Burger Shot

Open Now

Now Closed

今天朋友說想吃burger 店，於是我們便來了這間餐廳吃晚餐。見價錢都幾親民。手打牛肉芝士漢堡：手打牛肉漢堡的牛肉餡料選用新鮮的牛絞肉，肉質鮮嫩多汁，口感更加豐富。手工製作的肉餅能夠更好地鎖住肉汁，相較於機器製作的，味道會更有層次感。在咬下去的瞬間，融化的芝士流出來的感覺讓人欲罷不能。生菜、番茄、洋蔥等新鮮的蔬菜也增加口感的清爽感，平衡肉類的油膩感，也提升整體的健康度。安格斯牛肉芝士漢堡：安格斯牛肉以其鮮嫩多汁著稱，漢堡餅的牛肉部分用高品質的安格斯牛肉製作，肌肉纖維細膩，肉質鮮美，帶有豐富的肉汁，吃起來口感十分滿足。芝士與熱騰騰的牛肉相互融合，增添了風味，使每一口都充滿乳香，平衡了牛肉的濃郁。配料如生菜、番茄片、洋蔥等增添了漢堡的層次感，既有脆口的口感，也有清新的風味。炸粗薯條🍟：脆卜卜，幾正。脆炸雞塊：雞肉好香口，炸得幾正。粟米🌽濃湯：甜甜地又幾好飲。烏龍茶：幾有茶香，不錯。

牛頭角Burger Shot小店位置在牛頭角，設計簡約，有室內及室外座位，充滿悠閒既氛圍。餐牌有招牌手打漢堡、熱狗、扁意粉及小食提供；飲品有湯、咖啡、汽水、爆爆。安格斯牛肉芝士漢堡： 安格斯牛既肉質特別軟嫩，牛肉味突出，非常juicy，配上軟綿綿既麵包、芝士、番茄、洋葱等配菜，係經典不敗既味道。煙肉千層芝士熱狗：熱狗包烘得鬆軟，包住皮脆肉嫩既熱狗腸，醬料多到流晒出嚟，份量十足，令人無法抗拒。炸粗薯條：粗薯條即叫即炸，散發著誘人魅力，仲有8款醬汁可供選擇，胃口大開。蒜蓉包粒：切成小塊既蒜蓉包，一啖一口，蒜香味濃，非常惹味。吉列炸蝦：蝦肉彈牙鮮甜，炸到金黃鬆脆既外層，超吸引。爆爆：加左唔同果汁味既爆珠，配上梳打水，喝後很冰涼。總結，小店食物出色美味，價錢合理，值得支持。

牛頭角有間隱世漢堡包店Burger Shot，遠離繁華既觀塘鬧市，在這裡可以暫時放低忙碌，享受瞬間寧靜和美食。蕃茄濃湯：啖啖蕃茄香氣，味道濃稠。粟米濃湯：打得綿蜜，真材實料，能吃到粟米蓉。炸粗薯條：粗薯條炸到金黃色，酥脆可口，配上日式芥辣醬汁，帶來刺激口感。脆炸雞塊：炸得外脆內嫩，每一口都充滿雞肉既香氣，令人回味無窮。炸魷魚鬚：香脆鬆化，好食到唔停得口。霸氣雙層安格斯芝士漢堡：牛肉厚度十足，仲要打孖上，認真超有霸氣，一口咬下去，牛既肉汁在嘴裡面慢慢散開，牛味濃郁，肉質細嫩，配上邪惡既芝士、洋蔥、蕃茄、生菜，滋味滿分。他他吉列魚柳芝士漢堡：魚柳炸得香脆，魚肉鮮嫩，食落啖啖肉，配上酸酸甜甜既他他醬，非常搭配。芒果+藍莓爆爆：梳打既氣泡和爆珠既甜蜜口感，互相融合，清新爽口。總結，食物令人喜出望外，性價比高。

星期日去左牛頭角一間新開既小店食漢堡。店鋪座位雖然唔多, 但可以坐室內或室外, 室內還有開放式廚房, 可以睇住廚師整食物既過程。我哋叫左安格斯牛肉漢堡, 佢既牛肉漢堡扒係自家手打，牛肉味濃咬落去好juicy, 配上蕃茄, 洋蔥, 芝士和生菜, 十分美味。每款小食都可以配搭唔同醬汁, 薯條炸得香脆, 配合黑松露醬, 味道好夾。魷魚鬚炸得酥脆, 配合蜜糖芥末醬, 食落好惹味。最後我哋叫左店鋪自家製既青蘋爆爆和芒果爆爆特飲, 爆爆珠加梳打水, 清新解渴。對比連鎖或大集團既快餐店, 我更加喜歡這些小店, 可以睇到老闆用心製作。

