武吉士 (九龍貿易中心)

Open Now

Now Closed

今日下午兩點後到了這間試試, 點了613乾炒牛河, 食後覺得生平食過數一數二咁差, 完全冇味, 問餐廳有冇辣椒醬 , 又冇, 只有辣椒油, 河粉又碎而牛肉一啲味都冇, 好渣, 永不再幫襯!

响外面見到有空卡位想入去舒舒服服食吓嘢侍應先問你幾多位作開場白再指揮你坐邊已經示意想坐卡位,但可能唔啱姐姐心水都係堅持指揮我去人流密集位置齊齊逼疫情期間大家都想保持返多少社交距離果陣唔係飯市亦非爆場就唔理解點解要咁最終決定轉個地方食得自在啲

近日科學園三期開了一間新餐廳「武吉士」今日專誠去食午餐，去到門口攞咗飛見到一個身型略胖中女職員負責帶位，等位其間見到一個顧客因為安排位置問題被該職員不斷破口大罵，客戶很無奈反問職員為什麼咁惡同發脾氣並問該職員做生意不是應該顧客永遠是對的嗎？職員居然答呢句說話完全錯，顧客不是對，跟住客戶問佢點解要發脾氣同咁惡，佢話佢係鍾意發脾氣㗎喇，點呀？睇到我O晒嘴。本人應為作為服務性行業，經營一間好既餐聽可以容許職員以咁既服務態度對客戶，唔好講話呢間餐廳既食物好唔好食，已經對呢間餐廳大打折扣，試問那個顧客願意食到一肚氣，我亦是轉身離開，永不幫襯！

外賣栗米肉粒飯配中湯，汁呈白色奶油味重，仲好多肉粒，我一啖栗米肉粒汁一啖飯，岩岩好。中沙你青紅蘿蔔湯，冇幾粒蘿蔔食下，湯就清清地啦。 抗疫價$35，抵玩。

疫情期間無論去到什麼地方都經常寧願買外賣吃。今天來到這家餐廳可提供不同類型東南亞菜式套餐試試，一來到收銀臺前看到餐廳正推出抗疫外賣自取套餐，然後聽到排隊的人在説這里的香茅豬扒味道不錯，於是便下了決心決定購買。午餐包括羅宋湯和香茅豬扒飯，我把額外要求的蔥油汁淋在飯面上，然後一口肉，再一口飯，真的好香好滑好好吃，豬扒雖較薄但煎得火口剛剛好，吃起來有肉香肉味而且不黏牙。用支付寶付款可減2元的價錢來説，這餐真是超值。

下午茶餐好抵, 份量同午餐相約, 約不欺場! 香脆豬扒包 $34 包熱飲 ~ 有生菜有蕃茄, 包夠脆, 豬扒無乜鬆肉粉, 唔會過多沙律醬, 抵食! 星洲炒貴刁 $38 包熱飲 ~ 份量同午餐咁大份, 唔會因為係下午茶而細份咗, 夠乾身唔會好油, 不錯啊! 

新到葵涌返工, 周圍發掘有咩好嘢食! 工廠大廈及商場食肆價格有平有貴, 越細的舖食物價格越貴…今日來到武吉士試試, 價錢公道! 香煎鴛鴦扒餐, 配飯及蒜蓉汁, 熱西洋菜蜜 $56 ~ 扒大大塊, 少少鬆肉粉, 煎得尚算香脆! 餐湯羅宋湯, 有點太酸!! 飯係香米飯, 軟熟!咖喱雞撈檬粉, 熱檸茶 $58 ~ 喜出望外! 馬來咖喱, 唔辣, 夠香口! 大量花生, 配上少量青瓜絲, 睇得出用心製作! 咖喱香滑味濃, 雞件大大件, 唔嚡口, 撈檬好適合呢個天氣食! 冬蔭冬湯米線, 雞翼, 札肉 +$6, 熱檸茶 $54 ~ 同事食的, 看著不錯! 

呢排天氣成日下雨，搞都我午飯時都唔係好敢行咁遠找好野食，唯有在公司樓下搵食啦，今日同事就去左樓下武吉士搵食啦，我在呢間餐廳都成日食，我最LIKE佢果焗飯同炒粉，而我今日就叫左果新加坡咖喱雞扒焗飯，連杯熱飲都只係$52，以呢個甲級寫字樓舖頭來講價錢算唔貴啦。佢最正係即叫即焗，加上佢勁多汁，我果人好鐘意撈汁食飯，加上焗飯如果好少汁真係唔好食，佢啲咖喱濃香而不辣，加上炒飯底炒得夠乾身，就算多汁都唔會搞到啲飯好冧。正

午膳時間 處處人山人海搵食真係艱難呢間店若超過四人都難以排到一係就早些，1點前來拎位一係就四人以下才來排兩人一人最快有位最鍾意食呢度既馬來西亞咖喱焗飯或意粉試過豬扒，雞扒都好重咖喱味份量亦十足，一定夠飽有時同細食同事來可以叫兩個餐三個分來食呢度比較特別係有美祿飲 仲唔洗加錢經典飲品 次次來都必叫佢普通西餐都ok有次試食牛舌飯覺得有冰鮮味感覺麻麻 同日本既牛舌早餐差天共地整體而言呢度都係我既午膳食店list入面。黎開呢邊會食既。

