茶餐廳2.0 (Closed)

呢間餐廳個位置都好方便，坐巴士落車，大概行3分鐘就會到，地點亦都係大埔超級城，非常方便。特別想提一提嘅係，從來都冇諗過，喺茶餐廳竟然可以食到椒鹽鮑魚。我哋夜晚嚟食飯，叫咗兩款餸。第一個係呢度嘅慢煮咖喱牛腩，咖喱汁唔太辣，但就有幾香嘅甜味，撈落飯食，唔算太大碗，所以亦都唔會太飽。牛腩來講，佢呢度嘅牛腩會偏瘦，對於比較鍾意瘦身嘅朋友來講，可能會較適合。另外就係呢度嘅椒鹽鮑魚， $118一個晚餐，有六舊鮑魚，算係幾驚喜。鮑魚每一舊都連埋鮑魚殼，食落去嘅時候，肉質好好食，一啲都唔軔，外層風沙炸粉，完全將鮑魚嘅香發揮出來。呢個餐仲有湯可以飲，我叫咗個係雜菜湯。食完時，亦都可以加$15食佢嘅芝士蛋糕，芝士蛋糕芝士味都比較濃，算係唔錯。

最近見到茶餐廳 2.0 好多地方都開咗分店，今日經過大埔呢間分店就試下佢質素如何。餐牌都有幾多選擇，中式炒粉麵又有、西式意粉焗飯又有、熱辣辣鐵板餐又有，由於未食早餐同午餐，所以叫咗 鐵板 2.0 海陸空雜扒加 $10 蚊配湯及飲品。點咗中湯，中湯係章魚蓮藕節瓜湯，味道又香又濃，拍得住老媽子既水準。👍🏻2.0 海陸空雜扒 ($108) : 呢個雜扒餐非常震撼，十足鐵板巨人餐 🤤 有豬扒、牛扒、雞扒、蝦、煙肉、火腿、西蘭花、四季豆、薯條，超級豐富，鐵板又夠熱 👍🏻 而每款扒都相當大塊，味道又唔差，薯條份量亦好多，性價比唔錯。👍🏻講開鐵板扒自己有個刻骨難忘嘅經歷，永遠都會記得荔枝角金鳳大餐廳，想當年中學生年代，同學仔帶咗我去食，佢話金鳳出名啲扒夠大件，之後大概排咗一小時左右，入到去叫咗一個鐵板牛扒同揀咗薯條做配菜，牛扒上枱後最深刻嘅事情發生咗，成塊鐵板得三條好似手指尾咁幼既薯條，真心笑咗 🤬 加上牛扒根本唔係大塊，而係佢用既牛形鐵板細，所以放上去就覺得好大，而且牛扒用得太多梳打粉導致肉質好淋又無牛味，仲有佢杯飲品先出色，加完大仲少過舊式茶餐廳既啡色膠杯，根本就係搵笨，所以我永久 black

每年正月我哋都會去 #大埔林村 走一趟，掛個願望上樹，希望一年大家都平平安安🙏🏻 今年 #林村 喺 #正月十五 之前都閂咗，所以我哋唯有等到正月最後一個星期六先出發😙 不過咁樣都好嘅，唔使周圍都人迫迫，喺大埔墟轉巴士64K就去到。今年人流唔太多，#小秘書 好順利就拋咗個願望上樹，仲要係一擊即中嗰隻呀✌🏻 人流管制嘅關係，以往隨處搵到嘅 #小販檔口，都只係保存一兩檔喺度👉🏻👈🏻 我哋喺附近行咗5分鐘左右，就直接搭小巴出大埔廣場喇。咁啱大家朝早都只係食咗個 #早餐，但係又有排都未到晚餐時間，一於去食啲嘢先再shopping。街坊「導遊」帶咗我哋去「茶餐廳2.0」，雖然佢我哋第一次嚟幫襯，但係已經俾佢餐牌上嘅各種各樣 #下午茶餐 吸引住🤤 最終我哋叫咗 #蔥油雞扒撈丁、#雞髀配鮮果沙律、#芝士熱狗配薯條🤤 每樣食物都係即叫即整，熱辣辣上枱好吸睛👀 我就比較鍾意 #蔥油雞扒 嘅味道，再配埋 #出前一丁 原裝嘅 #調味粉，特別惹味🤤 稍為美中不足嘅係隻 #炸雞髀 唔夠熟，不過最 #喜出望外 嘅唔係食物味道，反而係佢哋員工嘅服務態度，明明隻雞髀我哋已經食咗六七成，但係佢哋居然想整個份新嘅餐俾我哋，