外賣自取全單有七折，覺得都算抵食就叫兩個外賣漢堡返屋企食新餐廳，全部都未試過見到有推介1同推介2，就各叫一個1）雙層手打牛肉芝士漢堡牛肉有咬感， 咬落有肉汁 ，食得出係手打真係有兩層肉肉汁配埋芝士好邪惡但係好好食裏面有塊蕃茄好新鮮烤汁手撕豬蒜爆漢堡烤汁味道偏甜， 手撕豬完全吸曬烤汁味道同平時嗰啲漢堡扒有好大好大分別， 呢個好食好多配料仲有些洋蔥，有陣陣洋蔥的甜味加了一份小食炸魷魚鬚配了芫茜白醬魷魚鬚炸醬有少少紫菜味，配埋芫茜白醬好惹味等外賣期間喺舖頭望返出去，感覺都幾chill幾有趣餐廳內外都有 好chill的外國風環境整齊乾淨

Burger Shot牛頭角定業街2A號地舖一個唔顯眼嘅地方嘅街角位一間專門研究burger嘅小店雖然地方唔係好大 不過食物款式都唔少好多醬汁選擇 黑松露醬汁 日式芥辣醬 蜜糖芥末醬等等QR code落單，自己選擇口味要求 因為一個漢堡有好多細節位 所以一定要有得揀特別調製少醬•走芝士🧀 一向係我style😆小食脆炸雞塊 吉列炸蝦好味👍🏻2人餐。 $258期間限定：芫茜魚柳漢堡烤汁手撕豬蒜爆漢堡 配 炸大薯條 及一款小食 炸魷魚芫荽多到超誇張 係我見過最多芫荽嘅漢堡芫荽恐懼症嘅人會好驚 但我好鍾意芫荽多到遮住晒魚柳 一打開嚇親博物館手撕豬都幾Juicy 睇落去算好大份 食落去勁飽

隱世小店用心製作的漢堡包🍔跟醬汁都認真值得一讚！小店店長誠意推介，漢堡王的我，點了最受歡迎的頭2位跟期間限定的芫荽漢堡🍔雙層手打牛肉芝士漢堡🐮Home Made Double Beef 🥩 Burger $88 番茄🍅，生菜🥬洋蔥🧅均非常新鮮多汁漢堡肉預設七成熟，夠嫩口不會太鞋，預設茄汁🥫略顯普通，反而讓牛肉顯出工架🍔烤汁手撕豬蒜爆漢堡🐷 BBQ 🍖 Pulled Pork Garic Burger $68超抵食。超好食😋手撕豬入口啖啖肉，加上焦糖洋蔥的甜味，炸蒜粒🧄超惹味！期間限定🍔莞茜魚柳漢堡$98🐟芫荽份量超級多！魚柳有醃過入口帶鹹香，加上芫荽白汁提味，正點🤩🫙自家製醬汁 Dip 🫙薯條或小食附送1個必試‼️ 必試‼️ 必試‼️薯條只是配菜，自製醬汁才是主菜❗️全部自家製、入口超順滑，觸動每個味蕾超濃味黑松露 Black Truffle辣辣白醬Chili Mayo開胃之選甜酸沙律 Sweet and Sour蜜糖芥辣 Honey Mustard特殊風味日式芥辣 Wasabi Mayaant芫茜白醬 Parsley MayoBurger Shot (牛頭角)牛頭角定業街2A號地舖

朋友介紹黎食呢間burger，話性價比好高，就趁今晚過開黎就去食下。餐廳係開放式廚房，但係好在冇咩油煙味。佢除咗Burger ，仲有小食，意粉同熱狗，佢嘅小食醬汁選擇都好多。雙層手打牛肉芝士漢堡食落有肉汁，唔會乾，配搭茄汁醬，幾開胃。安格斯牛肉芝士漢堡牛肉味幾濃，做到五成熟我中意個包好軟熟，個醬汁都幾夾。佢叫漢堡，意粉，或者熱狗加嘢飲就會送個薯條。個薯條份量好多，仲要係粗薯條。醬汁方面，個人推介蜜糖芥末，點完冇咁油膩，另外辣辣白醬，呢個係出面未見過，辣辣哋，好惹味。再叫左個炸魷魚鬚，幾好食，可惜份量比較少。飲品叫左白桃爆爆同芒果爆爆，係將梳打水倒入啲有爆珠的糖水入面，職員好細心提醒要小心慢慢搞拌，唔係好啲氣爆返上黎會整瀉。

