吉豚屋吉列豬扒專門店

Open Now

Now Closed

滑蛋吉列三重奏飯$69（蝦＋豬柳＋黃金豚肉餅）炸蝦粉漿好厚，蝦肉爽口，但係偏細隻；豬柳比較厚身，肉質偏實，冇乜味。豚肉餅則洋蔥味偏重；荔枝爆珠白桃乳酸特飮荔枝及白桃味偏淡，乳酸味欠奉，唔建議飲。跟餐價$13單點價$23所有炸物既炸粉比較厚身，而且有d介口，油膩感亦偏重，食完之後好滯。📍吉豚屋吉列豬扒專門店荃灣大河道98號如心廣場二期1樓116號舖✨評分：5/10💰人均價錢：$82(未加一）

每次經過吉豚屋都睇到人流，今次係第二次食吉豚屋，唔需要等太耐就可入座☺️是次因為想食麵食，就決定叫以下呢款：吉列豬柳泡菜湯烏冬整體用餐既分量適中，烏冬麵質唔會過淋，彈牙👍🏻 泡菜湯同烏冬好夾，泡菜唔會過辣，湯底加左蛋，令湯底蛋左份蛋香；豬柳外皮炸至酥脆，香口，相比之前食過既炸豬扒，肉質唔會過硬實，再配搭豬扒醬，添加好味😋經過呢兩次係吉豚屋既用餐體驗，本人覺得吉豚屋既炸雞扒同炸豬柳較炸豬扒出色☺️

今天假期同老公一起去荃灣西午餐，因為他很想吃如心廣場內的一間吉列🐷所以就去了吉豚屋排隊，荃灣西每當假日所有食肆都是要排隊的，我們等了廿幾分鐘才被安排入座。等侯時已在店外看完餐牌決定了吃什麼了。😁其實我自己不太喜歡吃吉列豚，太多肉又熱氣，不過已經好幾年冇食就去一次啦！😂呢度既定食係價錢夠實恵，一百元都唔使就食到吉列豚同蝦，不過一分錢一分貨，只要你不要要求太高都可以一試既。😅但如果你想食好味d就梗係要去丼吉食啦，淨係d椰菜絲已經食過翻尋味啦！吉列豚更是好Juicy，自己磨芝麻又好玩。👍吉列豬柳定食$75豬柳外面既吉列皮好脆，但咬落有油味，d豬柳唔太厚，一分錢 一分貨！定食包一碗飯和麵豉湯，白飯當然不用日本米，有D硬好有咬口，我就唔like啦。湯就淡味d，水多，入面有d紅白蘿蔔， 當有d熱湯🍲濕下口，過得去啦！吉列炸蝦豬柳定食$72因為看到食評如果加入滑蛋，蛋的水份會令到吉列唔脆口，而且見到鄰座加左蛋後影響曬食物既look，所以冇打算加。跟餐各加左一杯飲品，乳酸雪碧特飲及菠蘿荔枝梳打$15/杯

每次經過都好多人排隊，今次見得幾個人排就試吓啦。睇吓有幾好食😏😏就咁睇真係好吸引😋😋流晒口水🤤🤤🤤叫咗一碗滑蛋吉列豬扒鰻魚丼$89，第一眼我係呆左，係呆左。。。點解可以同餐牌張相差甘遠😓滑蛋包住吉列豬扒，令豬扒的外皮淋了。特製他他醬炸蝦雞扒定食$75，今次真係冇令我失望啦。我最欣賞嘅係他他醬，唔係剩係得沙律醬咁簡單，入面係有切粒嘅熟雞蛋㗎。炸豬扒同炸蝦外皮很脆。蜜桃爆珠香芒乳酸特飲$13(左) 荔枝爆珠白桃乳酸特飲$13 （右）

hktv 極速送，落左單等左成個半鐘1.5 小時都未有！ 又話部機壞左開唔到機，追單問個大陸口音既呀姐職員就不知所謂，係咪話自己唔知點做！ 唔識。 真係咁既答案都夠膽你拎負責聽電話，應成左話會覆電話點知又無左件事，完全推卸責任講勁多廢話，聽到佢口音加工作態度就好嬲…反而個香港後生女職員好小小，但係都唔識去做多幾步去settle down個客， 話野食已經ready左半個鐘但係無車手，要個客自己提佢整好咁耐咁咪要凍曬，先識整過份出黎，係咪咁小既事都唔識主動去諗？ 最離譜係要個客自己去返上去揾車手，自取定外賣又分唔清！ 食物質數一般，偏咸。

