茶餐廳2.0 (Closed)

呢間餐廳之前有嚟過，d嘢好抵食同埋都好好味，果次主要食中式小菜同鷄蛋仔。今次見到有新嘅泰菜餐單，由泰國人主廚煮理，價錢又唔貴，所以決定揀d泰菜嚟食。 咖喱炒蟹 ($108)蟹嘅煮法可以揀用辣椒膏/咖喱/椒鹽，我哋揀左咖喱炒蟹。咖喱汁好香濃，加入蛋花令咖喱好厚滑，好啱用嚟餸飯。蟹嘅份量有是一隻，蟹蓋有好多甘香蟹膏，蟹身蟹蚶都好多鮮嫩肉。值得一讚係d蟹殼都好容易剝，基本上用筷子都拆開到，唔需要用手去剝。 泰式香葉肉碎炒河粉 ($68)呢道菜材料簡簡單單，但食落好惹味，每啖都食到香辣嘅味道。河粉咬落都好爽滑，加上豆角同肉碎，口感都幾豐富。河粉份量好多，我地食唔晒，打包返去做宵夜啱晒。 金不換炒花甲 ($78)炒花甲可以揀用辣椒膏/咖喱/金不換，因為已經叫左咖喱炒蟹，所以花甲我哋就揀左金不換。一上枱見到都幾驚喜，份量多之外，d花甲都好大隻。用金不換煮花甲係一個唔錯嘅配搭，有淡淡嘅香味，而又可以食到花甲嘅鮮甜味。 飲品點左Thai 2.0 龍眼茶 ($19)同Thai 2.0珍多冰 ($22)，兩樣飲落同好舒服，唔會太甜。

招牌胡椒蟹餐包以下幾樣嘢。1. 招牌胡椒蟹2. 小菜一款(小菜8揀1)3. 清炒時蔬4. 白飯 2碗5. 飲品 2杯首先以238蚊食呢個2人餐係絕對超值，隻蟹都ok大隻，胡椒味够但又唔辣亦很好，粉漿唔多，啲米粉碎炸到脆卜卜，好好吃。而8揀1的小菜仲有金银蛋莧菜，菠蘿生炒骨，金針銀魚蒸雞，沙嗲粉絲蝦煲等……如果我揀一定揀蝦煲，但朋友話，已經有蟹，揀D肉類好D，於是就有了『蜜椒薯角牛柳粒』呢味餸，牛柳嫩滑無筋，好腍，切成『一口牛』狀，更易入口，薯仔，青，紅椒微甜，連帶的汁都有甜味，送飯好好吖，我鍾意。有雞蛋仔食嘅茶餐廳唔係好多，而呢間的『香蕉干層雞蛋仔』更係經典，有圖為證，來到必食。仲有好窩心嘅一樣嘢，用膠袋冚住餐具，keep住衛生

晚餐就在茶餐廳解決吧，選擇多元化，滿足各人口味。餐牌厚厚的，中西餐都有，還有另一個泰菜及飲品餐牌，起初還心想茶餐廳的泰國菜有所保留，但見到好幾枱客人點的菜式賣相不錯，而且侍應跟我們說是最近新推出的，由泰國廚師駐場主理，所以改變主意吃頓泰國菜吧。而且，只要點泰菜餐牌上的主菜，更能以優惠推廣價點一份生蝦刺身，值得一試。生蝦刺身生蝦冰涼，新鮮的刺身，配搭生蒜及辣椒粒，蘸點醬汁吃。性價比高，非常抵食！泰式海鮮炒金邊粉 炒麵醬汁酸酸甜甜，開胃又惹味。四隻大蝦，蝦肉彈牙爽口。金邊粉炒得夠鑊氣，麵條不會糊作一團，份量蠻大份。芒椰派對 透心涼的飲品，芒果加椰汁，有粒粒果肉，雖然芒果肉有點酸，但椰汁飲品本身甜甜的，中和了酸味。真是沒想到茶餐廳的食物質素及性價比高，可以媲美泰國菜館。

