茶餐廳2.0 (Closed)

大埔友周圍搵食，原來昌運中心對面開左間茶餐廳2.0。 個名好特別，食完先知原來真係茶餐廳嘅進化版。 有石燒和牛、心太軟、雞蛋仔、珍珠奶茶都有，誇張吧！有齊中式西式晚餐，同屋企人叫左個中餐【紅燒茄子炆倉魚$78】同【石燒A4日本和牛片100g $168】share食。甘筍湯比預期中濃稠同香滑，好飲喎。紅燒茄子炆倉魚好大條，用左紅燒煮法夠惹味，個汁用嚟撈飯仲正。 茄子明顯走過油，仲保持紫色同鮮甜。期待嘅石燒A4日本和牛片終於上枱，鐵板好熱，要小心！ 係呀，係鐵板唔係石燒嚟架。 不過一睇啲牛就知係日本和牛，啲雪花紋靚到咁，無得呃，而且有兩層，份量都唔少架。 一放落鐵板吱吱聲，牛油香味爆晒出嚟，連隔嚟枱都望住我地。 連埋慢煮雞蛋同甜粟米同飲品，$168個餐係好抵食，有驚喜。兩個主菜都包左好大個飯，真係大食人仕都會好夠飽。雖然好飽，但又好想食甜品，香蕉千層雞蛋仔$38都幾巨型，上面排住一片片香甜嘅香蕉，加埋微脆嘅雞蛋仔，我地係食晒，yummy。 最後同屋企人捧住個肚走。

今日趁早收工，便跟老公去大埔茶餐廳2.0食晚飯。這裡環境光猛又寬敞，設有卡位、有大枱等，十分舒適。現今茶餐廳越開越多， 一間好的茶餐廳，除了口味地道，還要懂得推陳出新。單看茶餐廳2.0的裝潢就知道是一間新派茶餐廳，再細看餐牌更是將傳統美食融合新口味新食材，無論賣相和口味都有驚喜！食物款式太多，幾經掙扎，終決定揀晚餐精選的紐西蘭肉眼扒8oz，配意粉。扒質不錯，夠淋，又有咬感！唯意粉吾夠汁，加茄汁撈搭夠！老公揀龍蝦汁海鮮天使面，龍蝦汁味濃厚，夠黏，配上天使面口感豐富！柚子蜜梳打本來想加個雞蛋仔甜品， 雞蛋仔可加水果、雪糕、棉花糖、珍珠、朱古力棒等配料，但最後太飽了。唯有下次再試！

今日去試左大埔新開既西餐廳，上手原址係去都未去過，依家裝潢設計都好好吸引左我地入去試。睇距地menus係發現有好多吾同種類既食物，完全照顧到吾同既人，兒童餐/素食餐/巴基斯坦餐都有！我地叫左個晚餐「紐西蘭肉眼扒」連餐湯餐飲，另外我散叫左個黑松露帶子意大利燴飯+$10湯連飲品。飲品除左平時飲開，叫餐可正價減$10，我地叫左棒子雪山咖啡同乳酸梳打。棒子雪山咖啡老公話好好飲，我個個就正常。餐湯有中同西式，我地擇左西湯，勁大碗。黑松露帶子飯好好食，吾會流同埋距入面真係好多粒帶子，好似啖啖都有，最後飽到要分少少比老公食，依個飯係清碟既！老公個肉眼扒6成好，有咬口同吾會有根，薯條都係距超愛既粗薯條，距食得好開心，仲話下次要黎再食。大埔新開依間餐廳吾錯吾錯！

今日放工返大埔經過超級城，見到有間新開的茶餐廳 ，叫茶餐廳2.0。個餐牌啲價錢都算係平民化，所以我同朋友一齊入去吃個晚饭。我們叫咗紐西蘭肉眼扒8安士同法式烤焗羊架。 主菜紐西蘭肉眼扒，多肉汁鬆軟易切， 塊肉有8安士份量，都算是大塊，配埋薯菜食落去都幾飽肚。法式烤焗羊架 ，個羊架都算重量級，女孩子真的食吾晒，好彩有朋友share. 切羊架時肉汁流出嚟很juicy!鐵板又熱辣辣，keep 住温度.個人非常着重主菜配的飲品，iced mocha感覺不是一般茶餐廳手調飲品，不會太甜，我同朋友一路嘆咖啡一路吹水吹到人哋收舖。其實他們有set dinner, 我下次要试下先。大埔區又多一間選擇。