我哋兩個人都叫咗佢嘅泡菜烏冬鍋再加炸豬扒炸豬扒應該擺咗幾耐，因為上菜嗰陣已經略嫌唔夠熱，同埋就細塊咗啲不過豬扒仲係酥脆嘅，都算係咁😅佢嘅泡菜烏冬鍋好有驚喜😍有幾塊嫩豆腐，都有幾多泡菜，個湯熱辣辣好好飲，唔會太辣烏冬煮得啱啱好，好煙韌🤤食完嗰餐真係好飽飲品我哋叫咗芒果乳酸特飲加上佢嘅蜜桃爆珠，對於我來講就太甜😅 不過都幾好飲👍環境都算闊落，坐得幾舒服，可以慢慢食同朋友傾偈☺️店員都幾有禮貌👍等位都唔算太耐

鍾意食豬扒嘅話就啱晒由佢開張到而家都冇見過佢唔使排隊。本人係都幾鍾意食串呀，但每次經過都唔明點解咁多人排，一今個星期二早去到見冇乜人排隊就試吓啦。然後我就唔明點解咁多人想食，因為價錢都幾大眾化。一個豬扒飯都好似$100有找。佢一個套餐有一個豬扒飯，一杯飲品，一碗麵豉湯。另外麵豉湯就正正常常一碗湯，麵豉湯唔會話特別，正正常常一碗湯，都有豆腐俾你咬下嘅。豬扒係幾炸，而豬扒汁另外上，咁樣塊豬扒就唔會咁易淋。另外仲叫多咗玩炸蝦蛋飯。我覺得呢個冇豬扒咁好食，因為冇乜汁，所以比較難完成晒成個飯，感覺就好似食炸蝦同飯。

今天我們想了很久也不知吃什麼, 因太子& 小皇子都很挑剔的, 想極都不知吃什麼, 那最後去了 如心 看看, 這間舖, 我天天行過都勁多人排隊, 想著係咪咁好食呀, 因我自己不是很喜歡吃 吉列 (因怕肥啦), 所以我都沒有心去看, 但細路都喜歡吃脆口的, 所以今天要排長隊都排下啦...排了 15MIN, 也不算太耐, 入面的位置不是太多, 服務員態度都 ok 的. 價錢都 ok 平 (相比日式餐廳).小皇子叫了這個 吉列雞扒定食, 粉漿略嫌炸過了, 雞肉還可, 一般, 那個蔬菜湯沒有喝, 所以不予評論.我因不喜歡吃 吉列, 所以叫了這個 滑蛋鰻魚定食 (看餐牌時很靚的), 來到時, 蛋&鰻魚都有點老 (乾), 可能煮好放久了, 一定不是即做的. 先吃了一口蛋, 嘩...鹹到你呀...簡值是在吃 鹽巴,  咩事, 個位師父沒味覺的嗎? 不知是否那些汁煮完再煮, 像濃縮了的汁, 超鹹; 鰻魚也是煮久, 像煮完再煮, 無彈性, 還有很多骨, 不知是那裡來的貨源, 在吉吉島買的還好吃多多聲. 烏冬一般啦, 還可, 幸好汤不太鹹. 太子原本也是叫了 吉列雞扒定食, 但這是沒汁的,  問服務員加沙律

兩公婆去荃灣西行街街，食個下午茶，正確來講係午餐😝太耐無食日式吉列豬扒，一見到，就吸引左啦🤩🍱吉列豬扒定食：野菜豚肉湯，有滿滿既豚肉，一啲都唔hea，不過我就覺得有少少咸。吉列豬扒係正常厚度，又唔係厚切，又唔係薄到紙皮咁，塊豬扒都大塊，即炸脆卜卜，配埋炸豬扒汁，好食😋成個定食覺得係個白飯黏左啲。🍤吉列蝦咖喱飯：吉列蝦都係即叫即炸，啲蝦都爽，無霉既口感，日式咖哩汁一如既往，係唔辣既～🥤：提子乳酸特飲，我個人覺得有啲酸。另外，菊花茶都第一次見，我估係配合香港人怕熱氣，所以有既産物，都係正正常常。整體來講，性價比都算高，加上下午茶有哩個水準，都真係唔錯！

小朋友仲意食炸嘢，又鐘意食炸嘢，諗到嚟依到。滑蛋炸蝦：每次叫親依個，個汁都會整到d 蝦會諗左，但又真係無咁熱氣。所以仲意脆口的，就唔好叫滑蛋汁。咁個蝦又幾好味的。咖哩豬扒飯：仲意撈汁的妹妹就一定唔會錯過。豬扒又幾香口又大件，好惹味。🥰吉列炸蝦雞扒定食：就真係好爽脆，好正，雞扒好juice。點左杯特飲，純粹解渴，不過爆珠又幾過癮。湯🥣：反而個湯同其他有不同。依個湯多左紅蘿蔔、白蘿蔔、少左麵豉的鹹味。有驚喜。

