吉豚屋吉列豬扒專門店

Open Now

Now Closed

When husband and I found this place first time about 6 mths ago, we know nothing about this shop. We gave it a try because we didn't want to end up going the same place for dinner. It was full of people at night and we need to wait 10 mins for a table. The interior reminded me the local cheap eat chain stores in Japan.For the first time visit, we tried the Kimchi pork chop pot udon set and the Deep fried pork cutlet (80g) with curry sauce on rice. The picture menu looks mouth watering, but I dou

今日和朋友去了吉豚屋，食得很滿足。我點了滑蛋豬扒，味道不錯。豬扒大塊，炸的剛剛好，外表酥脆，裡面的肉比較嫩，吃得很滿足。外面包裹有蛋，不過沒有預料中的好看。飯量很足，米飯較軟，我和朋友都吃到好飽。值得一提的是配的蘿蔔湯很有味，裡面真的有很多蘿蔔。吉屯屋的東西比較平價，而且很好吃。另外還發現了有外賣服務，便當都很精緻，下次不想出門的時候可以試試。

一向在這店都是order 吉列的食物, 因為水準平均但炸的食物, 不能食得太多, 所以少光顧了, 恰巧經過見到有shabu shabu, 就有股想試的衝動了, 想在少少冷的天氣, 拾下拾下, 很開心, 而且$59 的價錢, 還合理, 怎知中伏了這款火鍋, 是只在下午2:30 後才供應的, 上台時, 很開心, 因為份量很足呀, 有麵和雞蛋誰知中伏了, 肉類和配料是可以的, 但醬油湯底, 好咸, 扣足70分

因為去炮台山睇中醫嘅關係，公主同爸爸嚟到好少到嘅地方搵食行行下搵到呢間吉豚屋，一睇menu，咦！咁抵食嘅？一於試試先吉列豬扒配泡菜烏冬鍋吉列豬扒當然不能同丼吉比較，但以呢個價錢，算係相當唔錯炸完嘅豬扒些少乾身，不過依然有汁，而且唔油膩，唔會食到成口油，幾好呀~泡菜鍋唔係好辣，酸酸地好開胃，烏冬粗身煙韌唔會冧豚肉壽喜燒爸爸叫嘅係豚肉壽喜燒，豚肉雖則明顯係急凍肉，但偏甜嘅壽喜燒汁真係補救番而且蔬菜吸晒壽喜燒甜甜嘅汁，仍然清甜，正！最正係有隻生蛋響入面，半熟又吸收晒壽喜燒嘅汁，軟軟嘅蛋白帶少少甜味而蛋黃黏牙嘅口感好正不過爸爸就覺得甜咗啲~巨峰提子汁有好淡嘅巨峰提子味，唔太甜，亦唔算特別，但唔係好貴可以一試嘅總結：以呢個價錢嚟講，咁嘅質數真係好得下，如行過唔知食咩好可以一試         而且個環境真係好有日本feel，裝潢真係令人諗起響日本食嘅平價速食店，無得去日本不妨去呢度感受下~

小弟今日放工忽然勁想食拉麵或者日式野但北角真係比較難搵拉麵 見呢間日本野未試過 招牌幾吸引 就俾次機會佢入去試下入到去 環境唔大 不過算乾淨坐低之後 雖然多員工 但大部份都掛住傾計 唔理客人 所以我都等左一陣子先有人俾餐牌我 叫左泡菜吉列豬扒出前一丁 同一杯乳酸飲品食物大概五分鐘後黎 (俾速度嚇親) 賣相幾好先試麵: 泡茶同吉野家d無分別 算係咁湯底不過不失麵硬度ok 證明廚房試整出前一丁 隻蛋啱啱打上去 黎時仲係完全生 d湯唔夠熱去將蛋白變哂白色 (透明係相睇唔到蛋既存在 其實係左手邊)ok試下餐廳主打 吉列豬扒:一咬落去咦？咁冧既？唔通啱啱淨係咬到d粉？咬大啖d先 都係好冧喎... 唔通未煮熟？望下塊肉 顏色睇落夠熟 但由於d豬肉 搓既時候太鬆 搞到炸完後 塊豬扒太冧搞到有d似食炸蕃薯咁...努力食多幾啖後 我放棄 唔食啦所以走時仲有一大塊剩番係枱面飲品:明顯係出面緊有得賣既支裝飲品 我算大半杯冰 小半杯水 我算但d冰唔夠凍....d野飲黎到不久 d冰已經溶左一半... 變左乳酸溝水.. 結果都係無飲完走人總結+價錢: $83唔算太貴 但絕對唔係平我會expect好少少有10% s

