豚王 (Moved) New Location

早已對豚王此店有所聽聞，而且評價也不壞，是夜終於能夠一試這間聲名大噪的拉麵店。約晚上七時上到達，此時已經要排隊，不過幸運地隊伍還很短，故此稍候了一回就可進內，排隊期間會派發拉麵紙供客人在久候期間想好，進內就可以立馬交紙節省時間。豚王 $83湯濃度 普通 | 香味油&蒜蓉&唐辛醬 無洋白菜&肩肉 | 細麵（幼麵）超硬先試一口湯底，湯底很濃但不是純豬骨的那種豬骨香濃，豬骨味確是有只是較弱，而濃的就是有點像味噌？不過這點我也不太敢肯定，不過我不太喜歡就是了……配上的木耳和菜都很爽口，麵質硬度也合乎，而且很香蛋香，但掛湯力平平。肩肉選了肩肉，但真的很劣，入口不香，味道就只有普通的甜醬油味兒，脂肪位也燒得不夠融化。溏心日本蛋 $17吃拉麵沒有溏心蛋就總感覺缺了什麼似的……這個壞習慣也讓我忍痛地決定要了一客溏心蛋。這裡的溏心蛋一只索價$17，實在價格高昂，雖然醃得不入味，但流心程度是一級棒！一咬開蛋汁就嘩啦嘩啦地不斷湧出。一客拉麵一只蛋就合共盛惠$100，雖然這價對日本拉麵而言也屬於差不多了，但感覺這裡的拉麵質素並不值得花上這麼多。

同朋友係cwb行完街，想話好耐無再去豚王 (上次的經驗真係麻麻地，點左黑王，一個甘濃烈的拉麵但唔夠熱，真係難食到一個點😖，好失望。)今次同朋友去我就點豚王黎試下 調味選普通，個豬骨湯都ok嘅 (雖然食嘅時候已經好口渴)，面無咩特別，至於叉燒味道依然令人失望，完全無香味之餘，肉質係差，打算利用個湯黎增加叉燒嘅味道， 係epic fail。叉燒，係一碗拉麵嘅重點，豚王嘅叉燒做得太太太太無誠意喇！加上湯底有過多味精之嫌 食完後好口渴！加上我覺得座位太少喇，大熱天時，入面並非坐好多人都要我哋等幾分鐘，拎多個袋，坐入去大家手掂手甘食野真係一件幾痛苦嘅事⋯。真心建議如果打算保持招牌 個超濃湯要落少啲味精，同埋個 叉燒啊！！唔好求其切塊肉就掉落去

一直都覺得$100一碗麵很貴, 但也要看值不值得, 豚王的拉麵就是我少數覺得值得的。已經不是第一次光顧豚王, 也做好要排隊的心理準備, 可能銅鑼灣也有不少的拉麵店, 現在的等候時間已經短了很多。我點了一客赤王, 辣味是我最喜歡的湯底, 湯底味道濃厚, 辣味甚有層次, 加上店家所提供的辣醬, 實在令整個湯底都錦上添花。也因為這個濃郁的湯底, 每條拉麵的掛湯能力也較高, 拉麵也煮得和自己所選的普通硬度一致。但除了拉麵本第之外, 自己最喜歡就是它的流心蛋。一向都不會吃蛋黃, 總覺得很腥, 但這裡的流心蛋是我吃過最喜歡的, 店家把流心蛋分開湯麵上, 不讓湯底的熱力把蛋弄熟, 流心蛋煮得入味, 啖啖都可吃到醬油味, 咬開的時候蛋汁慢慢流出, 蛋黃汁有甜味, 十多元一隻蛋也是有它的價值在。豚王確是少數我會選擇半生熟蛋的餐廳。

在銅鑼灣與朋友逛完時代廣場，非常沒義氣地走去陪女生的他，就這樣拋下了我獨身一人，哼哼，色字頭上一把刀，吼！！踽踽而行，一年前的我，會馬上衝去麥當勞飽餐一頓然後回家，現在想對自己好一點，把腳步再次跨進登龍街，來到了豚王，當然，我並非不喜歡麥當勞，反而反之，只是心情所使，我總是跟着情緒走。門外的人還是如此多，豚王開業至今，還是人氣高企，實是難得。店員馬上送上了點菜紙，一看到廚師推薦，二話不說就點了。拉麵，是一種個性，應該由店家自己決定，而不是去遷就顧客口味。拉麵，是一種尊嚴，每一碗都是師傅的傑作，你不喜歡，師傅嘆一句道不同不相為謀就好。所以，我們作為顧客，要給的是一份尊敬。眼瞥了過去限定王那邊，突然起了好奇心，細問之下這期限定王是咖哩王，正中自己下懷，不需執拗，就這樣好了。一進店，空間的確有些逼陜，店面亦算乾淨整潔。雖說五個人一張桌，基本上客人就算五個人一起來，也從不可能有一起坐的機會。來吃拉麵並不會太過期待環境舒適，但連心境舒服都做不到，給人一種讓你吃完就可以走了的感覺，總覺得不夠憨厚。咖哩王一上菜，濃郁的咖哩味峰湧而至，看到幾片薯片放上去作點綴，的確令人饞涎欲滴。湯底還是一如既往的濃，