今日打算去食飯 點知一向食開嗰間餐廳原來執咗笠 變咗做茶餐廳2.0 見係新開同一場嚟到梗係要食下啦餐廳重新裝修過 裝飾幾有格調 而且多咗卡位坐得幾舒服 不過通道略嫌有啲窄安格斯肉眼扒五成熟煎得啱啱好 而且仲有浸炭燒嘅味道 咬樂肉汁多 肥瘦適中而且份量都算大 薯菜係薯角 炸得夠香脆 蔬菜亦都有用牛油煎過好香口芝士焗肉醬意粉呢度菜十分推薦 因為芝士非常多 完全見唔到意粉 芝士夠鹹香惹味 意粉煮得軟硬適中 加上惹味嘅蕃茄肉醬成個配搭好夾 更加有誠意嘅係用上石頭鍋做器盛 慢慢食都唔會凍曬

今日去大埔一田行街，去買開學用品，見到有新開茶餐廳2.0，所以就同囡囡入去食，雖然叫茶餐廳，但唔係茶餐廳感覺，環境乾淨企理，座位舒適，7點到達還有好多座位，8點已經9成滿座餐牌多元化，有常餐、下午茶、早餐，晚餐、石燒系列、巴基斯坦咖哩系列、兒童餐，竟然仲有雞蛋仔甜品兒童餐有兩款，我地點左卡邦尼意粉+炸薯條+牛油粟米粒+雞蛋仔+蘋果汁（$48）好豐富，卡邦尼意粉份量剛剛好，意粉軟硬適中，食完唔會好滯，而且小朋友食夠晒飽。 美國安格斯肉眼扒（$189）有成10安士，好厚身，點了5成熟，煎得剛剛好，肉味超濃郁，油份不多，肉汁豐富，肉質軟腍，而薯菜係大大條薯條，仲好香脆雙層朱古力（$30）如果朱古力味濃一點會更好

眼見👀呢間開業差唔多一個月嘅茶餐廳🍴，每次經過見佢生意都唔錯👍🏻，今晚就同寶寶嚟呢度食晚飯啦❗️入到餐廳感覺簡潔乾淨❣️今晚叫咗個豬鞍扒🥩（加多左$10要套餐，有餐湯➕餐飲），同埋一個焗肉醬意粉🍝～先來嘅係餐湯～加拿大豬鞍扒 $168塊豬鞍扒好厚啊😍睇見都流晒口水🤤 豬鞍扒嘅生熟度掌控得幾好，入面啱啱熟曬❣️食落唔會鞋，亦唔會太硬，口感唔錯👍🏻 不過塊鐵板就有啲過熱，有半邊菜比塊鐵板燒燶晒🤣 不過好彩主角（塊扒）都冇受影響😝三色芝士焗肉醬意粉 $78第一次見餐廳用一個類似石鍋嘅鍋裝住啲意粉黎焗😯，不過其實食落都係同用普通焗盆焗嘅效果差唔多😆 話明「三色芝士焗」🧀，真係見到有三種芝士🧀喺面頭，豬肉🐷好新鮮，所以口感同味道都唔錯❣️肉醬嘅份量好夠，絕對夠撈晒所有意粉😉最後叫多咗個「雞蛋仔+雲呢拿雪糕」做甜品☺️ $30超驚喜❣️估唔到會整得咁靚☺️ 仲額外加埋朱古力醬同士多啤梨醬俾我地添🤩 熱辣辣新鮮整嘅雞蛋仔食落好香脆😍 而雲呢拿雪糕都好濃好香雲呢拿味❤️，食完呢個甜品🥄先走，超滿足呀💕❗️

