Cafe 1950歐陸餐廳 (Closed)

之前黎左呢度食午餐, 餐牌選擇都唔少, 我覺得似係茶餐廳同西餐Cafe既混合. 我就試左個菠菜汁煙鴨胸燴飯, $46包熱飲價錢都唔貴, 質素亦都相當唔差呀! 碟燴飯份量好大碟, 上面放有大大塊五件煙鴨胸, 中間有3粒車厘茄, 下面係綠油油既燴飯, 望落好有色彩, 賣相擺盤都有D誠意咁. 成個飯都好綠, 入面有D洋蔥碎, 每匙飯"不"起都有D芝士絲, 口感唔錯, 而菠菜味都食到少少既, 可能因為有芝士食落就更加香! 唯一唔係太好就係D煙鴨胸都煎得頗油膩, 成塊都係令立立既....但整體都滿意啦!

1950餐廳係有D地方都聽過，餐牌上的食物種類選擇亦算多，大多都係西式類既，睇落樣樣都好吸引，花多眼亂，最後決定叫住少少試下先，話哂第一次黎德國式啤酒焗雞聽個名好似幾得意，把原隻燒雞插在啤酒樽上，燒雞係熱辣辣既但外皮已經係林哂，裡面肉有D鞋，冇乜味，完全食唔到有咩味西班牙海鮮飯，呢個炒飯D汁都幾多，但食落完全一餅野咁，好厚，不過比隻燒雞好，至少味道唔算太差 菠蘿火腿蛋Pizza，材料鋪滿哂上面，再加埋芝士拎去焗，睇個樣係唔錯既，D料都夠，但係質素真係頗為參差，薄餅底好硬，硬到食唔到淨係食哂個D餡

每周日都會去美林邨探親，試過這間的午餐，今日試了晚餐，雖然沒有套餐，五個人自選幾款食物。坐低後，侍應一人一碗例湯，真係有驚喜！叫了兩款需要用爐即整的食物，一款係芝士煮肥牛飯，一款係芝士煮炸雞，兩款都可以自己煮，但係個炒飯就炒得麻麻要由侍應幫手炒乾！芝士炸雞配搭起來好好味！但芝士一定要熱辣辣配合炸雞吃，一凍D芝士一PAT PAT冇咁好食！個豬扒蛋包飯味道可以，但沒有特別！而白酒煮青口的味道又唔錯！喜出望外！汁有少少白酒味道！但配合青口味道好好！

前星期經過美林村商場，正值午飯時段，看到此餐廳較為特別，很有歐陸風格，加上店內地方夠大，很多卡位可選，便入内試試這裡午餐。😊😊分別點了兩個午餐，乾炒豬扒烏冬和雞扒飯，價錢不過$40，算是便宜。而餐是包汽水的，可以到出面水吧汽水機任裝，不錯。👍👍至於食物方面，乾炒豬扒烏冬炒得夠穫氣，熱辣辣上碟非常惹味，加上辣椒酱食，味道香辣。而烏冬粗幼均匀，麵身夠咬口，這味餸好食。至於雞扒飯就較為雞食，雞扒扒身霉，咬完一啖而不想食，最後只食飯算了。😢

早前經過Cafe 1950歐陸餐廳想吃晚餐，因6:30才開始，尚要等候半小時，所以緣慳了！今晚6:00經過看見可以入座，緣份又起！朋友的芝士焗雞柳煙肉闊麵，焗得很靚呀！可惜芝士不是我心儀，但看看都幾開心的。我的温泉蛋雞柳天使麵，温泉蛋滑滑，個汁又滑滑，真係滑到不用「趙」，味道尚可以，餐湯又夾到不得了！又係一個滑字！想要杯白開水，便問侍應生取水，原來白開水、汽水、餐飲都是自助式，任斟任飲！第一次幫趁真係大鄉理，佢又唔講，我唔問就冇東西飲添啦！！！

做運動前想食個快餐又唔想去大家樂，本人覺得呢間餐廳係一個唔錯嘅選擇。第一、雖然位於公共屋村但呢度環境實在唔錯，裝修有品味第二、午餐飲品全自助任飲 （最喜歡無糖豆漿）第三、餐牌內選擇甚多而且價錢不比連鎖快餐店貴今日點白咖哩豬扒飯 - 以茶餐廳來說賣相非常不錯。豬扒肉質雖然有點嚡但仍稱得上合格，調味方面亦做得幾好。白咖哩汁唔辣但頗香。要批評嘅地方就係白飯唔夠香軟，希望在這方面可有所改善。自助飲品有汽水、無糖豆漿、朱古力及各款咖啡。以呢個價錢，無可挑剔了🤗

