茶餐廳2.0 (Closed)

茶餐廳平時食唔少，不外乎都係蛋治、奶茶、快餐等等但係依家咩都講求創新，新開嘅茶餐廳已經同舊式嘅唔一樣，除咗一般茶餐廳食到嘅嘢，仲多咗好多新嘅選擇主餐牌多咗好多茶餐廳冇嘅食物，連石鍋飯、西餐等等都有主餐牌以外仲有啲特價嘅套餐鹽燒牛脷雜菌意大利飯冇諗過喺茶餐廳都可以食到呢啲菜式，呢個飯煮得較乾身，同一般充滿忌廉嘅感覺唔一樣，味道較清淡唔太膩牛舌外面煎得香脆，內裏軟滑，味道唔錯黑松露忌廉海鮮天使麵呢款飯上面放滿好多海鮮，相對飯就忌廉味比較重，口感較濕潤，令人食完一啖又一啖椒鹽鮮魷呢度嘅中式套餐會配白飯同湯，如果揀兩款餸仲會送埋蔬菜呢個椒鹽鮮魷整得好好，外面酥脆，內裏保持到爽滑彈牙，送飯一流咖哩羊仔柳呢款羊柳用咗印度風味好濃厚嘅香料去煮，所以食落都有少少印度餐廳風味蒜蓉包香脆，用嚟點咖哩汁非常合適雪糕鮮果雞蛋仔呢度嘅雞蛋仔即叫即整，需要少少耐心等候雞蛋仔外面香脆微暖，配搭甜甜嘅忌廉同朱古力醬，再加上一個冰凍嘅雲呢拿雪糕，同一般普通嘅雞蛋仔唔一樣，新鮮感十足黑糖鮮奶&雪泡奇緣呢度嘅黑糖鮮奶同出面嘅飲品店有得比，但係勝在價錢較平，性價比十足雪泡奇緣原來係一款咖啡，咖啡香滑，味道較濃呢度嘅食物整體質

呢日放工喺大埔同屋企人試下一間新開咗冇幾耐嘅餐廳， 呢間餐廳幾特別水吧位係喺門口， 仲有雞蛋仔賣， 呢間餐廳都幾多元化， 由中式小炒， 西式意粉，扒類和雞蛋仔都有。黑松露忌廉海鮮天使麵餐湯可以揀羅宋湯， 羅宋湯正常， 個意粉嘅份量都幾大碟， 意粉嘅醬汁幾creamy有黑松露嘅味道。栗子炆雞我叫了兩款中式小菜， 其中一個係栗子炆雞， 食得出呢個栗子炆雞主要係用蠔油汁嚟做調味， 食落幾有鑊氣， 雞嘅肉質都夠鮮嫩。椒鹽鮮魷另外一款小菜我哋叫咗椒鹽鮮魷， 呢個椒鹽鮮魷 可以做到大排檔嘅水準， 鮮魷嘅粉漿炸得好脆， 而椒鹽嘅調味都調教得好惹味。咖哩羊仔柳配蒜蓉包呢度嘅咖哩係用咗多種香料做成， 好豐富嘅香料味， 羊仔柳嘅肉質幾嫩滑， 冇羊嘅騷味，而蒜蓉包係搽咗一啲蒜蓉牛油烘熱。雪糕鮮果雞蛋仔雞蛋仔係即叫即做， 需時大概十分鐘， 配咗藍莓，士多啤梨，忌廉，雲呢拿雪糕。黑糖鮮奶/ 雪泡奇緣呢度都有幾款台式飲品可以選擇例如黑糖鮮奶， 雪泡奇緣飲落去有啲似朱古力咖啡， 但係呢隻嘅朱古力味有啲特別， 有少少加咗榛子醬嘅味道。

