陸拾六 (Closed)

今日係周圍覓食中今日到左北角依頭，行到攰攰地就是但入左黎啦，入到黎餐廳感覺好舒服，靜靜地可以傾到計，通常去一間未知餐廳都真係好難揀，結果試餐廳既感覺最穩陣既野食，就係炭烤香蔥芝麻雞扒伴溫泉蛋飯，黎到好有意外驚喜，首先佢個流心蛋賣相好吸引，之後個雞係有啲甜甜地，加上成個飯有陣陣香蔥味，好正。題外話，餐廳員工好好，佢地落單既時候，係會問你個飲品係後上定係即上，依個貼心值得鼓掌👏飲品我就㨂左玫瑰咖啡，在於我平時飲咖啡係唔會落糖，所以就覺得今次有甜左小小啦，不過係我自己衰。整體黎講，成餐都係好好體驗，正正正，下次要試下佢個窩夫，因為見到隔離食得好好味咁。

大眾價錢性價比高的下午茶🌟🌟卡邦尼意粉🌟🌟推价一蛋黃芝士醬汁鹹香濃厚，麵質比較有口感。😋😋😋😋推介二🌟🌟珍寶牛肉煎蛋漢堡包半薯條🌟🌟漢堡牛肉非常Juice配合太陽蛋是天衣無縫的👍士多啤梨窩夫，小朋友的最愛，冇乜特別。

近排成日去北角覓食 🔍 見到openrice有好多comment話呢間有抵食lunch set 🤭狸貓梗係唔執輸，慳錢模式模式去食啦💰1點左右去到，要排少少隊，但都可以接受午市套餐最平$68已經有卡邦尼意粉?!?外賣自取另外有8折，差唔多$47有個牛肉漢堡配薯條🍟🥺 《午市套餐·包餐湯·包飲品》🔺️炭烤香蔥芝麻雞排伴溫泉蛋飯 $68 | ⭐️: 4.0/5雞排用日式燒汁煮，味道偏甜，有微微嘅炭烤味。個溫泉蛋特別加分，見唔見到佢晶瑩剔透👀 篤穿個蛋黃，再撈埋個燒汁飯，簡單好味.🔺️特濃豬骨湯讚岐烏冬 配野菜天婦羅 $78 | ⭐️: 4.1/5特濃呢個名無改錯🤣 個湯底真係幾濃味吓，可能對某啲人會太鹹，但我覺得okay😌 因為我更加怕個烏冬唔夠味😉 野菜天婦羅都好足料！卑咗足足6件: 茄子🍆x2/蕃薯🍠x2/南瓜🎃x2 個烏冬已經唔細碗，仲要卑咁多天婦羅，真係食到超級飽—————————————————————Laymao_foodie 小總結：Lunch Set 好抵食！有foodie DM 我話晚市意粉都jeng 🍝 大家不況去試吓～ 佢仲有石燒西冷 🥩 聞到隔離台嗌，真係超級香🥺 可惜我唔

在和富附近的陸拾六餐牌選擇多，有石燒牛又有不同的西餐款式，還有窩夫雪糕之類的甜品。在北角一帶來說算是價錢合理，所以時常都有很多人排隊等位。餐廳內放滿舊玩具擺設，懷舊得來又有點homy的感覺。星期六日的午市也有lunch set，包餐湯/ 沙律、主菜和飲品。因為不想吃太飽，所以沒有選意粉/焗飯之類，點了這份漢堡。質素對得住價錢也符合期望漢堡和煎蛋也是正常發揮，麵包鬆軟，跟餐的薯條炸得香脆，調味亦不會太咸。

依間位於北角嘅日式西餐廳都係我今次其中一樣遇到嘅正野店舖細細 價錢以lunch嚟講唔算好平 但食物好質 味道食材都到位最欣賞係服務 細心有禮令人感覺舒服😌推介俾東區出沒嘅朋友🙌🏻💸 香辣蒜香蜆肉炒天使麵 跟湯/沙律+飲品 $88

呢間cafe食lunch都唔貴... 100蚊以內有湯/沙律... +主菜同飲品... 食物質素都幾好!👏👏👏今日order咗炭烤香葱芝麻雞扒半温泉蛋飯($68)... 廚房推介 - 珍寶雞扒飯($78)!前者半温泉蛋🥚夠嫩滑... 雞扒食落有炭烤風味... 都唔錯!😋😋😋後者珍寶雞扒🐔冇想像中珍寶... 不過雞扒都煎得幾香口!👌👌👌揀咗蘑菇湯🍄... 飲落有粒粒蘑菇蓉... 好味!行開呢頭會再幫襯!😊

