牛脾氣

Open Now

Now Closed

今日全日都落住大雨，同朋友諗住揾餐廳醫肚之際，見到呢間小店牛脾氣，覺得個名幾得意，於是就入去開餐啦一入門口見到個攬枕好得意，好有特色，可見小店既用心之處都有好多選擇，有選擇困難，不過最後我地簡左兩個飯餐加一個小食上菜啦，呢個係吉列芝士豬扒飯，豬扒上面仲淋上明太子汁。芝士豬扒炸得好鬆脆，熱辣辣，仲要有芝士拉絲，身為芝士迷的我十分滿意。用明太子汁都幾特別，滑蛋下面係粒粒珍珠米飯，撈埋一齊食係十分夾，好味到停吾到口。個餐仲配有沙律，可以中和番油膩既感覺一口炸雞球飯。呢個飯係配上墨魚汁，新穎的配搭，雞球炸得剛剛好，而且炸粉吾會厚，雞肉十分嫩滑，仲要juicy小食叫左炸紫心香芋丸，作為甜品十分合適，食落去外脆內軟，而且又吾會太甜呢間小店食物質素不錯而且價錢親民，下次會再幫襯

這幾天下着傾盆大雨，政府又派了消費劵心癢癢消費晒去😁😁，當然抱着支持香港小店心態，就在家裡附近尋找美食~牛脾氣(大埔)裝潢並不華麗，但是由有年青人打理，當然要支持雄心勃勃年青人。1.章魚小丸子~是一種男女老幼皆宜大眾化有民間小吃，而且具有大阪風味。章魚粒彈牙，内裡粉漿和饀料都很飽滿，醬料紫菜絲，沙律醬，燒汁和鏗魚絲合到好處2.四色雞翼飯(明太子、芝士、泡菜和芝麻)~對我來說雞翼永遠吃不厭，而且一次個吃到滿足。將明太子釀入拆了骨的雞翼裡，煎得香口雞翼，再添一份鹹鮮，咬下去還啖啖肉。雞翼外脆內軟，微帶酸泡菜為雞翼帶來豐富口感。香濃芝士雞翼一試難忘。芝麻雞翼外脆內軟啖啖肉，好juicy😋3.汁煮牛肉飯配温泉蛋~醬汁鹹中帶甜和濃郁肉香的牛塊，温泉蛋淆入軟棉棉飯裡，真教人回味4.沙律菜~清甜爽脆沙律菜如果是某某friends 仲可以帶去走🤣🤣🤣

好耐冇外出食晚餐啦,呢晚同家人簡簡單單係屋企附近嘅牛脾氣開餐。店舖除咗牛肉外,仲有豬肉同雞肉。店舖細細間,有小食、全日套餐、石板燒同極尚刺身飯可供選擇。我哋點咗兩個套餐加個小食~一口炸雞球飯~吉列芝士豬扒飯~芝士年糕🥠芝士年糕即叫即炸,外皮金黃脆卜卜,熱辣辣,咬開芝士咸香有拉絲效果,係外脆內軟嗰隻。🥗套餐附送沙律同汽水,加咗芝麻醬嘅沙律菜新鮮開胃,增加食慾!🥣服務員知道我吾太喜歡飲汽水,主動轉個熱餐湯畀我,加分👍🍗一口炸雞球飯雞球外皮金黃酥脆,炸醬粉幾薄,雞肉腍嫩有汁,加上沙律醬汁,去油膩,另外白飯又加咗墨魚汁,提升味道!🥩吉列芝士豬扒飯,豬扒外層用上粗粒麵包糠炸,增加口感。雖然裏面有吾少芝士,但因為個醬汁所以吾覺好漏!相比平時食嘅吉列豬扒,多重芝士香味。而炒蛋亦相當滑,值得一試!是晚都吾少人叫外賣!