-同老公放工去左屋企附近嘅【茶餐廳2.0】之前已經試過食佢地d 扒覺得唔錯，覺得cp,值high 今次再試扒🐷斧頭豬鞍扒 $101我哋叫咗黑椒汁分量唔錯、🥩肉質都幾好唔叫太老😍食落唔錯🥥熔岩椰青海鮮意大利飯 $108上碟超級熱🤩不愧為熔岩椰青賣相好靚❤️食落好惹味啲海鮮份量幾足、有驚喜有青口 、蟹柳、🦑魷魚、🍤蝦、蜆等食完大大滿足🤩黑糖珍珠奶茶 $24勁多珍珠😍😍跟餐送左🍵綠茶芝士蛋糕依然keep 到水準咁好食☺️綠茶同芝士味平衡得到係今晚一個完美 closure一餐可以有鋸扒又可以飲住台式飲品仲有芝士蛋糕、可以滿足我幾個願望

今晚收工同朋友係屋企附近食飯, 之前成日行過見到E間茶餐廳2.0嘅雞蛋仔好似幾吸引咁😍, 於是今日就去左試下🤭!🌟鮮牛油餐包🥖🌟是日餐湯 羅宋湯🥣🌟鑊仔牛柳🥩伴吉列大蝦🍤伴薯菜(燒汁)牛柳可揀黑椒汁, 蒜蓉汁同燒汁, 小妹揀左燒汁, 上枱時鐵板都幾夠熱, 倒汁落去果陣都好大“喳喳聲”! 牛柳口感軟腍, 食落幾juicy，大蝦肉質爽彈!🌟小炒皇小妹叫E個套餐有一個小菜同一個白飯🍚同飲品, 以一人份量嚟講相當足量, 小炒王炒得好香唔算好油, 入面有韮菜, 墨魚仔, 蜆肉, 蝦, 蝦乾蝦米腰果等材料, 咸咸香香好惹味😋!🌟法式🇫🇷朱古力🍫蛋糕🥧朱古力味香濃, 上面放有好多士多啤梨同醬, 整得幾精美!🌟雪糕🍨鮮果🍓雞蛋仔🍳雞蛋仔上面鋪滿cream, 士多啤梨, 藍莓同雪糕, 雞蛋仔外層香脆富蛋香, 入面口感煙煙韌韌, 凍左一樣幾好味☺️!

今日同阿媽食lunch，咁岩係大埔中心有野做，所以又幫襯呢間餐廳。之前都食過幾次覺得唔錯！🔅紐西蘭肉眼牛排配蒜蓉汁意粉佢d野好夠熱，肉眼排都幾鮮嫩多汁，配蒜蓉汁更加凸顯到牛既鮮味，而且筋少，食落去啖啖肉好正！評分: 4.464/5🔅南瓜海鮮焗飯呢個飯好有驚喜！首先平時食親d焗飯都係忌廉或者蕃茄汁，呢個用南瓜汁煮令我好期待！佢d飯沾滿左南瓜汁，食落去充滿南瓜味，佢海鮮係海量多而且款式廣（珍珠帶子、墨魚、魚塊、青口、蝦）仲要好新鮮！好耐無食過咁好食既焗飯！評分: 4.643/5🔅綠茶芝士蛋糕我地加錢升級左個甜品，佢個蛋糕旁邊沾滿左果醬，個綠茶蛋糕比我想像高質，因為綠茶同芝士味都好突出，再點少少士多啤梨醬真係將個蛋糕再昇華！評分: 4.652/5

喺大埔區來講早餐嘅選擇的確唔多，因為通常都係大排長龍㗎，呢間Cafe 2.0 佢哋呢個蕃茄牛肉通粉非常好味！湯底好濃郁，好多蕃茄係入面，唔係單純用茄膏開出嚟嘅湯底。而值得一題，就係佢嘅招牌凍咖啡，超級香嘅咖啡味同埋奶味，你嘅味覺會有一大衝擊，如果要食早餐嘅話，呢杯凍啡，係必須要試嘅，不論是否咖啡愛好者，都排介值得一試🥰

