Burger Bus (Closed)

愉景新城真是小朋友的樂園，見到小朋友玩得開心，自己都開心一份！同契仔玩到無氣了，於是坐底食啲野，隔離就有間以巴士為題材的餐廳，入啦唔想搵日式咖哩漢堡配太陽蛋餐廳先係去買左飛先，之後坐底職員就會送餐黎，大約等左10分鐘就有了，賣相好美麗，但要小心熱，因為是石頭鍋上的。因為真的好熱，所以食得較慢，咖哩汁好多夠送飯，是小辛的咖哩，太陽蛋也煎得不錯，貪玩的我弄穿了蛋黃！漢堡厚身，肉多不hea，但較咸，漢堡是煎過的，好香口！$52不用加一，有冷氣嘆，不錯不錯，加$8可以有飲品/湯

今日跟同事去左愉景新城食lunch, 同事食過burger bus 想再食，咁就揀左burger bus 👻Burger bus 裝修都唔錯，都係圍繞巴士做主題，餐牌都好多選擇，但我一見到安格斯漢堡包就目不轉睛， 唔洗考慮，就揀佢做我午餐order 完就有人放餐過黎， 一落枱已經賣相已經好有誠意！漢堡包係焗過既，都幾鬆化，安格斯牛都好有牛肉味，仲有好厚既蕃茄，再加少少碎蛋，呵呵，一口係咬唔晒既，超正！薯格都好脆，唔太油，好食^^P.S. 見到隔離枱食照燒雞扒石頭飯都唔錯，下次去再試

近來多左中午時份在愉景新城，中午搵食時間，周圍望下就決定試下Bus burger。佢價錢好大眾化。午飯時間叫左個輕量brunch, 加埋飲品$34絶對值，餐廳環境舒適，而且食物份量同味道都唔錯👍🏻

家住荃灣，所以經常去愉景新城開餐，今次再去 Burger Bus 食午餐。照燒雞扒飯餐配熱咖啡 ($52)首先杯咖啡真的不喜歡，未試過飲這樣苦的咖啡，平常只會落一包糖，今次用了兩包都覺得苦，這杯咖啡真太苦！ 尚記得上次飲也沒有這感覺，不知是否換了咖啡豆。照燒雞扒石頭飯的雞扒煎得十分香，外皮脆而雞肉亦很腍， 白飯的口感很軟熟，只不過我不喜歡那些飯焦，總是藏在我的牙齒內，確是很麻煩的事。而照燒汁味道不過濃又不過杰，撈飯吃真的開胃。照燒雞扒番茄湯烏冬配牛油厚多士($39)，雞扒依然煎得十分香，但由於有番茄湯底，把原本香脆的外皮浸腍了，稍為失色。要讚的是烏冬，有口感，掛上番茄湯而帶有酸味，開胃又好味！牛油厚多士平平無奇，被冷落在一旁！卡真雞彼得包 ($38)，最喜愛它的醬汁，酸而辣，開胃醒神，一口接一口，總覺不夠。配料有香辣雞肉加生菜，份量對男生而言未必夠，女生就剛好！ 唯一不太喜歡那個pita飽有點硬且乾。Burger Bus由開業至今，加了很多不同菜式，吸引不同年齡層次的客人，也又最初冷清清到現在比較多人，希望它繼續努力，好讓愉景新城保持多樣化

環境黎講都算裝修得唔錯符合返個餐廳主題上面有d巴士裝飾睇下但d位就可惜太過迫坐得唔太舒服後面張椅一拉開d就撞到你…叫左個安格斯牛柳粒漢堡餐加杯凍檸茶70蚊（凍飲加8蚊）等左都好耐下可能多人大約都有半粒鐘到…個包一黎到個賣相都算唔錯既d料好足但咬落去個包有d硬身唔夠鬆軟同埋d牛柳粒唔係好夠淋…因為我細食既關係食左個包都夠晒飽d薯餅冇食到就唔評整體黎講份量好足，係d食物質素有好大既進步空間價錢黎講中規中距啦！！如果再貴d就唔值我個人覺得呢間野10分我比3分