食得茶記多打算搵返間餐廳仔食下見佢又有飲品添飲呢個招徠就去試下餐廳嘅門面幾企理入去餐廳唔會有人帶位自己鍾意坐邊就坐邊午飯時間都唔係太多人可能因為位置比較偏遠之後有班中學生放lunch就坐滿左餐廳約七八成餐牌餐牌餐牌和風紫菜沙拉汁炸雞飯三十七蚊個飯其實都應該冇乜嘢需要期待個飯有四件炸雞炸雞炸到乾晒又唔熱水準差過大X樂飲品可以自己隨便斟有汽水咖啡同茶斟左杯咖啡好難飲完全入唔到口之後試多左杯熱朱古力超甜完全冇朱古力味嘢飲完全係一個伏雖然佢哋仲有其他貴啲嘅餐不過五十蚊嘅話我諗我有其他更好嘅選擇

作為附近居民 1950係我其中一間去得最多嘅餐廳最中意自己一個去 貪佢平平地 對我來講幾就腳同埋可以坐好耐有時更加會帶埋電腦去 當佢starbxxk 咁坐番兩個鐘呢度對於坐好耐的人來講可算是十分friendly基本上唔會趕客 就算佢地要落場 只要你埋左單你繼續坐都得而且呢度除左早餐之外 所有時段幫襯都可以有飲品自助吧所以坐得耐都唔怕口乾自助飲品吧有汽水 咖啡同茶包一開業嘅時侯係用雀巢沖粉果隻咖啡機的 我覺得好過一段茶記啲咖啡不過後來轉左另一個不知名牌子 即刻無咁好飲但飲飲下都接受左食物方面 種類同質素都同一段多元化啲嘅茶記差唔多(只適用於早餐午餐下午茶)每樣野都唔可以話好好食亦都唔可以話好伏不過佢都係收茶記價錢 所以都可以接受點解講左咁耐都無講到晚餐呢 因為我食過一次就已經將佢係我嘅大圍候選list入面拎走左啦佢晚餐嘅menu非常大包圍 港式韓式西式咩都有但係質素只係屬於一般嘅水準 而且價錢唔係話平 要食呢類型嘅野 搭多幾個站出去大把選擇附上某次下午茶的奶醬多($19) 呢個價錢呢個環境無得輸啦總結就係:當佢好坐嘅茶記好啦

首先講講環境，都乾淨企理，裝潢都係1950既風格。奇怪在星期六晚7點竟然得幾張枱有人，心諗可能呢間1950既位置問題都不以為然。一開始時侍應人數分分鐘多過客人，咁對客黎講都係件好事，唔洗冇人理，但侍應就冇乜禮貌，落完單唔覆單冇講下多謝咁，好似去左茶記食西餐咁。落完單5分鐘左右就有嘢食，心諗點解可以咁快，唔通可以整定放係廚房？如果可以咁快又好食既話當然好，但佢唔係囉。重點嘢食，就點左個卡邦尼意粉同黑豚溫泉蛋石鍋飯，carbonara 都有d cream 味既，但唔知點解仲有陣奇怪既甜味，未食過咁既carbonara，亦唔明點解carbonara都可能整得咁差。至於個石鍋飯，未食個時，賣相同氣味都好唔錯的，但食落就出事啦，d飯唔知點解可以好大陣水喉水味，同埋可能落多左水，d飯一攪就爛哂，個石鍋明明都好夠熱既，但冇乜飯焦形成到，就算有飯焦，都唔知點解係黑色既，平時食過石鍋飯既飯焦係啡黃色，脆同香既，我見到佢d焦係黑色都唔多想放入口啦。成個飯又淡又爛，d豬肉都好淡冇味，好似好cheap既貨咁。嘢飲就唔知係咪全線都轉左做飲品bar，冇得叫凍檸茶個d，都變相cheap左。本來見到呢間1950係幾間

前一排來這裡試一試他們的食物質素, 可能因為是閒日的下午茶時間, 只有四五枱食客, 餐廳地方頗大, 空間感很足夠. 裝潢也不錯, 看得出他們想營造一些歐陸風...不過地方清潔有待改善...看見卡位地下有不少垃圾..而且出去斟飲品的枱面也不太整潔...食物方面, 下午茶都不少選擇, 有幾款飯, 有湯麵, 有些小食多士三文治之類的, 我就點了一客瑞士汁豬軟骨飯, $29包任斟飲品, 個飯味道都可以, 豬軟骨份量超多....多到有點驚訝, 因為真是完全填滿了那個放餸的小碗!每件豬軟骨也是大大件, 瑞士汁幾入味, 唔太鹹, 豬軟骨肉質也不算韌. 但飲品真的頗差...任斟好像很抵...我一下單後侍應就示意我可以出去斟飲品, 我見到有兩部可以斟咖啡和朱古力的機..但一部壞了..另一部感覺很久沒抹過....所以放棄了..還有一部汽水機..但試飲過兩款都像糖水一般...勁甜..最後見到有些茶包..我拿一個用來沖熱水算了我寧願佢提供正常一杯飲品就算..

