品記鮮粉人家私房菜館

Open Now

Now Closed

有朋友推薦呢間私房菜，雖然位置唔係大馬路但都易搵。下午六點已經門庭若市啦，生意火爆可睇到佢人氣之高。我地四條友，叫左酸菜魚，麻辣雞煲，滷水拼盤同一碟時菜。酸菜魚非常霸氣，量足味美，魚片嫩滑，辣味都夠香夠足，愛食辣既朋友不要錯過。要讚下佢間既滷水拼盤，得到了潮汕朋友既認可。無論係腎，肚，牛展都新鮮足味。價格實惠公道，下次會再光顧

因為疫情冇咗晚上堂食，如果想打邊爐嘅話推介試吓呢間人氣火鍋店。只要係佢哋個網站落單，買滿指定金額就可以免費送貨，原煲外賣返屋企嘆，有朋友或者親戚到訪都可以買，真係可以慳好多時間！👍😋手切本地肥牛本地肥牛質素好高，油花分布均勻，而且肉質鮮嫩，高質👍。炸雞皮餃子雞皮餃子幾特別，香脆彈牙～原煲外賣-重慶雞煲重慶雞煲外賣過黎都保持到咁高質，香噴噴、超足料，超多洋蔥青蔥做配料，食落好香好惹味😋。絕味小酥肉小食揀咗呢款小酥肉，外皮炸到脆卜卜，入口酥香爽口。麻辣小龍蝦🦞見到網站上竟然有麻辣小龍蝦可以外賣，流晒口水😂，即刻外賣返一份！😆小龍蝦夠辣，好過癮，肉質緊實，食落超正😊。

冬天就緊系要去食羊腩煲暖一暖個身，今年新年初時就試左呢間品記鮮粉人家私房菜館的羊腩煲，覺得不錯，想介紹一下俾大家!先同大家介紹一下店舖的環境不錯，地方舒適寬敞，好適合朋友/家人一共聚會，佢地仲有早鳥優惠，只要系7:30前結帳離座都可以享有八八折，咁就真系抵食左好多!提一提如果你突然經過想食品記鮮粉人家私房菜館既話，都吾洗擔心要排隊等好耐，因為佢地既Walk in 都唔難攞位既，所以當你諗吾到食咩或者想即興想食既話都完全冇問題呀，放心去 walk in 啦!!!咁小編今次就叫左以下食物，大家都可以參考一下: 古法羊腩煲炸雞皮餃子絕味小酥肉麻辣小龍蝦

某床品一年一度開倉大減價，買完之後又攰又肚餓。行前冇幾步就見到有一間酸菜魚雞煲的招牌，心諗求其有嘢食就算，於是就上去試吓，電梯上一樓開門的一剎那有些傻了眼，香氣撲鼻不再講，竟然全場爆滿只剩返一張大枱，於是我哋三個人就坐咗一張12人嘅大枱。自己超愛食酸菜魚嘅關係，一坐低即刻叫咗一鍋大份酸菜魚，魚我就揀咗脆鯛魚片，一上枱魚片多到不得了，而且非常之爽脆鮮甜，湯頭酸酸甜甜少少辣，飲完都唔覺得口渴，正👍加咗碟炸響鈴，同出面街買差唔多，冇乜特別。紅薯粉，煙煙韌韌非常配酸菜魚湯汁。另外叫咗一碟小食白灼豬腸粉，點上辣椒豉油同吃，絕配。蓮藕尖炒白肉，藕尖爽脆清甜，五花腩溥切同炒，一點都不油膩，停不了口。下次叫多些朋友一齊去食，可以試雞煲，同仲有好多其他嘢食都非常之吸引，要多啲人嚟先可以食到，期待！

想試哩間私房菜很久了！就在利港灣18號！成日經過見到大大個招牌成日都好想試！最近凍左好多終於有返d冬天既感覺，所以想食返啲辣野暖暖胃！叫了老壇酸菜魚($168), 好多魚片好抵食，宜且湯底超入味！重酸辣味，正！配料叫了手切本地肥牛($288), 非常新鮮！食落牛味重，完全不韌，啱哂牛魔王！自家製韭菜餃($68), 有一打12隻！超抵食！自製果然足料，韭菜同肉既份量啱啱好！白灼粉腸($58), 好爽口，新鮮！最後追加了海鱸魚片，肉質滑嫩，很鮮甜！