今天去了牛頭角一間隱世Burger小鋪叫Burger Shot, 主打漢堡，決定一試🤗雙層手打牛肉芝士漢堡🐮🍔$88兩層手工製作的牛肉漢堡排堆疊在一起，並加入芝士、生菜、番茄、醬汁等配料，口感豐富😍安格斯牛肉芝士漢堡🐮🍔$98安格斯牛肉製作的漢堡，加上芝士、生菜、番茄、醃黃瓜等配料，並夾在漢堡中。這種漢堡因使用優質的安格斯牛肉，其肉質鮮嫩多汁，搭配芝士和其他配料，口感一流😚香燒腸粒$38經過香煎香腸切成小塊，然後搭配特製的調味醬汁，味道不錯😄炸魷魚鬚🦑$48魷魚鬚炸至金黄鬆脆，是一種美味的開胃小食😄碌碌芝士🧀$48芝士切成條狀，再油炸至金黃酥脆的，裹面則是溶化的芝士，而且可以拉絲😛炸粗薯條🍟$38薯條至炸至香脆可口，而且可沾上多種醬汁，口感豐富😚有八種醬汁提供，分別有茄汁,甜酸沙律, 蜜糖芥辣、日式芥辣、辣辣白醬、黑松露、芫荽白醬、千島醬，全都是舖頭自己研製出來😃整體得分: 4.5/5味道: 4.5/5環境: 4/5 🎇Burger Shot🎈牛頭角定業街2A號地舖

呢間位於牛頭角嘅burger舖頭，逢lunchtime都勁多人🙌🏻，而家仲有得食期間限定芫荽魚堡。舖頭仲要外賣自取七折！舖頭有好多自家醬汁，有辣辣白醬、黑松露、芫荽白醬等等8款👅。除咗食burger，梗係要嗌埋小食，試吓啲醬。.🌱芫荽魚柳漢堡($98/套餐)套餐包埋薯條、汽水。芫荽份量超爆多！每啖都係滿滿嘅芫荽味，而且仲要係新鮮芫荽，味道零舍濃郁。配埋濃郁嘅沙律醬，同埋脆口嘅魚柳好夾。.🐔炸雞蒜香野菌芝士漢堡($68)用咗炸蒜粒，真係超香口！炸雞嘅肉質夠厚又軟嫩。外層炸皮好香，配埋野菌同埋芝士，食到滿滿嘅濃郁味道。.🔥香燒腸粒($38)好香口！而且濕潤度啱啱好，配埋醬汁最夾。.🧀碌碌芝士($48)超邪惡嘅極長拉絲芝士！記得要趁熱食，裏面滿滿嘅芝士又香又超有彈性，可以瘋狂拉絲。.🫧荔枝爆爆($22)可以自己將梳打水倒落去荔枝糖漿同埋爆爆珠，起泡梳打嘅感覺好夾burger。.🫐藍莓爆爆($22)藍莓嘅果香同埋甜香，配埋梳打水嘅清爽，同埋爆爆珠嘅口感好正。

有段時間冇食漢堡包，今晚放工決定試吓一間喺牛頭角新開嘅店舖叫咗兩個漢堡包：炸雞蒜香野菌芝士漢堡同千島脆脆哈蝦蝦漢堡再加咗個黑松露粗薯條同香草粟米由於炸雞同炸蝦都係即炸即起，所以熱辣辣好脆口，而且兩個包既蒜香醬同千島醬味道都好惹味，令人流晒口水；至於薯條炸得香脆之餘又唔會過分油膩，配埋香氣十足嘅黑松露醬令人食得津津有味；除咗熱氣嘢之外都要食返少少健康嘅嘢，個香草粟米唔係罐頭粟米，食得出係新鮮粟米，香甜可口呢間舖頭個定價合理，而且食物高質，值得推薦#burgershot