先講講餐廳環境先😗呢間餐廳環境不錯，座位寬敞，而且雖然喺晚餐繁忙時間，但可能因為餐廳位於屋邨商場內，唔算太多客人，不過背景音樂略嫌似大陸深圳購物商場內播嘅嘈吵音樂，同餐廳嘅歐陸風格完全相反🤔點左一個小食，香蜜雞翼賣相唔錯，不過似乎落得太多炸粉，咬大大啖都仲係炸粉😵唔多肉，所以唔會特別推介喇。特別一讚嘅係菜式上得好快，等左5分鐘就到，不過素質就要個別再評論喇🙈另外點左兩個主菜，Carbonara冇乜蛋汁，雖然佢餐牌講明話係蛋汁意粉，不過食落發覺都係用cream，好淡味，對鐘意食濃味野嘅我黎講完全唔合格😵不過勝在粉量夠多，同埋𠹳身度適中。另一個白咖喱雞扒蛋包飯，幾特別嘅係有蛋汁喺飯內，不過都係好淡味，因為白咖喱汁同蛋汁都係偏少嘅。雞扒幾鬆軟，大細適中，但白咖哩味道偏淡(冇可能同沙嗲王比🙈)值得一讚嘅係個羅宋湯，好夠味，少少辣，十分暖胃👍🏿👍🏿👍🏿最深刻印象嘅當然係餐廳嘅飲品吧所有飲品都係免費添飲，主菜價錢一早包埋👍🏿我要左杯低糖豆漿，同平時出面嘅好唔同，味道有啲奇怪，似豆奶😵總括而言，想坐得舒服，食物又多選擇，出餐快嘅，絕對可以試試呢間🤓不過味道相對真係偏淡就唔太好喇😕

話說有個星期五一個人去大圍美林商場整野，見又有d肚餓，又見到這間餐廳都幾好喎就入去食。入到去已經係零服務，跟住我點左個韓式肥牛炒烏冬，落單後一路等，等左約15-20分鐘，見仲未黎就追吓啦，跟住個員工先埋黎同我講，個師傅原來行開左，不如你叫過第二樣。我無轉到第二樣，因為我極之不滿所以就走左。之前在這餐廳的長沙灣分店食過，已經有所保留，但估唔到都係噤樣，其實食物味道係唔錯的，但服務就好唔得，仲要d野都唔係好平喎。

地大好大，不過星期日晚坐得五台。企係門口等帶位但係冇人理，個收銀員只係倒玩電話。自己坐低左，終於搵倒侍應俾menu。叫完又俾錯野，叫左兩次先有人黎換（仲要冇講唔好意思）。個西班牙risotto 太過甜就好似個廚師落錯糖一樣。個芝士蛋炒飯還可以食得落，但唔似韓式個隻仲要得兩塊小豬脛肉😒。整段時間d 侍應好似放左工甘，冇人理。理次係第二次食，只係因為附近有野做但係下次都唔會再食。

食左四樣野 無一樣滿意 而且價錢又吾平 豬手啲皮好似香口膠 但系香口膠仲好咬過佢 蜜糖雞翼成隻都系炸粉最抵讚反而送既忌廉湯同任飲汽水 雖然加左水 但系叫左擺得落口咯 可一不吾再 絕無下次

超讚！我們一家的飯堂，一星期至少一次。今次先寫今天的下午茶吧！點了兩客美式雞翼，炸得香酥，即使冷了皮都不會變軟。薯條是粗條，滿是薯仔味，沒有某快餐的冷凍味。另外點了一客雞脾煎蛋飯，媽媽說大份，雞脾入味，比x信屋好吃。還有豬排包，大件兼外脆內軟，餡料和醬的比例合。最後一定要讚讚這間餐廳，它的飲品是任飲的，有兩部熱飲機，一部汽水，一部冷熱水機。任飲的有黑咖啡，泡沫咖啡，牛奶咖啡，豆漿，朱古力，朱古力咖啡，茶，各款汽水。環境舒適，員工有禮。這個環境可以消耗小半天了，和親朋好友聊上一天，不錯！