呢間小店非常直接，一見到招牌就知道一定係主打食牛😆之前食過，佢嘅牛的確出色，今次挑戰吓其他肉類😝睇返餐牌，其實的確有好多選擇，連刺身都有，價格亦都合理😌吉列芝士豬扒飯～一聽呢個名就知道係非常豐富嘅一餐，吉列豬扒夾上可拉絲嘅芝士，簡直係眼球同口味上既享受😎加上嫩滑嘅蛋😍yumny yummy四色雞翼飯～女生通常都愛食雞翼，而且有四種口味，的確令人少咗選擇嘅煩惱😊每件雞翼都非常香脆，內餡夠味多汁，最鍾愛係泡菜口味🥰微辣開胃酥炸魷魚圈～外層薄薄嘅炸粉，包裹着新鮮彈牙嘅魷魚圈，外脆內彈牙，口腔衝擊着唔同嘅口感😆

平時搭巴士經過太和與大埔之間，都被食店名稱 “牛脾氣”吸引，好奇吃甚麼，店名起源等等。今個周末到大埔踩單車，突然想起有機會試下，就帶朋友過去看看。 由於午飯時間，餐廳滿座，原來很受街坊歡迎，結果等位了一會兒，就有得食！門外擺放所有餐牌，以牛肉類的日式定食，或炸物類的定食或小食為主。仲有吉列牛或燒肉定食，可惜趕住踩單車，未有機會叫。 餐廳座位不算多，以四人座位為主，牆身掛著招牌名字的不同插畫，很有創意，沒有其他多餘擺設，十分和風簡約。 吉列芝士豬扒飯 $68點了一份定食，是熱門選擇之一，豬扒大塊，炸得香脆，肉質唔鞋而啖啖芝士，拉絲口感，果然是高人氣！上面有明太子沙律醬和蔥碎，豐富了口感和日式感覺。另有滑蛋連飯，炒得夠嫩，整體滿足。 定食還有餐前沙律和汽水，沙律比想像中高質，除了椰菜絲，也有粟米和車厘茄用，配合芝麻醬食，清新去膩。

今日同老公踩單車去大埔，見到呢間舖頭名叫牛脾氣，個名好得意，似足牛脾氣嘅老公，所以就揀左呢間食晚飯。餐廳唔大唔細，燈光光猛，好乾淨，空間寬闊，坐得好舒服。呢度種類都唔少，全日套餐有牛類、豬類同海產類，另外有好多小食揀同埋爐端石板燒，價錢一d都唔貴。老公發辦點左個小食，兩個全日套餐。小食係芝麻雞翼，雞翼剛炸起，熱辣辣，入口香脆，芝麻味仲好香，好好食。先黎個黑椒牛舌飯，呢個全日套餐仲跟埋沙律同高罐汽水。沙律菜洗得乾，爽口，醬汁係日式醬汁，食落去酸酸地幾開胃。牛舌唔太韌，味濃，有黑椒味但唔辣，珍珠米軟硬適中，帶少少牛肉汁，老公話呢個餐都唔錯。我就叫左個吉烈芝士豬扒飯配明太子沙律醬全日餐，豬扒夠厚身，咬落去有吉烈果種輕脆感覺，入口有好香芝士味但唔漏，仲有明太子沙律醬上面嘅粒粒蟹子，整體好有口感。下面仲有一隻半生熟雞蛋，煎得幾好喎，好香。

大埔 日式料理😜牛脾氣😼💥🔥☄️Bull Temper Yakiniku牛脾氣當然唔係講緊鬧人啦 喺食好西呀🥩🔥🫢🍽裏面裝修簡潔 燈光光猛今日同朋友食三個套餐吉列芝士豬扒飯配明太子沙律醬一口炸雞球飯汁煮豬軟骨飯套餐配有汽水及前菜😋吉列芝士豬扒飯——芝士豬扒可以拉絲🤣😂——成塊豬扒都好重好濃嘅芝士味——雖然係熱氣左d 不過真係回味無窮——明太子沙律將加埋滑蛋一齊食——-成個配搭出嚟嘅效果會令你想食更多😋一口炸雞球飯——善用左沙律汁以及墨魚汁——好開胃又好味 😋炸雞非常脆口😋汁煮豬軟骨飯 ——豬軟骨分量足夠——入味小食係泡菜雞翼

小店用靚料，一啲都唔hea煮架值得支持，一分錢一分貨架我好認同。今次分別叫左3樣外賣1。炭燒雞扒明太子雞翼飯雞扒嫩滑，啖啖肉，燒汁岩岩好，唔會過甜。明太子雞翼好惹味，食完有啲唔係好夠喉😅要encore！份量都唔算細。2。自家製大阪燒正常發揮，都唔錯，有脆邊。蛋味夠，菜清甜。紫菜同鰹魚片都唔孤寒，舖到滿哂！3。原塊吉列豬扒雖然係外賣，但送到黎都仲脆口，唔厚粉。豬扒都仲好juicy好嫩口，冇話鞋颯颯，有下次！