今次嚟到burger bus搵食！愉景新城嘅餐廳普遍都貴嘅關係～burger bus係少數低價餐廳～見到burger同意粉應該不會太難食就試一下～雖然個餐牌有好多菜式～但原來佢會貼住個本日款式嚟表示當日有啲咩～咁餐牌嘅意義係⋯⋯？買完就拿個牌坐低OK～店員會幫忙捧餐～卡邦尼扁意粉 （$48）芝士味不足～白汁亦不夠～個底唔夠味～不過扁意粉彈力不錯～有咬口！兩片蒜蓉包好好味～夠脆又夠香～酥皮海鮮忌廉湯 （$28）好耐冇飲過酥皮湯喇！！呢度嘅酥皮都幾厚～一篤落去發現碗湯好熱的～不斷有蒸氣冒出～但係個忌廉湯比較杰～唔好飲⋯有點失望招牌安格斯牛肉漢堡包 ($62)肉味濃～但肉質偏硬～感覺煮過火一點～浪費咗塊牛⋯薯條係即炸的非常熱～不過份量較少片烤菠蘿有啲格格不入⋯⋯同埋明明叫佢將個burger切開先上菜～但都係原個上⋯感覺主菜都不太好食～只能勉強説合格～同埋冇供應嘅東西唔好出現喺餐牌好啲⋯

下午茶經過愉景俾餐廳既巴士造型吸引咗，過去望下餐牌估唔到除咗burger 外仲有好多選擇，焗薯，意式粉，竟然仲有石頭飯今次被佢個咖哩豬扒扁意粉吸引咗，48蚊凍飲加一價錢合理。即叫即炸，等咗唔夠10分鐘就有得食。用木盤裝住豬扒同cute 既碗裝住扁意，好可愛賣相好吸引豬扒炸得好脆好乾身，切開一啲啲油份都無，配上沙律醬，好好味咖哩扁意粉唔太辣，扁意粉煮得剛剛好，唔太硬又唔太軟，好味。有蘿蔔薯伴，顏色好靚，適合小朋友嚟食睇個碗好似份量好細咁，其實份量都算多，食到好飽飽下次會再嚟試其他菜式.

愉景新城早前裝條，完成後卻沒有再踏足，然而愉景新城亦甚少到過的商場。直到今日突發奇想，到愉景新城閒逛一陣，順道在附近的食店醫肚。原來原有的 foodcourt 沒有了，卻引進了不少新的餐廳。Burger Bus 是新進駐的漢堡包店，以巴士作主題，店內有不少雙層巴士，是巴士迷其中一個好去處。座迨面看來，亦有巴士車頭做裝飾，亦有餐牌在內。順道在收銀處拿起餐牌，看看看有甚麼好食，除了漢堡外，還有全日早餐，和其他套餐，不只是漢堡包。漢堡可加銀兩變成套餐，於是加了。不過要先在收銀處付款，之後就可拿著巴士 stand 返回座位，等待店員將食物送上。粟米忌廉湯是是日餐湯，湯頭較為稀疏，沒有稠結，有著粟米的的甜度，可惜的是熱度不足，只有暖暖的，不熱，因此影響了口感。咖哩芝士豬扒漢堡。咖哩用上了日式咖哩，因此沒有咖哩的辛辣度，微甜的口感。隋圓形的豚扒，有著柔靱的咬口，每一口都有咖哩的味道，唯獨芝士卻沒有突出的味道，相峙地較淡味，沒有濃郁的味道。熱奶茶雖有茶味，但是沒有那麼的香醇，味道較淡，更何況整杯奶茶根本不熱，是一杯攤凍了的凍奶茶。相對今次體驗，可有很大的進步空間，食物可以做得更好，只是環境上取了不少

星期日, D-park真係人多車多。特別多小朋友。所以係呢度, 搵到如Burger Bus呢類咁可愛既食肆, 絕對唔會覺得出奇。叫左個招牌漢堡肉質都OK既, 但一諗起樓上M記賣緊既價錢, 係呢度買一個, 樓上買3個....但又講返轉頭, 我FEEL到佢有心做, 而且服務亦唔會樓上可以比。所以公平D, 我都食得開心既。問我有無下次? 我諗諗先......

