Burger Shot

Open Now

Now Closed

今日去開牛頭角見到有間好特別嘅工業風裝修風格嘅餐廳，於是就入去試下～一入到去成間餐廳都好多人，喺外面完全估唔到！呢度用qr code落單，店員亦都好有禮貌解釋落單流程畀我哋聽～我哋叫咗個二人餐，有雙層手打牛肉芝士漢堡、安格斯牛肉芝士漢堡，我哋兩份都揀咗牛肉七成熟，咬出嚟超有肉汁！亦都相當豐富！係成個包基本上一啖都咬唔曬呀！每個漢堡都係新鮮整，包亦都好新鮮好軟熟，畀其他漢堡店更加特別嘅地方就係，佢哋個漢堡包面會煎一煎，所以有啲脆脆crunchy感～小食我哋叫咗炸大薯條，食落熱啦啦，仲有好多醬揀，我哋就揀咗黑松露醬，大份到我哋兩個人其實都食唔曬！另一個小食我哋就揀咗咋洋蔥圈，配千島醬，洋蔥圈都幾好食，新鮮炸真係好脆呀！飲品方面呢呢個都幾特別，有時食咗熱氣嘢會想飲涼茶，呢度嘅飲品竟然仲有有氣涼茶，我哋叫咗有氣嘅竹蔗茅根同埋有氣嘅羅漢果茶，仲要係香港製造，支持呀！

Burger Shot 地址: 牛頭角定業街2A號地舖電話: =====================為何burger 一直被人視為fast food?但把burger 分層拆開成麵包、生菜、蕃茄，芝士及肉patty 就變成健康？我真的不懂啦，但只要是美味可口，食完再做運動抵消吧雙層手打牛burger 雙層牛肉patty 大大個好大個，7成熟中間粉紅嫩嫩，另外有洋蔥生菜，非常滋味。$58 烤汁手撕雞洋蔥hotdog , 熱狗大大條，配上甜香手撕豬肉絲在面層，張開大大口吃。炸雞蒜香雜菌芝士漢堡，雞好多汁大大塊雞肉，好嫩滑呀，好食！試了個蕃茄濃湯#keto#lchf #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

如果係呢頭搵餐廳想食burger，搵依間試下未嘗不可。安格斯牛肉芝士漢堡（朋友食，我咬咗一啖）牛肉好咬唔乾身，再加埋芝士、生菜同充足嘅醫料，應該每一啖都好好味。烤汁手撕豬蒜爆漢堡豬肉好大塊！唔算太濃蒜味～粟米杯都係係唔錯嘅小食，甜甜地正正常常。仲有蕃茄湯，熱辣辣咁，好多蕃茄蓉，幾好飲。薯條食漢堡點可以冇薯條！佢有幾款醬揀，我今次食配埋蜜糖芥末醬/黑松露醬都幾夾！整體而言都係幾足料、幾值得一試嘅晚餐！我仲好鍾意佢哋播嘅歌唯獨是覺得堂食唔太多位同埋環境有啲黑暗，可能都幾多人係外賣為主⋯P.S. 星期日去食，由於店員話外賣接左好多單，堂食要等十五分鐘，好彩果然真係等得十五分鐘，事先單聲嘅做法非常可取最怕等得耐又唔知等到幾時呢。

隱世漢堡包，係街坊先知道呢個小社區裏面先有呢個漢堡包店有時經過佢門口都會想食，所以上OpenRice search吓佢咩料，見到佢唔止有漢堡包，仲有熱狗同意粉因為朋友唔鍾意食漢堡包嘅關係，佢就嗌咗個熱狗我哋嗌咗個二人餐，都幾抵霸氣雙層安格斯芝士漢堡呢個包超大個超多汁，佢煮得個牛生熟啱啱好，完全冇諗過佢1塊牛已經好厚辣辣雞肉芝士熱狗朋友誇張或食到童年回憶，佢話佢辣個醬汁唔算好辣，但係又味道啱啱好熱狗有雞肉仲有腸仔加芝士大薯條小食蘑菇派對蘑菇又係超誇張，勁大兜嘢飲我哋嗌咗個無糖可樂同白桃爆爆（初初以為呢款飲品要加錢，原來都唔使加，勁抵）佢所有嘢都係啱啱整起，熱食一流