平時諗起好食既burger通常都係要去到港島或者要出尖沙咀，但最近屋企附近終於開左間burger小店，見個menu都幾吸引就黎試下啦位置比較偏僻啲夏天行上黎有啲熱，建議大家可以嗌外賣，或者天氣冇咁熱既時候黎坐戶外應該都幾舒服，對出條街冇咩人，星期日黎到感覺都幾悠閒開頭見鋪頭得一個人做哂都諗住要等下，點知都上得幾快，野飲嗌左個凍美式咖啡同埋白桃爆爆，白桃爆爆係梳打水加白桃醬+爆珠，甜度適中而且唔係人工既白桃味，咖啡就正正常常手撕豬漢堡：手撕豬啲醬汁都好難唔好食既，不過呢到特別既係加左炸蒜粒，balance番醬汁既甜味，個醬入面好多炒洋蔥，加埋下面啲椰菜絲完全唔膩安格斯芝士漢堡：呢個係一個感覺好standard但係又好味既漢堡，啲洋蔥蕃茄樣樣都新鮮牛肉又有肉汁，相比手撕豬漢堡係更加清爽既感覺炸魷魚鬚：同我想像中既炸魷魚鬚有啲唔同，層炸粉有啲似炸魚薯條果種，但係加左紫菜粉，所以其實唔洗點醬都已經好夠味，不過我地都試埋點黑松露醬，黑松露好香，點薯條或者點洋蔥圈應該都好正

今日去左牛頭角新開既漢堡小店Burger Shot，除左主打既手打漢堡，仲有多款熱狗、扁意粉、小食供應；飲品方面有咖啡、汽水、爆珠特飲。 蕃茄濃湯：每一口都有濃濃既蕃茄香味，非常可口。粟米濃湯：濃稠適中，入口食到粟米粒。雙層手打牛肉芝士漢堡：漢堡扒每日新鮮人手打造，每塊重量相若，厚度適中，煎得邊位焦脆，中間軟腍，又能鎖住牛肉肉汁，整體牛味濃郁，配上秘製醬汁、芝士、洋蔥及生菜，必試招牌！ 烤汁手撕豬洋蔥熱狗：熱狗腸爽脆可口，上面淋滿特製烤汁手撕豬肉和煮到味道甜甜地既洋蔥，非常惹味，口感層次豐富，同樣是人氣之選！黑松露野菌忌廉扁意粉：扁意粉煮得爽口彈牙，而且很掛汁，沾滿黑松露醬既獨特香氣，配菜仲有唔同種類既菇，健康美味。 總結，小店食物有水準，份量足料，各位Burger迷萬勿錯過。

位於觀塘區中部既牛頭角都有隱世餐廳呢間Burger shot係牛頭角地鐵站附近大約5分鐘路程餐廳以外賣生意為主 當日眼見都有唔少街坊客店舖亦有少量室外及室內座位店名Burger shot以為主打食漢堡包其實除左漢堡包 仲有唔少小食同意粉至少10款Burger 有時仲會有期間限定款式4款扁意粉10款小食 8款醬汁 可以自行mix & match我地揀左本店銷量第2位烤汁手撕豬蒜爆漢堡 $68手撕豬惹味 唔乾柴配料有生菜絲 洋蔥 炸蒜他他吉列魚柳芝士漢堡 $68吉列脆魚柳 厚身而且大大塊配料有厚切蕃茄 洋蔥 生菜絲 芝士他他醬既沙律醬比較重 如果加多d醃瓜碎 味道會更突出2款漢堡都係Jumbo size漢堡包邊脆口牛肉漢堡以外既選擇黑松露野菌忌廉扁意粉 $68黑松露忌廉汁調制得岩岩好扁意粉口感唔會過林或過硬野菌量多意粉控表示喜歡漢堡包店既意粉有驚喜下次有機會要試其他口味自製烏龍茶 $12

係外賣平台叫過一間手工漢堡都幾好食，今日特登過嚟牛頭角呢邊試吓新鮮熱辣整起係咪會更加好食。呢度主打手工漢堡，肉自己打，麵包係附近麵包店拎貨，醬汁都係自己溝。所以口味食得出係好新鮮整出嚟。今次你叫咗最犀利嘅霸氣雙層安格斯芝士漢堡。牛肉用咗安格斯牛肉，手打漢堡扒食得出肉嘅質地同埋牛嘅香味，佢哋調味唔會鹹，味道全靠漢堡包嘅醬汁俾佢。所以令牛味更加突出。麵包就非常之鬆軟，係附近嘅麵包舖拎嘅麵包，所以係非常之新鮮軟熟。最後就係要講佢嘅份量真係非常之多。擘大成個口都咬唔晒，食落非常之滿足。另外佢哋嘅小食同埋薯條都係即叫即炸，每款小食都可以揀一款佢哋特製嘅醬汁。我另外叫嘅炸洋蔥圈都非常之高質，點買佢嘅蜜糖芥末醬同埋黑松露蛋黃醬，質素真係高過好多其他餐廳好多。鍾意食漢堡包嘅一定要過嚟試吓。