The place are good for kids, but the beef patty are tasteless and dry, the vegetable are ok, it's just the patty  .... I tried that signature burger but no next time... 

過開荃灣上堂... 之後特意去試下呢間burger...叫左一個$68 既set, 包熱飲...話就話製作需時...要10-15mins...但係我坐左一陣就有...一上檯...我以為自己睇錯...點知真係d醬多都係邊流晒出嚟...如果係芝士我會開心...塊芝士最後我發現係細過塊包...要拎開塊肉先見到...落咁多醬...只會搞到個包濕晒...果然如此...係拎唔到上手食ge...d醬多到塊肉會"跣"走...差...就咁切開食...塊肉都自己散開...又唔熱又無牛肉味...差...最唔開心係兩塊煙肉...唔好話炸脆...煎都無煎過...差...主打burger 既餐廳竟然如此質素!!!淨係等個裝修靚!!! 真係好失望!!! 仲要$68!!!唔會推介唔會encore!!! 完。

Discovery Park has been doing the renovation work for over a year. The transformation is almost completed. 90% of the shops and restaurants are in business while there are some shops ready to open soon. D-Park is very suitable for families with kids to visit. Not only there are shops for kid's clothing and toys, but also some restaurants with themes which will attract the kids. Today is Christmas' Eve and I chose Burger Bus for my lunch.Burger Bus is decorated with many models and pictures of bu

早前知道荃灣開了一家做叫Burger Bus的漢堡快餐店，拿，作為「咩都夠膽試一族」，當然要來這邊試一試啦。門外的設計相當用心，很精緻的啦。餐廳內的設計亦別有用心，除了看到很多跟巴士有日關的擺設外，我感覺到自己身處在巴士車箱當中似的。快餐的特色就是要自己先行購票，之後才坐下等待食物的到來。這個餐號牌也是巴士來的，感覺很貼題的說。煙三文魚蛋沙律捲餅 ($48)這個捲餅的煙三文魚跟蛋沙律也蠻多的啦。但.....總覺得兩者不能放在同一道中間...這個...煙三文魚的鹹香跟蛋沙律的甜，總好像有點格格不入的。嗯，請大家不要誤會，這是我個人的接受能力問題吧，絕不是食物水準的問題。另外，捲餅烤得香香的，還帶點脆，這點的確是讚的啦~=3=香脆三重芝士格格薯 ($32)芝士配薯格這個故然是最佳組合啦。薯格香脆無比，加上因遇熱而溶化的芝士，整個味感跟口感就是在高高的水平之上。唯...芝士不夠喔....我們很快就把沾有芝士的薯格KO了，剩下的是沒有任何芝士在上面的薯格..幸好薯格本身炸得乾身香脆啦~!!招牌雙重牛肉漢堡 ($88)個人來說，漢堡就不應該是分開呈到食客面前的，因為漢堡應該是「包、食材、包」這樣

經過見到就食啦！朋友要三重芝士熱狗！芝士好多，芝味好夠！仲叫左個三重芝士薯格，味道完全一樣！我貪心要左舊好多芝士既，咸到爆😂😂😂個餐揀左湯，+8蚊就可以要酥皮啦！不過😅😅😅😅唔太酥皮！碎蛋沙律焗薯，可以揀甜薯/焗薯😍😍😍😍好貼心焗薯唔會太熱熱到沙律到溶😚😚

成間野人影都唔多隻。以巴士做主打，餐牌都有架巴士，係吸引到小朋友，但要等15-20分鐘，諗住好食啦.....先講點餐,62蚊有個餐(見相), 著條得幾條，加野飲要單點加22，傻的嗎飯漢堡著條冇汽水飲.扣分點知原來間野無乜人，無乜生意~所以D 野勁唔新鮮.菜,又老又唔新鮮蕃茄，唔甜塊牛勁大陣雪藏味,差過M記足三兩果塊