Buraq by Osman bey (愉景北商場)

Open Now

Now Closed

今日晏起身, 入到黎愉景北已經4點, 想食個輕盈午餐, 見到呢間土耳其菜有好評就黎試下. (鹹)乳酸飲品Ayran, 凍 $30. 鹹味帶出左乳酸既香味, 估唔到咁好飲點左個小食 涼拌蒜泥茄子蓉baba ghanoush $55 配自家製面包$25. 面包唔係平時既Naan或者Pita Bread, 厚實又煙靭, 烘熱左好有餅味. 茄子蓉係混合左紅椒, 係一個凍既沙律, 有茄子鮮味同少少酸, 我地放面包上面食, 好快就解決左. 我地兩個share一份主菜 羊肉串燒Lamb Shish 配飯, 沙律 $128. 呢個正正係我地期待既中東烤肉, 非常滿意! 羊肉份量好多. 有燒到鎖住肉汁, 香料只係適量, 突出肉既鮮味. 香料飯係意外驚喜, 唔知落左肉鬆定孜然, 好惹味, 女友簡直想要添飯.  沙律就係爽口既三色椒同生洋葱, 冇d貴既有葉菜. 都ok既.呢度既menu選擇唔多, 下次可以試埋個長形Pizza. 午餐都要收加一, 不過佢價格本來就好相宜.  唯一既職員冇咩服務, 但都好友善. 估唔到土耳其餐廳都歡迎我地隻導盲犬Delta. 

Buraq by Osman bey📍Shop G08, G/F, Discovery Bay North Plaza, 92 Siena Avenue, Discovery Bay🍾用餐體驗去Discovery Bay玩☺️見到呢間餐廳好有特色，平時好少食土耳其菜，所以就去試下啦！🤍MIX BBQ PLATE 烤雞肉、羊肉、牛肉拼盤 $338貪心嘅我地咩串燒都想食，所以索性叫左個2人盤！擺盤對稱好岩打卡用🫶🏻食到大滿足🥰最欣賞佢個漢堡竟然係用羊肉做，好香好正🤤🤍CHEESE PIDE $108呢個土耳其Pizza超級驚喜😙😙Size驚人之餘，個餅皮仲非常非常鬆軟，配埋個芝士🤭真係好味到難以形容!!!記我趁熱食啊，超讚😍🤍TURKISH COFFEE $35咖啡就飲得多，土耳其咖啡都係第一次試！細細杯咁，有好濃郁嘅咖啡味，如果怕苦仲有兩粒糖送畀你配住飲添😝好細心呀😘🤍AYRAN $30🤍GUAVA JUICE $30因為食左串燒，所以叫返果汁同乳酸飲就岩晒😋🤤推薦推薦/味道 🌟🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟抵食 🌟🌟🌟🌟

趁平日少人閒遊愉景灣，呢度三角形教堂💙依然咁靚。隔離有間新餐廳食土耳其菜，單張上有埋老闆個樣👨🏼‍🍳，咁有自信就試呢間～🍴Homemade Bread+ Saksuka：自家製麵包配沾醬，麥包似歐包🥯，煙韌又有芝麻香! 沾醬有意大利青瓜🥒🍅🍆三色椒等，好清新似西班牙菜。🍴Spinch Pide ：唔係讀”Pipe“, 類似讀”Pat- Ty”。批底好薄好脆，唔會滲油，餡料係大量菠菜🥬同香料，係食過最好食既素菜批！🍴烤雞肉串：雞肉偏瘦但唔鞋👍🏻，唔會調味太濃，伴碟既三色椒🫑洋蔥好fresh，overall 調味👍🏻，中庸最好。🍴Manti 土耳其雲吞：人手製既小雲吞每粒呈星形🤩，中間包住牛肉粒，真係粒粒皆辛苦！🍹Malt (Apple), Sirma (石榴）：前者似Apple cider 但冇酒精，後者係汽水。兩個都冇藥味，飲得過！味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

在港都能享受假日土耳其風情🤩愉景灣除咗影靚靚教堂，仲可以歎正宗土耳其菜🥰店員見我地係香港人，仲特登拎咗本有靚靚圖畫嘅Menu比我地睇𝕭𝖆𝖇𝖆 𝕲𝖍𝖆𝖓𝖔𝖚𝖘𝖍 茄子泥 $55一睇以為係譚仔味🤭點知幾得意，佢係酸辣嘅味，但係乳酪嗰隻酸味加辣椒，好冰涼開胃，夏天啱哂。𝕮𝖆𝖈𝖎𝖐 特別酸奶酪 $55個中文係抄佢餐牌😂btw都真係特別酸。佢除咗乳酪，仲有洋蔥、香料加橄欖油嘅香味，有別於一般乳酪嘅奶香同甜味，佢係比較惹味同香口。𝕮𝖍𝖎𝖈𝖐𝖊𝖓 𝖜𝖎𝖙𝖍 𝕾𝖆𝖑𝖆𝖉 $78一般西餐嘅雞肉沙律多數係5塊雞胸以內，加大量生菜。呢度嘅雞肉沙律啲雞肉可以食飽成條村‼️雞肉以香料煎脆，下面嘅沙律有幾種蔬菜、青瓜、洋蔥、車厘茄等💕係好入味的。𝕲𝖗𝖎𝖑𝖑 𝕱𝖎𝖘𝖍 $158煎魚香口唔會太鹹，仲配飯同沙律。個沙律又同散叫唔同，有三色椒勁好食。個白飯原來唔白，佢係有鹹香味，同個魚好夾💟𝕷𝖊𝖓𝖙𝖎𝖑 𝕾𝖔𝖚𝖕 $68呢個湯有陣陣豆香，比較濃稠😚面頭有啲辣油，又幾香喎。佢會連同四塊麵包一齊，好抵🤭𝕸𝖆𝖓𝖌𝖔 𝕬𝖞𝖗𝖆𝖓 芒果酸奶飲料 $30呢個就無cacik咁酸，可能有芒果嘅鮮甜，喜歡奶嘅朋友可以會鍾意呢個多啲。𝕻𝖔𝖒𝖊