依次係第二嚟吉豚屋，之前食完有時都幾掛住佢，因為我鐘意佢間舖各樣細節及燈光都有令我置身日本地道連鎖店的感覺，同埋佢有人流之余又唔駛等！今次點了"滑蛋吉列三重奏"$65+"野菜豚肉湯"$9+"吉列豚柳泡菜煱烏冬"$69+"柑桔熱檸水"$6,等了一會首先到嘅係三重奏+豚肉湯，我叫嘅原因係因為貪心，因為有滑蛋汁丶炸蝦丶炸豬扒同炸免治豬肉，簡直係可滿足人乜都想食少少嘅感覺，我第一口係飲豚肉湯，因為天氣涼，飲第一口非常暖身，而佢材料又多，仲要只係$9絕對係唔錯，之後就開始食個飯，整個飯個賣相幾靚，一啲都唔hea,炸蝦一啲都唔細，食得出蝦係新鮮炸同蝦肉亦好食，之後到豬扒，豬扒厚得嚟裡面仲好有肉汁，比起我之前響丼x屋食$128個豬扒飯好食好多好多，最後到免治豬柳都係可以的，但冇之前兩様冇咁突出，蛋汁亦非常足夠令我可把整個飯K.O曬！第二様豬柳泡菜鍋，個鍋都幾大烏冬都幾多，紅紅嘅泡菜湯，夠熱又有啲辣冬天食感覺好正，炸豬柳比豬扒薄同乾少少，最後不可不捉一下杯$6嘅柑桔檸水亦非常好飲，以兩個人食只係$164嘅價銭同得到既美味，絕對不比最出名嗰間差多少！

如果想起日式炸豬扒,相信都係去勝博殿是常識.今次我係北角搵到呢間吉豚屋吉列豬扒專門店 Ca-Tu-Ya.平平地,頂住先!反正兩者有一樣野係好接近,就係食完勁熱氣.隨意點個$75 豬柳定食.有3塊豬柳,份量不算多,但係理解的.豬柳咬落算鬆化,不過無肉汁,食起來比較乾.真係好依賴個豬扒汁黎調節.雖然3塊唔算多,但係白飯就因為大家都係乾乾既情況下好難食得哂.不過呢個價錢就當係入門級炸豬柳都還不錯

要到附近辦事，午飯時間想食得開心，又坐得舒適，見這裡不用等位，又食炸物的地方，應該會食得開心呢。近年日式吉列店大行其道，雖然賣相吸引，但價錢都有點偏高，多吃亦無益，甚少選擇光顧。今次算是破例吧。望望餐牌，發覺沒有想像般高昂，可能並非最有名氣的幾間吧。今餐主角出場，大堆頭 日式炸蝦豬排定食，賣價只是69元。相信要是在有名氣的幾間，即使是午餐也至少要貴多10-20元。主角炸物，賣相美觀且不油膩，進食時不會覺得滿口油。炸蝦應是一般急凍貨，普通豬排，外皮鬆脆，肉質普通但不難吃的，有5,6件之多。有大量配菜墊底，有肉有菜。飯一大碗，再配上湯，湯應該是麵豉底再加入大量配菜，有紅蘿蔔、京蔥以及豬肉。未試過有這麼多料的日式湯。枱上配有酸酸的豬排醬以及芝麻醬，任你點落都得。總括而言，非常抵食，約70元，但份量非常足夠。2隻蝦，5,6件豬排，亦不太薄。男性也能飽餐一頓如果要求唔太高而又希望試試日式吉列的，這間店你可以試一試。

2:20pm 走進這店。大概只有3成座位有客，原來是我笨了，不知道有下午茶。食物: 這是正常menu 內的滑蛋豬排飯($49)。味道很好，豬味濃(因為有點肥), 是日本的那種脆，其實這個價錢是很不錯了。要知道有些主打日本炸豬排的餐廳要賣近$200一個定食啊！這豬排很大，剛好鋪好一個碗。飯也很多，可以吃好飽。唯一不足是蛋味不夠，也煮得有點過了火。服務: 侍應都好有禮貌畢竟這是要加一的店。清潔: 好乾淨(只是後來有裝修師傅竟然無理會這是食店，竟然開著後門燒旱，好吵好嗅，但侍應立即好醒目的關門了)價錢: 為什麼我有這標題呢？因為我點餐後2分鐘，就聽到有侍應跟鄰枱的客人說，多等4分鐘就有下午餐。有冇搞錯! 如果侍應有預先跟我講，我就定會點下午茶，因為同樣這個飯，雖然叫迷你，但我看到別人的跟我的幾乎一樣，或者會少點飯吧！但，只賣$24!!! 而且加8元有炸蝦。。。最令我不爽的，是我order 了近20分鐘後才來，但鄰枱的這個下午茶幾乎是同我的一同上枱。好明顯，廚房是想這2個飯一齊做。要我多付一倍價錢，等20分鐘，我覺得太過分了！除此之外，其他都喜歡