每日忙碌嘅工作好似永遠有做唔完嘅事 相信好多人都有同感 每日返到公司都係做番同一樣嘅嘢 有時真係覺得沉悶㗎 不過心情好與壞糸有好多方法自我去調節嘅，其一 就係 shopping  其二就梗係食餐好嘅 慰勞 一下 自己 當享受美食之時乜嘢煩惱也 拋諸腦後  於是就相約好友食飯聚舊 ，再次約好喺大埔 中心 一間西式餐廳，名為《 餐廳2.0》位置吾錯，步行2分鐘就到巴士總站， 轉個彎亦系的士總站 交通便利， 入座之後， 觀望四周發現幾乎滿座， 由此證明， 食物質素應該唔錯，我仲留意到每位食客面上也帶著笑容，正當我䏲到入神之際，突然有位 靚仔走過嚟service，menu內款式超多， 簡直眼花繚亂 ，真係樣樣都想食， 但係冇得貪心，胃也只有一個， 唯有留返下次再嚟光顧， 於是乎， 點咗兩份餐， 《南美燒豬仔骨》同《 想 石燒A4日本和牛片》用鐵板盛載燒豬仔骨， 份量十足， 加上將鐵板燒至一定嘅溫度，而溫度可以帶出肉嘅香味， 有啲骨位有些少肥肉， 入口更香滑，超正，朋友ge另一份餐亦有 驚喜， 原因係睇menu圖片吸引佢'點呢個餐，石燒'A4日本和牛片， 和牛片糸用左一個好靚嘅 圓形兩層金屬架仔

好耐無翻大埔食飯，原來開左間茶餐廳2.0，俾佢門口個雞蛋仔吸引左入去！😍果然裡面有啲平時茶記未必有嘅食物🙏🤤同埋咩中西日咩菜式都有！花多眼亂！.🥩石燒A4日本和牛片$168個板熱辣辣，放和牛片上去一定熟！🤗但每片牛放上去熱住，唔會overcook，所以特別滑！好好食！加埋粟米、雞蛋同燒汁🤤同少少海鹽，正！. 龍蝦🦞汁海鮮天使麵 $88 勁多海鮮！青口、蜆肉、帶子、八瓜魚仔等，性價比高！每條天使麵都吸晒龍蝦汁，大碟抵食！.🍌香蕉千層雞蛋仔 $38招牌雞蛋仔，香脆內軟，夾住邪惡的cream同香蕉😍一層層食得好過癮！十分港式嘅甜品！

今晚決定試下新野,次次經過都見到有好多人排隊,於是來到呢間茶餐廳2.0 ,睇下佢究竟有幾勁!餐廳裝修偏向西餐廳既裝修, 燈光明亮而且座位舒適.我地叫左個”黑松露野菌帶子意大利飯” risotto 既軟硬適中,適合香港人既軟硬度,因為義大利人偏向半生不熟所以口感比較硬,撈埋d cream好creamy同埋好飽肚,帶子都煎到好香口,無腥味亦都好好味, 另外,石燒A4日本和牛片就有一個鐵板同埋下午茶既三層架裝住d和牛片, 一擺落去燒,已經聞到好濃既牛肉味,沾埋d燒汁更加惹味.另外凍奶茶同凍寧茶不過不失, 食茶記唔飲野邊得架!

大埔新開一間茶餐廳 不過餐廳裝修幾西式餐點由常餐沙爹牛麵 奶油豬 到鐵板餐 padta都有🤤最滿意係牛扒飯🤣🤣 牛扒幾大塊 肉質有咬口 無落好多鬆肉粉 陣多無口感由於新開張 Lunch time有九折優惠😳😳咖喱牛腩 醬汁好稀 有雜菜番茄薯似燉牛腩多d有點失望😱至於龍蝦汁海鮮天使麵 麵條軟硬適中 al dente就稱不上 海鮮幾多種類 青口 魷魚 大蝦 不過鮮味欠奉 呢個價錢尚可接受😛雞蛋仔配兩球雪糕 oreo碎 即叫即整 外皮幾香脆