帶左囡囡去上堂🏫有1.5小時既自由時間🕜同老公經過見到lunch餐牌都幾抵食🍴望入去座位都算寬躺🪑就走左入去一入去店員好熱情好好態度👍🏻介紹廚師推介👨🏻‍🍳，跟餐餐湯，特飲差價🍹..等先來餐湯（洋蔥忌廉湯🧅）不過不失老公叫左石燒西冷 $88🐂份量都可以🆗配薯角都好食🥔$98係超抵🌕🌕🌕🌑🌑我叫左西班牙海蝦燴飯🦐 $88色水比我心目中爭少少🤏🏻 （我以為係西班牙炒飯既顏色🙈）有5隻蝦🦐 肉質OK不霉，正常size食落係用龍蝦湯燴的🦞 味道不錯👌🏻飯內只有雜豆，有點普通🍂埋單$190 西餐午餐來說 也算🆗值得一讚既係 店員服務態度非常好好好我以為係新開態度先至特別好但原來已經開左4年🆙4年都keep到咁好既服務 好抵讚因為有好既服務 我下次都會再來順帶一提我埋單走既時候(1pm)已經見到要排隊入座想試既朋友仔要早少少啦

以前常來食下午茶，今次是第一次食晚餐。一看普通晚餐餐牌由於不是太吸引，一家五口決定食火山石燒晚餐。雖然價錢不便宜，但即管一試。除了頭盤，主菜之外，還有咖啡或茶。當晚的餐湯是南瓜甘筍湯，非常美味和夠熱，另外點了羊柳和大蝦牛扒。質量非常好但是如果份量能夠多一點就更好。由於那塊火山石非常熱和能夠保溫25分鐘，建議如果選擇任何扒類，要求半熟已經足夠。因為放在火山石上的任何肉類都會很快煑熟。雖然當晚薯條缺貨，但是薯角炸香之後亦非常美味。非常殷勤的服務也應記一功。由於餐廳戶口正在轉移，所以只收現金。

平時都好少試和富道既餐廳，今次終於約到朋友黎試陸拾六既經濟下午茶，我叫左卡邦尼意粉，朋友則叫左burger 配薯條。飲品方面餐飲包熱檸茶熱檸水的，凍檸茶/凍檸水加四蚊，其他飲品如圖既double chocolate or coffee drinks 一律加17 蚊。卡邦尼意粉出奇地多汁唔係乾爭爭，食落唔錯，漢堡包塊漢堡扒好大塊好多汁，食物算高質。相反飲品方面，無論double chocolate or caramel coffee 都係普普通通。整體餐廳環境舒適，食物質素唔錯。

去呢間陸拾六之前，睇左幾個食評都比較正面，所以決定去親身試下係咪伏嘢。聽講之前有人話外邊寫咗下午茶2:30開始，但2:30都未有下午茶餐叫，今日專登望下個下午茶時間，見佢哋用塗改液改咗個時間係2:45開始，咁我2:45分入去，今次就試咗個茶餐。見到佢個餐牌真係簡單得來又唔直接，同以往喺食評見到嘅真係有啲分別，所以叫左個最普通嘅食物，珍寶牛肉煎蛋漢堡包伴薯條，再配杯焦糖咖啡。簡單來講，比我想像中沒有太大驚喜，賣相可以加分，但最重要嗰塊牛完全不合格，當然一個52蚊既餐唔會比到高質素嘅牛，可能下次食石燒西冷或者牛柳會對佢公平啲。至於杯咖啡就比較重奶味，不過咖啡味比較香，所以杯咖啡加返唔少分。環境方面我好滿意，尤其服務態度同埋個整潔度都唔錯，當我哋走嘅時候竟然包場，真係出乎我意料之外。雖然食品並非十分好，但下午茶時段也不至於咁冷清。

