牛脾氣

Open Now

Now Closed

大埔近期愈嚟愈多正野，呢間「牛脾氣」係食牛肉既專門店，無論係日本A4和牛、美國prime牛小排定澳洲M7和牛西冷都有提供，今次就打算去試下！黑椒牛舌飯 $68嚟到食牛既專門店就緊係要食佢地既牛肉，牛舌只係用咗黑椒同埋鹽去調味，唔會遮蓋左強烈嘅牛舌味，厚度啱啱好嘅牛舌有咬口但唔會煙韌，口感唔錯，就係牛舌份量可以再多一啲。吉列芝士豬扒飯 $68炸到脆卜卜嘅豬扒配埋明太子沙律醬，呢個飯真係極度邪惡！吉列豬扒入面包住流心芝士，仲可以拉絲😍豬扒下面就係蛋包飯，嫩滑既炒蛋蓋上充滿醬汁嘅飯，相當滿足！紫心香芋丸 $38香芋丸炸到十分脆口，食嘅時候記得吹凍啲先享用，因為咬開既時候會比入面嘅香芋餡「攻擊」🤣，作為一個芋頭愛好者，呢款香芋丸芋頭味唔算好重，甜度正常，作為一個甜品都唔錯。每個套餐都跟一份沙律同一罐汽水，食返少少沙律菜就冇咁強烈嘅罪惡感啦😗見到佢哋好多飯餐都好吸引，而且位置距離火車站都唔遠，如果唔想行路仲可以搭接駁巴士，都會好快去到。性價比唔錯，會再幫襯😙

間鋪都開咗一段時間～雖則間鋪主打食牛肉～ 但都有豬肉同雞肉食～今日叫咗個 日本A4和牛壽喜燒（188蚊）一個set 有沙律～有飯～ 有野飲～沙律就配柚子汁～ 個湯好甜～ 入面d菜索晒湯汁～ 好好食～ 牛肉好有肉味又鬆化～👍🏻同行友人就叫左個 吉列豬扒飯 58蚊～都係一個set ~ 豬扒有番一定厚度～ 唔會薄到好似紙咁薄～而且食落又唔會好韌同鞋口～ 好好食～另一個就叫咁西班牙五花腩飯配柚子汁～ 78蚊～肉煎得好香而且又唔會煎到好乾身～加上配柚子汁酸酸甜甜咁 幾開胃～

今日星期三相約老友去左大埔踩單車，踩完當然揾好野食醫肚啦，經過見到呢間牛脾氣，個名幾得意特別喎，價錢都算親民，就試下啦。餐廳裝修日式簡約風格，地方唔算好大但都坐得舒服唔迫, 目測都係5張大枱, 3張細枱 , 估計是小本家庭式經營睇睇餐牌選擇都唔少，有丼食，小食，石板燒之類，由於踩完車成身㷫烚烚，再食石板燒咪火上加油，咁就點左兩set丼飯，一個小食落左order後不夠10min就開始陸續上枱蟹皇丼 $118 - 一睇賣相夠晒足料 , 有蟹籽，蟹膏 , 蟹肉，軟殼蟹，炸蟹棒，蟹肉蟹籽新鮮爽滑 , 軟殼蟹亦都唔錯炸到外脆内乾 , 加埋惹味既蟹膏及爽口脆卜卜炸蟹棒等 , 配合珍珠米真係令人食慾大振，跟餐仲有新鮮沙律添。吉列豬扒飯 $58 - 豬扒外層炸得香酥可口 , 內裡肉嫩 , 半熟炒蛋尤其出色 , 半生熟時間拿捏得宜 , 搭上明太子沙律汁醬 , 配搭完美三文魚鰭 $38 - 4塊炸物 , 老實講第一次食呢個部位 , 食落都有不少魚肉位 , 骨不算多 , 口感不錯 , feel到如果不是用炸處理可能會好腥口埋單200頭 , 算是抵到核爆 , 相信午市時段會更為相宜

太和站行過嚟搵到間日式店，全日套餐有多款丼飯可以選擇～同朋友一人揀一個餐，我揀咗「炭燒雞扒拼明太子雞翼飯」，一個set 包一份沙律前菜同一罐汽水～炭燒雞扒有一個雞汁咸咸甜甜咁，幾開胃，雞扒都幾大塊，熟度剛好，切好方便食，明太子雞翼炸得脹卜卜，啖啖肉，good!朋友揀咗吉列芝士豬扒飯，面頭淋上明太子沙律醬，成個飯夠晒juicy, 芝士豬扒充滿香濃cheese, 雞蛋煎得嫩滑，成個配搭幾好～店舖唔算太大，但都坐得幾舒服，夠光猛～

今日踩單車經過，個餐廳名幾得意🤗食個午餐先 🐮全日餐 汁煮牛肉飯 $58，溫泉蛋飯牛肉鮮味， 一個午餐仲有沙律同飲品🥗沙律醬汁酸酸甜甜（好似有啲柚子味）夏天好開胃🐷吉列芝士豬扒飯 $68，滑蛋芝士唔會太流，炸豬扒鬆化， 全日餐都好多款式揀👍🥢明太子雞翼（兩隻）$38雞翼唔係熱，不過凍食得嚟又非常之爽脆又唔會好油膩🥢極級炸蟹棒 $38， 呢個蟹棒真係強力推介，蟹肉味道 小食好特別創意🌟支持小店🌟價錢抵食🌟性價比高

