茶餐廳2.0 (Closed)

#cassiegotaipo-之前係荃灣食過茶餐廳2.0，原來近近地大埔都有，依間真係好抵食，所以我捉左呀媽夜晚去一齊試下，唔洗佢晚晚煮飯咁辛苦。🙈-依間餐廳我推介大家一定要食石燒系列，我揀左G餐 香草燒羊扒。媽媽就揀左普通晚餐D餐 特級澳洲西冷配薯菜。點解鐘意食依間茶餐廳2.0？因為真係好抵食，大約一百蚊嘅餐就包哂餐飲餐湯，仲要質素都唔差，之前食過第二間類似茶餐廳嘅扒餐，個肉一食落就有雪藏味，依間就絕對唔會，食過幾次都有水準。👍🏿-今次黎食仲送左份雪糕雞蛋仔，雞蛋仔即叫即整，好脆，推介！飲品方面都有好多選擇，媽媽揀左佢至愛嘅黑糖珍珠鮮奶，都有台式飲品店嘅水準！😋-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 茶餐廳2.0 (大埔)📍 大埔安邦路9號大埔超級城A區地下012A舖-

🌕Hello我係Moon🌕今日天朗氣清，🤩係一個咁好嘅天氣之下食慾真係零舍大，😋所以呢就決定要去大埔尋覓一下新嘅嘢食🤗餐牌上所見款式真係特別多，🤤除咗有茶餐廳必定會有嘅粉面飯之外🥰另外亦都有西式嘅扒類，🤩係咁吸引嘅情況之下決定試一試其中嘅黑椒澳洲牛扒配薯菜。 😛首先要特別指出個份量真係比想像中大，😚仲要塊牛扒非常之厚身，😳原本仲以為切起上嚟同埋咬落去會比較難但結果出乎我嘅意料，😍咬落去真係啖啖肉，🤯同時亦都唔韌，😋配合埋香濃嘅黑椒汁簡直一流。😍至於薯條都係選用粗身厚直嘅薯條，🤭放喺鐵板度既可以保持乾身🤗另外亦都可以烤出陣陣嘅薯味，🤩非常之有歐陸嘅感覺。🤤除咗牛扒之外，😶鐵板嘅嘅另外一個推介當然係三文魚扒啦， 🥰生熟度啱啱好，😋原塊連骨一齊上先可以保持肉汁留住喺入面，🤪即使要挑骨亦都係非常簡單，😛如果想更有口感喎不妨將三文魚皮向下煎一煎🥳令到佢更加趣咁食起上嚟就更加有香味❤️❤️甜品亦都係呢一度嘅一大特點，😏相信喺茶餐廳入面搵到雞蛋仔😍😋嘅店舖應該少之又少，🤩但好幸運地呢一度居然有唔同嘅雞蛋仔可以揀，🤪今次就特別啲叫咗個蘋果雞蛋仔，🤭所用嘅嘢除咗係蘋果😍之外另外亦都會有楓糖汁。😋睇落就好似蘋

兩個人撐枱腳咩好呢？原本想食呢度招牌《懷舊鐵板套餐》，但係老公話想食霸王雞，於是我地就選擇左呢個二人套餐，有雞有魚有菜，靚一靚嘅特飲仲做緊買一送一，好鬼死抵！薑蔥霸王雞分量多、洋蔥一個，雞皮滑溜、雞肉充滿香蔥同豉油味，好唔錯呢～嘩！估唔到百幾蚊嘅套餐竟然會比咁大條豉汁蒸倉魚，好新鮮，蒸到啱啱好，好滑，豉汁撈飯好正啊！仲送清炒時蔬、中湯或西湯、白飯兩碗。呢度最抵之一係買一送一特飲，我叫左台式四季百香果桃膠，杯底勁多桃膠，用粗飲管可以一啖飲哂桃膠同百香果茶，好冰涼好滋潤～黑糖仙草奶茶都唔錯架，仙草又甘又爽，配上香滑濃厚奶茶，味道perfect match~第二個胃開動！雪糕鮮果雞蛋仔！好似waffles ，個樣好靚架！食得又睇得～甜唔唔嫌多，食埋芝士蛋糕就剛剛好～有甜品屋水準呀！芝士味濃而實在嘅蛋糕質感，成餐飯二百幾蚊，又抵又滿足～