「烘底蛋牛治🥪($28+2)」幾高質 炒蛋滑溜多汁 生熟度啱啱好配埋鹹牛肉鹹香鹹香麵包香脆 厚薄適中重點係上枱熱辣辣 平靚正午茶！🤤💕另外佢有個新加坡炒腸粉都好吸引～🐰注意⚠️：跟餐飲/ 呢間老闆係海外嘅 並無表明立場-「Egg and Salted Beef Sandwiches 🥪 ($28+2)」is delicious! The scrambled eggs are perfect cooked and juicy. It has a umami taste with the salted minced beef. It is perfect to serve with toasts. Most importantly, it is cooked to order. What’s an affordable and great afternoon tea. 🤤💕btw the fried rice rolls seem good too~🐰Reminder ⚠️：served with a drink/-💰：$30-$60📍：葵涌葵昌路51號九龍貿易中心1樓S1舖 Shop S1,

喺呢間餐廳，叫個沙律，之後嚟咗啲咁嘅嘢，幫唔幫襯大家自己諗。 very bad restaurant, unacceptable food with extremely rule services! The waiter was not helpful toward customers, the food was also unfresh and like it has been stored for a few days, this is the last restaurant I would go on the planet!!

平日去葵興食早餐，一係去飲茶，一係去茶餐廳，今日第一次嚟Joy@KCC 係早餐，熟人介紹吃好西 - 武吉士！武吉士位於商場辦公室大廈入面，平日9點後人流唔多，星期六就更少，坐得非常舒服！ 相比茶餐廳 ，武吉士價錢一啲都唔貴，超豐富早餐都係 $31 - $34，想靜靜地嘆早餐，就要嚟呢度喇！奶油豬仔包香脆鬆軟比厚多士好食得多啦！菜乾粥粥底綿滑，菜乾瘦肉配搭剛好，家常味道。沙嗲牛肉米線/麵港式茶記沙嗲，味道香濃，牛肉瘦而不柴，難得！滑蛋超滑份量多，應該多於2隻雞蛋。夾响方包做厚蛋治，正呀！豬扒有蘇打粉味，要扣分雞扒肉嫰多汁，厚身大嚿 魚柳吉列炸到脆卜卜，配他他醬 以後去開葵興一定再去武吉士慢慢嘆！

今日去公司樓下的武吉士食午餐，一點呢d繁忙時間應該幾難找位，好好彩我地一去到就有位.海南雞飯套餐$68有油菜，有湯連飲品，其實在KCC呢個價錢都算唔系貴，重要有咁多野食，雞好滑，有d似屋企媽媽👩的味道咁，油飯香得來唔會太油，唔錯。冬陰功豬頸肉金邊粉+凍飲品 $58冬陰功湯味道偏重酸味，果人覺得唔夠辣及多左少少椰汁🥥，金邊粉同豬頸肉份量都幾弓多，特別果金邊粉食極都重有咁，整體都算👌🏻。焗星加坡咖喱雞扒飯 +熱飲 ☕️$52焗飯最緊要個汁要多，雞肉都好滑同入味，最鐘意果飯都幾多芝士，啱曬我呢d芝士控，我因減肥，所以將果炒飯底轉做白飯，整體都唔錯，可以再來食下。果杯奶茶☕️真系幾驚喜，荼味香濃，奶味香及滑，成果餐最正系果奶茶☕️，大家一定要來試下杯奶茶☕️

今次光顧的餐廳名字有點特別，聽來想起一個沒有勇氣或以日本武士為主題的餐廳。你們想認真錯了，它是一間雲集星馬、泰國、印度地道菜餚為主。門口的設計十分吸引，它以多把巨型雨傘為裝飾，恍如多件懸掛空中的藝術品，甚具立體感。進去每邊的牆壁上更有多幅圖畫，一邊集中一種特色。如繪畫得跟攝影作品般真實的畫作，另一邊則是以彩色摺紙及剪紙圖案為主，把空間變成一間迷你藝術館栩栩如生。除了上述的菜式，當中也有少量中式及美式系列的選擇。本人點選了一道烤飯，烤玉米牛舌飯，它的主要材料是多片切成薄片的牛舌及玉米，醬汁則是以香濃的蘑菇白汁炮製而成的。剛新鮮烤好的牛舌韌度十足，嚼下去跟一片牛排般肉汁爆發出來，感覺吃下了一片黑松露鵝肝。飯底配合白汁一起跟一道炒飯差不多，更能品嚐當中蛋白及芝士的精華，絕對營養的首選。

今日同朋友第一次黎食午餐12:45 pm 去到, 好多人係門口等外賣等左 5 分鐘先有 2 人枱 , 都坐得幾逼 有外賣自取餐牌 , $42 比堂食平 !餐牌 : 地道海南雞飯 ($68)湯 : 係粉葛湯, 幾好飲, 飲完唔口渴菜 : 正常味道雞 : 份量正常 , 一上菜望落去已經覺得好乾 , 食落都真係乾 😕雞肉冇味 , 除左脾位雞肉肉質較嫩 , 其他部位好鞋 ... 醬汁 : 醬油偏咸, 薑蓉同酸辣汁正正常常花生 : 漏風 , 已經腍左雞油飯 : 雞油唔係太重 , 唔會覺得好 heavy 跟餐可以揀美祿 😍 不過味道可以再濃 d 泰式滷豬蹄膀 ($62)豬蹄膀唔夠味 , 有少少鞋 , 不過份量都幾多 !總括黎講 , 食物質素一般般 , 不過食得飽見附近好多食客叫焗飯 , 炒粉麵 , 賣相幾吸引 , 可能呢類食物會好食 d