茶餐廳平時就食得多，但唔知有冇試過香港新式嘅茶餐廳呢？ 而家多咗咁多國家嘅美食之後雖然茶餐廳呢亦都係香港最本土嘅特色但係與此同時將香港菜融合其他菜一齊推出嘅話其實都係一個新式茶餐廳嘅風範😁就好似今次喺茶餐廳2.0呢一度就食咗既有香港未亦都有西方味嘅菜首先要推介嘅就係燒春雞配薯條，春雞就係只比較細個年輕嘅雞所以體型上佢哋係會比正常一隻雞細隻好多，但肉質水就一定係嫩滑好多。喺西餐都經常會見到呢一個菜式所以今次喺茶餐廳呢一度都可以遇見到亦都係一個幾surprise嘅意外。雖然並非正宗西餐廳但處理完隻家禽類嘅手法都的確幾突出另外亦都要特別介紹薯條係採用長方形嘅粗切薯條就唔似我哋喺傳統茶餐廳食到嘅扭紋薯條，兩者都的確係有幾明顯嘅分別因為樓文薯條嘅質感會比較軟身但呢一個粗切薯條炸完之後真係做到外脆嘅感覺， 最重要都係新鮮即炸。講返香港嘅經典點可以缺少奶油豬，雖然每一間茶餐廳嘅奶油豬睇落都大同小異但其實如果再仔細啲咁樣去品評嘅話其實都係有少少嘅差別。 撇除牛油同埋煉奶唔比較，呢一間嘅奶油豬所採用嘅就係軟身質地嘅包，咁就有個好處就係容易啲吸收牛油同埋煉奶，如果唔係感覺上就只係有兩層嘅嘢而唔係融為一體嘅

-男朋友去食幾抵食嘅茶餐廳2.0因為懶惰嘅關係唔多想煮所以就會去屋企附近啲抵食餐廳食🤣佢哋有個懷舊扒餐幾抵食$78-128 有個set 😻🐮澳洲穀飼T骨扒 $118超大塊超抵食😏海陸空大雜燴 $108顧名思義一次過滿足你願望有大蝦🦐、豬🐷同牛🐮🥭芒果桃膠茶幾特別嘅飲品🙋🏻‍♀️桃膠可以養顏出邊餐廳未見過幾有口感而且又健康🧏🏻‍♀️Last but no least我見到佢有好多款芝士蛋糕而且加15 蚊就有😻所以試咗🍰宇治抹茶芝士蛋糕好好味絕對唔差過出邊蛋糕舖買

收咗工返到屋企附近就搵間餐廳舒舒服服坐低食飯突然間好想食小菜小炒今晚約咗朋友去地道的茶餐廳2.0用餐見到餐牌厚厚的仲有我最鍾意的懷舊西式扒餐一共有五款選擇當中還包括有牛油餐包 羅宋湯 及甜品🍮不過朋友想吃特色的小菜套餐我們就揀選了二人套餐都只是$168當中包括有豉汁蒸倉魚加任選小菜一碟小菜都有12款選擇款式夠多元化 正~薑爆霸皇雞面頭鋪滿滿滿的蔥雞肉份量都幾多 而且多肉少骨配以醬汁同香蔥一齊食好入味雞肉比較唸身 😌 大人細路都啱食女士必吃的豉汁蒸倉魚等咗15分鐘有得食了即叫即蒸 遠處都聞到豆豉香魚好大條 而且魚肉好滑溜味道又新鮮鮮甜簡直係撈飯一流之選最後食返碟清炒時菜清一清腸胃飲品方面仲有我最喜歡的凍黑糖鮮草鮮奶涼粉的質感帶點爽滑飲落去香滑又有咬口還點了這裏的皇牌甜品香蕉千層雞蛋仔確實真的千層厚上面還有一個雲呢拿雪糕🍦Mix埋香脆的雞蛋仔一齊食更加滋味還外賣了飲品及甜品回家慢慢吃最後埋單都只係$300有找二人每人平均消費都只是$150相當抵食！