和富道真係有好多餐廳，今次食晏晝嚟試到一間好食又掋食既下午茶😋♥ 溫泉蛋卡邦尼意大利粉🍝 $58一上枱熱辣辣已經聞到好香🤩一試食第一啖已經覺得好好味😋意粉軟硬度適中係我鍾意食嘅口感😆♥ 香草烤牛柳🥩 120g $88下午茶食火山燒牛會唔會heavy左d🙈 套餐可以揀要飯定薯條，揀咗飯都配有少少飯素，牛柳可以自行落鹽去燒，之後可以點燒汁食😋肉質鮮嫩雖然唔算話好香，不過配搭白飯嚟食都好味仲冇咁油膩🥰 ♡ 下午茶時段係14:30-18:00，每包一杯嘢飲，都會收返+1服務費，不過咁嘅價錢有咁嘅質素已經好滿意，覺得好抵食😋員工服務態度都好好👍🏻✨不過位置有啲窄

《北角隱世Cafe 服務態度No.1》以為北角得北角匯商場係有嘢食😂，點知行入啲發現呢條街勁多餐廳同Cafe，最後揀左呢間Cafe66食Lunch🤩🥩紐西蘭西冷牛扒 配薯條🍟 💰98（8/10）牛扒係三成熟上 擺喺石上面燒 燒到五成熟啱啱好 好嫩滑 可以沾啲落牛角隻燒肉汁😚 可配薯條/飯 不過薯條就冇乜特別 不過不失啦🦐西班牙式海蝦飯💰88（3/10）完全比個菜式名呃咗🥲以為係西班牙海鮮炒飯 啲飯粒粒都好硬 好似味煮熟咁 同埋唔知點解要落三色豆之一嘅豌豆😭破壞咗成個口感 啲蝦好細隻 而個飯冇乜蝦味之餘 好似落唔夠鹽咁 冇乜味😞☕️棉花糖朱古力 跟餐+💰17（6.5/10）普通嘅凍朱 上面加咗cream 同埋棉花糖做裝飾 味道冇乜特別 色彩好鮮艷 打卡幾靚📸味道👅：6/10（食物質素有待改善）環境☺️：7/10服務🙇‍♂️：10/10 (呢度嘅員工 服務態度好好 由排隊入座到埋單 語氣都好好👍🏻）抵食💸：6/10（Lunch set唔算平）

依間都係我輕食之選，堂食每次都會揀可燒牛，價錢抵本身坐細枱，落左單老板知我地兩個人都係叫左石燒牛就換張大枱比我地牛佢有兩個價今次嘅沙灣菜多左少少醬（食到一半先記得影相）貴啲個set平d 個set薯條唔幼，係我鐘意個款，有茄汁任用百香果飲品酸酸甜甜，解膩有一次性圍裙老板好nice仲主動比張小凳我地放袋

下午茶寫住2點半開始, 準備入去話2點9先有, 諗住落雨就是但喇，入去坐下, 睇下餐牌都差唔多餐牌最底淨係寫特飲加$17, 咁我就問侍應包唔包飲品, 侍應就話包奶茶檸檬茶, 凍飲加$4, 仲有果汁, 特飲就唔好睇餐牌上既價錢, 全部都係加$17咁我兩個小朋友就叫既蘋果汁, 好細細一杯, 味道偏淡到埋單時, 一睇張單, 果汁$10一杯, 我話餐牌完全冇寫, 你職員頭先仲介紹可以叫, 侍應反問邊個職員講, 我話我冇留意, 咁個侍應就已經走咗....我話要影底張相, 同餐牌, 你地完全冇寫要加$10一杯, 依家有商品說明條例, 我一影完佢立刻收走張單同餐牌就走咗去明買明賣, 寫到明寫清楚，加幾多錢係冇問題, 唔寫飲咗你話幾多就幾多...仲要係另一職員介紹時話有果汁但又冇話要加錢, 之後又冇職員認!

今次去Victoria centric staycation，係附近搵下有咩食個快lunch ，搵到呢間喺和富街嘅隱世正嘢。朝早做完嘢，的確想放空下，聽店員推介食咗個廚師推介。要咗杯黑咖啡，啡底厚實夠濃。沙律算係出色，新鮮，汁亦調得剛好。蜜糖薯仔黑椒牛肉粒溫泉蛋飯，88元。要大讚薯仔係靚薯，加上一層蜜糖，無得輸。洋蔥整得唔會好淋，又唔會辛，甜味剛好，又爽口。溫泉蛋就差小小，稍為熟咗啲啲，但都係流黃。牛就熟咗啲，韌咗小小。服務員都好照顧每枱客人，主動問有咩需要，有啲顧客都係熟客。