黄大仙雖然為舊區，但經多年翻新後，區內大量新屋林立，大商場餐廳愈開愈多，以前既舊區形象已經完全過去，換來既係一個嶄新既黄大仙市中心。黄大仙區當中以現崇山附近最新，鄰近既商場提供各種特色食物，而今日去探朋友之際，再試左呢一間「茶餐廳2.0」，最近仲要有泰國大廚主理新式泰國菜，朋友介紹下一定要試試😎😎1. 冬蔭公海鮮湯河🦐🦐🦐冬蔭公要夠正宗酸辣味道要攞到平衡，呢度可以做到，海鮮配料非常多，特別要讚讚蝦球勁大隻好彈牙☺️☺️青口亦同樣鮮甜，必試👏🏻👏🏻2. 商務午餐T骨牛扒🥩🥩T骨牛扒點左5成熟，配上燒汁。等左大概15分鐘就到左，T骨扒最難處理既地方就係肉質，因為T骨連帶西冷及牛柳，兩邊肉質處理不同，但廚師反而恰到好處，切開入面粉紅，絕對係附合5成資格👏🏻👏🏻👏🏻3. 超厚西多士🍞🍞西多士係茶餐廳必點小食，茶餐廳2.0既西多士絕對絕對係「必推介」產品，多士用上傳統花生醬，而且醬內混合花生碎增加口感，西多士尺寸更比一般厚，足足兩倍多，熱辣辣即叫即炸，絕對要一試🤘🤘🤘

餐廳有好多選擇西餐中式同埋泰式，見佢餐牌寫住正宗泰國大廚主理泰國菜！就試下泰菜啦！價錢一啲都唔貴！咖哩炒花甲花甲好大隻，無沙，都幾新鮮，泰式咖喱偏甜，一啲都唔辣。菠蘿海鮮炒飯原個菠蘿，用新鮮果肉一齊炒，入面好足料，有腰果，提子乾，臘腸，粟米粒，肉鬆，再配上大蝦，青口。夠香口！香葉肉碎太陽蛋飯泰菜必點！夠辣好惹味。芒椰派對，好似食緊甜品咁，同許X山差不多味，果肉好多，食得又飲得，價錢平民。味道都幾正宗！

今日Fatbrown 去吓黃大仙度探人，好耐都冇食過黃大仙嘅茶餐廳2.0啦，次次去茶餐廳2.0都有驚喜，一於以往去黃大仙一定會同友人食下今次去到茶餐廳2.0，見到有一個新系列係食泰國嘢，茶餐廳連泰國嘢都有得食，真係有驚喜喎<肉碎生菜包$68>唔好以為茶餐廳煮嘅泰國嘢一定唔好食肉碎生菜包，同泰國餐廳食嘅一模一樣，肉碎嘅份量仲要多到有成隻碟咁滿，生菜食完都仲有半碟肉碎<美國豬安扒$108>豬安扒比起食專食港式鐵板嘅餐廳更加出色，豬扒煎得啱啱好，唔會太生見血，又唔會熟到咬唔開，豬肉仲要係又淋又有豬味，超好食<鹹魚雞粒豆腐煲$78>次次都勁想食佢個小菜，今次終於試咗啦鹹魚雞粒豆腐煲用石鍋上，豆腐係煎過嘅，所以比較硬身鹹魚份量唔叫多，但足夠調味，雞粒炒過先擺落石鍋，有鑊氣

喺附近返工，見評價咁高分，所以專登走過來試下～環境唔錯，好大間，而且有室外位置，依家天氣涼涼地坐好舒服😌見到其中有一個餐牌係寫住正宗泰國人主理嘅泰式料理同埋泰式特飲，好吸引呀！我哋叫左一杯芒果沙冰同埋thai 2.0龍眼茶，果然係滿滿的泰國風味呀~食物方面點左個香煎法式羊架商務午餐$98，餐有湯同飯/意粉/薯菜，menu寫話有三支骨，嚟到竟然有四支，再加埋意粉，份量係超多，兩個女仔食一碟都得呀！羊架無雪味，d肉夠淋，煎得好香肉又好juicy😋另外仲叫左一個雪糕鮮果雞蛋仔$58，好有香港特色，雞蛋仔又香又脆，撈埋d cream、朱古力醬同雪糕一齊食真係超邪惡！Lunch建議早少少去食，13:30去到基本上全院爆滿！食物選擇好多，西式、港式、泰式台式都有..