同一般茶餐廳分別不是太大，叫咗個全日特色早餐配珍珠奶茶及南美燒豬仔骨配炸蝦跟意粉，另外再加$10要餐湯。全日早餐好快就到，食落去無咩特別，不用多說。之後到過燒豬仔骨，啲豬仔骨隻味唔錯，唔韌，用鐵板上，可以keep住熱。不過諗住跟意粉會係分開上(一般茶記或者其他西餐廳鐵板都係上面放扒及薯菜，飯或意粉就另碟上)，但係呢間就連意粉都係放喺鐵板上，令到啲意粉好快乾同硬及痴住塊鐵板。最令我失望嘅係佢個餐湯，佢個餐湯要加$10，我仲記得個侍應喺點餐時有問要咩湯，嗰時仲記得佢講有羅宋、忌廉同中湯，於是我揀咗羅宋。我食咗差唔多半個鐘，個鐵板餐都食咗一半先記得個羅宋湯未到，於是問過侍應，佢話「筆」緊，咁就繼續食啦，到差唔多食完時，見個湯都仲未到，於是就再問個侍應，點知佢都仲係話「筆」緊。我心諗你個湯駛唔駛「筆」成半個鐘呀，又唔係多客，於是佢隔一陣行埋嚟同我講無晒，要唔要中湯。聽到真係有啲興，我係加錢要羅宋，食完你先話無，又唔會退錢，服務真係麻麻。本身嘢食有影相，但諗諗吓綜觀大埔咁多好嘢食，呢度絕對唔建議同唔值得幫襯，所以無謂出相。

同朋友仔傾計，呢間唔錯環境格局比普通茶餐廳好，價格又平喎😃Tea Set 選擇都好多😃咖啡☕️ and 熱狗🌭️very good 👍🏻👍🏻👍🏻 搵日試下晚餐😆

放假嚟超級城行吓街，同老公一齊入下貨，準備下星期嘅餸菜😝😝又攰又熱！搵個午餐輕鬆吓先，見到茶餐廳2.0選擇都幾多喎！一於嚟試吓啦😬老公食馬來咖喱牛腩飯，同港式咖喱有少少唔同但係有馬來風味唔會太辣，適合香港人口味🥰🥰牛腩炆得好琳呀，而且份量仲好多添真係大男人都夠晒飽😅😅我就食海南雞喇沙米線，雞嘅份量超多，咁啱仲係雞髀添，感覺攞咗着數哈哈😋😋米線好滑，喇沙濃郁唔會太油，啱晒我口味原來仲有珍珠奶茶飲㗎，呢杯黑糖仙草鮮奶比起好多茶飲店都出色喎👍👍發掘到屋企附近一間多選擇嘅而又有質素嘅茶餐廳真係值得高興🤭🤭

這夜送女朋友回家後。一個人無聊地在大鄰埔中心一帶遊蕩。找個飯吃。竟然給我發現有個傳統的懷舊食物。澳洲穀飼T骨-少年時曾經斷食「牛肉」。因當時社會盛行牛肉重毒素。。但後來本人「還俗」再食返牛肉。到現在依舊不離不棄。最愛係靚牛食3成熟。簡值享受。。近兩年本人比較喜愛肉眼扒。但今晚決定懷舊一番。但少時最愛食T骨牛排。這夜的T骨煮得剛洽好。牛排味更香濃烈。加上特式醬汁更顯得獨特可口。T骨牛排的肉質鮮嫩可口多汁。再加上廚師的手藝。完全恰到好處地剛剛五成熟。

呢間餐廳係大埔都開咗好似一年左右，由於諗唔到食咩好，就決定入去喇！見到門口都有比較家庭既菜色，但今日我地都想食下扒類，因為平時屋企都少食Menu都有好多唔同類型，有咖喱、素食、肉類同埋當日Dinner Set. 通常Set會抵食D因為有湯、主食同飲品，最正係有埋甜品，所以都有D少期待懷舊紅湯紅湯最好味係濃得黎帶少少辣，真係會令個湯昇華，呢到既湯真係做到南美燒羊膝配吉列炸蝦 ＄128羊膝都唔係好多地方有得食，最多都係羊扒，見羊膝都幾特別所以都叫咗食下。平時我都少食羊，因為我好怕個陣羊膻味，但見身邊果個話如果頂唔順就佢食，所以加強咗我信心叫咗。 羊膝加咗黑椒汁，膻味無咁濃但口感都唔錯唔會韌，同埋比想像中大舊好多，男士食都絕對足夠澳洲穀飼T骨扒 $138嘩，見到真係O哂嘴，因為係好好好大塊，見到好似有2大片，真材真料。但唔知係咪廚師重手咗D，真係咸啊～好彩有意粉中和一下，但食肉獸見到真係會眼前一亮甜品黎啦～今日係雲尼拿雪糕，細細杯可以解解膩，總括整體都唔錯啊