最近試咗一間牛頭角的隱世漢堡店 🐾佢特色在於burger係用手打牛肉同埋餐廳提供八款醬料for 薯條🍟😜😜包括有茄汁、甜酸沙律、蜜糖芥辣、日式芥辣、辣辣白醬、黑松露、芫荽白醬、千島醬選擇多元化💖朋友叫咗✨雙層手打牛肉芝士漢堡（$88）漢堡的牛肉餡料真係好Juicy✨✨手打的質感令人滿意包超級軟熟 有牛油香🥯芝士融化後真係好好食 同漢堡好夾~~另外我就試咗✨他他吉列魚柳芝士漢堡（$68）魚柳外脆內嫩 味道都好香吓搭配芝士更加提升了口感 蕃茄同洋蔥增加口感✨粗薯條配上黑松露醬汁 味道獨特口感偏乾同埋好脆蜜糖芥末醬汁甜甜地都幾易入口!!黑松露醬汁帶有濃郁嘅感覺✨牛油粟米🌽+加入牛油同埋香草 香草味好濃郁份量都好多下!! 邪惡感十足😈無糖可樂（$12）+ 草莓爆爆（$22）甜甜的草莓味道soda非常fresh ~~~ 任何時段漢堡加飲品送薯條或粟米架配上薯條或粟米的優惠，真係超值！有機會都會泥再幫襯，支持一下小店 🐾

位於牛頭角的漢堡店，地點位於身處樓梯的下方、惠康超市旁，即點即做，有室內室外的座位。由於堂食也是外賣包裝，若臨時趕時間、吃不完，也可以轉軚拎走。 先點了二人套餐，包二款漢堡/意粉+1主食+1份大薯條+2杯飲品。我哋選了滿肉煙煙牛牛芝士漢堡及霸氣雙層安格斯芝士漢堡。二款漢堡都是雙層牛肉，安格斯牛肉質素高，這不在話下，二者相比，我更愛滿肉煙煙牛牛芝士包，佢的醬汁滿滿，而且煙肉有先煙薰過才放入包內，特別香口，及令整個包昇華。包亦有牛油🧈 非常香滑主食選了魷魚及洋蔥圈，炸粉少，食材新鮮亦足料，二款都非常滿意粗身薯條也大份，夠3人份量👍飲品即點了二款爆珠飲品，配burger 一流

個friend話想食漢堡，見到公司附近有間評價唔錯，就去咗試新嘢。舖頭名叫做Burger shot。見其他人都係推介burger，咁我哋就嗌咗個burger，仲嗌咗一個意粉同埋幾個小食。burger個名叫做霸氣雙層安格斯芝士漢堡，見到個外型就知幾有霸氣。成個burger大過隻手掌，大到唔知點咬。漢堡扒夠晒Juicy，咬落去啖啖肉汁，滴到成隻手都係。同埋佢個醬都好滋味，好有層次感。之後黎咗第二個主食係明太子溫泉蛋雞肉意粉。個意粉做得幾好，啲韌度啱啱好，同埋佢啲醬汁唔咸同好入味。我哋將個溫泉蛋撈埋落個意粉度，層次提升哂。意粉入邊啲雞肉唔會太柴，應該係雞髀肉咁上下，啱晒食肉獸朋友。另外有三個小食係洋蔥圈腸仔同埋炸雞。最鍾意個炸雞，炸嘅時間啱啱好，外脆內軟，又冇雪味，正。腸仔都好Juicy，不錯。洋蔥圈食落口唔會太油，幾好食。最緊要最緊要，食小食記得點醬，幾鍾意嗰個辣辣白醬。蜜糖芥辣都唔錯。嘢飲方面，店員介紹咗個有汽涼茶，味道清新，消暑解渴，仲可以清熱氣添。

位於牛頭角既「Burger Shot✨」，主打手工漢堡，另外仲有意粉及不同小食，款式多樣化又好味，而且外賣自取仲有七折，非常抵食。佢哋嘅手工漢堡非常好味,必食佢哋嘅「霸氣双層安格斯芝士漢堡」🍔,兩塊厚厚嘅牛肉餅,配埋濃郁嘅芝士,超級滿足!加埋特製嘅醬汁,簡直回味無窮。另外,「千島脆脆蝦漢堡」🍔同樣係佢哋嘅招牌之一。炸蝦夠脆多汁,非常好味。意粉方面,佢哋嘅「明太子温泉蛋雞肉扁意粉」🍝非常不錯,嫩滑嘅水波蛋加埋咸香嘅明太子醬,真係好好味!

