豚王 (Moved) New Location

想试好耐了，刚刚好班fd聚餐，我就建议去呢度哈哈结果大家都无意见~~七点几去到，门口人龙唔长，大概7，8个，但系因为我地有6个人想一起坐就多等左一下排队ga时候店员已经排左纸比我地体，想试试新野ga我拣左黑王加个溏心蛋，一上黎我就先饮左啖汤，浓得黎又唔会太油腻，我中意！再试下黑色的酱料，偏咸，我口味偏重觉得ok，然后我再捞匀距地，其他就无咩新意思咯，都差唔多，印象最深就系碗汤，因为之前去一兰，d汤太油腻(即使要了不油腻），今次碗汤惊艳到我哈哈仲有只蛋，溏心唔错，但系味道怪怪，好似加咗咩香料？唔知啦，可能系我唔识食lo，反正唔中意，

近來迷上食拉面，6點半同qq出黎食神虎點知勁早就賣哂，諗住去食魂星期日唔開，真係好灰。我地兩台死死氣氣去左食豚王。去到排隊排到對面街幸舍門口，佢地唔洗排右上食評唔錯，好餓既我好有衝動入去，但qqbb想食豚王多d，唯有唔反抗乖乖排隊啦。排隊果時工作人員俾左紙我地落單先。等左8個字左右，我地終於可以入去啦，我叫左豚王配腩肉，qqbb食黑王配肩肉。另加温泉蛋。佢地俾左杯唔係好凍既冰水，岩哂呢個天時。好快就有得食啦。個湯真係好濃，有豬味，舊肉好大塊，不過肩肉好咪好多！qqbb果碗好黑好邪惡，好香麻味，我係咁不佢d湯食 佢話個面真係細左d，但係都ok，因為我地有下場呀嘛。個蛋怪怪的，同日本果d完全唔同！呢隻蛋係甜的！連蛋白都甜甜地！個黃有d假假地既feel，我地竟然咁大意一下叫左兩隻，唯有點面食算啦。我地對面坐左個內地人同外國人，個內地人唔知赤王係辣既，一上面就好驚訝，店員好好，話唔洗錢幫佢換，佢無換到試下食先，店員又俾碗仔佢不開同唔洗錢幫佢地加白湯，服務非常好，但係佢地唔識講普通話。食到尾聲，我地都發現愈食愈濃，都頂唔住啦，原來唔係濃就好味架！

今日同女朋友黎一試, 7點黎到又唔算太多人排緊,可能未到8點,好好彩,兩個人等左15分鐘左右就有得入去,選擇唔算太多,所以決定叫麵之外叫多左個蛋,然後,等左一陣,隻蛋就黎左先,呢隻又未完全到我預期既味道,半生熟又唔算,生左少少,蛋白我覺得做得好好,不過蛋黃就過份生,唔太鍾意,所以決定等埋個麵黎先一齊食,咁樣可以等佢熱番少少,等多一陣,五分鐘左右,個麵就黎,叫左二辣,本來仲以為佢黎錯原味,因為睇落完成唔覺有,但原來食落真係好辣,好彩無叫人換,唔係就真係樣衰, 有一埋椰菜係中間,喜歡依個,因為辣辣地幾好食,叉燒同其他配料,整體黎講唔錯,而且湯底應該唔係味精,可能我唔識分喇, 但起碼夠濃先,同埋個辣味好我都幾鍾意, 不過份量就真係少左D,不過我自己既食量黎講就岩岩好,唔會太飽。

尋晚路過登龍街突然拉麵癮起，見條隊唔太長就排吓啦，好彩大概只係十分鐘左右就有位座！是日叫左辣既赤王，重要「中辣」加「辣肉」添！可能因為人多既關係，等左差唔多15分鐘先有野食。Overall整體感覺唔錯，麵質、配菜同埋辣肉繼續保持到一貫既質素。不過唔知係咪因為加得太辣既關係，D湯反而飲唔到太多豬骨既感覺。而叫既豬腩肉比平時食開既脊肉半肥瘦雖然口感好好多，不過真係太肥喇，下次都係叫返後者好D！題外話︰呢度真係迫得好緊要，幾乎拍得住6人枱可以坐到8-9人既譚仔！有冇方法可以改善吓？

