漢堡王 (Closed)

因為想食burger所以來了burger king要左芝士華堡餐, 將薯條轉左做onion ring先講個包, 牛肉好juicy可能我少食burger, 所以食到都幾呢hea-_-洋蔥圈凍左, 呢個稍為失色杯可樂好飲, at least有氣唔係糖水好過m記$$都算大眾化, 會再食過~要彈既係條樓梯斜左D-_-捧住個盤睇得唔清楚好易一仆一碌+成個餐散晒各位食家要睇路呀同埋WAITERS態度好好, 把聲好NICE, 抵讚!

同事經常推介小華堡話好好味,點知食過後好失望.包己經唔好食,汁又少.牛肉又無牛肉應有的味道.加了1元改了洋蔥圈(中),洋蔥似磨了再去炸,我不喜歡,還有實在太甜.再加了3元換香辣雞膇,雖然雞膇說是香辣只是一點辣味也沒有呢喎!雞脾肉好滑,正.甜品買了雪糕新地(士多啤利),醬好少,雪糕好快溶變水,還要9元杯絕對不值燒烤雞腿堡餐($35),雞腿堡比小華堡好味好多.雞用上好多烤汁,唔會乾爭爭,幾好味道.脆薯條(中),薯條用上厚切,好脆口,正呀總括來說我覺得這間的包麻麻地,未必會再黎了

放工唔知食乜, 同事話burger king掂, 就同FD去左burger king, 又近地鐵我同個FD 都係第一次食, 我食華堡餐, 佢食咩磨菇咩包(forgot)...一個要薯條一個要洋蔥圈仲加左盒做緊promotion 的雞塊我同個FD 食左一陣, 異口同聲大叫 " 回水啊 ! " " KEEP 住收據問 _(同事)_ 攞返錢啊! "相片與實物和M記一樣, 完全兩回事...差又唔係差, 唉, 好又唔係好, 好M記少少咁多囉 ( 但係貴過M記喎 )個雞塊好食過麥樂雞...但係呢間野睇落又唔似咁差丫, 唉, 今次食完唔知仲有冇下次都係去返MOS BURGER 好過

身邊有一個很愛吃Burger King的朋友最近,總聽到他說Burger King.也總是磨菇芝士漢堡今天的下午,確實想不到想吃什麼,就用想著你的心情去一試這個漢保包有多美味點了一個餐,除了漢堡包外,還有洋蔥圈及飲品.還有一位請我食的朋友,哈哈. 謝謝你呀!磨菇和漢堡扒都很有質素,特別欣賞磨菇! 現在在寫的時候,我也在回味著這個簡單而又美味的午餐呢!還有,在吃的時候,感覺我並不在銅鑼灣;而是在外國

Burger King開左咁多間分店，我今晚都要專登去食返次。以前已經係Burger King fans，佢消失時我勁失落，只可以去旅行到機場食佢的早餐，而家終於可以懷緬下至愛的芝士蘑菇堡，塊芝士好軟滑好香，添合蘑菇汁好好味，蘑菇又好甜，嗰種感覺返黎喇！而我bf食嘅whopper，好大個包喎，下次我要好肚餓時先食得晒。至於個洋蔥圈，脆卜卜咁，一d都唔淋，好想食多包添！可以食返Burger King真係好喇，唔駛下下剩係可以去M記啦！

因為我買果時已經係夜晚 10 點，唔想食咁多肉，俾我揀左個小華堡，例牌走醬，睇相唔係太吸引，試過至知 ... 麵包鬆軟，禁落去好快就上番黎 ... 紅色醬似少少辣 o既茄汁，至於牛肉唔算 juicy，但有牛味，2 塊蕃茄切得厚，有 2 大塊波浪青瓜，都好美味架 ... 女仔黎講都夠皮有特