今日同朋友行完赤柱, 夜晚就出番銅鑼灣食飯。大家都有意吃拉麵, 原本諗住去x蘭, 不過見呢間的食物賣相較為吸引, 同埋提供更多湯底選擇, 於是我們便向呢間人氣拉麵店出發! 店鋪位置剛好在往赤柱小巴站隔離, o岩哂! 我們七時多到達, 門外有約十人在等候。可能因為鋪面小, 所以特別欣賞這家小店的人流管理。排隊時職員提示等候時間約半小時(expectation management), 我們表示願意等候, 職員即派發order紙讓我們先選擇(節省考慮時間)。約十分鐘後, 職員表示快可進場, 於是便先替我們落單, 好讓我們一坐下便可上麵(節省等候煮食時間)。 order紙上可以選湯底(豚王/赤王/翠王/黑王/是日推介)、濃度、拉麵粗幼、軟硬度、肉類(腩肉/肩肉)、香蒜油多少、蒜蓉多少、配菜、辣度(1至10級)等等。職員說是日推介是咖哩湯底。我選了黑王($93)配豚肩肉幼拉麵(4級辣)。朋友選了豚王($8X)配豚肩肉幼拉麵(不辣)。上麵時, 整碗拉麵俾我的感覺是, 「嘩, 好豐富呀!」(跟那間超人氣拉麵店的湯浸拉麵大相逕庭)。黑王的湯底啡中帶黑點, 跟之前在openrice中看見的累墨黑湯底

一直因為不想排隊所以未有試豚王，今日興起上Openrice check，見現在排隊時間較短，便來試試看。7時來到要在對面街排隊，天時暑熱朋友已顯得心煩氣燥。排隊時先選了麵款，我選了黑王肩肉。拉麵店要搭枱是正常的，所以也不介意，不過說實在確是坐得很不舒適。肩肉很好吃，但除此之外麵質湯底都不算有什麼過人之處。只能説以這樣的價錢坊間有很多更好的選擇，拉麵這種食物根本不值100大元，兼且要排隊，恐怕我是不會再來了。

今日黎左好多人食既豚王,排住隊就要落單喇,咁就要左白湯、木耳同埋溫泉蛋,之後仲有依個叉燒拉麵，價錢又唔算話太貴既。排左太約半個鐘左右，由唔算太肚餓排到有少少餓,咁樣都幾好既,不過天氣熱就真係唔想排。入到門口裹面，就已經見好多人圍住D小圓枱係到食麵。一坐低已經覺得有少少熱。加埋廚房裹面D蒸汽係咁飛出來，冷氣又唔算太夠，環境就真係一般唔算太舒服。主角就黎料LU,第一啖就當然要飲湯,真係幾好味嫁,夠哂濃味，再試下佢個麵，都算幾彈呀，叉燒都唔錯,食落都算鬆化，不過依到既野可能膩同埋濃左少少,好似好難食哂全部咁,食左大半個就覺得飽飽地,可能加埋有D熱,所以唔係太有胃口,不過個溫泉蛋真係非常之一般呀,食落完全又硬到,又無咩味道 

正來我的題目。豚王是我的拉麵首選。在香港，已開了幾間同類的拉麵店……也有好幾間我同老婆都食過……最抵食最好食都係豚王……]我老婆永遠只吃原味豚王……湯底非常濃……好好味。我每次都想試不同，今次要辣味.真夠辣……中間果肉好好味……麵質可以選擇，我比較鍾意軟身。我老婆每次都另加木耳。好夠份量，又爽口……我就中意温泉蛋……好夠流心，又入味……

(第一次打食評，不足之處，還望見諒)原本想試下'魂'，但去到關左門，咁唯有試豚王，去果日星期五4:55左右，唔洗等位，正，而且一入到去而且聞到陣陣嘅豬骨湯味，令人食慾大增廢話唔多講，入正題第一次食揀左最基本嘅豬骨湯拉麵(即豚王)，由於睇過食評話湯好濃，所以濃度揀左清，然後麵揀左唔係扁果隻同硬，要左腩肉同葱，無辣，因為加多隻蛋啱啱好$100，所以要左隻溏心蛋就無加其他額外野，等左唔洗五分鐘，碗麵就黎喇！一嚟當然先試啖湯，果然濃，程度有如一蘭嘅'濃'湯底，好彩叫左清，唔係都唔知點飲，不過個湯又幾好飲(可惜未及一蘭)，再來試麵，普普通通，無咩特別。食左三份二，先醒起有隻蛋未食，然後我一啖咬左落去，嘩點解可以咁好食咁正！！連蛋白都有味的，蛋白同黃都無熟透，係真心嘅'溏心蛋'啊！！我將隻蛋浸一浸落個湯到，蛋黃同濃湯混合左，味道又提升一個層次，原本想食剩一半唔一次食晒，但真係太好味停唔到口！！最後，飲晒個湯，走人！(有筒芝麻，唔知係咪我落唔夠，食唔出味)

以前去親中環店都見到長長人龍, 每一次都放棄左,今晚諗住黎銅鑼灣店試下, 好彩唔算太多人。係排隊既時候先畫左食咩先,今次點左限定王-海鹽豚王。飲左第一口湯, 已經覺得好濃好香,會好有衝動想飲晒成碗湯。女仔黎講份量都OK,不過因為湯底太好味,我絕對可以再食多D架。黎豚王會食得好快, 因為環境坐得唔太舒服,但如果下次再黎銅鑼灣見到都唔太多人排隊既話,絕對會再encore!