冬天凍冰冰真係好鬼凍，🥰夜晚黑同朋友dinner打邊爐就最唔錯，🤓哩一間老壇酸菜魚好出名，168蚊1盤已經非常足料，我哋仲叫咗其他小食一齊做火鍋配料，🥳既豐富又可以更加飽肚。佢哋嘅自家製鳳城水餃都好唔錯，因為自己包，所以皮薄餡靚🥢食落去非常之鮮味。其次，本地肥牛同樣唔錯，牛肉好新鮮，而且食落去好香牛肉味，對於食肉獸嚟講，真係好正！🥩佢哋嘅炸雞皮餃子，🥟都好有特色，香脆之餘，雞皮好彈牙。

聖誕節到到都好迫，朋友就早d我哋帶我黎呢一度避開人潮，佢哋7:30離坐，就可以有早鳥🐦八八折優惠，都幾抵食，而且地方幾闊，朋友聚會坐得幾舒服。～～～睇完餐牌之後我哋叫咗，古法羊腩煲麻辣小龍蝦蒜泥白肉絕味雞腳～～～基本上食物質素都好唔錯，雞腳好香口，而且內裏骨膠原滿滿嘅感覺。蒜泥白肉就好重蒜香，加上半肥瘦嘅腩肉，正啊。～～～麻辣小龍蝦配啤酒就最適合朋友聚會食，一邊傾偈一邊剝小龍蝦真心人生一大樂事。～～～加上最近天氣好凍，我哋亦叫咗一個古法羊腩煲，羊腩好紮實，但係又唔會好難咬，而且非常之入味，食完之後個人好暖和，再加多個生菜擺入去洽！香香甜甜的作為收尾剛剛好。

品記鮮粉人家私房菜館地址: 土瓜灣浙江街18號利·港灣18 1樓電話: 66778816🔹🔹🔹🔹🔹🔹🔹🔹🔹🔹🔹🔹以前比較少去土瓜灣覓食，一來無地鐵🚇，二來巴士線路又唔係好夾我。屯馬線開咗之後，土瓜灣不再成為一個吊腳嘅地方。經朋友極力推介下，今次黎咗呢間食私房菜。不要以為私房菜只係食小菜，呢度仲有打邊爐，亦有佐酒小食同各類小炒。餐境地點只是距離地鐵站D2出口兩分鐘左右，搭𨋢上一樓，環境光猛，乾淨衛生，枱與枱之間頗為寬敞。可能天氣凍嘅關係（其實都唔關事，🇭🇰香港人🇭🇰全年都可以打邊爐😂），食客基本上都係打邊爐🥘為主。我地亦都一樣。💫涼拌海蜇頭($68)海蜇營養價值好高，有降血壓，擴張血管，化痰清腸胃之效。呢度嘅海蜇頭非常爽脆，醬料甜酸味平衡，調味非常惹味，醒胃至極，為接住下來打爆個胃做好準備！💫品記花膠養生雞煲（$188）湯入面有滑雞、花膠、紅棗、桐杞、淮山、黨參。湯頭已經預先熬煮咗數小時，喝下去湯味濃郁而不油膩。加入花膠，紅棗等，味道鮮甜，滋補養顏。侍應們教我們先飲湯，飲夠先開始打邊爐。中間要添水嘅話，亦都係加高湯唔係加水嘅，所以一路都保持住濃濃嘅湯底到最尾。💫手切本地肥牛（$288）牛

今次黎到土瓜灣食好野，天氣咁凍就最啱打邊爐，揀左呢間「品記鮮粉人家私房菜館 」。地鐵站出幾分鐘就到，食物環境高水準，好推薦比大家！入到餐廳地方夠曬舒適寬敞，好岩天班朋友一齊黎，.而且即使Walk in 都唔難攞位，而家仲有promotion 7點半前埋單走人有八八折，好抵食！講反d食物，兩款前菜麻辣小龍蝦同埋絕味小酥肉香口惹味，十分好食，作為餐前小食，開飯路絕對適合。火窩我哋選擇左豬骨湯，特別係要講淨係湯底都夠晒足料，勁多豬骨，飲落超濃郁，而且佢都有幾十種新鮮食材俾選擇黎打邊爐。呢餐超滿足呀！

凍冰冰又大時大節，又到約埋一班朋友打邊爐嘅時候🤣🤣依間餐廳地方都算舒服同幾大，好啱一大班朋友嚟打邊爐🥰食咗好多嘢都記錄唔晒🤣以下幾款係必點嘅😂💁🏻‍♀️重慶雞煲好惹味🥰配料好足，好多雞🤣一啲都唔馬虎👍🏻👍🏻手切本地肥牛 切得都幾薄，加上油花均勻，口感好好👍🏻 肉味都幾濃香脆炸墨魚春卷我係第一次食，外面炸到好脆，裏面係墨魚滑絕味雞腳依個都好有驚喜，啤酒伴侶之選🤣🤣🤣我地當日walk in 都唔洗點等 ，加上依家港鐵方便 大家可以黎試吓

