Cafe 8 (Renamed) View

位置在中環碼頭的海事博物館樓上，非常不起眼，只留待有心人發掘了。一進入餐廳，裝修非常休閑舒服，以藍白色做主調，海洋為主題。餐廳還有戶外空中平台座位，對住無敵維港海景，不過華人好少會鍾意，我就坐係室內。餐廳雇用特殊人士，他們勤奮工作，不斷執枱招呼客人。我點了chicken avocado wrap,幾好味，個皮夠乾身。最出色係chocolate muffins，好香朱古力味，切入中間有朱古力流心。Flat White 都好味，幾滑!三樣嘢埋單$160 ,咁嘅環境咁嘅食物質素真係抵食，下次都會去！

在中環，星期六，這𥚃有藍色的餐廳，有現場音樂。點了凍檸茶及三文魚牛角包。味道全部都在水準以上，簡單的味道，卻有讓人感到非常滿足。在這裡放空一下，為下星期叉足電。

本身約左朋友行中上環，曬下太陽，影下頗有特式既塗鴉牆。不過天氣不似預期落雨天呢不過既然約好左相聚，咁改為室內活動上網見雜誌推介依間cafe 一於黎試下環境幾靚自行搵位我同朋友搵左個sofa 位坐--Chicken avocado wrap雞肉同牛油果係我至愛兩者加埋perfect match 熱辣辣既麵包，食材新鮮口感唔錯雞肉份量相對多Sandwich ham and cheese朋友叫左依款賣相都唔錯佢都話好好食沙律菜都新鮮-ChocolateGreen tea latte

很久前已想來這兒吃下午茶，不過之前兩次都沒吃成。今天來看「開心幸運里」，差不多5點才來到Cafe 8，只有1/3位置坐上客人，之後再陸續滿座，還有一兩枱客人要等位。聞說這是一間社企，會請有輕度弱智或傷殘的staff。👍當日眼見確有殘障人士在工作。當你坐下後，有個輕度弱智的女孩幫手拿menu給你，待你到櫃台付款點餐後，她又會端餐點給你。她也很幫得上忙的。另外有個女外國人staff好像腿有點一拐一拐，在廚房做的。其他的有外國人，有香港人，有青年人，中年人。有良心的企業！讚！👍我們叫了一個下午茶餐，三文治set+餐飲。Set裹有一件三文治，忘記內裹是什麼料，記得味道是ok的，上枱時還是暖的；一杯生果，有橙、士多啤梨及哈蜜瓜，很甜，尤其是哈蜜瓜；一小件朱古力布朗尼，不錯；凍檸茶，糖漿另上，甜度自行調教。牛油果雞肉三文治 - 上枱時也是暖的。牛油果加上雞肉，很好吃！😋如果假日來坐下，感覺真的不錯！而且有良心的企業，也真的值得過來支持支持！💪💪💪

一心諗住去碼頭搭船，諗諗下都係食啲野先，碼頭冇乜選擇，最後揀左呢間位於8號碼頭頂層嘅cafe。星期六嘅下午嚟到，唔多人，唔洗等位。因為係碼頭頂樓嘅關係，有個幾有feel嘅屋頂天花，裝修以白色作主調，坐得舒服鬆動。一睇呢張Saturday Lunch嘅紙，A+D/A+C竟然要$90，定價進取得滯呀嘛？但加一個B(Main Item)先爭廿蚊，$110合理好多。咖啡好大杯... 味道都係咁上下，唔識品評。要左芝士波菜蛋批，個批如果用酥皮底應該會好食啲，呢個批底勁難食，好似淋哂嘅餅乾咁。餡都只係一般，偏咸。側邊伴碟嘅菜都幾霉下，勁少汁乾啃有啲難頂，尤其是火箭菜本身比較苦。仲要切都唔切下，下下都成梳/成大塊葉... 好差👎🏻Tiramisu普普通通，雖然冇乜芝士味，但求其入得口就算喇。個菜已經係最冇難度最基本嘅野嚟，都可以咁差，其實不能接受，唔夠新鮮都尚可理解，又冇汁又唔切想點... 個批底咁難食，即係所有同類型嘅批都係咁難食.... 試一次夠喇，冇興趣再嚟👋🏻

