陸拾六 (Closed)

今日係周圍覓食中今日到左北角依頭，行到攰攰地就是但入左黎啦，入到黎餐廳感覺好舒服，靜靜地可以傾到計，通常去一間未知餐廳都真係好難揀，結果試餐廳既感覺最穩陣既野食，就係炭烤香蔥芝麻雞扒伴溫泉蛋飯，黎到好有意外驚喜，首先佢個流心蛋賣相好吸引，之後個雞係有啲甜甜地，加上成個飯有陣陣香蔥味，好正。題外話，餐廳員工好好，佢地落單既時候，係會問你個飲品係後上定係即上，依個貼心值得鼓掌👏飲品我就㨂左玫瑰咖啡，在於我平時飲咖啡係唔會落糖，所以就覺得今次有甜左小小啦，不過係我自己衰。整體黎講，成餐都係好好體驗，正正正，下次要試下佢個窩夫，因為見到隔離食得好好味咁。