打風天, 又黎幫覜下小店啦, 一推門入黎, 靜到不得了.落雨大家唔想出街都明白, 不過播小小音樂應該會好好多. XD靜到有D唔習慣, 都係快快點野食先, 吉列芝士豬扒飯 $68其實上次黎都食過, 不過今次味道唔同左, 豬扒都JUICY既飯超多, 女士們應該少飯先岩吉列魚柳飯 $58嗯.. 4塊魚都多, 如果可以加D汁會更好送飯我地另外仲點左A4和牛石燒餐和牛係入口即溶, 石既溫度都足夠熱得熟個牛, 不過唔會金黃,  塊牛放上去, 3分鍾食得呢到係大既份量仲有一個MENU上面寫住推介既炸蟹柳餅上檯時真係餅咁希望小店可以好好加油

踩單車嚟到大埔，大家明明話冇咩胃口，飲杯嘢就算，結果經過大埔牛脾氣，和風格調，加上地區嘅親民價錢，不如坐低食吓嘢，順便休息吓，再繼續行程啦。餐廳嘅面積雖大，但完全唔會有壓迫感，非常舒服，完全有旅行嘅感覺呀！三文魚鰭小食就叫咗三文魚鰭，外脆內軟，非常香口， 重點係唔會油淋淋，最啱就係配番杯日本啤酒再同朋友邊傾偈邊食啦！汁煮豬軟骨飯所有主食都配埋沙律同飲品，價錢親民，性價比高，所以我哋就一人一個餐啦！汁煮豬軟骨煮得好香好入味，軟骨部分有嚼口但完全唔會硬，肉質索晒汁，入口即化，精華所在當然係個汁啦，拎嚟送飯一流！吉列芝士豬扒飯吉列豬扒即叫即炸，所以好香脆，而且入面夾住芝士，食嘅時候可以拉絲之餘，令吉列豬扒增添層次呢！除咗吉列豬扒之外，旁邊嘅蛋包飯充滿蛋香，上面鋪滿鹹香十足嘅明太子醬，令味道更為豐富。估唔到飯底都有驚喜，廚師特意將日式燒汁混係白飯度，將多種味道加埋一齊，原來非常夾架！

今日喺大埔上完堂上OpenRice search 下附近有咩好野食好耐無食日本野見『牛脾氣』評價唔錯又夠就腳一於試下～舖仔細細但乾淨企理細心啲睇會發現周圍好多自家吉祥物牛仔掛畫、餐牌、紙巾、紙袋⋯⋯感覺好似日本啲小餐廳好用心🫶🏻食物選擇好多元化丼飯唔少得仲有其他小食同刺身連生蠔、燒肉都有🥰不過我哋太餓要叫兩個飯餐再加小食先夠🫢【鹽燒和牛飯】套餐跟嘅沙律正常發揮配沙律醋，輕盈開胃❤️和牛片有厚度油脂同肉分佈比例各半咬落彈牙又有油香調味唔濃食到原汁原味嘅靚和牛加埋蛋汁令每啖飯都好順口👍🏼【吉列芝士豬扒飯】流心芝士夾係鬆軟豬扒同香脆炸皮之間味道同口感超豐富🤩煎蛋滑滑唔老一啲都唔鞋口加埋明太子沙律醬淋面成碗飯嘅配搭好和諧價錢都勁抵😱68蚊巳經包埋沙律同汽水😍【三文魚鰭】即叫即炸熱辣辣外脆內軟一咬落去油香四溢🤤鰭位香脆可口但有細嘅硬骨唔可以100%吞落肚喔❣️整體而言食物種類好多質素唔錯而且價錢唔貴抵食

今日同媽媽過開來這邊就試試這間牛脾氣。先看看餐牌，價錢都幾實惠。我點了A的汁煮牛肉飯。沙律菜加柚子醋就是開胃，湯不太咸但不會淡到無味，恰到好處，不錯。牛肉飯份量很多，無論是肉還是飯都大大份，性價比都算高。蛋汁撈飯很嫩滑，令每啖飯都提升了層次。另一個點了黑椒牛舌飯，牛舌不會煮得太過乾，保持到嫩滑，輕輕的黑椒味不會太濃搶過牛舌味。如果飯多少少汁會更惹味。小食點了蟹籽京蔥玉子燒，玉子火候掌握得很好，熟透之餘還保持到嫩滑，加了蔥香了很多，配合蟹籽有多重口感，加了沙律醬生息不少，很開胃的。總結是這家店的調味不會很濃，食得舒服，食完不會很口渴。有日本家庭式餐廳的感覺。性價比算是不錯。還貼心的送了包紙巾。