愉景灣，一個會令你忘記你唔係香港嘅地方。唔知你最近一轉有無去旅行？我就無啦，不過嚟咗愉景灣，原來呢度有間土耳其餐廳，旅行感到底，一於試下土耳其菜，結果十分有驚喜😍估唔到咁多選擇，睇到眼花撩亂😆Mixed BBQ Plate 烤肉拼盤 （二人份），一上枱已經非常期待🤩，擺盤整齊，肉味極香。烤雞、羊同牛，香料夠但又唔會蓋過肉味。其實我係包控同澱粉質愛好者，不過想健康啲食少咗好多，但呢個拼盤嘅飯我係狂食，食咗大部分，唔係講香料加埋似炒米粉，完全唔濕，超級香，粒粒分明，凍咗仍然非常好食，係甜而香，好啱配肉😋連配菜都烤得出色，烤肉啖啖都好食，一上枱就快快食😝鋪係底嘅薄餅同平時食印度薄餅完全唔同，甜度高啲，口感有趣Minced Meat Pide 碎肉薄餅 ，呢款形狀嘅薄餅第一次見，碎肉唔係全香料，亦唔係媽媽嘅味道，皮非常簿，邊小小脆，食落別有一番風味😁（同隔離拼盤比較就知唔少嘢啦，我鍾意食尖尖位😁）Buraq special salad 特制沙律🥗，配料撈上佢嘅汁，顏色亦吸引，勁開胃Turkish tea 土耳其茶，佢似黑茶，聞落有淡淡檸檬味，飲落茶係淡味，但唔係檸茶，係滑身😌店員介紹係要加小小

放幾日假 想遠離市區 就揀左愉景灣 我哋喺欣澳站到搭巴士去車程大概10分鐘就到周圍都係俾海圍繞 好chill 好relax🌊見到有間土耳其餐廳我哋就入去食brunch應該係我嘅第一次食土耳其菜😬舖頭入邊得一個廚師同埋店員打理真係辛苦哂🤣餐廳座位坐得舒適 有日光照入嚟好舒服Mix bbq plate 💛💛💛💛💛 二人份量都超多啊！有羊肉 雞肉 牛肉串燒 我最鍾意羊架 好Juicy有兩件漢堡扒質感嘅肉 中間仲有個充滿土耳其風嘅飯佢唔係普通嘅飯咁簡單Mix左啲炒米粉 令到個飯好有鹹香配菜仲有隻好辣嘅辣椒，洋蔥同蕃茄我超鍾意食佢哋嘅薄餅將薄餅包住啲BBQ食 好正😆Spinach pide💛💛💛💛💛菠菜餡嘅焗麵包充滿牛油，蒜蓉味有好多件包包 用咗土耳其嘅餡料 我都唔知係咩嚟 不過又幾好食原來土耳其菜都好正🤤土耳其茶💛💛💛💛飲落比普洱濃少少個杯好精緻🤣Mango Ayran💛💛💛💛💛芒果味嘅酸奶類似係乳酪酸酸甜甜 好開胃

呢間土耳其餐廳係北廣場寵物店附近開左半年左右。試左羊肉串，烤魚配飯，漢堡，同埋果仁餅配雪糕。全部都好味（白飯好鬆軟），飲品試左土耳其茶同番石榴汁都okay. 地方好乾淨，侍應又有禮貌。仁得一試。

假日入愉景灣午餐，今日揀咗呢間土耳其菜，試咗菠菜PIZZA，炸豆泥丸沙律，羊肉串燒跟薯條，全部都好好味完全無揀錯餐廳，不過叫咗枝蘋果味嘅soda就有D藥水味……建議大家唔使試，環境比較親民唔係靚嗰種不過非常清潔乾淨而且價錢合理

雞肉漢堡和雞排沙拉套餐。很正宗的土耳其口味，味覺豐富，雞肉很Juicy。第一次漢堡跟薯條，因為要減肥，跟老闆要求更換成沙拉，非常棒！份量足夠飽、如果不夠可以跟薯條。值得推薦的還有碎肉pizza和土耳其餃子🥟，前菜土耳其酸奶⋯非常正宗的土耳其味道，份量足夠。很棒的嘗試，但位置和風景不算漂亮，在愉景灣北廣場酒店附近。