今日嚟咗試呢間位於牛頭角嘅burger店 我同朋友就揀咗個2人餐 可以自選2款漢堡/意粉/ 熱狗 1款小食 大薯條同2款飲品 感覺性價比幾高安格斯牛肉芝士漢堡 (走蕃茄)麵包好鬆軟 安格斯牛肉厚身得嚟仲好juicy keep到肉汁食落唔會乾爭爭 配埋洋蔥 芝士同生菜 增添咗個層次感烤汁手撕豬蒜爆漢堡手撕豬啖啖肉 燒烤汁食落就甜甜地 入面有炒洋蔥而且完全吸收晒醬汁嘅味道 仲有d炸蒜同生菜係入面炸粗薯條薯條份量好多 仲有成8款醬汁可以揀 最後我地就揀咗甜酸沙律 蜜糖芥辣 黑松露同千島醬 呢度嘅醬汁比起外面食嘅杰身 最鍾意係黑松露醬 味道好濃郁炸魷魚鬚魷魚鬚炸到好酥脆 面頭灑上咗紫菜粉 唔洗點醬都已經好夠味飲品方面叫咗芒果同荔枝爆爆 梳打水混合埋爆爆珠 飲落好清爽!

好耐冇食burger，今日特登同朋友嚟間mark低左好耐嘅burger店試下，雖然位置比較偏僻，但裝修一啲都唔馬虎，工業式設計令整間burger店更顯格調，絕對稱得上隱世。今日天氣熱，所以我地入左室內坐，下次天氣涼啲坐室外應該都幾寫意。我哋嗌左一個霸氣雙層安格斯芝士漢堡（$118）同埋一個滿肉煙煙牛牛芝士漢堡（$108）再加左兩盒脆炸雞塊小食（$38x2）同埋可樂先講霸氣雙層安格斯芝士漢堡，我哋都比佢份量嚇親，兩塊超大超厚嘅安格斯都係手打，而且即叫即煎，咬落非常juicy，啖啖肉汁。醬汁同芝士都非常夾，唔會覺得好膩。而滿肉煙煙牛牛芝士漢堡都充滿驚喜，牛肉同樣爆肉汁，而煙肉配合牛肉令口感更豐富，非常之香。脆炸雞塊都係即叫即炸，嚟到係熱辣辣㗎。值得一讚係佢地嘅自家製醬汁，有8種醬供選擇，每樣都好獨特，唔係平時出面會見到嘅。我哋今次就試左辣辣白醬同埋蜜糖芥辣，個人比較鍾意辣辣白醬，辣味加上炸雞更衝擊味蕾，而蜜糖芥辣甜甜辣辣亦都好特別，令我忍唔住一食再食。

觀塘出咗名多小店，今次嚟到近牛頭角嘅呢間隱世漢堡包店Burger shot二人餐$248呢個二人餐包咗兩款漢堡包、一款小食、一份大薯條同埋兩款飲品好抵食😋-安格斯牛肉芝士漢堡漢堡扒超大塊，超級厚，煎得好香而且好juicy，一咬落去啲汁咇晒出嚟，包嘅部份好軟腍，搭配芝士同其他醬汁，成個口感同味道都超正-千島脆脆哈蝦蝦漢堡炸蝦即叫即炸，外表金黃酥脆，咬落去口感好彈牙，配埋千島醬中和返炸蝦嘅油膩，成個組合冇得輸-炸魷魚鬚份量好多，同平時食開嘅炸魷魚鬚唔同，呢度嘅會喺面頭灑上紫菜碎，令成個味道更加香口-大薯條份量超級多，我哋最後係食唔晒嘅😭😭薯條新鮮炸起，上枱嘅時候熱辣辣，口感外脆內軟，另外仲可以自己揀兩款醬汁，我哋揀咗黑松露同蜜糖芥末，黑松露味好濃郁，蜜糖芥末就比較清新可以refresh下