在一股日式拉麵潮下, 我已經避開在最新鮮滾熱辣時去湊熱鬧, 在試試運氣又見不太多人等候時就試了第一碗100元既拉麵.  細細既店子但人流不斷, 採用流水作業式排隊, 左邊隊邊等邊寫定食物, 右邊隊就準備入坐, 雖然當時有十多人排隊, 店員果然好英明咁話等10分鐘就有位, 這已是少人等位.  座位少又逼, 人人食完即走, 所以好快有位.  等候期間要寫定食物, 由湯底, 香味油, 蒜蓉, 义燒, 麵質, 配菜都有多層次口味選擇, 心大心細下就試了豚王湯 / 普通濃度 / 多蒜蓉 / 腩肉/ 洋白菜/ 硬幼麵 / +紫菜$8 / +旦$17.......老公揀了黑王湯 / 濃度/ 少蒜蓉 / 腩肉 / 洋白菜 / 軟幼麵  (我們只顧揀口味, 完全無留意到拉麵價錢, 只睇到額外加配菜既價錢......所以最後埋單先知100元)坐低好快就得食啦, 好期待啦!!! 嘩......- $8有好大塊紫菜, 直情係包壽司既大紫菜; - 糖心蛋另上好滷水色, 一咬落.....嘩, 好漏心呀, 蛋王好橙色似鴨蛋多過似雞蛋, 蛋白咸咸地好有味, 我真是好好奇想知點解蛋白咁入味之餘, 但內裏既蛋王仍然咁流心

一向鍾意食湯底濃郁嘅拉麵，前幾日朋友叫我試吓，所以放假同老公專程嚟食， 星期日下午3:30左右去到不用等位，首先要贊吓位店員好熱誠介紹口味有咩不同及第一次食應如何選擇，拉麵到了店員又教你落咩調味，我一試湯底有香濃豬骨味而不是得個喊子，幼麵亦彈牙，整體體驗滿分……

同女朋友一試, 7PM到都唔係多人排,好彩XD,等左15分鐘左右就有得入去,佢唔算好多選擇,初次黎食，一定要order個原味既豚肉~! order最basic的一款點左豚王: 普通湯、拉麵、要叉燒.飲第一啖湯,略重味精,算系咸,湯底格外油膩..整體要扣分...麵就OK, 叉燒半肥瘦GOOD, 幾好口感~~~服務就…….好似快狙少少咁, 食完唔夠一陣間就收走個碗,我諗應該想接多D客為主,所以難免影響左客人既心情,呢點可以做好少少...整體黎講,系香港真系算頂級了~~~~~值得推薦~~~~~~ 

一向都喜歡食日式拉麵,剛在日本旅行回來,那幾天日日都要食拉麵,發現自己喜歡雞清湯加少少抽子皮的湯底。拉麵癮起,決定去登龍街搵拉麵吃。那條街有豚王,一幸舍,仲有一間新開張不知夠拉麵店,好多選擇。我點了翠王($98),是極濃的豬骨湯加上混合香草的味道,上面加大堆芝士粉。第一啖湯底入口的感覺是好油。而且甚麼香草豬骨芝士粉混埋一齊,味蕾感覺相當複雜,食多兩三啖要開始飲水沖一沖個口。叉燒好味,肥瘦適中。食完之後,正常要飲返幾杯口,條脷先會回復到。每個人的口味都不一樣,喜歡濃味拉麵的朋友一定要排隊試試,而我再去香港其他拉麵店找尋心目中合味道的拉麵!!

今日同女朋友黎一試, 7點黎到又唔算太多人排緊,可能未到8點,好好彩,兩個人等左15分鐘左右就有得入去,選擇唔算太多,所以決定叫麵之外叫多左個蛋, 然後,等左一陣,隻蛋就黎左先,呢隻又未完全到我預期既味道,半生熟又唔算,生左少少,蛋白我覺得做得好好,不過蛋黃就過份生,唔太鍾意,所以決定等埋個麵黎先一齊食,咁樣可以等佢熱番少少,等多一陣,五分鐘左右,個麵就黎,叫左二辣,本來仲以為佢黎錯原味,因為睇落完成唔覺有,但原來食落真係好辣,好彩無叫人換,唔係就真係樣衰, 有一埋椰菜係中間,喜歡依個,因為辣辣地幾好食,叉燒同其他配料,整體黎講唔錯,而且湯底應該唔係味精,可能我唔識分喇, 但起碼夠濃先,同埋個辣味好我都幾鍾意, 不過份量就真係少左D,不過我自己既食量黎講就岩岩好,唔會太飽。