Buzz Grill Bar & Cafe (Closed)

同朋友行完山，係大埔周圍行見到個球場有啲人係度野餐，好似好chill 咁，我地即刻係附近睇下有咩餐廳有外賣啱食，我地見個門口咁靚企係度睇餐牌，就有隻小可愛走左出黎招呼我地。餐牌有我地想要既All day breakfast,就直接係出面叫左外賣，行左入去等外賣先知原來入面有幾隻狗狗，環境又舒服，早知唔外賣堂食啦～見到餐廳有賣竉物餐都整得幾靚，下次我都要帶我家毛佬黎試下！我地叫左個All day breakfast 🥞$62,有煙肉薯餅煎蛋🍳豬肉腸漢堡排茄汁豆多士。香蒜雞柳燴意粉$68

假期，最好就係有all day breakfast + 寵物，呢間餐廳可以滿足曬我兩個願望！！！ 而且價錢非常合理！！由於係寵物餐廳，餐具都好有特色， 可見店主係愛心之人。cappuccino （$18）～ 香濃咖啡味，上面嘅奶泡非常之綿密👍🏻蘋果汁（$12）～ 比想像中大杯，味道一啲都唔藥水味，抵飲！！All Day Breakfast（$62）～ 極花心思地自製漢堡， 口味唔會好似坊間咁太多味精，食到牛肉嘅原味。Buzz Delux Breakfast ($118)~ 當中一件骨，食嘅就係裏面嘅骨髓，喺其他餐廳的確係少見，非常特別， 而我最欣賞嘅係個薯仔餅，應該係用新鮮薯仔刨絲製造，調味一流，煎得極香。吐司有個好可愛嘅青蛙樣，攬住兩粒藍莓，真係非常可愛❤️呢位就係店長來福（靚女喔！）非常熱情，任摸唔嬲，天生就係做pr嘅性格！！！除咗有PR一齊同玩之外, 仲會有寵物餐單, 有得玩又有得食，開心到爆燈！！

疫情下好多人都會選擇叫外賣，小丁今次專程黎到大埔Buzz Grill Bar & Cafe叫外賣，全因為這裡是一間寵物友善餐廳❤❤香港可以帶寵物的餐廳真係少之又少，值得大力支持💪😊今次新先士卒黎睇下環境，下次帶埋狗狗黎踩場🐾試埋寵物menu🤗這裡是有蓋半露天的設計，通風十分好，唔怕密閉空間進食就更安心啦😉場內掛滿貓貓狗狗有關的裝飾，有尿墊提供，環境衛生又溫馨。仲有舉辦毛守領養日愛心十足❤👍第一次食賓尼迪蛋($62)好正呀😍賣相吸引，口感豐富，多層滋味，薯餅底上面放左煙三文魚、巴馬火腿、菠菜、蛋同芝士，夾埋一齊好match好香又好味道❣香蒜雞柳忌廉燴意粉($68)，意粉同醬料一齊炒過，牛油味重，香草味濃郁，仲有爽口磨菇、雞肉同車厘茄，味道清新，唔會太漏😊