擇

平日夜晚5點幾6點周不時都係度食晚餐，工廈地區收工時間已經冇乜人幫襯，大把卡位俾你坐。佢地個下午茶餐豬骨湯粉同撈粉套餐係呢個商場黎計都算抵食，$36包熱飲。之前一直淨係食過結果試咗個今次食到悶悶地想試下個冬蔭功湯底，可惜賣哂，結果試咗個喇沙湯底，不致於難食，但唔好食🙈，後悔試咗，好淡味，得個色。不過佢地個豬頸肉同香茅雞翼都唔錯，可惜份量少。有時硬係好似叫果樣冇果樣咁😌不過環境睇落幾乾淨，又坐得舒服，所以都算好，要食個平快飯係唔錯既選擇。

近排喺葵興工作大多數食午飯都係大家樂 但係 今日朋友話帶我去食新加坡 喇沙， 順帶一提 ，優惠時段如果12時45分之前買單有九折優惠( 適用於一至星期五)我今日叫咗 香茅豬扒 喇沙 配米粉， 等了幾分鐘後， 一碗 香噴噴 的食物來到我面前， 首先 第一件事 梗係 攞起 湯羹飲啖湯， 嘩！濃陏的味道呀！ 每 條 米粉都 被湯掛上， 好耐 都未食過有水準的喇沙, 香茅豬扒十分鬆軟，有芽菜魚片雞蛋 加埋索汁的豆卜，熱 辣辣 香噴噴 令人一試難忘總括嚟講 環境舒適服務可以價錢合理 不妨一試再試

去附件探完朋友，經過呢間位於KCC大樓室內嘅餐廳～餓餓地，見佢採光幾好，🙂裝修唔錯，感覺會坐得都幾舒適😎，就坐低食個下午茶。事實上都坐得幾舒服嘅～😌😝麻甩d食個乾炒牛河，雖然係茶餐廳出品，但估唔到又幾有鍋氣wor🤔，要求唔高嘅話都不失為一個好選擇👍🏻。加上下午茶價格相宜，而且選擇都算多😯，港式以外還有喇沙、檬粉、金邊粉之類，都真係算係咁。總括黎講算係附近一帶唔錯嘅快餐🏃🏻‍♀️之選。

晚上約咗朋友係葵涌辦點公事，6點半路過九龍貿易中心、肚餓想搵食醫吓個肚先。武吉士 ～ 一個星加坡美食街的名字，不過見到個餐牌之後會讓你覺得。。。。。。咪又係一間茶記。。。卓上餐牌只有一個 ～ 下午茶餐 (2:00 p.m. - 7:30 p.m) ， 原來餐廳只係由 早上 7:30 開到晚上 7:30 。。。 咁即係話你知主打做附近的打工仔生意。一場嚟到，本來想點個馬來喇沙餐試試師傅嘅功夫，但唸來唸去，睇埋鄰座的食客（4枱客）都係點D大路嘢，最後穩穩陣陣叫咗客火腿豬扒飯餐。。。。。。火腿豬扒飯加杯熱檸茶收 $40，質量、質素、味道同價錢都合格，我個人來講就覺得如果碟飯可以加些配菜就可以再加分了，希望老板見到貼文會考慮改進一下。期待下次有機會再試一試馬來喇沙餐！

是日唸住去旁邊既小佛羅倫斯所以就係KCC隨便選擇一間餐廳食睇到個名以為食日本野是我太無知嘛🤢睇第一頁以為係普通茶餐廳原來第二頁先係主菜同友人一人叫左一碗喇沙既料好足另附上一個碟擺雞翼骨但略嫌唔夠椰奶味唔夠香冬蔭公湯反而湯好濃有點辣 夠哂味餐飲 凍檸茶少茶味反而熱菜蜜既甜度適中一唔趕時間既坐位都幾舒服👍🏻

位於葵興九龍貿易中心地下，前身名為，現稱，同意名字改得非常爛，易手未許一年，易手後分別不大，也是售普通茶餐廳食品，主做早/午市:並無特色，而早餐售三十餘元 - 沙嗲牛肉通粉份量略少，含牛肉五小片，牛肉夠入味，沙嗲略鹹，但還算不錯，但當然並無特別。吉列魚柳配炒蛋及牛油方包 - 吉列魚柳一小塊配沙律醬。想強調一下，熱咖啡相當難飲，餐廳試圖以奶遮蓋咖啡的酸味，但就弄出啡唔似啡的效果，請考慮停售這麼糟糕的咖啡!

Lunch time經過見到呢間野都算抵食，於是買外賣返去我叫左個外賣，特價$42，當日有冬蔭公湯札肉金邊粉，仲包飲品。麵同湯分開上。個湯既冬蔭公味相當香，札肉都重胡椒味，個人認為性價比ok，下次試埋喇沙先！

Lunch time落雨, KCC間間都爆場，成30人排大家樂譚仔，so sad.扒餐+東南亞食物，五六十蚊左右$53雞翼撈檬，啲雞翼又乾又瘦又細隻，真係仲dry過我啲感情生活。個碌冧又唔酸又唔甜，得少少辣椒味。除少許青瓜絲外同芫茜蔥外無其他蔬菜(e.g.紅蘿蔔絲及生菜絲)，只有花生碎沒有炸蒜，層次單調。