近幾年，茶餐廳的食物水準媲美一些高級食肆的食物水準，就好像最近試了由荃灣殺到入大埔的茶餐廳2.0，令我對茶餐廳的食物另眼相看。茶餐廳的落地玻璃一眼睇晒入面嘅裝修格局，餐廳空間長長的，感覺很闊落。這裏的餐牌食物圖片並茂，每一樣食物都想試吓。還有我至愛的黑糖珍珠鮮奶，珍珠彈牙有口感，鮮奶滑溜。見到四周都貼上推介的石燒A4日本和牛片套餐，原價$228，現在推廣價只是$168，見到咁抵食即刻叫一份。三層架裝着一片片的A4日本和牛片，驟眼睇牛肉的條紋非常平均，套餐配以白飯、慢煮雞蛋、甜粟米粒及椰菜絲，配料非常多。鐵板燒一大塊在上面炒幾炒就食得，可以自家製牛肉的熟透度，很特別呢！食落去除咗有熱辣辣嘅口感之外，牛肉味道非常濃郁，而且味道很新鮮，推介之選！這裏的常餐中還有全日特色早餐，也是餐廳推介食物之一。全日特色早餐中包含八款食物，當中的炒蛋很香滑，而且賣相也很美。朋友還叫了叉燒公仔麵套餐，當中的火腿仿鮑魚絲奄列有幾重口感。朱古力心太軟雪糕只是$25，當然要試一試。估唔到心太軟外皮也脆，朱古力醬流出來，配以雲呢拿雪糕能夠中和味道。四人食咗$600，每人平均消費$150就食到咁多款菜式，真係好抵食。

大埔超級城A區地下前排開左間茶餐廳2.0，第一印象佢環境舒適又乾淨企理，台與台有距離適合傾計。幾中意有落地大玻璃既餐廳，空間感擴大十倍，與舊時茶餐廳果種擠迫及熱鬧感，真係好大分別。餐牌有好多唔同種類野食，望落價錢合理又幾吸引。我同朋友揀左黑松露帶子意大利飯、牛油果醬大姑漢堡、雙重朱古力、黑糖珍珠鮮奶及朱古力心太軟。同朋友傾左陣計，主食同飲品一齊送到!!收工真係好肚餓。黑松露帶子意大利飯:黑松露味道足夠，帶子幾鮮但今日飯粒偏硬，整體都幾好食。牛油果醬大姑漢堡︰牛油果醬好好味、麵包外脆內軟、姑姑又好JUICE!!雙重朱古力︰面層有奶油及朱古力雪糕，凍朱古力如果再濃郁少少更佳<3黑糖珍珠鮮奶︰十分貼心係用外賣杯，因為真係好大杯好難飲晒~ 黑糖味好重但唔膩。朱古力心太軟︰25蚊我覺得真係平靚正，濃濃既朱古醬，唔膩可以一口接一口咁食~整體上，餐廳服務有禮又後生，食物多選擇，性價比高。同朋友坐吹左個半鐘計冇比人催，好舒適!

屋企附近開咗間新式茶餐廳，我地就咁樣俾個餐牌吸引左入去食😂 茶餐廳都竟然有和牛食😯仲有其他好多嘅選擇，睇到我地都眼花撩亂🤩女朋友就梗係叫咗佢最鍾意食嘅意大利飯啦，細細間嘅茶餐廳水準又唔錯喎💕 d飯唔會話煮得太過硬，黑松露味重好濃郁👍🏻叫咗杯凍奶茶，茶味濃郁，值得一讚既係餐廳自己仲會自動走飲管🤟🏻加$10仲可以配一個羅宋湯🍲 非常足料終於到主角啦😍 既然比佢個餐牌吸引左入黎又點可能唔叫返個石燒和牛片試一試呢🤪牛味好重配埋個醬汁”炸”一聲超級滿足，個鐵板好夠熱力，唔會話食食下唔夠熱煮熟個牛😋

平時經過大埔中心附近有間好開陽的餐廳一直都好想試吓，而且知道佢係新開張的，激勵我去食一餐晚飯。特別一讚餐廳員工非常友善，而且態度殷勤親切，隨即俾咗四杯水我哋。餐牌中西合璧，朋友想吃小菜就揀選了好抵食嘅小菜套餐-乾蔥豆豉雞煲及豉汁蒸倉魚，都只係$168兩款。先來一個紅蘿蔔例湯，清清地也很鮮甜。遠處已經聞到乾蔥豆豉雞煲香味，而且雞件嘅份量都幾多，雞肉肉質鮮嫩，還有些汁可以撈飯，好滋味。平時好少係屋企食住家菜，有條魚食下都好開心🥳，豉汁蒸倉魚蒸得恰到好處，魚肉好爽滑，而且鮮味四溢，又係撈飯一流。套餐包含清炒時蔬一份，我哋就揀選了蒜蓉炒西蘭花🥦，估唔到炒得幾有鑊氣，而且好入味。套餐中點了檸檬蜜暖一暖胃。雞蛋仔是這裏的招牌菜就當然叫了一底，由於即叫即整，所以食落去好香脆可口。朋友就叫了其他菜式，同樣話好滋味，下次一定會再encore。

