Burgerman (欽州街) (Closed)

而家晚市冇得堂食，就係uber eats見到有Burgerman揀，以前食過印象幾好，所以今次我就諗住再食下不過價錢比起堂食都貴咗20幾蚊，所以下次有得揀，都係外賣自取抵食啲呢個漢堡包基本上就係由美國安格斯牛肉，藍芝士同埋紅洋蔥組成咁叫咗大概30分鐘到就嚟到^_^都好快手安格斯漢堡都係咁有牛肉味同埋咁多肉汁，好juicy~ 藍芝士個味道都好濃郁，份量好似太多，有陣時搶咗牛肉味洋蔥份量都唔係好多，不過總括來講都唔錯

深水埗除咗鴨寮街電器 仲有好多值得去嘅地方 最近喺呢個小區參加完一個皮具製作工作坊 順道食手工漢堡包-🍔#和牛漢堡包 $88 配薯格 $20小學生時代 零用錢有限 只可以食X勞漢堡包 而家自然要食矜貴食材 和牛漢堡扒肥瘦均勻 入口即溶 炸洋蔥絲增加口感 配埋脆炸薯格 典型美式comfort food-🍔#侯斯頓漢堡包 $69鍾意牛肉味濃啲嘅話 可以揀呢個 用上安格斯牛做漢堡扒 肉汁豐盈 煙肉厚片鹹香惹味 脂肪甘香可口 連埋BBQ醬 成個漢堡包嘅味道層次非常豐富-📍#Burgerman深水埗欽州街65-71號地下

今日一家大細行完嘉頓山，就去咗附近嘅Burgerman 買外賣返屋企食，由於我哋一次過叫咗五個burger,有四個升級左做套餐，所以等得有啲耐。好在攞到返屋企仲暖暖地！❤️至尊漢堡呢個值得推介！入面有一塊蛋，兩塊漢堡扒，芝士，洋蔥，番茄同菜，分量十足！🥰食落去漢堡扒勁juicy,個包兩邊焗到趣卜卜，口感豐富！👍🏻👍🏻丹麥藍芝士漢堡食落去藍芝士味勁重，溶咗喺塊漢堡扒同包之間，令個burger有少少酸味，感覺清新！☺️漁夫之堡Burger中間塊炸魚又多肉，不過可能攞到返屋企耐咗唔係好脆，有醬汁搭救，整體來說味道還好。侯斯頓漢堡佢個BBQ醬同漢堡扒配合得很好，令整個漢堡更野味！😋轉餐我哋加咗薯條同薯格，薯條拎到返屋企凍咗，所以感覺一般，好大條同份量幾多，另外要推介薯格，雖然凍咗但都好好味，啲辣粉令到薯格更香，辣辣地令自己忍唔住係咁食😋😋😋

出開深水埗買嘢順便食lunch,深水埗好多餐廳，但大部分衛生都麻麻地😓搵食期間見到原來Burgerman係深水埗都有分店，位置就係欽州街，黃金行過去好方便，之前食過大角咀分店，性價比超高👍🏻 今次食招牌：至尊漢堡，$90有雙層美國安格斯牛肉、芝士、洋蔥、蘑菇、煎蛋同煙肉，聽到都覺得夠晒豐富；洋蔥有先炒香，漢堡亦有煎香，帶有焦脆口感，煙肉煎得香口，加分❤️成個漢堡拎上手100個足料👍🏻唔怪得外國人都嚟食🙌🏻 入口牛肉漢堡嘅肉汁juicy又香濃，加埋半溶芝士真係好滋味，大胃王可以加$20有薯條汽水跟餐!下次同fd嚟一定要試埋洋蔥圈至得～聽講鵝肝安格斯漢堡都好受歡迎🤤