Lunch@大埔超級城, 都係menu有齊中西式, 東南亞菜揀嘅茶餐廳2.0, 坐低時店員推介懷舊西餐set, 有羅宋湯(亦可揀是日中湯)+ 暖笠笠嘅牛油餐包+主菜*配飯/意粉/薯菜+餐飲仲有甜品送, 好好好好抵食🤤.🍽餐包+羅宋湯首先餐包用鋪左classic格仔布嘅玻璃碗serve, 跟一舊Ancore牛油, 暖笠笠嘅包搽牛油配味道濃郁嘅羅宋湯真心正, 啖啖都食到紅蘿蔔, 洋葱, 西芹等等嘅湯料. 🍽懷舊鐵版羊牛對對碰 (HKD85) x黑椒汁羊架x牛仔骨非常大件, 真正啖啖肉. 羊架淨係聞已經好香, 肉質tender無羶味👍🏻; 牛仔骨大塊到幾乎佔半塊鐵版Dip黑椒汁更好味!! 又係一切就開食唔到筋的, 2塊扒都好高質, 薯條大條到...大廚應該擔心我地唔夠飽🤣新鮮炸起正呀.🍽香草忌廉扒鮮三文魚 (HKD74)鮮三文魚扒又係一個驚喜: 勁厚切, d皮係脆卜卜嘅, 肉質一食就知新鮮, 大塊到冚哂大半個鐵版, 面頭適中嘅焦香牛油香其實唔Dip另上嘅忌廉汁已經非常好味!! 有買開三文魚返屋企煎都知道li塊扒li個位係最好味gei😌, 底部蓋住蔬菜原來都好多, 我覺得三文魚扒好啱小朋友食.

堂食終於解禁,終於可以出街食飯以前要趕住食,或者買外賣而家終於可以慢慢食,坐低食,唔洗風吹雨打今次去左平民茶記食鐵板餐~海陸空什扒餐加一份特級T骨牛扒加十蚊跟餐湯,套餐包湯餐湯可選中式老火湯或足料紅湯~仲有特式台灣茶飲系列選擇,跟餐加15蚊一杯扒餐可選黑椒或燒汁,港式風味,還好啦味道仲有凍肉外賣,食過好食可以係度買~A4和牛都係64蚊起!仲有豬扒,雞扒,牛肉買好抵食,食過真係抵買,自己煎香加汁食,包醬汁佢呢度既紅湯算係幾好飲,港式紅湯有好多蔬菜料,帶少少辣,餐前飲完好開胃老火湯就係老黃瓜排骨湯,每天不同足料,順口,夠甜,家既味道,唔算好味精特級T骨 $128/ 海陸空什扒餐 $98T骨扒,配燒汁,伴碟有沙律菜同薯條~T骨扒可以食到西冷牛柳既口感T骨係出名在食到西冷和牛柳位肉質細嫩,份量重量級,肉味濃郁~牛扒切開大約5成熟,脂肪比較平均肉味特別濃食到肉既濃香,又食到嫩滑既肉質鐵板海陸空餐大蝦,煎扒,火腿,番茄,雞扒,水煮蔬菜伴碟,仲有一份大薯條,份量霸氣十足大蝦肉唔夠彈牙,普通,但夠大隻,火腿普通無特別,另外雞扒同豬扒都好大塊,幾乎食唔曬CP值算高,份量真係好多!但扒既肉質比較乾身但配埋

茶餐廳中，小菜套餐係少不了嘅！！ 中式食物選擇都算多 ， 樣樣都好吸引！！ 叫兩個餸仲會有一碟菜送㗎添！！甜品方面，主打呢個打卡必備嘅雪糕雞蛋仔！！ 當然唔執輸，order返個喇～兩碗例湯， 其實有中式同西式選擇，咁我食中餐，當然嗌返個中湯去襯吓喇～ feel到佢唔係味精湯，夠哂香濃！！涼瓜豆卜炆倉魚～ 覺得非常之夠味， 豆卜沾滿曬汁，非常惹味 ，苦瓜切得較為細塊，易入口，魚肉口感亦反映到佢既新鮮度。菜膽上湯雲吞雞～我肯定佢係好大隻雞！！話半隻雞！！但非常厚肉，食完好似食咗1隻雞咁！飽到上心口！而且肉嫰多汁，越食越想食！至於雲吞方面，夠哂彈牙！Yummy!! 蘋果金寶雞蛋仔～ 以甜品嚟講，佢算係非常特別 ！！雞蛋仔香甜、脆口， 加上上面有cream同埋雪糕 ，仲有特別嘅蘋果金寶 ，估唔到個配搭係咁perfect！！