最近聽朋友講呢間品記超正，搞到我都心郁郁去試😋早幾日已經book定枱！位於土瓜灣但位置都幾邊，唔算方便，不過6點開始已經多人啦，所以大家一定一定要book枱!上到去環境都算寬敞，唔會有密密麻麻壓迫既感覺。坐到埋枱已經有侍應問我地食咩類型既煲，幫我地落左先，服務態度都幾好👍🏽酸菜魚好夠味！湯底香濃有魚骨味😋魚片好滑，但重口味既我覺得酸菜唔夠酸。由於我地超肚餓所以仲叫左幾個小炒。白灼粉腸好有咬口，唔會好韌，但因為係白灼既關係唔多唔少會有內臟味，食得多都會膩；炒鵝什好驚喜！而且份量對得住個價錢，仲有大量薑蔥好香口，鵝腸同腎好爽口，非常滿意；麻辣豬耳不過不失啦，叫左BB辣，辣油好香但一啲都唔辣，依然係會食到停唔到口。紅糖糍粑超驚喜，本身以前會好痴牙好難咬，點知係鬆軟煙韌！仲有好多紅糖點～隨你口味去決定甜度啦。7:30pm前埋單有88折，最後埋單$548/2人，整體呢講好值得食！會再去！

川菜同埋火鍋共惹一爐😍我哋先嚟一份尖椒皮蛋做前菜，入口凍冰冰，又香又麻，同啲芫荽一齊食，辣得好過癮！我哋order一份酸菜魚鍋，魚嘅份量非常，起肉做得幾好，少骨，入口嫩滑，而且酸菜夠脆，食落都幾新鮮！食完之後，店家會幫我哋加入雞湯，就開始打邊爐，我最愛就係手切肥牛，件件都佈滿雪花，而且新鮮，有牛味又有口感❤️朋友介紹呢度確係唔錯，地方舒適寬敞，好適合聚會，三五知己烚吓烚吓傾吓計，係幾舒服！咁啱我哋今日早收工，走嘅時候先見到，仲有早鳥優惠添，7:30 前結帳離座有八八折😍好surprise！

親戚帶咗我哋去呢一間人氣火鍋店食晚飯🍽, 地方舒適又寬敞, 幾適合朋友聚會~ 當晚我哋冇訂枱, 不過 Walk-in都唔難攞位~ 天氣轉涼, 又到圍住食雞煲嘅好時候! 重慶雞煲 - 雞件炒勻至入味, 雞肉肉質仍然保持嫩滑多汁, 份量足料, 越煮越辣, 非常惹味! 紅糖糍粑 - 第一次試呢個菜式, 幾特別的! 入口有好香黃豆粉味, 外層幾酥脆, 裡面軟糯Q彈, 加上紅糖, 有甜甜地嘅味道。滷水炸大腸 - 炸大腸外皮脆脆地, 滷水味夠入味呢! 香脆炸墨魚春卷 - 炸至金黃爽脆, 墨魚肉有彈牙嘅口感。

品記雖然位置唔算方便，但卻滿有人氣。去食記得訂位。人多好處就係叫多啲款，樣樣食下。酸菜魚好大一窩，叫少辣，個個都食到，酸味夠但不太麻，魚好滑，另外再加了魚片，大約$88 碟。白灼鵝腸，條條都好長 ，好難搞。不過洗得好乾淨，煮得剛好，喜歡鵝腸的不要錯過。我自己嫌佢個汁唔夠味，唔夠麻唔夠辣。但餐廳有自助區（因有火窩食）可以自己去調返個啱口味的汁。炸大肥，配啤酒，跟本係絕配，好正，食到停唔到口。薑蔥炒牛筋腩，好多蔥，好香，牛腩好淋夠入味。蓮藕尖炒雞什，第一次食，蓮藕尖好可愛。呢碟餸個味酸酸地嘅，唔知咩地方嘅菜。其實仲有好多嘢食冇影。總結：食物質素好，店員熱情，環境類似大排擋，比較嘈雜。值得來。下次試下外賣。

依一個人氣火鍋店最近啲朋友係咁講！今次到我喇！我地今次係叫外賣雞煲加火鍋配料咁番屋企食不過我見到地方都幾舒適寬敞，都適合朋友聚會依家仲有早鳥優惠八八折 7:30 結帳離座但我又想買外賣因為仲會跟埋煲，火鍋配料同埋豉油，好方便夜晚宵夜都可以叫外賣，外賣晚上11:30前落單都可以送貨材料好新鮮！而且啲肉好鮮嫩 好濃既牛味！ 一流麻辣小龍蝦同埋雞煲既味道都超級惹味 正呀 送啤酒就無得頂 岩哂鐘意食辣既朋友呀 不妨一試！