吉豚屋吉列豬扒專門店

Open Now

Now Closed

今次三個人去食，見到餐廳名同風格都似係日本特許經營嚟香港開，心諗肯定唔會差啦。咁我就食椰菜蛋吉列豬扒定食，話哂叫吉列豬扒專門店，我以前至少塊吉列豬扒都唔會差得去邊。點知完全失望，d肉好鞋，邊位又唔脆，而且又無咩醬汁，就咁食豬扒同食好乾。椰菜蛋都OK，但略嫌口味有D淡。至於個湯坦白講同水唔係差好遠，淡而無味，只係多兩塊肉俾你食下。睇番張單，發現原來多一個湯都椰菜比起一個豬扒飯貴成20蚊，但要無汁。識揀應該散叫仲好

我唔係住呢區嘅，以前有朋友住呢頭介紹過呢間日本野好食，於是搵晚過來試下佢。菜單上都好多野可以叫，其中有啲仲分左松竹梅3個唔同份量，視乎大家個胃有幾大啦。叫左個 吉列豬扒便當（$69）價錢幾吸引，份量都唔算少，跟白飯+椰菜絲，仲有碗味增湯。豬扒炸醬唔會太多，層肉以呢個價錢來講算厚，台面仲有醬汁可以自己加落豬扒度。味噌湯唔錯，料都算多，唔會太鹹。怕炸野太熱氣，另外叫多杯凍柑桔檸檬特飲（$15）$90蚊有找可以食到飽，會再返來食，試埋佢其他款式。唔方便嘅地方係，佢人流高峰期時會要大家坐一邊，等之後嘅客入來一齊share 張台。不過我7點前已入坐，離開前搭左幾分鐘台啫。

門外入去見有三四枱吉枱，我地兩人咪選擇一張卡位。坐左幾秒已經聽到有人係後面大叫’‘坐一邊’‘當時已經有其他人客望住我地。我地坐左一邊後個副經理仲不斷追殺，又話一陣有人坐，又話咁大張枱吾會淨係比我地兩個人。一陣有客就會安排人坐我地對面。明明有幾張枱冇人坐又為何突登安排坐同一張。氣奮之下立即走人。本人認為有這樣的副經理生意一定越做越差

好鍾意呢呢間店舖食因為真係好近我屋企 有一次行山前走過嚟呢度食 食咗個鰻魚飯， 之前都嚟呢度食過佢嘅 豬扒飯脆得嚟又有夠厚， 完全好似去到日本食咁呀 令我回憶起當時喺日本嘅情景 以後會繼續再食呀

lunch時段出街搵野食，見到呢間鋪門口放大版的menu，金黃色的吉列豬扒圖片係門口超吸睛，望到人口水都要流出來😍我哋三人每人叫咗一個餐，如下圖呢個炸蝦豬扒定食夠份量，大大隻嘅蝦同大塊豬扒好吸引呀😋豬扒泡菜鍋定食，泡菜鍋和炸豬扒分開送上，非常岩我個食素食嘅同事，佢可以“走豬扒”（將豬扒俾其他同事食）😂自己就可以食齋嘅泡菜鍋炸豬扒超級香脆，色澤金黃，肉有質量又厚實，咬落去一口愛上！好食到停不下來😁我叫的滑蛋炸雞扒飯口感就差少少啦，因為炸雞扒俾汁和滑蛋浸濕咗少少，冇咁香脆可口😢

有朋友住呢頭，同我講吉豚屋好抵食平得黎啲野食質素唔差兼夾大份跟餐嘅湯又菜又肉片咁俾60蚊左右食到你飽之後一食就食左幾年喺炮台山基本上都會即刻諗起吉豚屋年三十晚父母出左街同親戚食飯我同細妹要自己搞掂，就帶左佢黎食我叫左雞扒定食，有湯同加左巨峰味可爾必思，都唔使60雞扒幾厚，唔會好乾好嚡加啲七味粉已經可以餸晒成碗飯細妹嗌左炸豬扒定食，又係大大份佢都覺得好抵食六七十蚊貨仔，又肉又湯又菜又飯又飲品真係無乜好要求炸衣唔會係好鬆脆嗰啲但唔係好硬好刮口，可以接受店員好快手，服務態度一般係繁忙時間要搭檯如果經過炮台山可以一試

想食呢間餐廳好耐，之前係太子經過成日太多人食唔到😭今日終於可以一試🤤北角呢間下午時段相對無咁多人。而且坐得幾舒服！空間都夠大。價錢都極相宜，絕對啱哂我呢啲唔想煮又想食嘅人🤣下午茶份量都幾大，要咗個親子丼，因為都想一嘗豬扒嘅美味！果然炸得剛剛好，飯量又多，撈埋一啖啖食勁惹味～絕對覺得下次可以再試再試！十分推介比大家～有日本當地食嘅口味！價錢又唔會貴，午餐、夜晚唔知食咩好，都可以嚟試試啊！🙆‍♀️🙆‍♀️

猴子今日因工作關係三點鐘才放飯，個肚餓到咕咕聲。和同事出外「搵食」，選了吉豚屋醫肚，皆因吉豚屋又係三點鐘先開始下午茶時段，時間啱啱好。以日式餐廳來說，價錢一啲都唔貴。鑑於月尾，猴子選了價錢最親民的吉列雞扒定食，HK$44（已包括加一），有埋麵豉湯同飲品。餓到打鼓，所以10分鐘的等餐時間相當漫長，差點連相片都唔想拍就即刻食，不過為寫食評，點餓都要影完相先。說回正題，剛炸好的吉列雞扒，外皮鬆化，雞肉嫩滑，少量的脂肪令味道更加濃郁，最重要係加埋「肚餓」這個終極調味料，所以特別覺得好味。至於珍珠飯，猴子覺得黏度稍遜，畢竟高級日本米的價錢不便宜，考慮到成本，其實是合格有餘的。麵豉湯方面亦係「有料到」，一塊塊肉片做湯料，唔會「齋湯」咁呃錢。飲品方面有很多選擇，包括巨峰乳酸、柑橘檸檬等等，不過猴子鍾情於奶茶。或者肚餓的確係最佳調味料，今次呢餐覺得零舍好味。但話時話，下午茶餐要三點先開始，時間上唔係咁夾猴子的生理時鐘，猴子生性孤寒又好難說服自己在正價時段光顧，睇怕都難以成為常客。順帶一提，學生免收加一及有其他優惠。