早前由荃灣城門水塘行大埔，先吃車仔麵再買外賣回家吃。小編真的被店鋪名稱吸引了😂決定了買牛脾氣回家吃，吃完會變成牛脾氣嗎？🤣又到打卡時間，連紙袋都很可愛。蒜片牛柳粒飯 $68欣賞牛和飯是分開擺放的。牛柳粒的份量很多，筋位不多。一口炸蒜片配牛柳粒，口感更加豐富。一口炸雞球飯 $58雞球大大件，每件雞球都沾上日式沙律醬汁，美味可口。飯底在雞球下面，沒有分隔。南瓜餅 $18吉列蝦拼帶子 $58香脆可口，即使外賣外皮依然脆口。見0糖，0卡，0脂，心郁郁叫了兩罐。雖然係0糖，但小編都覺得很甜。

早前看過《喱週》其中一段訪問影片介紹位於大埔的牛脾氣，打正旗號主打爐端石板燒肉或吉列牛等牛肉料理，從澳洲M7和牛、美國1855牛肉以至於日本A4和牛亦有所供應。事實上除了牛肉以外仍不乏其他食物選擇，據知其中又以吉列芝士豬扒飯最受歡迎，價格親民絕對物有所值。這次選擇外賣自取感覺仍無可挑剔，份量十足之餘每款套餐均包括一罐汽水，而且更會貼心地送上一包印有店名的紙巾，連即棄餐具質料都相當實在，但值得一提的是每款外賣食品均需分別另收$2。一口炸雞球飯 ($58) 雞球外層炸衣輕薄香脆，肉質保持鮮嫩並留有肉汁，配以沙律醬酸酸甜甜能夠中和油膩感，而飯底亦加入墨魚汁毫不單調。蒜茸牛柳粒飯 ($68) 雖然牛柳粒份量不算太多但肉味香濃，加上炸蒜片令整體更加香口惹味，不過個人認為如果牛柳粒切得更厚會更有口感。雞皮餃子 ($38) 以雞皮代替餃子皮炸至金黃色，雞油油香四溢裏住雞肉及蔬菜餡料卻肥而不膩，令人難以抗拒。

疫情冇得出街食飯，但係又好想食日本吉列牛扒，又要近屋企，價錢又要實惠，食物質素又要好，非牛脾氣莫屬啦！同老公兩個去完街買日常用品之後，我哋就出發去牛脾氣買外賣返屋企嘆！雖然疫情關係佢哋冇做堂食，但係佢哋依然有做外賣。我老公叫咗個吉列芝士滑蛋豬扒飯，我就叫咗個吉列牛飯再加多個龍蝦肉沙律！由於外賣自取，食店送多個特色小食俾我。其實好難外賣自取都咁好食，牛脾氣嘅外賣自取返到屋企依然都有堂食嘅水準，可想而知，如果之後去堂食係會幾咁好食。見到舖頭有聲援卡攞，係Mirror同Anson Lo呀⋯⋯真係開心死我啦！雖然我鍾意Edan多啲😂舖頭裝修都好有特色，外賣餐具都好靚好日本🇯🇵feel , 好期待遲啲回復正常後，帶埋呀女去堂食😍

大埔一間隱世cp值高嘅餐廳，喺疫情咁嚴重嘅時候，連牛 角都要全線閂，一些小型商舖仍然堅持開門做生意， 為大眾市民服務， 實在值得嘉許店舖菜式選擇豐富繁多，而且份量抵食夾大件， 價錢都算經濟實惠，成個套餐有前菜又有汽水飲，仲要碟飯大大碟，一個成年男人也未必吃得完一個套餐， 前菜係蟹子沙律， 甜甜酸酸配上新鮮蔬菜，十分開胃，口感好fresh汁燒牛肉飯又多洋蔥又多肥牛，片片肥牛嘅脂肪比例剛剛好，肥牛肉汁融入去白飯入邊，加上洋蔥汁同埋燒汁真係食到停唔到口炸雞飯新鮮熱辣嘅炸雞球，目測應該有十幾嚿， 舊舊都乒乓波咁大舊 鋪滿整個飯面， 雞球啖啖肉又冇骨 新鮮熱辣又香口， 再加上秘製醬汁和沙律醬撈飯一流