我實在太愛吃漢堡🍔了，所以時不時都尋找各區漢堡餐廳一探究竟。今天選了在深水埗區，也是在OpenRice上非常受歡迎的一個漢堡包小店Burgerman。.小店真的非常小 哈哈，只有四個座位，但不要小看他， Burgerman製作的漢堡包10分讓人驚喜！😋😋.鵝肝安格斯漢堡$137，性價比非常高‼️上層多汁的鵝肝份量也不少，配以下層安格斯漢堡扒，每一口都是充滿美味的肉汁，玉液奔流, 香氣四溢♨️！熱辣辣的漢堡排把2塊芝士慢慢融掉，連上特製黑醋醬汁，少量酸度中和了鵝肝的油脂。如把此店的鵝肝質素與份量比較港島區的餐廳，起碼貴3成，所以力推寶寶們也可以試這款。❤️❤️❤️.甜薯條也挺香口，外脆內軟，配漢堡一流👍🏿.⭐️性價比：4/5星💰人均：$100港元

本人真係好鐘意食漢堡包🍔，之前都寫過唔少篇漢堡包既食評，早兩日收工趁去開深水埗買電腦💻就順便去幫襯呢間想試左好耐既漢堡店💛漢堡店係大角咀同深水埗都有門店，位於欽州街既呢間係本店，黃金商場後門出黎過對面馬路直行多兩步就會見到；如果由地鐵站🚇行過黎都只係約3分鐘路程，都算就腳🦵🏻.店內總共有10款漢堡包🍔供應，主要係牛肉🐮、雞肉🐔、炸魚柳🐟同大啡菇🍄等，價錢介乎67至137蚊算係幾親民🤔 另外加20蚊可以轉做套餐選配有皮薯條🍟/薯格/田園沙律🥗+汽水🥤，當日我地有詢問過店員除左呢3款之外可唔可以揀其他，估唔到又得喎🤣 所以最後我地各自加左28蚊升級左兩個套餐，揀左炸蕃薯條同炸洋蔥圈🙊除此之外，呢度仲有供應幾款意粉🍝、沙律🥗同小食🍗，食物總類比起一般既漢堡包店黎講算係幾多🤔當日本來打算係店內進食，去到先知原來深水埗呢度以外賣為主，堂食座位🪑比起之前經過見到既大角咀分店少，只有左右兩旁各一張小型吧檯；由於我地有唔少行裝，最後唯有選擇外賣返屋企食🥡原本以為兩隻漢堡係紙盒內焗左成個零鐘咁耐都應該出晒倒汗水💦，預左麵包已經變腍同無咁好食，估唔到打開盒個下見到漢堡依然係靚靚仔仔完全無扁塌到，賣相仲同岩

前幾日，同朋友去行深水埗，去左食burger man，之前係大角咀都食過，覺得都唔錯，而且選擇都幾多，所以就再次去食了，我揀左食燒大菇漢堡，再加餐食田園沙律和coke zero ，而朋友便揀了食茄汁大蝦意粉。漢堡都幾大個，表面有啲芝麻，而且麵包會烘底，造成外脆內軟的效果，而燒大菇燒完之後都非常juice，好多汁流出來，啱晒間唔中唔想食肉又想食burger的朋友。至於田園沙律都真係好大盒，加左啲黑醋和橄欖油，簡簡單單的沙律都一樣可以好好食。朋友的茄汁大蝦意粉茄汁味好濃，而且會細心幫你撈匀，令每一條意粉都可以充滿茄汁，而且蝦真係好大隻，所以是一個不錯的選擇。

🇭🇰💛BurgerMan🍔一間街邊的漢堡小店 店入邊座位不多大概只可以坐到兩台客 多數都會揀外賣🥡不過價錢非常抵食又高質 一向都見有唔少人幫襯🥰黎過幾次食漢堡🍔都會滴到成手汁💦真的好juicy所以材料都好香 厚牛肉🐏juicy牛味足除左Burger 仲有意粉🍝小食等🍟可以叫-🍔經典芝士漢堡(💰$60+$20田園沙律🥗及罐裝汽水🥤)