今日簡簡單單去茶餐廳食餐便飯， 茶記有咁嘅質素真係意外驚喜。每個餐都送餐湯，西湯仲要送埋餐包。我叫咗呢個石燒牛鐵板，肉眼扒非常大塊，加上鐵板好熱，一淋啲汁落去就出曬煙，五成熟慢慢燒熟佢就啱啱好，薯條份量都唔少。另外我哋有叫咗呢個蜜豆炒蝦球，蝦球啱啱緊緊熟，火候調節得好好，非常之爽口彈牙，蜜豆亦都真係夠甜。之後叫咗杯乳酸奶昔，大大杯酸酸甜甜仲有啲cream。隨意外係餐本身都有送甜品，可以揀雪糕或者加少少錢換蛋糕我哋就索性叫多個香蕉雪糕雞蛋仔，一上台真係嚇親，非常大份，兩個人食大滿足好食都不但止，更要有良心。推介！

突然懷念老情懷〰️以前的大大份扒餐好像買少見少，偶然經過住所附近的「Cafe 2.0」。見到有「懷舊西式扒餐」的菜單，滿心興奮，跟朋友約定了晚餐時間來嘗嘗。我跟朋友點了一個澳洲殼飼T骨扒，香濃芝士焗肉醬千層麵，和香蕉千層雞蛋仔。扒套餐包了T骨扒、薯菜、餐包、餐湯、飲品、是日甜品。上枱時非常震撼，好大大大塊扒呢～我們選擇了五成熟，油脂在鐵板上跳動。襯熱時將蒜蓉醬汁倒上，香氣四溢。肉扒厚厚的，但肉質不錯，醬汁香濃。而芝士千層麵份量亦超多。比較其他餐廳，份量真的足夠兩個女生。千層麵容易飽滯，所以可以先吃旁邊的沙律菜，酸酸的，開胃。我們還貪心的多點了一客甜品，香蕉千層雞蛋仔。賣相好吸引，雞蛋仔外脆內軟的，好香。這裡還有叻沙，下次再來嘗嘗。😋

每人再寫這篇食評嘅時候，我老友沈大師已經的預言已經成真，當其時個個都話哎呀大鑊啊佢就話股票會升！真係俾佢算中信幾妙算！都係快啲正題啦今日就去咗大埔超級城茶餐廳2.0，呢間野呢甜品係幾好㗎！食開其他經過未食過可以試吓。今日就試咗啲扒餐，都係一如既往大大件，唔係講少塊鐵板好鬼熱，因為差唔多食完塊板都仲熱幾好，要挑剔我嗰啲意大利粉有少少乾，其他都冇乜大問題。價錢都唔錯可以試吓啦，行過路過係唔好錯過，食過都可以再試下😂😂

大埔西餐廳有唔多既選擇，有西式野食，有中式野食，叫咗個豆腐火腩飯豬同焗豬手配薯條 。豆腐火腩飯，汁咸咗少少，但西餐廳黎講有呢個送，都算可以，送飯一流焗豬手配薯條豬手嘅皮好脆唔會好鹹。仲有甜品雞蛋仔配雪糕

今天我想來點港式的茶餐廳…2.0，這一間在大埔超級城A區地下區012 A鋪的一樓茶餐廳是大埔近期新開幕的西式茶餐廳，裏頭有各式各樣的義大利麵、懷舊的牛扒、羊扒等等。用餐後我很推薦喜歡吃西餐或義大利式料理的人。因為我喜歡食牛扒，所以就點了懷舊西餐，蒜茸汁的澳洲牛扒，足足有8盎司大，價位是78HKD，套餐內還加了大餐包與羅宋湯，附茶或咖啡，我個人覺得愛吃肉的人爽度滿百，放牛排的熱鐵板倒入醬汁不時發生滋滋響聲，香味瞬間四溢再升級UP~UP，光是上菜就已經讓我迫不及待想大快朵頤的流口水了。原本還擔心8盎司的牛扒在煎煮的過程是不是容易太老或縮小，想不到吃起來是軟嫩多汁，這個價位的牛扒有這樣品質真的要給高高分，而且店內的出餐速度很快，點完餐大概5分鐘就上完主菜。此外，服務員在用餐中都會不時地詢問用餐的口味合不合胃口? 有沒有需要改進調整的地方? 用餐空間整體我也覺得寬闊舒適，有別於傳統茶餐廳較狹窄的座位空間，因我們還帶了BB一同用餐，所以服務員還很貼心的安排了較空曠的座位讓我們用餐。朋友則是點了香煎帶子黑松露燉飯，搭配羅宋湯，我們還一起點了煙三文魚雜菜凱薩沙律，滿滿的主菜及附餐飲料，一起大概才點了