見新開嘅鋪，又想簡單食個飯，入左去試！餐廳有普通嘅丼飯，又有複雜爐燒個啲。簡單食個快飯就揀個丼算啦。牛肉丼 - 係一個想像到嘅味，係簡單Dinner之選。全日餐配沙律同飲品沙律有明太子，係柚子味嘅沙律汁吉列芝士豬扒飯 - 外型幾靚飯後有紙巾，貼心！整體而言，食物簡單，係街坊平民丼！

大埔人嘅超級親民飯堂(⁎⁍̴̛ᴗ⁍̴̛⁎)門口有好多人等外賣，堂食環境都好好，今次就試左堂食第一次坐底食，原來堂食有埋前菜架，主食同樣係大份又抵食，仲有埋飲品，真係經濟實惠，味道仲好好！店員服務態度好，忙到爆炸都保持好態度吉列芝士豬扒飯（配明太子沙律醬）超級好味嘅豬扒！入面啲芝士仲流心架，豬扒juicy，唔會炸到乾增增，推介！一口雞球飯超大粒同好多粒雞，雞粒食落好多汁，炸完都好淋身，一開頭以為係魚柳，真係滑到你唔信！前菜嘅沙律好新鮮，有幾種沙律菜Mix 埋， 一啲都唔hea小食叫左三文魚骨，又係好多汁，魚油香味出晒黎！餐牌有超級多選擇，幾乎無款都好好味，求其揀都唔中伏！

餐廳以簡約日本風設計，主打都係日本菜，雖然只係小店經營，食物種類都有唔少，包括有肉類丼飯，魚生丼，吉烈牛，各款日式小食等等😋我地叫左兩個全日套餐同一個小食，而套餐會有沙津同汽水跟餐牛肉飯餐： 隻碗大大隻，上面鋪滿牛肉，當然唔少得仲有一隻窩蛋。d牛肉煮得幾淋，肉質唔錯，唔會話好多脂肪而冇肉，而且食極都仲有牛，牛肉份量爆登！💥吉烈豬排餐：飯上面配上滑蛋，再加上有明太子汁，食錯都幾香口。吉烈豬排都係大大件，味道正常，食晒一定夠飽👍三文魚鰭：幾特別既一個小食，將三文魚鰭拎去炸。開頭以為會好多骨，但食落都係得一兩條大骨，容易入口🐟總括而言，餐廳定價親民，60蚊左右就食到一個日式套餐，而且店員都好細心，見我地想拎紙巾抹餐具，就即刻遞上一包自家紙巾，值得加分！😍

香港人對牛一向都非常狂熱,一間牛肉專門店，應該可以令我呢個牛魔王滿意😆除咗牛之外,亦都有多款唔同嘅肉類，原來都幾多元化👍🏻價錢都幾合理🤟🏻黑椒牛舌食飯～牛舌鋪滿飯面，每一件既邊邊都有微焦，黑椒香配上焦香，完全令人垂涎欲滴，牛舌既厚度亦都剛好，有口感之餘，亦能保持嫩滑吉列豬扒飯～豬扒薄薄嘅外皮十分香脆，非常驚喜！加上明太子嘅醬汁，口味非常獨特，下層有香滑嘅蛋，包裹着滿滿濃厚醬汁同米飯，整碗飯每一個層次都有豐富口感👍🏻

中午和同事喺公司附近揀咗間小店食，小店地方唔大，只有幾張枱，但入門位置放有Mirror 和Anson Lo嘅應援咭🤩🙌滑蛋鰻魚飯$98（半尾）將肉質鮮嫩鰻魚放在滑捋捋的滑蛋上，淋上美味鰻魚汁的珍珠米飯，每一口都滋味滿分🤤🤤一口炸雞球飯$58炸雞球入口熱辣辣的，外層的炸漿好薄脆，雞肉保持嫩滑👍 證明有order 至製作，有誠意👍👍。雞球份量唔少，沿飯碗可圍起一圈呢！前菜沙律菜新鮮爽脆，連罐裝汽水成為套餐。呢度嘅全日餐款式多，而且價錢合理。期待下次食*極上刺身飯*

睇個鋪名牛脾氣係食咩㗎呢？牛扒？和牛？推介俾大家想食便當入面亦都有得食架~今次就嘗試左日式牛肉飯同埋鰻魚飯。先講講牛肉，嫩滑多汁，火候唔會太耐，能夠將肉汁鎖住，令牛肉嘅鮮味迫晒出嚟。此外，鰻魚又滑又有魚味，配襯住特製用於便當嘅醬汁，令到成件事好match。飯都好有咬口，軟硬度適中，餐廳運用嘅米亦都好好口感。我同朋友都唔係太常食飯，本身見到咁大碗都驚食唔晒，但係襯住啲餸慢慢食，結果食到一粒飯都無剩！煮至於舖頭內籠唔算太大，比較適合人少少兩至四個三五知己嚟一齊食，但當然人多啲亦都會容易啲叫嘢食， 今次都未試晒所有嘅菜色。總括而言，細舖嚟講呢間餐廳嘅丼飯相當出色，嚟大埔推介大家試一試~😋