地址：深水埗欽州街65-71號地下G/F., 65-71, Yen Chow Street, , Sham Shui Po今日去深水埗行完街，正當要搵野醫下個肚，又唔想成日去食一啲連鎖快餐店，就搵左呢個位置於深水埗黃金電腦商場斜對面既漢堡店。如其名burgerman，簡單來講就轉呢個係嚟食漢堡包嘅一間小店，雖然睇餐牌都見到佢地有做其他食品如意料之類的，但感覺嚟都係嗌番漢堡穩陣啲。選擇困難的我就跟左佢地個廚師推介，叫左個日式豚肉漢堡，加$20就可轉埋套餐，配薯格同埋飲品。日式豚肉漢食落都幾有驚喜，佢有別於一般嘅漢堡包，唔係用打碎既肉餅作豚肉漢堡扒，而係原塊厚切豚肉，形容既話係近似平時食豬扒包既感覺。豚肉非常大塊，唔會有食到得返包無料嘅情況，而包既伴菜，因為呢個係日式漢堡，所以特登用返日本嘅豆苗配合，食落都相當清爽。至於薯格都非常多，都係新鮮炸起，食落都夠熱。而呢度其中一樣幾窩心嘅安排，就係除咗有一般嘅消毒嘅工具之外，亦有手套放咗喺食客當眼嘅位置，仲要係獨立包裝嘅手套，方便食客食漢堡時用手食又唔會整到太污糟。整體來講，呢間價錢有平有貴嘅間漢堡店，睇你個人需要想食到邊個級數，而每款都係即叫即

深水埗嘅美食多不勝數，但Bugerman嘅漢堡真係不可不吃啦！單單一張Menu都令我嘅選擇困難症發作啦🙄咁多款burger，又有咁多款小食！我個人比較喜歡食牛，最終揀咗和牛漢堡，另加廿蚊多咗一份炸薯條同一罐汽水😁和牛漢堡👉🏻脆口麵包加一塊足足有2cm厚嘅和牛漢堡扒，加上一層濃厚芝士，灑上脆洋蔥絲，好豐富🤩呢個包竟然有一層我唔係好食嘅芽菜苗，至怕啲草青味，但我見到鋪得好滿！算啦！我食啦！唔好嘥！一啖咬落個包，嘩！估唔到出奇哋好食，啲肉汁咇哂出嚟，勁juicy!!我更加估唔到我食唔出芽菜苗嘅草青味，可能係漢堡扒同芝士嘅味蓋過哂啲草青味，夾住爽脆口感!唔錯唔錯！我欣賞你👍🏻炸薯條👉🏻每條都係厚切薯條，炸到金黃色！不過我覺得鹹咗小小，如果啲鹽少啲就好啦😁口感真係唔錯！雖然地方細細，但坐得好舒服！我食食吓先發覺有透明膠手套，勁傻仔囉😂攪到成手都係肉汁💛繼續支持本土小店🙌🏻

間舖頭唔大，得4個位，好似外國啲takeaway店咁，望落個樣一啲都唔吸引，但係又好想食漢堡包，所以就一於試吓，點知出乎意料之外嘅好食😋 雖然係即叫即整，但係叫咗大概5分鐘就有得食👍🏻快靚正🤩-《和牛漢堡》$88 +$20 combo 有皮薯條/薯格/沙律加汽水一罐平時都食開安格斯漢堡包，今次見到有和牛漢堡，又唔算貴，所以就叫咗嚟試吓，咁大個女都係第一次食和牛漢堡🙈 原來真係好食好多，超林，唔會鞋，又超juicy，juicy到一路食一路滴啲汁出嚟🤤食到停唔到口，仲要份量都好夠，可能因為我加埋薯條，食完超級飽😋連平時食完野一定要去飲嘢或者食甜品嘅我，都唔想再食野，都已經好滿足🥰 - 《有皮薯條》呢個有皮薯條係我食過最好食嘅薯條，好似即叫即炸咁！熱辣辣，外脆內軟，超有口感，又唔會太咸，亦都唔會覺得油膩，仲要有一半都係有皮薯條，唔係度度都有油皮薯條賣，超正！直頭好味都覺得間餐廳可以改名做friesman😂 推介👍🏻- P.S. 餐廳仲有手套提供，可以盡情咁用手食🤣🤣