有日，專程去到豚王試吓，去到門口無人排隊，正，即入去，入到去坐低，坐得唔太舒(但預左)之後同女友點野，我地叫左辣嘅，一個要濃味，一個普通。當碗面嚟到時，我心諗，點解會嚟左碗"擔擔面",始終視覺同味覺唔同，賣想不等如一切，之後食左一淡，結果係太濃了，我食得晒個面，但個湯真係飲唔倒，太濃，平時食拉面都會飲晒啲湯，因為湯係精華，但今次唔掂，再試女友嗰碗，都係咁。再望其他人食嘅面，湯真係好似太濃，有點失望。

平日Lunch 好少出銅鑼灣，難得一次專登去拎野所以順道食埋先返公司見唔太多人排，所以去試下會唔會有咩唔同等咗四五張檯就到我揀定個麵，見佢呢度有新出醬油味，上次中環果間售罄，今次可以試試香味四溢，見到身邊d 麵已經飢腸轆轆，終於到我啦先嘗湯底，帶點味噌的味道，鹹鹹的，一口拉麵一啖湯底，再加入桌面上的配菜，確實惹味!豚王我最期待可算係佢地d配菜，間間分店水準唔同令到我而家一再回味的，都只能數得上中環舊店那時的配菜真的有菜味，蕃茄有蕃茄味，而家d配菜只有辣味。咁同加d辣油有咩分別?但因為本身個麵菜唔多，配菜我足足清咗一盒，當然，臨走我會叫人refill 返先結帳(我覺得呢樣係應份要做)溏心蛋真係必要滑而不膩，食指大動的好想再點多隻。豚王，人地話貴，本身唔覺，因為覺得有水準係值得咁嘅價錢。而家，咁都變晒，唯獨溏心蛋依然咁好味!!

話說上次食唔到，勁多人排隊，食左對面個間⋯今次行過見無人龍，係跑過去⋯哈⋯⋯我坐低左一陣就開始有人龍等，勁好彩閒人先生食過一次，但我就未食過，個餐牌選擇少，多樣樣都解釋得好詳細。喱個真係幾細心，個店員特登問我（因為我坐入面同佢有講小姐）洗唔洗要圍巾，我望一望自己件衫，原來我著左白色衫，唔知店員係特登問女仔定特登問白色衫嘅人呢，但真係幾細心。讚！👍閒人先生叫左豚王，我叫左翠王，佢又要多油，又要硬面，我唔係幾多試佢個碗，我怕食硬面，但係個湯底真係幾好，我覺得太濃，而家啲拉面店好多都好個人化，自己想冧啲硬啲都可以翠王係橄欖加芝士粉，我覺得幾好食，但唔知點解閒人先生唔鍾意，可以芝士粉關係，帶酸，橄欖油好香。啲面非常掛湯，唔知係咪橄欖油嘅關係，我覺得豬骨味無乜。靚叉燒！肥瘦相間！但我覺得翠王個湯底唔襯，豚王個湯底就好襯叉燒嘅味道，可能翠王略帶酸啦，下次我都乖乖食返豚王或赤王我最欣賞嘅係佢嘅溫泉蛋！唔似出面個啲水汪汪，蛋白外層係熟，但仲係流心，蛋味重，唔係生雞蛋個種腥味，蛋外略帶甜味，好好食，同閒人先生一人一隻！嘿

相信已有不少好評關於豚王拉麵，我也不用多提。賣點是濃湯，十分足味。唯一問題是濃度過鹹湯面無飛油。偶爾一兩次光顧也覺高興，長期光顧我會較喜歡到時代廣場附近的一風堂。一風堂的原味拉麵，湯底啱啱好，不會過鹹之餘亦可品嘗到原汁原味的豬骨湯味。兩者也不妨一試。

6點看到不用排隊,所以試一下,坐得超迫,點了醬油王,湯底只感覺咸.... 晚上超口渴·味精重的反應.配料一黠驚喜都沒有.要等位就免啦.有點不值.Not good.