茶餐廳2. 0離黃大仙港鐵站三分鐘步程，就在現崇山商場下，就是這一點點的距離，讓這裡比起南北館都多了份帖靜，日落之際 望著獅子山 用膳， 完全是煩惱盡燒。加上泰藉大廚坐鎮， 餐牌 上多了各款泰式食物及飲品，不用去九龍城都可以食泰菜了❤️澳洲西冷🥩跟餐餐湯 忌廉湯 不過不失 ， 西冷肉質軟嫩還有點炭燒的香氣可選擇白飯意粉或薯菜， 配菜青豆和甘筍給的份量也很多 。泰式黃咖哩牛腩🥘黃咖哩個人覺得非常讚牛腩煮得夠淋，d肉一絲絲嫰嫰的椰汁味和咖哩醬配搭得不錯，薯仔又勁好多食，非常下飯菠蘿海鮮炒飯🍍半個菠蘿上檯勁吸引，海鮮配料都幾多，青口，蝦仁🍤，肉鬆等，菠蘿食落好爽口，再加埋泰式 臘腸 ，炒出來的飯香氣逼人，吃起來不單調，呈現出地道泰國風味。既然有新泰藉大廚坐鎮，叫番杯泰式飲品唔少得。珍多冰大大杯，冰涼爽快，超Fresh 啊😍

🌕Hello 我係Moon🌕其實好耐以前聽過朋友講，黃大仙係一個美食沙漠🏜️，今日去親戚屋企，午餐嘅時候決定出去搵嘢食，唔知係咪太耐冇嚟過黃大仙🤭原來周圍多咗好多好嘢食，最後比依間裝修擺設好靚嘅茶餐廳2.0吸引着，佢嘅餐牌價錢都好抵食，就決定食呢間啦🤩我同親戚兩個人一人一個套餐，另外仲要左小食，呢度嘅服務態度好好，落咗單冇耐就已經有餐湯飲，我係南瓜湯🥣，親戚係羅宋湯🍅雖然係午餐時段，但係，上菜速度都好快，好快就已經有得食😍南瓜湯真係好濃郁嘅味道，我好滿意🤩親戚嗌嘅套餐係午餐C，T骨牛扒😋，黑椒汁配飯，上菜嘅時候我都嚇一跳🤯，牛扒比我想像中大好多，兩個人食都夠！牛扒係五成熟，啱啱好，牛扒肉質好滑，好juicy😋，而且筋位唔多，好容易入口！我就係午餐D，羊架要燒汁配意粉🍝，羊架真係好好食😋好嫩滑！真係超級高嘅質素，而且佢嘅份量好多，可以同親戚share食，我哋兩個都對依份羊架讚不絕口😍，唔使$100就食到咁高質素嘅餐，真係好抵食🤩小食方面我哋叫咗咖喱角拼春卷🤩，炸得好香脆，完全食得出佢係即叫即炸，皮脆餡靚，好滿意！🌕Moon Moon對依個午餐真係好滿意呀！🌕