石燒A4和牛片A4和牛真係值得一試，做到入口即溶的感覺。雖然佢係牛肉片，唔係十分厚身。但以依個價錢食到A4和牛已經係好唔錯喇！石燒飯好有以前鐵板燒的感覺，所有野都熱辣辣，再加上生洋蔥、粟米、雞蛋，樣樣加埋都正正！芫茜忌廉青口炒天使麵如果大家鐘意芫茜味，一定要試試這個天使麵。淡淡的芫茜味加上忌廉汁，味覺享受，口感一流。另一樣要介紹的，係佢的青口，青口數量有成7隻咁多，真係物超所值！好記得細細個同爸爸媽媽去茶餐廳的時候，最鐘意飲黑牛同紅豆冰。今次來到依度有得重溫一下，回味一下細過的回憶😌

見大埔開咗茶餐廳2.0，又見網上有咁多好評，咁就打算試一試佢。佢午餐都有好多款，但係我揀唔啱，所以就叫左佢個特餐。佢個特餐係石鍋雞扒烏冬配甜品雞蛋仔雪糕（$58），都唔算特別平。食物方面，成個鍋都好夠熱，但係佢個湯底冇咩味，好似水煮烏冬咁， 烏冬唔係讚岐烏冬，似平時食開嘅酸烏冬，不過雞扒就大大件幾好食。配料方面，仲有少少金菇同埋白菜仔，如果鍾意食清淡嘅你都應該覺得幾好食嘅。可能開張無耐，依間鋪頭只收現金，唔收信用卡同無得用電子錢包。埋單要留意啦～

Set dinner 蜜糖海陸空(魚,豬,雞) $108包餐湯 飲品 特飲原價減$10份量好大 三款肉質都夠嫩滑 調味都夠 另外有配麻醬沙律菜.特大雞脾扒 $108鐵板上 望落雞皮比較乾身 不過雞肉都嫩燒汁唔係好夠 薯條較粗身 外脆內軟 冇乜鹹味 不過有配埋茄汁.雙層朱古力 +$20 朱古力雪糕幾濃 可惜嘅係唔記得叫侍應遲啲上 嗌完冇耐就上左😅好快溶 冇得當甜品食.乳酸梳打 +$13記得一定要攪得好勻 好夠益力多味.最後嗌左個雪糕心太軟 $25 超級流心 不過如果冇咁甜會更好.埋單唔洗加一不過整體黎講價錢係比較貴 始終見到茶餐廳都會有又平又抵食嘅感覺 所以當佢係一間多國菜餐廳 會平衡返少少😂要讚嘅係服務唔錯 而且2個人坐4-6人卡位都唔洗搭枱 整體食物就不過不失啦～

FYI鐵板羊架餐要等半個鐘嘅 侍應係唔會話比你知要等咁耐 大家如果同檯食飯有人叫鐵板特別係羊架就食慢啲 如果唔係分分鐘同檯食完收埋碟份鐵板都未上 同埋間餐廳未免太睇得起舊羊架 你地舊羊架未厚到要煎咁耐🤗 Btw如果負責人有幸見到個post 建議可以將企門口嘅nice哥哥同樓面個位臭串哥哥交換 畢竟係門口就見到你同事咁臭串我就唔入嚟食㗎啦🤗依世人未試過食一餐飯嬲到依個地步 特登開個account上嚟打依段字 好懷疑門口貼住個張優質旅遊服務計劃認可餐館係點拎到嘅🤷🏻‍♀️

今日放學嚟到大埔食晚餐，經過見到呢間餐廳裝修幾靚，餐牌又真係多選擇，於是一試。我叫咗黑松露帶子意大利飯，黑松露果好重，而且飯粒軟硬適中，都幾好食。常餐火腿奄列10分好味，仲有雞蛋汁添。另外仲叫咗兩杯特飲，雙重朱古力雪糕加朱古力， 10分濃味。另外就叫咗雪糕紅豆冰，又有雲呢拿雪糕，又有紅豆，口感十足。之後睇到雞蛋仔都好似唔錯，所以叫咗香蕉千層雞蛋仔，賣相唔錯，雞蛋仔仲暖同埋幾脆。香蕉份量都幾多，又抵食！