靚女Crystal 介紹cafe 8 餐廳。這裏分露天及室內茶座。我點了ice coffee。個橫裝好重碼頭 feel。露天茶座可觀看無敵維港海景。杯 ice coffee沒有提供 liquid sugar。飲落帶點苦味。唔算好飲。但冰凍十足。炎夏嘆 ice coffee。坐露天茶座看小說。好寫意。

公司特登揀左係海防博物館附近嘅Cafe 8 開staff meeting。我行入去嘅第一個印象，就係啲野食真係好貴，例如:一個tart要成$60。不過開會冇杯野飲係隔離，總係覺得差咁啲野，所以我就order左杯熱朱古力。點知個waitress一送杯野上黎，我就即刻「嘩」左聲。個拉花未免太靚啦！!😄我以前一直都未見過咁靚嘅拉花!!! 影左n張相之後，我先捨得飲杯野。杯朱古力入口香滑，同我平時係屋企用粉沖嘅，真係有啲分別。開會開到咁上下，就順便食埋個lunch。今次我order左一份雞肶。份配菜加左少少芝麻醬之後，真係好夾。至於個雞肶都唔錯，裡面嘅雞肉都好嫩滑。唯一我覺得可以做得好啲嘅，就係個雞肶外皮可以再脆啲。下次有機會，我一定要再去嘆多杯熱朱古力，一嘗做中產嘅滋味。

而家香港咩餐廳都話係社企攪,但真正有心貢獻社會,幫助弱勢社群又有幾多?見得太多掛羊頭賣狗肉,今日終於遇到間有Heart的社企Cafe 8聘用的員工多為殘疾,樓面看見比例超過一半看到個個員工都有一個由心笑出黎的笑容,佢地好簡純,間公司如果對佢地唔好,冇咩可能有呢個笑容。佢地個個都好勤力,好有禮貌其中一位員工見我飲long back,主動埋黎問我要唔要攞奶比我,好細心波菜批和咖啡味道不過不失朋友飲的凍檸茶我唔係想介紹凍檸茶,係支飲管!紙飲管我為地球先生多謝你!!社企當然要比一般餐廳諗多一步啦,like 星期日,想過一個寧靜舒適下午,的確是不錯的選擇。Menu 為方便顧客,素食有標誌提示室外有向海坐位,幾靚幾舒服,不過今日大風冇坐。有多款蛋糕,手工啤酒選擇其實呢個位置,大可以做高級餐廳,又望到海,又望到摩天輪,好開心政府願意用黎支持社企

跟朋友在中環一帶逛街，中環真是說大不大，說小不小。到了下午茶時間，我們到處覓食，中環租金貴，食物價格自然也比其他地區貴，我們的目的是又平又靚的下午茶。走着走着，無意中發現碼頭上面有間Cafe ,看上去好像不錯，便決定進去看看。我們猜想這應該是社企類的餐廳，一直覺得社企很有意義，決定要支持一下。其實我不是很餓，所以只點了一杯朱古力就算。誰知上菜時，發現店員連一杯朱古力也做得很用心，上面有小麥形狀的拉花圖案。我欣賞了一會，最後才非常不捨地把朱古力攪勻。朱古力甜度適中，不會太甜而弄得很膩，亦不會太苦。餐廳的環境不錯，食物也不錯，下次有機會還要再來！