之前係荃灣食過呢間茶餐廳，見黃大仙都有分店就黎試下係咪一樣咁正!同同事放工就過黎食個LUNCH!咖哩雞扒薯菜午餐MENU都幾多款揀，我揀左咖哩雞扒薯菜，可能揀飯/意粉/薯菜，另外亦可以加錢揀農夫包，但因為驚太飽都係揀薯菜~一上檯咖哩味已經好吸引，咖哩汁都俾得幾多，而雞扒份量亦唔少，雞扒煎過所以幾香口，雞肉亦夠嫩滑。伴埋既薯角炸得香脆，點咖哩汁食都好夾~特級T骨牛扒同事A叫左特級T骨牛扒5成熟，切開睇肉質粉嫩，牛扒唔算厚但勝在肉質夠嫩唔韌，好易咬開，而且好重牛味。黑椒汁微辣而帶有香氣，同事表示滿意!蝦膏炒飯同事B見到MENU有泰國人主理既泰菜就即刻點左呢個蝦膏炒飯，仲配埋泰式奶茶。蝦膏炒飯上碟既擺盤都好靚，肉鬆、腰果等配料分佈係碟上，炒飯好香而且粒粒分明，同事食到唔停口，話真係好有泰國既風味。飲品泰式奶茶佢話同普通奶茶既分別就係用既奶唔同，呢杯泰式奶茶既奶味較濃，佢表示非常喜歡咁話~題外話呢度既服務真係超出普通茶記水準，侍應又快手又有禮貌，所以話食野唔只著重食物，環境同服務都好重要，呢間一定下次再黎食!

Li間位於現崇山mall嘅”茶餐廳”由於有户外座位, 都唔係第一次同fd坐出面飲下野🍺食下飯, 原來最近新出左個由泰國大廚主理嘅泰國🇹🇭菜menu, 由小食, 主菜, 冬蔭公至飲品都係出自泰chef之手, 正好慰解下無得飛泰國🇹🇭嘅”鄉愁” 💛.🥢泰式海鮮炒金邊粉 (HKD78)未有圖嘅menu睇下附近食咩先, 平民泰菜代表Pad Thai睇黎係必食嘅, 賣相100%泰國出品, 好大隻蝦, 唧好青檸撈匀花生碎+辣椒粒, 味道豐富, 金邊粉炒得夠腍又帶點彈性, 落足配料份量仲勁多, 3個人share都超多.🥢肉碎生菜包*豬肉🐖* (HKD68)酸mei mei小小辣嘅豬肉碎非常開胃呢! 大廚以多種香料, 葱, 爆得好香好好食. 成座山仔咁多嘅肉碎多到啲生菜差啲唔夠包😂👍🏻. 🥢冬蔭公湯 (HKD78-細)推介😋冬蔭公湯以傳統嘅滑鍋熱住serve, 一路滾住飲勁有風味, 越飲越出汗個隻. 鍋入面嘅配料多到數唔到, 鮮蝦都有6隻咁多, 正!!!!🥢飛天通菜 (HKD58)隨心揀左飛天通菜, 每一箸菜都充滿脆蒜, 辣椒味道, d菜好鮮嫩.🥢青檸梳打 (HKD19)一人一杯青檸梳打解辣解辣🔥.

記得上次朋友帶過我來黃大仙現崇山的茶餐廳2.0，感覺不錯，疫情放寬至4人限聚，今日再相約朋友去支下。餐廳有室內室外的位置，今晚坐室外的人多些，所以我們選擇坐室內位置。店員介紹我們新的Thai 2.0餐牌，全是泰國菜式，我們也正想試試。生蝦刺身 $38店員介紹我們食特價的生蝦刺身$38，原價$88，多來幾Round都唔過份。生蝦新鮮爽口嫩滑，配上泰式特調醬，好有風味。泰式明爐烏頭 $128泰式明爐烏頭份量好足好大條，另附湯底，邊煮邊落湯，味道更香濃，魚肉嫩滑。青咖哩牛腩 $68有驚喜的是青咖哩牛腩十分出色，咖哩味道香濃椰香味重，濃稠度正好，配飯一流，牛腩入味腍軟。小菜套餐欖菜四季豆 $78欖菜四季豆肉碎豐盛，四季豆新鮮爽脆，送飯一流。套餐送白飯、例湯、飲品，有齊曬。