疫情下，堂食既地方少不免因政策而暫停營業呢間位於大埔廣場附近既茶餐廳2.0今次終於撞到開門 入去嘆返個午餐和朋友1人1餐點了德國豬手和西冷牛扒配薯菜餐廳等候時間都快的不過服侍員就比較忙啲~ 點餐要費多點時間呼叫座位之間都有做防疫措施距離隔開上菜個陣有啲驚喜 食物份量都較大件薯角更加好味道，牛唔un.

話說大埔呢度有間中西合併嘅cafe，隔左好耐都冇嚟呢度食喇，今日就嚟左呢度lunch！“欖油蒜香鮮蝦意粉”     $50  碟意粉好吸引啊😍 好鍾意食香蒜味嘅意粉！雖然個名係鮮蝦，但其實冇蝦🤔 不過都有唔少嘅蜆肉😋 意粉亦都好香蒜味，亦有d香草係上面，同埋d唔同顏色嘅椒，整體食落幾惹味🤤 不過今次啲意粉就略嫌油左小小，聽我朋友講平時炒得乾身啲，睇嚟水準就唔係幾穩定啦！“香煎雞扒煙肉飯”     $48塊扒都算幾大塊，汁就係蒜蓉汁，飯嘅份量都幾多，女仔勉強食得曬😂 有d沙律菜係隔離襯下碟，水準都ok嘅，正常發揮！

-疫情之下，冇得外出食晚餐😖食到屋企d 野好悶唯有買外賣🤪試左屋企附近一間餐廳茶餐廳2.0雖然佢叫茶餐廳但係菜式好多選擇除咗一般嘅茶餐廳菜式之外仲有好多西餐🐮美國西冷扒 8oz $58勁抵🤩茶餐廳嘅價錢，但係食到唔錯質素😍佢個牛扒煎得一啲都唔柴🤩🐷脆皮鹹豬手 $58勁大隻🙈🙈🙈🙈本來以為唔大隻😳而且整得絕不馬虎個皮幾脆同埋真係啖啖肉勁正🥰🍝欖汁蒜香蜆肉意粉 $40蒜香好正😉同d 蜆肉意粉好夾份量好足😚

疫情下沒有堂食，外賣在家吃飯都可以變成樂趣⋯⋯希望人人發出正能量既power⚡️⚡️⚡️⚡️⚡️⚡️⚡️⚡️⚡️😘😘—————🟨就咁睇第一張相，以為係我自己煮，其實係外賣，因為我真係唔係好鍾意用外賣盒食嘢，不過間中無乜mood果日又唔想洗嘢先會連盒食😛😛😛———————🟥而家返工無定時，突然又要返，突然又放假，無計，今日有份文件拎入大埔，所以放工就係昵到附近買外賣，之前都係到食過堂食，食物都唔錯，而且又唔貴，經過見到外賣又有八五折，堂食已經好平，而家外賣更加平⋯⋯而且外賣既食物都幾啱食😋😋——————放哂上碟個種感覺，食都特別好食D😁1-例湯—青紅蘿蔔煲豬骨，用個煲煲住熱辣辣，唔講都厄到人以為係我自己煲🤣🤣🤣🤣🤣🤣2-熱🍋茶☕️——熱飲就梗係要夠熱先好飲，嘆住冷氣....熱飲....無有怕😛3-全部餸放晒上碟，食得滋味，食欲大增🤣😘😛全部食物配例湯➕飲品👍👍抵——————再講下食物嘅味道：🟩鹵水鴨件拼豆腐配白飯——味道做得幾似潮洲鹵水鵝，仲要係38元再八五折，配埋飯、湯、飲品，食物味道亦不錯，鴨件、鹵水豆腐入味，真係仲要平過D集團式既小食店下午茶，食個晚餐都係三十幾元。真係平到無得傾👍👍👍👍👍——————