新開張的餐廳人頭湧湧，等外賣亦需等候約15分鐘。滑蛋豬扒飯(梅)：梅即是豬扒重量最小(80g)的意思，女生吃的話已經相當足夠。豬扒不太肥，亦不難以咬開，只是肉香不足。吉烈亦黏在豬扒上，收貨。滑蛋份量足，大部分的飯也可以沾到蛋汁。相反白飯不夠熱哦，是因為天氣熱的關係，刻意把不燙的飯奉客嗎？

開業不到三個月,經過門口見裝修頗接近日本的快餐店,感覺很乾淨舒適,亦都似大戶屋。朋友點了吉烈雞扒定食($49)在這間店,雞扒價錢比豬扒平$10左右。配白飯及好豐富材料的麵士湯。檯面放上豬扒汁和芝麻汁,芝麻汁是配沙律,好MATCH,非常美味!我就點了鐵鍋吉烈豬扒定食($59)炸過的豬扒被醬汁整到冧晒,食不到炸物是否脆和薄,可惜!醬汁上有蛋漿,食落更豐富,配上酸酸的豬扒汁又係另一番口味!

平民日式豬扒店, 剛開店約2个月, 特登前來試吃, 中午套歺或散叫並不貴, 偭錢合理.滑疍豬扒飯, 分大中小份量可供選擇, 非常適合細食的我, 叫了一客小, 滑du du的疍, 半生半熟的感覺, 非常好, 豬扒炸得香脆並不鞋口和不硬, 至於飯底亦淋上了汁讓每一粒飯都沾上, 吃落不會有乾的感覺, 整体是好的而重要是用上這平易的價錢!

之前在旺角食過一次, 無咁好食, 可能係人多關係, 豬扒唔夠熱, 皮又唔夠脆, 但新開這店, 在下午四時半左右, 少人流, 即炸後即上檯, 完全感受不同.吉列咖哩豬扒飯, 分為三種不同份量, 列名清楚, 有80g: $59, 120g: $69, 和160g: $89. 選了120g: $69的份量, 另加一杯咖啡, 補多$6.日本餐廳和香港餐廳的分別, 日本店的餐牌上的照片和上檯時的樣子, 通常不會相差太遠. 而這碟豬扒飯直情完全一樣.豬扒即炸, 當然熱度十足, 肉質也不差, 當然相比起一些貴價吉豬店, 質感是略為鞋口, 但只是相差很少, 醬粉不厚, 十分脆口, 肉與粉沒有分離, 珍珠米煮得略為偏淋了些, 但這只是個人口味喜歡硬一些.日本咖哩, 從來不是我的喜好, “COCO Curry”都不滿意的, 這個當然….. 算吧… 不評了咖啡是用即溶式, 味道不酸, 但… 哈哈…. 員工服務優良, 價錢不貴, 整體不錯.

是新開的店, 而且還在指定日子做特價, 指定4款, 每款$50, 所以等位都等了20分鐘, 吉列豬扒雖然是炸物, 但入口軟熟, 真係冇牙都食到, 而炸漿薄, 脆但不油, 冇得頂，原價套餐$72, 豬扒份量很足有120grams 還有一個湯。新店人流特別多，但服務生態度也很殷勤

新開張幾日，今日用試食價去試個咖哩吉列豬飯。因為中午時間，人多到要喺外面等十幾分鐘先有位置。好在天氣還未太熱，否則會建議佢地送冰水俾喺外面等位嘅人解喝。服務好好！一坐低就有水，好周到。用試食價$50叫咗個咖哩吉列豬，咖哩味道幾好，食第一件豬好好味，好鬆好軟，但到食第二件就好硬身，唔知點解。然後到中間有水味，唔係肉汁味道。係中間啲肉太厚原故？真係唔肯定。不過，以$50嘅價錢，有服務，環境清潔，已經唔錯，努力做好食物質素，價錢合理，唔貴就一定多街坊支持，努力！