Video
4-min walk from Exit A2, Cheung Sha Wan MTR Station
continue reading
Opening Hours
Mon - Sun
07:00 - 22:00
Above information is for reference only. Please check details with the restaurant.
呢排啲天氣勁唔穩定，依一刻落大雨，一個鐘後，可以陽光普照，但轉頭。又再倒狗屎，所以，本來星期六、日喺行山日，但因此都唔敢約人。是日晌屋企食完晏晝飯，見出猛大陽，但一支公快閃由美孚經山路上長坑村、再經金山郊野公園過去鷹巢山，然後落返去李鄭屋村。出咗身汗，勞動完畢，出返青山道隨意搵間茶記「賓墟餐廳」嘆個下午茶，兼涼涼冷氣抖一抖。前前後後都試過唔少茶記、快餐店，以「賓墟」嘅防疫措施做得最多、最足，卡位之間嘅膠板間得夠高，而中間嘅圓枱與圓枱之間直頭成塊膠簾隔鬼住，勁呀，有啲似入咗去實驗室咁，哈哈。枱面棟咗成支消毒啫喱隨你用，夠晒大方。更放咗一大壺熱水晌度，我嘅用法喺，用嚟消毒啲餐具大過用嚟飲。而餐具，一如好多茶記，就放咗晌枱側嘅「機關」櫃桶，老實講，咁樣放啲餐具，衛生就唔多衛生架啦，因為你唔知上手被咩人摸過，都有唔少無品嘅香港人喜歡亂摸，所以，唯有自己做多一步。依家好多餐廳都有做外賣生意，疫情之下更成為主要收入來，一次過掃描晒成張外賣單張，就睇晒餐廳基本有啲咩食。晌門面，更見到佢為促銷啲外賣生意，更推啲半價優惠。菠蘿油餐 $24初時我以為「冰鎮」菠蘿油喺某某某茶記嘅新玩法，原本食吓食吓都有唔少茶記喺咁，之前晌「紅城粉麵」、「紅茶冰室」都遇過，今次晌「賓墟」亦喺咁，餐牌就無寫，但嚟到件牛油喺冰鎖住另上。件牛油都幾厚身，夾落微暖嘅菠蘿包，一口咬落去，牛油嘅油滑口感幾OK，包身都好軟熟，喺「菠蘿面」唔得，未夠脆。熱奶茶菠蘿油，點都喺襯熱奶茶先夾，首先色澤好對辦，夠晒深褐色，入口茶底頗醇厚，有奶香，口感亦算喺順滑。臨尾加點題外話，上述嘅行山路線小弟行過好多遍，由於近排成日落雨，我都喺第一次見到九龍水塘滿到瀉，要「泄洪」；另外，去到鷹巢山一邊，又可以飽覽西九龍一帶。以大街位置，地鋪，份菠蘿油餐只賣$24，算喺好平。其實，由荔枝角到深水埗，沿住條青山道行，會有好多茶記，不過，小弟就未有志向話要試勻晒每間茶記嘅菠蘿油，但有機會嘅話，總想多試幾家比較吓。
continue reading
今日行經長沙灣，見到餐廳出面小菜都好抵食唔想煮飯就跟老公撐枱腳先來一碗熱湯暖胃，菜乾豬骨湯，菜乾都多，而且煲得軟身，湯量都多而且夠味道。蓮藕冬菇腩肉煲，呢個煲熱辣辣上枱，南乳汁甜左少少，蓮藕好味，不太硬，冬菇大件入味又唔錯，欣賞他的腩肉，皮脂均勻，切得岩岩好，一口一件唔錯xo 醬西蘭花炒豬頸肉，望落去好似好少，應該碟太大，其實粉量都好夠，xo 醬少少辣，西蘭花無炒到好黃，綠油油都唔錯，亦吸曬醬汁，豬頸肉切絲，如果切得厚的就更好，碎了些。飯都足夠，有圓拱形，只是我掛住食，食到一半影相，飯都軟熟今次檸水，杏霜，呢隻杯好保溫
continue reading
位於長沙灣幸福商場內的賓墟餐廳，是一家老式的茶餐廳，環境有點舊及髒，店員均有點年紀午餐5個選擇只剩4個，便選了茄醬豬扒炸春卷意粉，而跟餐會送例汤及飲品，我再加了港幣3元轉了冻奶茶上餐後一看，意粉非常乾身，茄醬只有一點點豬扒一吃便知是急凍很久的，有雪藏味而且沒什麼豬味最讓人奇怪的是加上春卷，還要應該是買回來的那種非常沒有誠意另外跟餐例湯很咸而凍奶茶忘了說少冰，換來的是半杯冰整體感覺很差，應該不會重來
continue reading
千祈唔好試特色喇沙湯底，試咗你一定會好後悔咖!超難食！😑唔識形容……喇沙我食得多，真係未食過咁怪味嘅。個以前嗰隻白咖哩差咗9條街，而家唔知無咗白咖哩就轉咗呢隻怪味喇沙。我初初試咗一次以經覺得好難食，諗住新出厨房可能未 掌握到唔識煮諗住過一排再試下點知又係咁難食,不過講返賓墟其他都幾好嘅，總之呢個特色喇沙湯底 千祈唔好事。
continue reading
去完母校為師弟妹們的偉大活動打氣後在長沙灣找早餐吃，這家店都開了很多年，於是試下。叫了最常見的沙爹牛肉麵早餐。只有炒蛋沒有火腿、腸等有點失望。不過沙爹牛肉麵幾有驚喜。沙爹夠味，湯底鮮甜。牛肉也有咬口和有肉味。最好是有條菜，感覺豐富一點，也補充營養。叫了茶走，煉奶份量足夠，色水好看。茶應該都幾濃，開始未攪勻，一啖飲下去很濃。不過不算特別香。炒蛋較多油，沒味，可以加點鹽和胡椒粉，或者用沙爹湯底浸一浸再吃。
continue reading