星期日一行四人，求其喺附近搵嘢食。呢間新嘅茶餐廳，見到佢都花咗幾多心思去裝修，就排隊拎枱試吓。叫咗佢午餐餐牌嘅四樣嘢，竟然四樣都非常地獄，難得一見！！！我嘅紅酒牛腩飯先上，真係不得了，監躉飯咁樣嘅賣相，一舊圓形嘅飯放一隻碟上面，然後求其放啲牛腩係側邊…味道方面簡直童年回憶返晒黎，係中學時代喺學校食飯嗰啲飯盒，10幾蚊一個嘅味道！唯一嘅差別就係啲汁唔係橙色咁樣！男朋友嘅越式豬肉飯更加係挑戰人體極限，好似沙嗲牛肉飯加隻蛋咁嘅樣！重點係嗰個沙嗲汁，咸到不得了！連飯食都頂唔順！真係地獄廚房當之無愧！好少浪費食物嘅佢都忍唔住要廚房換咗佢。星洲炒米叫正常少少，不過份量係人哋下午茶嘅大細。細佬食蜆肉天使麵，又跌入另一地獄，天使面超級淋，而且完全冇味！見到佢係咁落鹽同落胡椒粉…大廚嘅味覺係咪有事呢？到老竇嘅菜遠牛肉河，老竇話啲牛肉醃到完全冇晒味，鬆肉粉落得太多，佢話完全唔使𡁻…賣$58.個嘅午餐，四個人食咗二百幾蚊，得到嘅味道竟然係地獄嘅出品！完全連影張相嘅心情都冇！老闆竟然可以花咁多錢裝修，然後面對海寶一條街都係茶餐廳咁大嘅競爭底下，依然有勇氣比咁嘅食物出嚟，勁！但呢間野我哋一定唔會再有勇氣食，各位

今日818星期日，一行四人諗住食個lunch先出銅鑼灣，呢間新開咗咁多人都未試過，而且平時見佢早餐時間都唔少人食，諗住試下啦。見lunch餐牌都唔平，58蚊一個餐，但都要等咗陣位，我叫咗A餐越式豬肉飯，size同份量好似下午茶咁，試一啖啲肉，嘩，鹹到喊，再送啖飯食都頂唔順，真係食唔落，即刻㩒制轉咗個F餐星洲炒米，呢個都算正常返，但要我用58蚊食個下午茶份量，又無餐包無餐湯之下，得杯熱飲嘅lunch，中晒伏啦。另外朋友個蒜香欖油天使面評價反而極端到爆，話無乜味，唔知食緊咩，嘩，真經典，其實仲有兩個餐都有問題，唉，其實個廚有無試味㗎？！如果短時間內都無改善，真心祝你生意興隆。

呢排天氣咁鬼熱, 作為"孝順女"梗係叫媽媽唔好咁辛苦煮飯, 出街食!見到附近開左呢間新餐廳, 都幾多人幫襯,咁就同媽媽試下新野啦!6點半去到, 人唔算多. 坐低一陣就坐滿了~餐廳位置前身都係食肆, 翻新後煥然一新~座位亦好舒服!同阿媽出街食飯就最怕D野佢唔岩食, 呢度既野食好多元化, 有炒粉麵飯, 亦有西式D既選擇~晚餐小菜一應俱全, 價格亦親民~常餐都幾吸引, 成set all day breakfast咁~仲有兒童餐, 岩哂一家大細!中湯: 幾清甜, 唔會好油~西湯: 勁足料, 好鍾意飲偏酸既羅宋湯 好濃郁, 好多配菜~豉汁蒸倉魚倉魚蒸得岩岩好! 魚肉好滑~家常野都做得有水準, 送飯一流~!法式烤焗羊架好大份既羊架! 肉嫩多汁, 而且個芥末香草醬都好好味!薯條仲索左D肉汁, 正~跟餐餐飲

叫左兩個天使麵麵身偏淋 味道偏淡唯一比較好係算係多配料海鮮天使麵有蝦 扇貝 青口 魚柳 章魚仔 蜆食物味道上都算不過不失啦但唔知係因為新開定暑假期間啲職員好似都烚吓烚吓好似都唔熟悉餐廳運作想叫佢拎隻湯匙佢行埋黎竟然係問：咩事？侍應既基本禮貌都冇野食行埋黎放低唔出聲環境有啲迫餐具架又好似污污糟糟咁餐具有污跡晚飯時間得一千零一隻湯匙 要專登再問佢拎晚餐黎講百零蚊埋單叫做不過不失唔洗加一晚餐會抵啲 包湯同埋野飲不過應該唔會再幫襯

環境好舒服 唔會好似普通茶餐廳咁迫整體好闊落舒適～～最特別係 有個特別Corner 有雞蛋仔即叫即整即食行過都可以外賣！！呢方面真係充滿香港特色啊～～～餐牌有好多好多款式除左常餐 兒童餐 扒餐仲有幾主打既石窩系列 當然都有小菜套餐啦～晚巿套餐會送餐湯單點的話 另外+$10就有餐湯同餐飲都幾抵食架～～～芝士焗西蘭花 ＄58幾平 但芝士無咩味～羊膝配飯 ＄158好食！！！ 不過單調左D多D配菜就好了！