平時經過呢一間小店「 #牛脾氣 」 @bull_temper_yakiniku都見到入面差不多滿座今次經過反而入面有位見到食物價錢合理而且餐牌上嘅圖片都幾吸引今次一於去試吓先一打開門就自己去搵位置坐店員過咗一陣才給餐牌俾我哋不過等食物嘅時間就比較耐我哋個肚不斷地打鼓最後等咗超過半個鐘後先有得食⊰⊹════════════════⊹⊱✎ 食後感 ：✨💚【 雞皮餃子 】第一次食用雞皮做嘅餃子不過上碟嘅時候就比較油但係食落去又幾特別質感好似餃子外皮嘅雞皮香脆無比配埋餃子汁確實不錯呢必定係全人手之作每一個套餐都會附送前菜及汽水🥤嚟到先食一個開胃沙律🥗有我最鍾意嘅火龍果粒粒❤️【 一口炸雞球飯 】驟眼睇飯上面有8-9件炸雞球估唔到食落去外層唔算太厚粉薄薄地帶一點香脆嘅口感而且雞肉肉質都頗為鮮嫩配以黑色的墨魚汁撈埋飯食就有點漏但味道都算唔錯💛【 吉列芝士豬扒飯 】雞蛋控必定要試吓因為返上面有我最鍾意嘅滑蛋另一邊就是配以明太子沙律醬嘅炸豬扒豬扒咬一啖有多層次嘅口感裏面非常Creamy嘅沙律醬仲有一層芝士加埋薄薄地嘅一層豬肉口感相當豐富難怪店員都非常推介

疫情之下有急流勇退既食肆，亦有新手上路既特色餐廳。從小係大埔長大既老闆，係番成長嘅地方開店。住大埔嘅朋友話有興趣一試，當然奉陪。黑椒牛舌飯（$68）牛舌厚薄剛好，煙韌有咬勁，黑椒嘅調味適中唔會太搶味。牛舌嘅油脂伴飯食，香氣十足。另外仲有沙律同汽水跟埋，個沙律唔係得幾片菜，有埋粒粒火龍果同車厘茄，食完油膩嘅野可以清清味蕾。一口炸雞塊飯（$58）雖然叫做牛脾氣，不過唔食牛既朋友仔都唔怕無選擇，雞同豬嘅菜式都有幾款，本來想試試招牌嘅吉列豬扒，但係咁岩賣晒，就改為炸雞塊。唔好睇好似普普通通嘅菜式，日式炸雞嘅脆皮夠薄身，上面淋上黑色帶鹽味嘅汁，仲有沙律醬，有齊酸甜鹹嘅味道，頗有趣味。睇餐牌仲有刺身飯同蟹皇飯，個樣好吸引。順帶一提，店員妹妹係鏡粉，鍾意mirror嘅你地唔好錯過拎應援小卡嘅機會啦！🤣

幫朋友攞啲物資嚟大埔，其實平日真係極少會嚟呢區走動，難得出開嚟，當然要趁機四圍逛下。喺汀角路搵到間叫「牛脾氣」嘅牛肉專門店，細看門外餐牌，原來餐廳主打日式料理，有刺身、燒肉、定食等供應，而且定價亦十分相宜，就一於食埋晏先返屋企。點咗兩個午市套餐：吉列芝士豬扒飯 ($68)、炭燒雞扒拼明太子雞翼飯 ($68) 同 一客日式小食：芝士薯餅 ($18)。薯餅即點即炸，金黃色，送上來時仍熱辣辣、香噴噴，賣相好吸引。挾起可以清楚見到入面嘅芝士呈流心狀，薯蓉軟糯綿密，同鹹香嘅芝士好夾，入口外脆內軟，好香好好食。每個套餐都會附送前菜及汽水乙罐。是日前菜為火龍果沙律，沙律菜新鮮爽脆，火龍果清甜多汁，果味突出，加埋適量嘅醋汁，食落口感好 Fresh。吉列芝士豬扒飯：豬扒大大塊，炸得非常香口，入面包住滿滿嘅流心芝士，好澎湃，食落脆卜卜，肉質鬆化又有肉汁，配埋面頭鹹鮮嘅明太子沙律醬一齊食，飽肚得嚟又唔會過膩。旁邊嘅雞蛋味道亦唔錯，蛋香濃郁滑嫩，用嚟拌飯吃，令人食慾大增。至於另一客炭燒雞扒拼明太子雞翼飯，亦做得相當出色。雞扒都幾大塊，厚身得嚟又有肉香，而且最正就係醃得好入味，肉質嫩滑不嚡，入口帶陣陣炭燒香。雞