今日同朋友經過銅鑼灣...嘩~竟然見到間Burger King二話不說就捉埋個朋友仔一齊走左入去喇...門口有個好cute既女仔遞餐牌俾我地睇...入面d服務員又好有禮貌同我地打招呼~~~明顯同其他快餐店唔同囉~好有活力同氣紛...我就叫左華堡餐~朋友就叫左個bbq煙肉堡...轉檸檬茶竟然又唔駛加$~~~正唔似得m記咁cheap咩都加$囉~服務員同我地講加1蚊雞可以將薯條轉做onion ring~哈就佢話事~轉一個喇~等餐既時候又有個靚女姐姐好nice咁同我地傾下計,講下野~不過食野要上1樓真係好唔放便~條樓梯又長又轉埋彎下~其實個華堡都幾大個...我諗住拎把刀切開佢~點知有個manager好friendly咁同我講~~~不如我地幫你切喇~我估唔到個華堡切完一半個樣都仲可以咁ok睇得生菜好新鮮,層次好整齊~睇得出係用心製作朋友個包都ok睇得下~d煙肉排得幾整齊,d醬岩岩好~唔太膩食到一半~有個經理同我講~bbq煙肉有推廣~加5蚊就食到原價9蚊既雪糕...其實好飽~不過又好想食~卒之~都係要埋個雪糕~哈我叫左原味...佢地d雪糕真係好似牛奶公司d雪糕~好有奶味同香味~唔似得m記得個平字~

有機會路過此地吃個早餐﹗店鋪分上下兩層，下層收錢點東西，上層就係堂食座位﹗第一次試呢度既早餐，要了一個漢堡扒蛋包早餐﹔工友就點左個火腿蛋包餐﹗套餐包野飲同埋一包炸薯粒，炸薯粒是麥記薯餅的輕巧版，味道完全一樣，不過佢就細細粒夠香脆亦容易食，一大包有成十幾廿粒，唔好睇少，份量幾多的，小心吃完已飽肚﹗漢堡包個包皮是牛角包造型的麵包，吃落質感軟熟，漢堡扒肉汁挺多亦惹味﹔蛋煎得夠厚身，我鍾意佢不是麥記的小太陽蛋而是炒蛋，再加上已溶掉的芝士，整體味道配合得不錯﹗要彈就係件扒濃味左少少，不過初嚐感覺亦正面﹗加埋杯即磨咖啡，滿意的一餐﹗

之前聽兩個朋友講過話呢間嘢唔掂,但我仍然想試吓, 唔親身試過點知係咪真係咁差?!5月7日已經試過佢既早餐, 但冇影相, 所以唔特登寫多個食評喇!其實已經覺得唔多掂, 個早餐成 $25, 有一個芝士煙肉奄列包, 一個薯粒, 同埋要咗杯靚啲既熱啡,個包細到... 得麥記魚柳包三分一左右, 味道極度普通, 唔覺得 juicy!薯粒同麥記薯餅冇分別! 最離譜係杯熱啡, 雖然職員已講咗杯靚啲既熱啡得半杯, 但其實只係三分一杯外賣熱飲咁大杯囉! 嘩! 真係一啖就飲晒! 仲要好普通咋喎!食完幾個鐘之後我仲肚餓, 但又唔多肯定同佢有關既...好啦! 我決定再畀多次機會試吓佢既晚餐,首先服務已經有啲問題, 我都唔明點解遲過我兩個人買嘢既客可以仲快過我拎食物走囉!我只係叫咗個煙肉漢寶餐加一杯朱古力雪糕飲熱奶茶啫! 冇咩特別架喎!!跟住佢哋仲要搞鬼到一開波就整定杯雪糕畀我先,嘩! 大佬呀! 你又要執嘢畀我執得慢, 又要一早整定杯雪糕喺度等, 乜都溶啦!!我梗係要求佢再整過杯畀我啦!跟住拎到返屋企開啲嘢嚟食, 杯朱古力雪糕就得個甜字, 冇乜朱古力味,個包.... 嘩! 勁失望, 細到離晒譜!! 計晒畀佢成個包

眼見Burger King在這一年內以不知不覺地在港開了12間分店﹐而全部地區也是人流多的位置。以往港人食漢堡包只有M一個選擇﹐但現在以有很多漢堡連鎖店在港發展。 是晚因怕薯條的熱氣﹐所以只叫了芝士磨菇雙層漢堡飽﹐沒有跟餐。芝士磨菇雙層漢堡 $27 - 沒有在其他BK店所留下的食評說得那麼乾。反而當打開張紙時﹐發覺有很多磨姑汁﹐什置把包底都弄到有點兒濕濕。芝士被熱熱的牛肉融化﹐大量地從周圍溜出﹐啱晒喜歡芝士的本人。因有很多汁的關係﹐所以每啖都充滿肉汁﹐味道很好。味道雖是不錯﹐但因有大量磨菇汁和大量芝士﹐所以令賣相有點兒難看。