品記鮮粉人家私房菜館

Open Now

Now Closed

放工想輕鬆减壓，最好一定就係約齊飯腳打鞭爐邊食邊飲，真係越夜越嚟有氣氛，估吾到土瓜灣嘅橫街窄巷，竟然可以有咁多人食飯。餐廳好大好多枱，但係即使過咗八點後都建議先book位，如果唔係我相信都幾難會有位。酸菜魚(海鱸魚）$168魚片超滑又無骨，湯底超濃郁😋，估唔到魚可以咁滑。手切牛$288牛肉靚到真係冇嘢講，睇相就知道😋呢到真係好熱鬧，雖然傾偈有少少辛苦，但係氣氛真係好，呢度用呢隻戰鬥碗飲啤酒真係好過癮，餐廳隻碗仲要冰凍過，值得一讚👍

發現屋企樓下附近開咗間雞煲店，對於土瓜灣個邊，尤其是近益豐大廈黎講，真係一個大驚喜，事關個帶真係無乜野好食。既然撞啱奶奶生日，就決定齊齊去食個雞煲慶祝下啦！位置都算容易搵，土瓜灣站CD出口，一直行一直行，行到最盡就會見到個好搶眼既門口架喇！好彩早幾日Whatsapp訂咗位，否則都真係未必有得食，個場雖然已經夠哂大，但都好full！Lift門打開，店員未行到過黎，個陣香濃雞煲味已經撲鼻，店員立即安排座位，搵咗個靚位置比我地坐低，交帶埋呢間雞煲原來係可以QR Code落單的。- 招牌菜重慶雞煲加牛根腩 – 因為我地都唔係話好食得辣個d，所以選擇了小辣，辣度剛剛好，唔會食得好辛苦，但又享受到雞煲的味道。雞煲味道很濃郁，order了一隻雞的份量，實在太多太豐富。牛根腩也帶給我很大驚喜，好好食，d牛根切到稍薄，食起上黎更有口感，真係搶咗d雞唔少鏡頭。- 酥炸大腸 - 除咗各款雞煲外，仲有多款小菜可以選擇。我哋就叫咗個炸大腸，炸得很好，不油膩，沒有咬落啖啖油的感覺，而又口感很酥脆。雖然明知無乜益，但都忍唔住食咗好多舊。雞煲後加湯，繼續食火鍋，order了不少配料，當中的手切本地肥牛極美味，肉味香濃

呢間品記鮮粉人家之前喺舊址，行過都見幾多人食，但感覺烏煙瘴氣一直冇勇氣試。直到佢搬咗鋪，好似光猛啲、乾淨啲就一於試吓啦！早幾日經WhatsApp 訂位，對方對答態度都一般。同朋友做中秋都滿心期待嘅！我哋order咗 重慶雞煲 - 半隻 $168 ———-小辣。正常。唔鹹。雞件份量適中。唔錯嘅。涼拌海蜇 $68 ——勁鹹！鹹到腎虧！😨麻辣豬大腸 $48 —好鹹+ 豬腸洗唔乾淨有陣「壓」味🤯🤯🤯靚肥牛 $88 ——— 垃圾嚟😂😂😂😂淥完又細又un ，可能都唔係牛肉嚟 桂花蚌 $118 ——— 化學味！用咗啲梳打粉定係哥士的漂到淥完都有陣化學味😨鮮鵝腸 $68 ——— 苦嘅！搞到我點過嘅豉油都苦哂，碗又苦哂！完全唔識洗內臟，又或者唔興洗卦🤔牛骨髓 $68 ——— 正常。不過湯底唔掛味=無味 萵荀片 $38 ——— 正常，最正常呢個！鴨血 $48 ——— 好似食緊舊膠咁😂韮菜餃 $38 （半打）——— 正常，好正常！有韮菜味！之後追加炸魚皮 $35 ——— 淋咗嘅🙃🙃🙃生雞蛋 $8 本地手切肥牛 $188 （半份）——— 好過靚肥牛囉，有淡淡的牛味，湯底唔掛汁。不過都係唔值呢個價😅😅😅茶芥

開車經過見人頭湧湧，心想要揾日試吓，終於成事了，訂枱2030，2015到，2025入坐，同場仍有多人等枱，訂枱係正確做法，坐低樓面呀姐已耐心推介各款美食，有禮健談，結果選了BB辣重慶雞㷛，响玲一絕必食單點，總括環境乾淨，冷氣足夠，食物款式多，味道正，服務好，價錢亦公道，四位結帳總額649，百零蚊位不到2百，食到飽飽，值得推介 👍，同場還有好多外賣，正！可一試外賣，不用只食盆菜，多好多選擇，Good！