今次帶朋友食佢屋企附近嘅漢堡呢間真係好好食手打牛肉 又大份 而且好足料👍今次員工幾好態度雖然舖頭細細 但都見佢keep住有人流候斯頓漢堡🍔佢係厚厚既安格斯牛肉，配上BBQ醬，面頭再有煙肉同洋蔥絲🥓🍔同芝士 🧀大份到就嚟一隻手都拎唔晒而且佢啲薯條勁多🍟配薯條同埋嘢飲都係加$20呢個價錢絕對唔貴漢堡都好多選擇仲有意粉同埋小食可以揀🍝🍝舖頭細細 但選擇多多而且價錢唔算貴值得我無限encore🥰🥰

👧🏻Wodafoodie in Sham Shui Po牛肉漢堡周圍都食到 但唔炸又好食既雞肉漢堡真係唔係到到有😋💁🏻‍♀️呢間Burgerman細細間 坐既位置唔多 但Burger都有10款俾你揀 除左安格斯牛肉 仲有雞肉 魚柳 鵝肝 和牛 大菇 加$20已經有套餐包薯條/薯格/沙律同汽水 (比起某間知名漢堡店平一倍已經有套餐😝)✨ 🐥水牛城雞肉漢堡🍔 $62 + 墨西哥辣椒 $8雞胸肉係減肥健身既人最鍾意食既野 但我見好多burger都係夾炸雞 😢 不過！！！呢間既雞肉漢堡係用低温法去燒架！😍😍😍 雞胸肉一d都唔柴 口感好軟嫩 又juicy 完全無油膩感又好好食🤤☺️ 食呢個burger真係一d罪惡感都無！第一次食🧀美國大孔芝士 比平時既食開既芝士硬多少少 放係雞肉上面呈融化狀態😍 水牛城汁辣辣地 兩個mix埋好好食 😋 因為我想食辣d所以加左墨西哥辣椒 如果水牛城汁再多d就好啦😝😝好想讚佢個漢堡包🍔 外面烘到熱辣辣脆脆地 一咬就真係外脆內軟 包上面仲有黑白芝麻 正👍🏻😋✨套餐🥗沙律 + Coke Zero +$20沙律醬汁可以另上 紫洋蔥好甜👍🏻 其他沙律菜正正常常我之後先見到原來呢

漢堡包 🍔漢堡包 🍔 今日黎食漢堡包🍔 😆😆 呢間系位於深水埗區 Burgerman採用100%全天然澳洲和牛同美國安格斯牛 肉 ，原塊切出做漢堡 用料上乘 ，一定好正姐 🤩🤩 店面有提供一次性手套及飲管 用幾多拎幾多 吾好浪費呀 和牛漢堡 $88滿滿既芝士 系和牛排上 香噴噴 芝士入口即溶 😙😙和牛嫩滑多汁 ~~特色燒大茹漢堡 $67漢堡包搽上少許牛油🧈同芝麻再焗過 又香又脆 😆😆 中間系大啡茹 好鮮甜 超級無敵多汁 食素既朋友仔呢個岩哂啦

見到係黃店梗係要幫襯啦。雖然鋪頭細細地但食物質素絕對唔會差過連鎖漢堡包店。而且有我最鍾意食嘅薯格同蕃薯條，所以就嚟咗呢間食啦。舖頭有好多紙巾提供，唔驚食到好狼狽。🔺至尊漢堡 ($90)估唔到竟然有兩塊漢堡扒咁多！平時喺其他餐廳食嘅話只有一塊漢堡扒，所以呢個漢堡食落係層次豐富啲，同埋肉嘅口感係厚實啲。最上層係煎蛋，中間有啲焦化洋蔥，中間仲有幾片芝士，食落幾juicy。唯一要改善嘅係d汁可以再比多d，食到中間會覺得burger有少少乾。🔺薯格套餐連飲品 (+$20)佢個薯格係新鮮炸起，唔係好似連鎖快餐店咁放喺度烘暖嗰種，所以呢間鋪頭嘅薯格係我食過咁多間鋪頭最脆嘅一間，如果你係薯格愛好者，我覺得你就要嚟呢度試下啦！我諗住都會嚟呢度淨係嗌薯格嚟食。