近日疫情好番D，又可以同下小朋友去食野同玩，今次同大小朋友來到黃大仙的茶餐廳2.0。茶餐廳是香港的特式飲食文化，在過去中西交集的土地上，混合了中西式的食物及烹調方式，加上香港人的創意及調教，終於成為獨一無二的餐飲文化。唔知呢個餐廳如果將佢進化到2,0呢?~環境都好舒服，而且有好多戶外座位，需要「呼吸新鮮空氣」的朋友都可以安心。餐牌好多選擇，果然有中西式選擇，同時又有泰式呢~芝士肉醬焗薯皮$48--先來一個前菜，芝士香濃而且又多~好開胃的蕃茄，新鮮焗出來真係正到暈~小朋友就叫左一個石鍋雞扒湯烏冬，呢個一上菜真係滾熱辣辣、小朋友食到讚不絕口呢~烏冬份量都OK，湯也不會太咸。石燒法式羊架--$158 我就好想食羊架，估唔到在茶餐廳都有呢D野食~~WHAHAH真係進化左~一共有3枝羊架，配上熱熱的石板，一「炸」黑椒汁，真係好香呢~羊架好稔又甜，好多羊脂肪，又滑又好味~!真係正薯菜吸左D汁，又係好正的配菜。呢個湯只需要加$10，另外仲可能有埋飲品呀，抵~茶走，是地道的茶香~!雪糕配雞蛋仔---是小朋友的餐甜品，開心到佢呢~

舅父一家住在黃大仙下邨。之前疫情關係差不多半年沒有見面，趁著這幾星期新冠肺炎疫情沒那麼緊張，特意和媽媽去探一探他們一家。之後見時間也不早，在附近找間餐廳和媽媽吃過飯晚餐。茶餐廳2.0位於黃大仙現崇山商場，從地鐵站出發不用五分鐘便到，地點方便就腳。疫情關係，枱與枱之間放了膠板阻隔，而且入餐廳時也需要量體溫，抗炎功夫做足。我們一行二人叫了個精選中式二人套餐一起互相分享。是日中式燉湯(⭐⭐⭐⭐💢)真材實料的老火湯飲起來便知龍與鳳，味道濃郁，有豐富的藥材味，喝起來微微酸的，夏天解暑一流。蜜椒薯角牛柳粒(⭐⭐⭐⭐💢)牛柳粒的份量挺多，一共有10至12粒，吃起來淋身但嚼口。配合蜜糖來一起烹調，吃起來甜甜的，十分惹味。配菜的薯角也十分不錯，即叫即炸的，吃起來還十分脆口。招牌白胡椒蟹(⭐⭐⭐⭐⭐)白胡椒蟹一向是星馬名菜，想不到在香港也能吃到。胡椒蟹炸得十分香口，而且炸粉十分薄身，吃起來啖啖蟹肉。相比起黑胡椒，白胡椒吃起來更加惹味，而且十分能夠帶出蟹肉的鮮味。還要值得一讚的是師父已經是先將蟹殼敲碎，而且輕輕擦肉，吃起來十分方便。清炒時蔬(⭐⭐⭐⭐💢)這個清炒時蔬也十分不錯，不太油膩，中和一下之前吃的肉。

網上見到有人談論這間港式餐廳除了星洲炒米⋯竟然有威靈頓牛柳！因為威靈頓牛柳，所以今天便來一試了。鴨胸沙律鴨胸油香，沙律菜新鮮，配上芝麻汁，酸酸甜甜，很開胃！法式龍蝦湯本來老公對龍蝦湯沒有太大期望，但他竟然也讚好！他表示材料十足，很有鮮味，大讚。卡邦尼煙肉蛋汁意大利粉芝士和忌廉的比例很好，都掛在意大利粉上，吃起來很濃味！最喜歡的是，有豐富的配料，有煙肉、蘑菇等等，吃起來口感十足。威靈頓牛柳這次是我和老公第一次吃威靈頓牛柳，坦白說，在茶餐廳也能夠吃到這道菜是十分驚喜的！酥皮酥脆、配上巴馬臣火腿片將等等,地包場牛柳,算是心機菜呢!而且火喉要控制得很好,幸而,牛柳一切開是肉汁滿滿，沒有肉乾之感。