Boyfriend has always wanted to try Butao so came here with him and 2 friends before he left last week~We arrived at 6ish and waited for around 20minutes. Waiting is acceptable for me as long as the food is good I ordered the limited ramen of the month that night since I've tried some of the other choices already~This limited ramen was said to have the soup blended by different miso from 5 places in Japan, but to be honest I could not really taste an especially rich miso taste. The cheese and tom

WEEKEND行街經過見有條小人龍，咪走埋去八卦下。點知原來係豚王。係中環做嘢成日聽d patient講點正點正，但從來沒有時間去搵同去陫長龍。今日竟然無心插柳，又比我見到，而條龍又不算好長，就試下啦。陫隊其間，佢嘅員工已經派紙比我落單。好似要左白湯、木耳、溫泉蛋、叉燒拉麵，盛惠大約$80。話條龍短都陫左半粒鐘有多，由唔餓陫到餓。入到門口，見好多人圍圓枱食麵。我同老公一坐低已經覺得有d熱同空氣不流通。廚房烹麵的蒸汽薰曬出來，出面冷氣又細，真係不太舒服。好na. 入正題，陫咁耐，又餓。緊係想食嘢啦。第一口飲湯係幾美味，再食一口麵，都彈呀，叉燒都算鬆化，但唔知點解未食到1/3，已經覺得好「漏」。我不算細食ga, 係大板食飽飯都仲食得曬成碗金龍拉麵，因為太好味。但呢碗嘢真係食到一半已經爬唔郁。我見對面個pair人嘅情況一様，個女仔食到大半都投行，比埋剩低d男友人食。如果好食，點會食淨，湯都飲埋啦，何況咁肚餓嘅環境。成碗嘢最敗筆隻「溫泉蛋」，好難食。好硬、唔新鮮。衰過我去city super 買個d雪櫃溫泉蛋。Overall,真係名過其實。希望越大失望越大啦。

一般都係兩個人食，今次自己要去銅仔做野，所以要自己食晚飯。諗起拉麵，就係豚王了。食黑王，要用提供嘅紙巾舖好自己衫褲，最好好似BB咁，咁可以食得放肆啦。香濃嘅湯，彈牙嘅麵，仲有另加嘅溏心蛋，正。仲有啲配菜，辣得幾啱味，但不好辣的不要加。味道詳細就唔講太多，總之啱我口味。不過坐得好迫。

Been here quite a few times and every time I have the Green King because it tastes the best.They have other special flavours such as Prawn, Curry etc but they are always sold out when I get there.On this visit, they had Sea Salt King which is limited to 30 bowls per day so I tried that.I was so lucky I did not have to queue that day.★☆★☆★☆★☆★☆★☆★☆★☆★☆★☆★☆★Sea Salt King:The broth was really nice because it was not that salty despite being mainly salt flavoured.However the noodles were a bit too s

早已聽聞豚王嘅拉麵好食, 亦知其名氣甚大~ 就算唔係拉麵粉絲嘅我, 都好想試吓!可惜每次路過, 均見其門外大排長龍… 因爲怕咗條隊, 所以一直都冇機會試…星期二 lunch time, 一行四人原想喺附近食越南菜, 但路過豚王時, 見唔使排隊兼有枱, 二話不說就梗係即刻入去啦!!餐廳地方細細, 坐位都好逼, 一啲都唔好坐… 而且仲事先聲明要撘枱… 不過本人好鍾意佢哋牆上嘅畫作, 好有日本風情~平時落 order, 佢哋有張好似車仔麵嘅紙俾客人自己填喺我哋仲未睇清張 menu 時, 佢哋嘅 staff 就不停 sell 我哋佢哋嘅 Today Special見佢咁 hard sell, 我哋就 4個人都一齊食呢個拌麵講真, 呢個拌麵真係冇乜特別, 料又唔多, 而且價錢都唔平... 我哋覺得唔係好抵食囉...好彩唔使排隊, 如果唔係實激死...!!

行完一日街, 諗住試吓, 因為未食過, 其實都預咗等位, 呢個唔係問題, 入到去唔多位要搭枱, 都冇所謂, 滿心歡喜等待碗拉麵, 黎到啦, 第一口拉麵......... 唔熱! 暖的! 湯底只係暖的, 邊有可能食拉麵個湯係唔熱架, 唔熱嘅拉麵都係第一次食, 食完碗麵個湯已經凍哂, 真係唔知講咩好, 一邊食一邊鬧, 以後唔會再黎, 冇下次!!!