多得友人的AIA免費入場卷，又幸好撞正放假天，無理由不去玩吧。入場前先醫肚，Cafe8正正位於中環碼頭8號站樓上，與AIA只是一橋之隔，吃完行過去，非常方便吧。餐廳有室外和室內之分，室內無論是牆身或枱椅、沙發都用純白色設計，非常樸實簡約。樓底很高，屋頂天花呈三角錐體，空間感超廣闊。從天花垂吊下來的不同大小的圓形紙造吊燈，帶點和風雅典氣息。連接室外和室內的大門，則運用天藍色的框架，天然光從透明玻璃窗透射入室內，份外覺得寫意舒服。餐牌食物主要以輕食沙律、蛋批、蛋糕為主。在這裡，叫一件蛋糕、呷一口飲品，配合這如此舒適的環境，自然可以慢活一整天。Sausage roll ($30)腸仔肉卷細細件，外皮不算很厚實，切下去也不鬆散甩皮，烘得夠乾身皮酥。只是肉卷略嫌不太豐厚，豬肉饀溝入胡蘿蔔碎，吃起來味道較清，豬肉味不太突出。再配有小型雜菜沙律，一早拌入少量黑醋，調得酸甜並稱，雜菜也叫新鮮爽脆。Carrot cake ($65)胡蘿蔔蛋糕，用cream cheese分成兩層，芝士味道輕淡不過火，質地挺身細膩，可惜混入的厚忌廉偏濃甜，多吃幾口已經感覺甜膩湧上心頭。至於蛋糕本身，質地乾身粗糙，每切一口都

雖然味道一般，環境亦沒有其他人上載圖片般漂亮，但人情味在這裏比什麼都重要和濃厚！這裏有很多熟客，很多一進門口就和各位侍應們打招呼和談天說地，頓時令我覺得這裏十分溫暖lemon tart並不太好味道，太酸了，餅底亦過硬，冰咖啡卻恰到好處呢！（雖然我要的是鮮奶咖啡，他們落錯單）支持社企，支持不同背景的人

難得紅日休假，與親愛的友人前來享受一下寫意的午餐這間社企餐廳位置比較少人知道，因為是位於碼頭再上，觀景台的位置。餐廳以白色為主，有一道大門通往露天位置，感覺有希臘風格。客人都是於付錢處看menu並落單，之後由侍應送餐。選擇並不算多，但不太貴，而且是很適合brunch or tea time，與朋友閒聊hea下的好地方。我order了fish & potato pie with side salad($68)雖然份量看似細小，不過竟然都幾飽腹呢！焗批容易切開，餡料夠淋夠蓉，連焗批的皮一起吃非常可口，就連旁邊的沙律都蠻開胃的，唯一不足是不太夠熱呢。另外飲品是very berry smoothie ($48)以blueberries, strawberry, banana & yoghurt打成，莓味有，不會酸，略甜，沒有太多"莓渣"，可惜不會令人回味。

在電視劇集裡，見到張強和Henry在一間有個半圓形窗口的餐廳對話。這個窗吸引我，要到此一遊。終於知道是坐落於中環海事博物館樓上的Cafe 8。即使lunch time短，也要和朋友來試試。窗外的日光照進餐廳裡，倍添光明。千層面的粉太腍，肉醬不多，有點辣，但焗得不夠香；不過有很多層沙律的材料挺新鮮，但沙律菜有點苦澀。

Cafe 8 is very nicely decorated. The staff is helpful and well organized. The range of food is wide enough and the coffee is quite good. Prices are very very reasonable. Relaxing place to meet friends.

#teaset HKD60/Cake and Drink🍴中環.全身流住咖啡基因 就算放假都離不開咖啡 我最鍾意係假日 一間舒適嘅咖啡室 望住窗外嘅風景 放空自己 嘆住杯咖啡 一個人享受自由嘅氣息😌有時候 自己一個人也是幸福的 呢間咖啡室 環境好舒適 俾到人一個真正可以放鬆嘅感覺 因為坐嘅位置可以直接望到摩天輪 打風後嘅假日陽光普照望住窗外嘅美景 食住蛋糕🍰飲住咖啡☕️呢啲先叫真正嘅假期😎