今晚去左食野，味道好唔好都係其次。最重要既係間餐廳為左用盡空間，將d檯全部都擺到好迫。就係食食吓野期間，隔離檯既一對男女起身走果時，一野撞起左我地個餐盤，d野食，飲品全部倒瀉晒，仲搞到我地成身都濕晒。果對男女係咁意講左聲唔好意思就拿拿聲走人，餐廳d職員仲離譜，第一時間竟然係拖地先，面對住兩個濕晒既客人，一張紙巾都無俾過，個職員一路專心拖地，眼神無接觸過我地之下係咁意講左兩聲唔好意思就繼續拖地了。睇來呢間餐廳d職員對於呢種事情都見怪不怪了。大家仲有興趣去食既，記住著雨衣了。

炮台山想食日本野真係唔係咁多選擇，茶餐廳實在係周圍都有，所以今日無意中發現呢間吉豚屋既時候真係好興奮，可以用好抵既價錢食到日式野。最好彩既係午餐時間都唔洗等位！！！餐廳有多款炸物套餐選擇，最平既4~50蚊有交易。不過最抵係而家做緊特價既套餐，包括滑旦豬扒飯（梅）＋野菜豚肉湯（大）＋飲品都只係$59!呢間餐廳最抵讚既係豚肉湯，因為湯真係好足料，入面有多塊豚肉、紅蘿蔔片、白蘿蔔片仲有薯仔等煮成，味道鮮甜。主角既滑旦豬扒飯亦保持到水準，豬扒唔會太軟而加左旦之後好香，飯上仲有洋蔥同豬扒汁，好惹味，三兩下就可以食曬！

有人想食吉豚屋，於是見天氣涼涼地就行去北角分店。今晚都幾多人，不過等咗一陣就有位，平時最愛吉列豬扒飯，今日唔太餓，望住個餐牌左諗右諗，食乜好呢？食飯就一定太飽，不如轉下試烏東先，叫吉列豬柳泡菜烏東煱，又未免太多🤔最後我單點咗個泡菜煱烏東加一隻吉列蝦，個鳥東好快到，諗住等埋隻蝦先食，點知等咗五分鐘隻蝦都未見，唯有食住等，個鳥東都幾入味，有好多泡菜但一D都唔辣，到隻斑蝦，鬆脆唔厚粉，咁既配撘啱啱好👌🏻，係略嫌貴咗少少$42+$8 再加一。

呢排追緊套日劇，好想食「炸豬扒」，所以今晚揀左呢間「炸豬扒專門店」食晚飯。晚市人流唔少，先睇下個menu, 都幾多款式，除了炸豬扒，重有炸雞扒，炸蝦同埋鰻魚，而且價錢都唔貴，普遍都係$5x-$7x 。散叫左個「滑蛋豬扒飯」$4X,上菜都算快, 賣相唔錯，豬扒炸得金黃，食慾大增！便當既豬扒大概切開5-6小件，方便食。滑蛋汁控制得唔錯，唔會太稀，我最怕炸豬扒比d 汁整到𣺉哂，但呢度d 豬扒入口仍然保持鬆化，肉質嫩，味道亦控制得唔錯，感覺非常滿足的一餐!

今晚一人係炮台山揾野食，仲係5點幾未到6點可以食個下午茶，見呢間餐廳都不斷有人入去食，再睇埋openrice食評就試下先。見餐牌，下午茶價錢都係$50之內，幾okay,又可以當一個晚餐了。入到去食，都係食飯拉，吉列豬入首選，因為夠肉肉，如果加多隻吉列蝦都係8蚊，但我冇力，因為怕食太多炸野喉嚨痛。吉列豬上台，吾錯喎，一口咬落，吾覺太油，台上有芝麻醬同豬扒醬，我2樣都有試，豬扒醬頭幾啖食幾重味，之後食食下又幾夾喎，芝麻醬我就加落椰菜到食，幾好味。總括黎講，呢個價錢同質素，下次可以再encore.

豬排定食味道不錯 豬排輕鬆 日本麵豉湯就一般，湯中有少少雜菜，可一讚，環境都不錯 乾淨，近地鐵站，價錢可接受，但油炸的選擇比較多，希望可用信用卡付款，整體都不錯，可一試。

今次事關收工趕黎北角同飛鏢朋友吹水吹吹下水都9點幾就索性出去覓食黎到呢間野雖然呢間野主打係吉豬不過我就一直俾餐牌個鰻魚飯吸引住(舊魚笑住我笑Gag)最後我就叫左滑蛋鰻魚飯🐟而我個朋友就叫左吉豬滑蛋飯雖然差唔多到收鋪時間但人流依然都幾多下而且出菜都好慢亦見到隔離幾枱都未有野食可能因為臨收工得返一個廚師啦等左成20幾分鐘終於黎到可能都因為臨收工關係啲食物質素差左飯同啲餸菜都涼涼地我朋友舊豬排雖然都仲脆但都係唔夠熱睇黎下次要黎都係日頭食穩陣啲啦