.📍吉豚屋吉列豬扒專門店📍 #饅頭去荃灣 #饅頭食日本菜 ------------------------------滑蛋豬扒飯 梅 ($49)呢度嘅吉列豬扒有3種Size提供比大家選擇，價錢會按住豬扒大細而有所不同，大家可以因應自已嘅胃容量揀食幾多🤓，另外鋪頭會收加一服務費，大家要留意啊。講返碗飯，冇咩特別😂，吉列豬扒塊皮算薄，口感就唔夠crispy，底部比飯嘅蒸氣整到潮曬；至於肉質其實唔差🤓，係嫩彈兼有少少汁，再有洋蔥同蛋香作伴，好難整得好難；不過隻似蛋花多過滑蛋，唔太滑。佢哋嘅飯唔會煮到太乾🍚，而且每張檯都有蒜蓉汁同芝麻醬比大家任加，唔驚冇味餸飯。正常嘢，食完唔會特別開心或者嬲😌。------------------------------整體評分：6.6/10小編回頭率：5/10

噚晚(12-6-2021 Sat)同老公喺酒店房待到晚飯時間,就出去買嘢返房食,由於我唔餓,所以都係輕食,我哋邊行邊睇,經過呢間,老公睇咗$59.00嘅芝士奄列吉列雞扒定食,我就揀$49.00嘅吉列滑蛋豬扒飯便當(梅).買飛時,個男仔話芝士奄列吉列雞扒定食只係堂食,冇外賣,咁就要$49.00嘅芝士奄列吉列雞扒丼.好快就有齊,返到酒店睇,吉列滑蛋豬扒飯便當嘅滑蛋唔多,我哋開動喇.吉列外層唔係幾脆,可能因為淋咗汁上去,豬扒口感唔太乾但又唔算好juicy,飯有啲硬,好彩有燒汁,唔使乾哽.芝士奄列吉列雞扒丼呢? 芝士奄列見唔到芝士嘅縱影,但係食到嘅,吉列雞扒外脆,可能因為冇汁,而口感都一樣唔太乾但又唔算好juicy,呢個有生椰菜絲,我就唔係咁鍾意食,而呢個飯就冇汁嘅.味道係2.67分, 抵食係2.8分 其他: 佢哋嘅吉列滑蛋豬扒飯便當分三種,有梅,竹同松,分別係豬扒嘅size,80g,120g同松就有80g兩件,價錢分別係$49.00, $62.00同$87.00.題外話:大大張嘅外賣紙,底面都係一樣,點解要用咁大張紙?

太掛住日本 所以去食下炸豬扒飯🥲🥲但....佢塊吉列豬扒真係好乾好乾😀😀😀😀😀我食左一舊唔想再食😂😂😂😂不過都幾脆既...佢有湯有飯有埋沙律 其實呢個價錢都真係幾抵食不過我要求太高姐🙂真係乾呀🥲🥲🥲另外叫左個吉列雞扒加肥牛仲有蛋 反而雞扒勁好食 好脆😍又juicy我下次一定會簡雞扒😂😂佢個牛同吉野家冇分別🤪🤪佢呢個係壽喜燒個汁黎🥰🥰所以撈飯一流🤪🤪呢個餐高汁過炸豬扒😅😅

行山經過如心廣場，見有間日本過江龍食肆，同朋友不約而同就揀呢間食。吉豚屋有幾款飯係做緊優惠，但黎到吉豚屋食雞的話，好似格格不入。於是All IN豬扒啦……出到黎，我個餐是咁的：係一個定食，除咗好很多椰菜外，無咩想講。餐廳選用日本珍珠米，飯質偏硬，唔似平時食開個種。味噌湯一般，不至於好差或好出眾，有一粒原塊豆腐tim。豬扒炸得好乾身，根據邊際遞減理論，食到第三塊會覺得好dry，唔再有剛上碟既快感。最慘係見隔離order優惠餐，感覺比我哋更豐富，真係慘……

🌕🌕🌕🌕🌑🍽吉列豬扒定食 跟白飯加野菜豚肉湯(小) ($69)😋炸豬扒有120g，大過手掌😋炸皮同肉唔會分開，炸得好脆🙂豬扒自己本身冇調味，味道倚靠自己落嘅豬扒醬🙂唔落醬就可以食到本身嘅肉汁😋豬扒帶少少筋，軟腍而Juicy😋椰菜絲嘅粗幼統一，係好幼細😋椰菜絲配上任你落嘅芝麻醬，非常清新🙁定食碗飯就比較細碗😋碗湯就好有誠意，好重麵豉味😋入面仲有煲到溶晒嘅洋蔥，同埋三至五塊油花好均勻嘅豚肉片🌕🌕🌕🌑🌑🍽滑蛋吉列豬扒飯 梅:80g豬扒 ($49)😐滑蛋只係薄薄一層，黐住係炸豬扒上😐滑蛋豬扒飯嘅炸皮同塊豬扒煮完之後分離，無咁出色🙂塊豬扒吸晒滑蛋汁，甜甜地好好送飯👍🏻正正經經食翻最簡單嘅吉列豬扒定食最滿足👍🏻任落嘅芝麻醬同豬扒醬，多汁少汁由你揀🙌🏻晚市定食都唔包野飲，要自己加錢嗌