位於牛頭角嘅漢堡包店，第一次試覺得好高質👍 餐廳有堂外堂內位置，坐得舒適～依家有外賣🥡7折優惠，非常抵食！🍔炸雞蒜香野菌芝士漢堡好豐富😍😍 酥脆多汁的炸雞腿肉、鮮嫩多汁的野菌、醇香濃郁的芝士加上香濃的蒜味，好有驚喜😆😆😆 層次豐富，好正😋🌭烤汁手撕豬洋蔥熱狗有驚喜！味道鹹香惹味🔥 軟嫩多汁的手撕豬肉和脆爽的洋蔥，搭配香濃的烤汁，鋪滿在爽口香腸加軟腍麵包，好好味😋🍝煙肉洋蒽溫泉蛋意粉融合了醇香煙肉、甜脆洋蔥和溫泉蛋的意大利面料理，香濃美味😋

觀塘區都算係有好多burger鋪嘅地方，我諗呢間店最大嘅特色就係爆多醬！作為重口味人覺得賺左，我地2個人叫左個二人餐，老闆好霸氣咁問我地想要咩醬，好似想我地試曬咁多款咁😂 最後只揀左最基本嘅3款，茄汁、蜜糖芥末同千島醬炸薯條份量好多，醬汁食落感覺唔係來貨嘢，3款都屬於比較厚身，食落都有食緊芝士嘅感覺，非常濃厚，就算每一啖都撩啖醬黎食都食唔曬！真係要多人黎食先好叫咁多款醬安格斯牛肉芝士漢堡漢堡好大份，牛肉食落係手工製嘅質感，厚度分佈有啲唔平均😂 外層煎得好香口，裡面又會做到好juicy咁，食落唔乾，唔會吸曬啲口水芝士同大量嘅醬汁都令成個包更加重口味，食得burger想要嘅就係呢種邪惡口味！脆炸雞塊本身以為會係雞肉打碎再搓成一舊嘅雞塊，原來係類似炸雞扒再切細嘅雞塊，雖然有少少油，但炸得好脆口，雞肉都好嫩滑！

牛頭角的Burger Shot提供了一些別具特色的漢堡和薯條，今天就趁去做運動前品嘗一下。雙層煙肉雜菌芝士漢堡是煙燻肉香與濃郁芝士的美妙組合。厚實多汁的煙肉，再加上濃郁的融化芝士，搭配沙律醬和新鮮的蔬菜，整個漢堡層次豐富，色彩鮮艷。咬下第一口，煙肉的濃郁香氣立即在口中綻放。融化的芝士為整個漢堡增添了絲滑綿密的口感。雜菌和蔬菜的清脆清新則為這個濃郁的漢堡提供了餘韻，平衡了整體的風味。薯條配黑松露醬薯條外酥內軟，蘸上香濃醇厚的黑松露醬，立刻給人一種奢華的感覺。醬料的香氣足以蓋過薯條本身的油鹹，吃下去唇齒留香，回味無窮。青蘋爆爆是一款清新爽口的碳酸飲料，以清淡的梳打水配合甜度十足的青蘋爆珠，讓整體口感層次豐富，回味無窮。

Burger Shot位置有少少偏僻，介乎九龍灣站同牛頭角中間，今日打波既籃球場剛好係餐廳附近，餐廳設有室內同室外座位，空間寬敞。我哋叫咗一個二人餐，包括兩個漢堡/意粉/熱狗，一款小食，大薯條同兩杯飲品，價錢唔駛$250。- 雙層手打牛肉芝士漢堡漢堡扒肉汁非常豐富，外皮焦脆，肉質軟滑，麵包好鬆軟而且輕輕烘過，加上生菜、蕃茄同芝士，味道豐富。- 烤汁手撕豬洋蔥熱狗熱狗上面鋪滿焦糖化洋蔥同手撕豬，醬汁酸酸甜甜幾開胃。- 大薯條薯條份量非常多，而且即叫即炸，另外附送醬汁，餐廳有八款醬汁，包括茄汁、甜酸沙律醬、蜜糖芥辣、日式芥辣、辣辣白醬、黑松露醬、芫茜白醬同千島醬。- 脆炸雞塊其實係炸雞扒，不過將佢切開一件件😂。外皮炸到好脆而且好juicy，小食同樣附送醬汁，今次揀左黑松露醬，dip 一dip更加惹味😍